رواية قمر الصقر الفصل التاسع والعشرون 29 - بقلم رانيا حمدان

صقر. مبروك يا صاحبي مش هقولك غير كده. هي كويسة بس الزمن اللي عمل فيه كده. وهي عايزة فرصة. ربنا يتمم على خير يا صاحبي. سليم بفرح. الله يبارك فيك يا كبير. الساعة 8 هنروح بيت نريمان وعايزك جنبي أنت والمدام طبعاً. صقر. إن شاء الله يا صاحبي. قمر. إيه في يا صقري؟ صقر. سليم هيتجوز. ونروح الساعة 8 عند بيت نريمان. قمر. ألف مبروك يا روحي.

بعد وقت في بيت نريمان. اتفقوا على كل حاجة. ونريمان كانت فرحانة من جوه بس مش مبينة. وبدأوا في تحضير الفرح. تاني يوم. قمر صحيت وكانت بتلعب في شعر صقر. صقر. صباح الخير على قمري. قمر. أحلى صباح على عيونك يا روحي. صقر اتعدل وخد قمر في حضنه. قمر باست خده ورجعت لحضنه تاني. قمر. أنا خايفة ومش عارفة لي. هو أنت ممكن تبعد عني؟ ممكن تمل؟ صقر. أمل إيه يا هبلة؟ هو في حد بيمل من قلبه وعقله مع بعض؟

أنتِ قلبي. لو طلعتي أنا أموت بعدها. وبالنسبة للخوف طول ما أنا بتنفس في الحياة عايزك تطمني دايمًا. قمر. بعد الشر عليك. أنا مش بطمن غير وأنا معاك أصلاً. صقر حضنها بقوة. صقر. عارفة أنا بتمنى يكون في بيبي شبهك كده ويكون منك أنتِ يا قمري ويكون شبهك. قمر. إن شاء الله يا روحي. مفيش دقايق وقمر دخلت الحمام جري وفضلت تستفرغ. صقر برا قلقان. وبعد فترة فتحت قمر الباب وطلعت دايخة وفوطة على بقها. صقر مسك إيدها وقعدها على السرير.

صقر. إيه في؟ حاسة بإيه يا روحي؟ قمر. مفيش. أنا كويسة. أنا واخده برد. صقر. بس ده مستحيل يكون دور برد. قمر بستغراب. إيه في؟ صقر. استفرغتي كتير وشك اصفر. تعالي نروح لدكتورة. قمر. أنا كويسة يا روحي. يلا ننزل. تحت. قمر سرحت في كلام صقر. هي ممكن تكون حامل. عند سليم. سليم. السلام عليكم ورحمة الله وبركاته. نريمان بتتكلم في الفون بكسوف. وعليكم السلام ورحمة الله وبركاته. سليم بحب. طمنيني عنك يا جميل.

نريمان ببتسامة. الحمد لله بخير. أخبارك أنت إيه؟ سليم. الحمد لله وبقيت أحسن لما سمعت صوتك. نريمان. دايماً يارب تكون أحسن. سليم. هعدي عليكي عشان تجهزي الكوافير والفستان. نريمان. تمام. عند آدم ومليكة. آدم. ملاكي أنا رايح الشركة. مليكة. وأنا جايه معاك. آدم. جاية فين يا روحي؟ مليكة. معاك أنت. آدم. بس يا ماما مفيش شغل تاني. مليكة. نعم يا عيوني؟ لا يا بابا أنا هروح معاك طبعاً. ولا عايز البت سها تاخدها منك ولا إيه؟

آدم. وأنا مالي بسها ولا غيرها. اقعدي هنا ذاكري عشان امتحاناتك يا شاطرة لحد ما أجي. مليكة. طيب. صقر. قمر أنا رايح الشركة. عايزة حاجة؟ قمر. لا يا روحي. أنا هذاكر عشان الامتحانات. قدامه أسبوع. صقر. ماش يا روحي. خلي بالك من نفسك. قمر. حاضر. مرت الأيام بدون أحداث جديدة. وجه يوم فرح سليم ونريمان. سليم صحي من النوم على صوت المنبه. كانت الساعة 9 الصبح. قام واتصل بنريمان. نريمان بتوتر. صباح الخير.

سليم بحب. صباح الورد على أجمل عروسة. صحيتي ولا لسه؟ نريمان اتعدلت على السرير وقعدت. أيوه لسه صاحية حالاً. سليم. ماشي يا قلبي. قومي كدا صحصحي وجهزي نفسك. وهاجي أخده الساعة 12. عند صقر وقمر. صقر. قمر حضري الفطار لحد ما آخد دوش عشان هروح لسليم. قمر. بس أنا عايزة أروح الكوافير الأول. صقر. هوديك وبعد كده هروح لسليم. بس يلا بسرعة. قمر. حاضر. بعد وقت.

سليم. خدي بالك على نفسك. ولو حصل حاجة كلميني. وأنا على الساعة 8 هكون عندك. نريمان نزلت. ماشي يلا باي. ودخلت على الكوافير. بعد ساعات. مليكة وقمر كانوا لابسين الفساتين. اللي عبارة عن فستان قمر لونه الأحمر منفوش شوية من تحت وبحزام وجزمة بكعب لونه أسود وطرحة سودة. مليكة كانت لابسة فستان أسود سمبل أوي وطرحة دهبي ولبست طوق وجزمة شفافة. كل واحد جه خد مراته.

سليم نزل من عربيته دخل الكوافير. لقي نريمان واقفة وقمر ومليكة جنبها. راح عندها ببتسامة واتصدم من جمالها. سليم بحب. هتجننيني من جمالك. إيه الحلوة دي؟ نريمان بكسوف. عيونك الحلوة. عند آدم ومليكة. آدم. أب أب إيه الجمال ده كله؟ بقولك إيه. مليكة. إيه؟ آدم. يولع الفرح تعالي على بيتنا. مليكة. آدم بطل قلة أدب ويلا بينا. عند قمر وصقر. صقر بغمزة راح حضنها. ده أنتِ بطل بطل يعني. قمر. طول عمري بطل يا صقري.

صقر. طب يلا ونشوف البطل في البيت. في القاعة كانت كبيرة جداً. صقر أخد سليم في حضنه. ألف مبروك يا بطل. سليم حضنه. الله يبارك فيك يا غالي. وحضنه آدم. مبروك يا عريس. سليم. الله يبارك فيك يا صاحبي. سليم ببتسامة وهمس جنب ودنه. بحبك. نريمان بصت له ومش مصدقة نفسها. سليم ونريمان رقصوا سلو. على أغنية حالة حب. سليم قرب منها وحضنها برقة وشالها ولف بيها بحب.

نريمان بصت له بحب. أنا محظوظة بيك. كنت مفكرة إني لما أتزوج هتزوج حد ميحبنيش وعادي. بس ربنا كرمني بيك. سليم باس إيدها. وأنا بحبك يا قلب سليم. وأخيراً انتهى اليوم. سليم مسك إيد نريمان وراح بيها على العربية. والكل أخد مراته وروح. والرجالة ماشيين ورا سليم وبيزمرو وبيزفوه على الطريق. في فيلا سليم. كانت الفيلا كله زينة وشكلها حلو جداً. نريمان. الفيلا تحفة جداً يا سليم. سليم. عيونك اللي حلوة. نريمان. شكراً.

سليم. في واحدة تقول لجوزها شكراً يوم فرحهم؟ سليم. تعالي وأنا هقولك. بعد فترة. مليكة وقمر بدأوا الامتحانات. وصقر مش ساب قمر ودايماً بيساعدها في المذاكرة. ونريمان اعترفت لسليم إنها بتحبه. وقمر ومليكة ناجحين في الكلية. قمر. صقر يا صقري. صقر. اممم. قمر. وجودك في حياتي شيء صعب يتوصف. وأنا أدمنت حبك كشخص أدمن هيروين ولا يستطيع أن يتعالج. صقر. أحببتك كحياة والحياة لا تنتهي إلا بالموت. تمت بحمد الله.