رواية كلمة حلوة الفصل السابع 7 - بقلم فيروزة

عايزه ارجع وأشوف عايز مني ايه بعد كل اللي حصل ده. وبعد ما طلقني. ابو شمس: ازاي يا بنتي عايزه ترجعي ليه بعد كل اللي حصل ده. يونس المحامي: قرار غريب جدا يا شمس. شمس: بهدوء ما قبل العاصفه. لازم آخد حقي، وحق السنين اللي فاتت. ولازم أعرف منه حاجة قبل ما أقفل صفحته من حياتي. ابو شمس: أوعي يا شمس ترجعي لواحد زي ده. وبعدين أنا خايف عليكي ومنك. يونس المحامي: هتعملي إيه؟

ابو شمس: لا هي مش هتعمل حاجة وأنت هتمشي في الإجراءات زي ما قولتلك. شمس: بابا، طيب هرجع أفهم عايز إيه. وفي حساب قديم لازم أخلصه معاه، وبعدين هرجع أكمل حياتي وأنا مرتاحة. ابو شمس بحزن: علشان خاطري انسي اللي فات، وابدئي من جديد. شمس بدموع: مش هقدر أبدأ من جديد قبل ما أفهم منه كل اللي فات ده كان ليه وعلشان إيه. ابو شمس: يعني ده آخر قرار؟ شمس: أيوه. يونس المحامي: تمام، أنا هخلص الإجراءات. وأنتي اعملي اللي يريحك.

ابو شمس: تمام يا ابني. شمس: يلا يا بابا. قامت شمس علشان تمشي. لقيت يونس مادد إيده بمنديل. يونس: اتفضلي وامسحي دموعك. أوعي في يوم دموعك تنزل علشان حد ولا حاجة. خليكي قوية. ابو شمس حضنها: وشموسة طول عمرها بميت راجل. يلا يا حبيبتي. شمس: يلا. يونس: مع السلامة. ابو شمس: الله يسلمك. صحيح، كنت هنسى. ابقي تعالي اتغدا معنا بكرة. يونس: ملوش لازمة يا أستاذي. ابو شمس: هزعل منك. لازم تيجي. يونس: حاضر. على خمسة هكون عندكم.

ابو شمس: هتنورني يا غالي. مشيت شمس وأبوها من عند يونس المحامي ووصلوا البيت. وشمس دخلت أوضتها وفضلت تفكر لحد ما نامت. نرجع عن يونس المحامي. يونس قاعد يفكر في شمس. أول مرة يحس إنه عايز يشوف حد تاني بالسرعة دي. لما دموعها نزلت حس إن قلبه وجعه عليها. وكان نفسه يمسح دموعها بإيده. وبعد فترة روح على بيته. يونس يتيم عايش لوحده طول عمره. شمس قامت من النوم، وبعدين أكلت وفضلت قاعدة لحد الليل ما جاه وهي ساكتة. وبعدين نامت.

وتاني يوم صحيت على صوت دوشة بره. خرجت لقيت مامتها وواحدة بتساعدها قاعدين يمسحوا وينضفوا. كان بكرة العيد. شمس: في إيه يا ماما؟ ام شمس بفرحة: ولا حاجة يا حبيبتي. شمس: طيب. ودخلت نامت تاني. على الساعة أربعة كده باب أوضتها اتخبط. شمس: ادخلي يا ماما. ام شمس بفرحة: أنتي لسه نايمة؟ قومي البسي. شمس: ليه؟ ام شمس: علشان العزومة. شمس: طيب وأنا مالي؟ ام شمس: قومي أهو حتى تاكلي لقمة. شمس: حاضر.

ام شمس: طيب ابقي البسي حاجة حلوة وحطي مكياج. شمس: ليه ريحة فرح؟ اخرجي بقى يا ماما وأنا هغير وأجي. ام شمس: البسي فستان حلو. شمس: ماما اخرجي علشان ألبس. ام شمس خرجت وراحت أوضتها هي وأبو شمس. ابو شمس: عملتي إيه يا حاجة؟ ام شمس: بنتك عنيدة. بس ربنا يسهل لها الحال. ابو شمس: أهو يونس ده العريس اللي اتمناه لبنتك. ام شمس: يارب يا حاج يكون من نصيبه. بنتك غلبانة. ابو شمس: يارب.

نروح عند ست البنات. وقفت قدام الدولاب. وبعد شوية أخدت فستان لونه أحمر ولبست وسرحت شعرها. على خمسة الجرس رن. ام شمس: يا شموسة روحي افتحي الباب. شمس: حاضر. راحت ناحية الباب وفتحت. لقيت يونس واقف. شمس: اتفضل. يونس بابتسامة: شكراً. داخل يونس وأبو شمس جاه وقاعد معاه. وشمس كانت قاعدة بس ساكتة. ام شمس جات وسلمت عليه. وبعد شوية قامت ام شمس. وبعد دقيقة نادت على أبو شمس. وفضلت شمس مع يونس لوحدهم. يونس: عاملة إيه يا مدام شمس؟

شمس: قولتلك المرة اللي فاتت شمس بس. وأنا بخير. يونس: آسف. صمت. صمت. صمت. صمت. شمس: طيب هقوم أشوف بابا. يونس: اتفضلي. فضل يونس يلوم نفسه على إنه فضل ساكت لحد. ابو شمس: اتفضل يا بني الأكل جاهز. يونس: تمام. بعد الأكل يونس قاعد شوية وبعدين قال: أستأذن أنا بقى يا عمي. ابو شمس: مانت قاعد شوية. يونس: عندي محكمة الصبح. ابو شمس: طيب اللي يريحك يا بني. شمس: ممكن يا أستاذ يونس توصلني معاك. ابو شمس: رايحة فين؟ شمس: رايحة لنادر.

ابو شمس: ليه يا بنتي؟ ام شمس: لا مش هتروحي. شمس: هروح. أشوف رده لي. وأفهم شوية حاجات وأرجع تاني. ابو شمس: اللي يريحك. شمس: سلام. ابو شمس: يونس خد بالك منها. يونس: شمس في عيني. ركبت شمس العربية مع يونس ووصلت. شمس: شكراً يا أستاذ يونس. يونس: بلاش أستاذ دي. شمس: حاضر. سلام. يونس: هستناكي هنا. شمس: لا اتفضل أنت. أنا مش عارفة لسه إيه اللي هيحصل. يونس: حاضر. اتفضلي اطلعي.

طلعت شمس ويونس فضل قاعد تحت مستنيها. شمس طلعت وفتحت الباب بهدوء. سمعت صوت جاي من أوضة النوم. راحت بهدوء. فتحت الباب. لقيت نادر.