رواية قلبها و جموده الفصل التاسع 9 - بقلم نجلاء عبد الظاهر

فارس فك جميله ولسه هيطلعوا لقوا يوسف في وشهم. يوسف بضحك: فاكرين نفسكم هتعرفوا تمشوا؟ جميله: يا أخي أنت عايز مني إيه بقا؟ سيبني في حالي. يوسف: مش هسيبك في حالك يا جميله، أنتِ بتاعتي أنا وبس. جميله: يا يوسف أنا بكرهك، بكرهك أوي يا يوسف، ابعد عني. يوسف: ولو قلت مش هبعد هتعملي إيه؟ يوسف بيقرب من جميله وفارس شده. يوسف: أوبا! أنت مالك يلا أنت؟ فارس: مفيش حاجة اسمها أنت مالك، هه. يا يا يوسف بيه. جميله: أنت عايز إيه مني؟

أنا، ما أنت طلقتني، عايز إيه؟ يوسف: هقولها للمرة الألف، عايزك ليا. جميله: آه عايزني لي؟ بتحبني مثلاً؟ أنت عمرك ما هتحب ولا هتتحب عشان أنت شيطان ماشي على الأرض. يوسف ولسه هيمد إيده عليها، فارس مسكه. فارس: إياك تمد إيدك عليها، أنت فاهم؟ يوسف: وأنت مين أنت عشان تمنعني؟ مراتي وأنا حر. جميله بصراخ: أنا مش مراتك. يوسف: لا هتبقي مراتي. جميله: ولا هبقى مراتك، أنا مستحيل أرجع لواحد قذر زيك.

يوسف: هنشوف يا جميله، وابقى قابلوني لو طلعتوا من هنا، أنتم هنا في جحيم. يوسف خرج وقفل عليهم الباب. جميله بعياط: هنعمل إيه دلوقتي؟ الحيوان ده قفل علينا. فارس: أنا هحاول أفتح الشباك ده وننط. جميله: ممكن أسألك سؤال؟ فارس: اتفضلي. جميله: أنت إزاي شغال مع يوسف هنا؟ وإيه المكان الغريب ده؟ فارس: بصي يا ستي، أنا أبقى فارس العامري، شغال ظابط في الأساس، مش مع يوسف. وأصلاً يوسف باين ضاحك عليكم عشان يوسف بيتاجر في المخدرات.

جميله بصدمة: تاجر مخدرات.