رواية قلبها و جموده الفصل السادس 6 - بقلم نجلاء عبد الظاهر

يسر: يوسف، انت هتطلق بنتي؟ يوسف: بس أنا بحبها. يسر: بتحبها وتقوم متجوز عليها؟ يوسف هنا محبش يقول حاجة. يوسف: خلاص ماشي، أنا هطلقها. يسر: يبقى الأحسن بردوا. يوسف: هعمل إيه دلوقتي يا أميرة؟ أميرة: مش عارفة والله يا يوسف. يوسف: خلاص أنا هقولهم طلاق، مش هطلق. أميرة: مش هينفع يا يوسف. يوسف بتعصب: لا هينفع، أنا مش هطلق. وسابها ومشي. جميلة بعياط: شفتي يا ماما كل اللي حصلي بسببه، أنا مش عايزاه تاني يا ماما، مش عايزاه.

يسر الأم: اهدي يا روحي، هو هيبعد عنك. الباب بيخبط. يسر: اتفضل. عائشة: عاملة إيه يا جميلة يا بنتي؟ جميلة: الحمد لله يا ماما. عائشة: بصي يا بنتي، أنا عايزة أحكيلك حاجة ومتزعليش يا بنتي. جميلة: اتفضلي يا ماما. عائشة: بصي يا بنتي، يوسف مش متجوز عليكي. جميلة: إيه؟ مش فاهمة؟

عائشة: دي أميرة بنت عم يوسف، وهو مش متجوزها، هو كان متفق معاها عشان عايز يعرف انتي هتغيري عليه وبتحبيه ولا لأ، هي دي كل الحكاية يا بنتي، أنا عرفت من شوية وجيت حكيتلك. يسر وجميلة في حالة صدمة. جميلة بعياط: الكلام ده بجد يا ماما؟ عائشة: آه والله يا بنتي، يوسف بيحبك وبيحبك أوي. جميلة: متقوليش ليوسف إني أعرف حاجة. عائشة: مش هقوله، متخافيش. يسر: انتي كده مش هتطلقي.

جميلة: لا طبعًا مش هتطلق، وهعمل معاه نفس اللي حصل معايا، وانتو محدش يقول حاجة. الاثنين: إحنا معاكي، مش هنقول حاجة عشان هو عمل كده من الأول وهو السبب. عائشة: نورتي بيتك يا جميلة، اتفضلي يا بنتي. جميلة: شكرًا يا أمي. جميلة: إيه يا يوسف، عامل إيه؟ وراحت حضنت أميرة. أميرة ويوسف اتصدموا. جميلة: أميرتي عاملة إيه، وحشاني انتي والنونو. أميرة: أنا كويسة، أنا والنونو.

جميلة: دايماً يا حبيبتي، المهم أنا داخلة آخد شاور وهنام، يلا باي. يوسف: هي مالها؟ في إيه؟ مش عوايدها تسلم عليكي. أميرة: مش عارفة. مرت الأيام ومعاملة جميلة مع أميرة حلوة وكويسة معاها. جميلة: يوسف، أنا هتجوز زي ما انت اتجوزت عليا. يوسف ضربها بالقلم: انتي هبلة؟؟؟؟؟؟ جميلة بكتم العياط: آه هبلة، أنا هتجوز زي ما انت عملت. يوسف: انتي أكيد اتجننتي. جميلة: آه اتجننت، طلقني يا يوسف. يوسف: انتي طالق يا جميلة.

جميلة بصدمة وشهقات.