رواية قلبها و جموده الفصل الثالث 3 - بقلم نجلاء عبد الظاهر

يوسف بغضب: انتي إيه اللي جابك هنا؟ هنا بسهوكة: جيت أتطمن عليك، أصلك مشيت فجأة. يوسف: بس مش لدرجة تيجي البيت. وطبعًا جميلة واقفة ودموعها بتنزل منها. يوسف: امشي اطلعي بره يا هنا دلوقتي. هنا: يعني بتطردني عشان دي! ماشي يا يوسف. يوسف: جميلة مالك؟ اهدي، دي معايا في الشغل، اهدي بس. جميلة: هي ليه بتتكلم بسهوكة كده دي؟ يوسف بغمزة: بتغيري ولا إيه؟ يوسف بغمزة: بتغيري ولا إيه؟ جميلة: آه بغير. يوسف: قولتي إيه؟

جميلة: هاا، لا مقولتش، أنا داخلة أنام. يوسف بضحك: طب والأكل طيب؟ جميلة وبتقلد هنا: خلي هنا تيجي تأكلك. يوسف: هخليها تيجي تأكلني بجد خلاص ماشي. جميلة: يوووووسف! يوسف: خلاص خلاص، حضريلي انتي بقى. جميلة: يوه ماشي. وحضّرت جميلة الأكل ليوسف. يوسف: مش هتاكلي معايا؟ جميلة: منا شفت ست الهانم دي، نفسي اتسدت. يوسف: تعالي بس كلي معايا. وأكلوا، ويوسف كان حاسس إن كلام محمد فعلًا صح، هيحبها مع الوقت!

وجميلة بتحب يوسف من زمان بس هو مكنش بيحبها. جميلة: إيه رأيك ناكل فشار وأجيب فيلم؟ يوسف: يلا مستنيكي، وأنا هجيب فيلم حلو ونتفرج. جميلة عملت فشار وسهروا سوا وبعدين ناموا من غير ما يحسوا. في الصباح، جميلة صحيت قبل يوسف، خدت شاور وصلت فرضها وبعدين صحت يوسف. جميلة: يوسف يوسف! يوسف بنوم: أيوة أيوة صحيت. جميلة: قوم عشان هتتأخر ع الشغل. يوسف: لا مش هتأخر، مش هروح أصلًا. جميلة: مش هتروح ليه؟

يوسف: النهار ده فرح واحد صاحبي، فهنروح سوا. جميلة: أنا هلبس إيه؟ يوسف: عامل حسابي، هتلاقي فستان عندك البسيه. جميلة: طيب. يوسف: طيب يلا بقى اجهزي. جميلة: ثواني وهكون عندك. يوسف قام وخد شاور وصلى. جميلة: أنا جهزت. يوسف: وأنا كمان، يلا. وراحوا الفرح، وكان كل الناس بيبصوا على جميلة عشان كانت جميلة فعلًا. يوسف بغضب: هو انتي أي حاجة بتيجي فيكي حلوة؟ أهو بصي، كله عمال يبص عليكي، أعمل إيه أنا بقى؟ جميلة: أنا أعمل إيه يعني؟

يوسف: هنروح. وشدها من إيديها. جميلة: آآآه إيدي. يوسف: محدش قالك تبقي حلوة. جميلة بوجع: أنا أعمل إيه؟ ده انتا غريب يا أخي! يوسف: أنا غريب؟ جميلة: ها، لا طبعًا، ده انتا حبيبي. يوسف: منا عارف إني حبيبك. جميلة: بس يا عم بقى، يلا روحني. يوسف: طيب هروحك وهروح لمحمد عشان عاوزني. جميلة: طيب. وروح يوسف جميلة البيت وبعدها نزل. يوسف وبيتكلم في الموبايل: عاملة إيه يا بنتي؟ _الحمد لله يا يوسف، انتا عامل إيه وجميلة عاملة إيه؟

يوسف: كويسين، المهم هنعمل اللي اتفقنا عليه؟ _أنا جميلة صعبانة عليا بصراحة. يوسف: هنعمل بس وبعدين نشوف جو صعبانة عليكي ده. _طيب يلا وأمري لله. يوسف روح البيت وبيخبط. جميلة: يوسف انتا جيت! يوسف: آه، ادخلي يا أميرة. جميلة بصدمة: مين دي؟ يوسف ببرود: دي مراتي...