رواية كلمة حلوة الفصل الثالث 3 - بقلم فيروزة

لبست وخرجت. لقيت جواز اخت نادر نايم على الكنبة ولبس فلانلة بحمالات وبوكسر. لفيت من الكسوف، وكنت داخلة أوضتي. لقيت نادر بينادي عليه: "شمس... تعالي سالمي على أمير. انتي إيه مش شايفة؟ شمس بصدمة من كلامه اتكلمت وأنا داخلة الأوضة: "حاضر يا نادر بس عايزك في كلمة الأول." نادر: "ثواني." دخلت الأوضة وأنا زعلانة، إزاي يقولي تعالي أسلم عليه وهو يعتبر قلع هدومه. "إيه قلة الأدب دي؟ استغفر الله العظيم."

نادر بغضب: "مسالمتيش على أمير ومروة ليه؟ ودخلتي على طول، ينفع كده يا هانم؟ شمس بغضب: "وينفع اللي هو عمله ده؟ نادر بغضب: "عمل إيه يا هانم؟ شمس بغضب: "قلع يا نادر! قاعد قلع ومفروض إني أسلم عليه وهو كده. إزاي؟ وإزاي أنت قاعد ويعمل كده؟ نادر بغضب: "إنتي هتفضلي طول عمرك معقدة." شمس بحزن: "بقى علشان بقولك على الغلط إنه غلط أبقى معقدة؟ لو الاحترام عندك عقدة، يبقى أنا معقدة." نادر بغضب: "طيب يلا اخرجي، سلمي عليهم يلا."

شمس بدموع: "لأ، مش هخرج. أنا مستحيل أخرج وهو قاعد كده." بعد دقيقة الباب اتفتح، وداخل منه أمير. أمير: "في إيه يا جماعة؟ مالك يا شمس؟ شمس غمضت عينيها: "مفيش يا أمير." نادر: "أصل شمس مكسوفة منك، علشان كده دخلت." أمير قرب منها: "بقي انتي مكسوفة مني؟ نادر: "أنا هخرج أشوف ماما." شمس بغضب: "إزاي هتخرج وتسيبني مع أمير؟ أمير قرب منها أكتر: "مالك يا شموسة، بقي انتي مكسوفة مني؟

شمس فتحت عينيها: "ابعد عني كده يا أمير، وبعدين البس حاجة كده. عيب." أمير بضحك: "عيب؟ آه عيب صحيح. أمّال لو عملت كده... وقرب منها علشان يبوسها. شمس ضربته بالقلم: "ابعد يا حيوان. يا نادر يا نادر! أمير بغضب: "أنا هوريكي أنا هعمل فيكي إيه على القلم ده." شمس بغضب: "أعلى ما في خيالك اركبه يا حيوان." نادر: "في إيه يا شمس؟ شمس: "أمير قبل ما تكلم، كلمها... دخلت أم نادر ومروة. أمير قطع كلامها: "يا نادر، ينفع اللي مراتك عملته؟

وقال إيه كنت بتقول مكسوفة؟ بعد ما خرجت حولت تبوسني وأنا بعتها عني وضربتها بالقلم." شمس بغضب: "بقي أنا يا حيوان اللي عملت كده؟ شوفت يا نادر الكذب؟ قبل ما تكلم، كان نادر ضربها قلم. شمس بصدمة: "يعني أنت مصدق الكلام ده؟ نادر بغضب: "أمير عمره ما يكذب." شمس بدموع: "طيب ومراتك؟ أم نادر: "بقي انتي يطلع منك كل ده؟ مروة بغضب: "بقي انتي عايزة تعملي كده مع جوزي يا قليلة الأدب؟

شمس بدموع: "اتكلم يا جوزي، اتكلم يا اللي مفروض تكون سندي." نادر سكت. شمس بدموع: "طلقني."