رواية قلوب للبيع الفصل الأول 1 - بقلم فاطمة ابراهيم

ملك أنتي عارفة النهارده إيه؟ عيد جوزنا. قصدك يوم طلاقنا. طلقنا!! أنتي نسيتي اتفاقنا ولا إيه؟ من سنة زي النهاردة اتجوزنا، وفي نفس المكان ده اتوعد أنا وأنتي إن جوازنا هيبقى سنة واحدة بس، وبعدها هنطلق. أيوه عندك حق، أنا كنت فاكرة. بس هو أنا... ملك أنتي كويسة! آه، أنا كويسة جدًا. عن إذنك هروح أرتاح شوية. على العموم مش عاوزك تقلقي، أنا أخدت إجازة من الشغل النهارده واتفقت مع المأذون، وكل حاجة هتبقى جاهزة على بالليل.

نزلت دموعها بقوة، وضهرها لسيف. "شكرًا يا سيف بجد على كل حاجة عملتها معايا، وأنا تحت أمرك في أي وقت." دخلت الأوضة وقَفلت الباب. نامت على السرير ودموعها نازلة بصمت غريب. تليفونها رن، مردتش. رن تاني. ألوو. مقدرتش مرخم عليكم في يوم زي ده. قولولي عجبته الهدية؟ صح؟ شيك أوي القميص اللي اخترتيه دا، أكيد عجبه. ملك! أنتي سامعاني؟ ليه أنا يا ريم؟ اللي بيحصل فيا ده؟ ليه دايمًا فرحتي ناقصة؟ وكأن الفرح بيستكتر نفسه عليا.

ملك أنتي كويسة!! لأ مش كويسة. أنا مكسورة. نفسي اتكسرت من أغلى شخص على قلبي في عز فرحتي. أهدي يا حبيبتي وفهميني حصل إيه. أنتي مش قولتيلي إنه خد إجازة من الشغل النهارده علشان عيد جوازكم ونزلنا أنا وأنتي جبناله هدية. حصل إيه بقى؟ مسحت دموعها وهي بترتشف بوجع. "مطلعش واخد الإجازة علشاني، دا طلع مجهزلي مفاجأة هو كمان." تصدقي إنك نكدية وبومة؟

خلتيني أظلم الراجل كدا. كنت هقول خسارة فيه القميص اللي جبناه. بس مفهمتش برضه بتعيطي ليه. مش تعرفي الأول إيه هديته ليا! حساه في الرومانسية مش أوي. آخره فستان وجزمة. سيف هيطلقني. إيه!!! مكنتش عارفة إن اليوم اللي كنت بتمنى يبقى أحسن يوم في حياتنا، أتفاجئ بأنه بيخطط لنفس اليوم علشان يبقى أتعس يوم في حياتي أنا. يبنتي حرام عليكي بقي. قوليله إنك بتحبيه وأخلصي.

مشافنيش يا ريم سنة كاملة. مشافنيش فيها ولا حس بيا. كلمة بحبك دي أنا قولتهاله بدل المرة مليون في كل نظرة كنت ببصله فيها، في قلقي عليه لما يتأخر، في دعائي ليه لما بيبقى في مشكلة أو أشوفه زعلان، في فرحتي يوم ما تترقى في الشغل، في عيد ميلاده. كل يوم كنت بصحى الصبح أجري على أوضته أبص عليه شوية قبل ما يصحى. كان عندي أمل ييجي اليوم اللي يحبني زي ما بحبه ويحس بيا. عملتي كل دا ومقدرتيش ولا مرة تقوليله بحبك كدا صريحة!

لأ يا ريم، مش أنا اللي كرامتي تهون وأستنى منه شفقة ولا كلمة حلوة. أنا صحيح بحبه، بس مقدرش أعيش من غير عزة نفس وكرامة، حتى لو على حساب قلبي. يعني هتسبيه يطلقك! أنتي قولتيلي إن معاملته معاكي كانت حلوة وبتتحسن يوم عن التاني وبدأ يحبك! يظهر كان شفقة منه مش أكتر. مقدرش ألومه على حاجة. دا كان اتفاق من البداية، مش ذنبه إني حبيته. الذنب ذنبي أنا ولازم أتحمل نتيجة حبي دا. ملك بس أنتي كدا بتظلمي نفسك!

ريم أنا تعبانة. هكلمك بعدين، سلام. بالليل. ملك أنتي جاهزة؟ الناس وصلوا. حاضر يا سيف، ثواني وهطلع. محتاجة أي مساعدة؟ لأ، أنا تمام. طالعة أهو. طلعت وإيديها بتترعش، باصة في الأرض. السلام عليكم ورحمة الله وبركاته. رد صوت واحد: وعليكم السلام ورحمة الله وبركاته. رفعت ملك رأسها باستغراب. أنتي!!