رواية قلبي دليلي الفصل الخامس 5 - بقلم نورهان

نور بتوتر: أنا ولا بحبك ولا حاجة، أنا بس كنت متوترة مش أكتر. يوسف: انتي متأكدة؟ يعني مش تعبانة ولا حاجة؟ نور: إطلاقاً. يوسف: صحيح، انتي في كلية إيه؟ نور: آخر سنة في تجارة إنجلش. يوسف يوجه كلامه لعمر: يوسف: عمر، إحنا محتاجين موظفين للتدريب، مش كده؟ عمر: أيوا، بس هي لسه فاضلها سنة. يوسف: مش مشكلة، خليها تيجي. عمر: تمام. نور: انتوا بتقولوا إيه؟ أنا مش عاوزة أشتغل. يوسف: انتي متأكدة؟

نور: أيوااا، وغير كده لازم تاخدي رأيي الأول، مش تتفقوا مع بعض، لا وكمان قدامي! يوسف باحراج: أنا آسف. عمر: يلا يا يوسف. رهف: انتي طيرتي جبهته، مش بس كسفتيه. نور: أنا أعمل إيه؟ انتي مش شايفة هما بيتحكموا فيا إزاي؟ رهف: طب يلا عشان نتمشى. نور: لا، أنا هطلع عشان زهقانة. رهف: سلام. عمر: يوسف، هتعمل إيه؟ يوسف: خلينا الأول في وتين. عمر: عندك حق. يوسف: أنا هروح المطار. عمر: أجي معاك؟

يوسف: لا، خليك انت. أنا هعرف أتعامل معاها، دي مهما كانت خطيبتي وما زالت بنت عمي. عمر: أوكي. في المطار: يوسف: حمد الله على سلامتك يا وتين. وتين برقة: الله يسلمك يا حبيبي. يوسف ببرود: وتين، أنا مش حبيبك، وإنتي عارفة كده كويس. وتين: لي بس يا حبيبي؟ يوسف باقتضاب: وتين، مش عاوز أسمع صوتك لحد ما نوصل. في فيلا يوسف: مدحت بترحاب: حمد الله على سلامتك يا بنتي. وتين: الله يسلمك يا عمو. مدحت بيسلم على يوسف.

مدحت: مش عاوز وتين تعرف إنك نقلت. يوسف: متقلقش، أنا هفضل هنا، وانت عندك حق، أنا لازم أدير الشركة بنفسي. مدحت بفرحة عارمة: انت بتتكلم جد؟ يوسف بيبوس إيده: مقدرش أزعلك مني يا بابا، أنا آسف. مدحت: ولا يهمك يا حبيبي. وتين: عمو، أنا عاوزة أشتغل في الشركة مع يوسف. يوسف: مش هينفع. مدحت مقاطعاً كلامه: ارتاحي بس النهاردة، ومن بكرة تقدري تروحي. يوسف: بس يا بابا. مدحت: يوسف، تعالي أنا عاوزك في المكتب.

مدحت لوتين: اطلعي انتي ارتاحي يا بنتي. في المكتب: يوسف: إزاي يا بابا تخليها تيجي الشركة؟ مدحت: يوسف، انت عارف وتين لو حطت في دماغها حاجة هتعملها، حتى لو عملت شوشرة هتعملها برضه، فتيجي مننا بدل ما تلو دراعنا. يوسف: تمام، أنا رايح الشركة يا بابا. مدحت: متنساش الموظفين اللي هييجوا يقدموا، وابقي عرفني بالجديد. يوسف: تمام يا بابا، سلام. مدحت: في رعاية الله يا حبيبي. في الشركة: يوسف: تمارا (السكريتيرة) ، ابعتيلي عمر.

تمارا: تحت أمرك يا فندم. يوسف: عملت إيه في موضوعك؟ عمر: قصدك على رهف؟ يوسف: أيوا، انت غيرت رأيك ولا إيه؟ عمر: أكيد لا، بس يعني مش قد كده معاها. يوسف: عاوزك توصل لرهف إن بنت عمي جاية، وإننا كنا مخطوبين. عمر بعدم فهم: لي؟ يوسف بابتسامة: الكلام هيوصل لنور. عمر: وهما أصحاب؟ يوسف: وبعد كده هي هتيجي وتقدم هنا عشان مرجعش لوتين تاني. عمر بضحكة: الغيرة بقى، وعميلها. عمر: يوسف، انت واثق إنها هتيجي؟ يوسف: جداً.

عمر: الله على دماغك يا كبير. يوسف بغرور: عارف. يوسف بجدية: يلا يا عمر على شغلك. عمر بخوف مصطنع: انت بتتحول.