رواية قمر الصقر الفصل الثاني عشر 12 - بقلم رانيا حمدان

صقر كان في دنيا تانية وحس بإحساس غريب. صقر. ممكن عشان خاطري. قمر. اتفضلي ادخلي المدرج وأنا هحل المشكلة وهجي. صقر. بس. صقر. مش بحب أقول الكلمة مرتين. على جوه. في مكتب العميد. صقر داخل وقعد قصد العميد. العميد. إيه حصل يا دكتور صقر؟ صقر. الأستاذ كان بيشوف نفسه عليا وهو ما يعرفش أنا مين. مراد. حضرتك أنا ما كنتش أعرف أنت مين وعادي دفعت عن قمر.

صقر بعصبية لما سمع اسم قمر على لسانه. أول مرة وآخر مرة تقول اسمه على لسانك بعد كده. وتفضل بره. العميد. معلش يا دكتور وأنا آسف على اللي حصل. صقر. تمام. في المدرج. صقر بدأ شرح وقمر كانت مركزة معاه جداً وأول مرة تفهم المادة. بعدها خرجت قمر مع صقر على الشركة. في الشركة. صقر. تعالي يلا اركبي الأسانسير. قمر. أحم أنا هركب على السلم معلش. صقر. أنا مش بعزم عليكي أنا بأمرك. قمر بخوف. طيب. في الأسانسير.

قمر حاولت تقرب من صقر لحد ما مسكت إيده وغمضت عيونها. صقر شاف توتر قمر ومتكلمش وكان مبسوط من قربها ليه. قمر. آسفة بس بخاف أركب أسانسير. صقر. تمام. في مكتب صقر. اتصل على قمر. صقر. قمر. قمر وهي ترد بسرعة. أيوة يا فندم. صقر بجدية. هاتيلي عقود شركة A.H.R الألمانية وابعتيلي آدم دلوقتي على المكتب. قمر بجدية. تحت أمرك يا فندم. حاجة تانية؟ صقر بجمود. لا اتفضلي. قمر دخلت مكتب آدم. قمر. آدم بيه صقر بيه عايزك في المكتب.

آدم. قمر أحم ممكن طلب؟ قمر. أكيد اتفضل. آدم. هو بعيد عن الشغل وبصراحة عايز أعرف مين البطل اللي كان عندك يوم ما جينا نطلب إيدك. قمر. قلت بضحك قصدك على مليكة؟ آدم. وكمان مليكة. هي في حد في حياته؟ قمر. لا مفيش يا سطا. آدم. أشطا هكلمك بس أروح أشوف صقر بدل ما نترفض كلنا. آدم وهو يقتحم مكتب صقر بمرح. آدم. إيه يا ابني طلبتني لي بس وربنا وحشتني يا صقري.

صقر بتهكم. صقري. والله لولا إنك صاحبي الغتت للأسف أنا كنت دفنتك مكانك دلوقتي. آدم بضحك. إيه يا عم بهزر يا رمضان مبتهزرش. ثم قال بتنهيدة. عاوز إيه صح؟ صقر بجدية. مفيش عايز أعرف هنعمل الاجتماع إمتى مع شركة A. H.R. آدم بتفكير. خليه بكرة الساعة ٣. صقر بتحذير. أي تأخير الاجتماع ملغي وتلغي التعاقد مع الشركة كمان. آدم بإيماء. تمام. ليتابع بمرح. بس إيه الحلاوة يا ابني على الصبح. أكيد الموظفات عاكسوك ولا عشان حد تاني؟

صقر بغضب. بررررة يا آدم شوف شغلك وإلا أعتبر نفسك مطرود. يلا برررة. آدم وهو يخرج مسرعاً بخوف من صقر. ه عمره ما هيتغير. يا ميلة بختك يا آدم يا حظك الأسود في صاحب عمرك. صقر بصوت عالي. آدم أنت لسه هنا؟ آدم. لا وربنا خرجت خلاص. وجرى بسرعة على مكتب قمر. آدم. قمر مرت أخويا المستقبلي. قمر. نعم يا أخويا. آدم. عايزك تظبطيني مع مليكة. قمر. أنت وقعت ولا إيه يا ضا؟ اجمد كده. آدم. يا ستي أنت مالك أنا وقعت أيوه واعملك اللي عايزاه.

قمر بتفكير. أي حاجة أي حاجة. آدم. أي حاجة يا ستي. قمر. بوكس شكولاتة كبير وآيفون. آدم. مدى يعني. قمر. إيه موافق ولا إيه؟ آدم. يعني أنتِ عايزة تاخدي الراتب كله ولا إيه؟ قمر. أوعى تكون بخيل. إحنا مش بنحب كده أبداً. آدم. موافق يا أختي موافق. بكرة هيكون عندك. قمر. أشطا وأنا بكرة هجيب مليكة الشركة. صقر من الخلف بعصبية. وهي الشركة بقت كافيه ولا إيه حضرتك منك ليه؟ آدم. هاا لا مفيش سلام. صقر. إيه يا آنسة قمر يلا عشان ماشيين.

قمر. بس لسه بدري. صقر. هنروح نختار الفستان والقاعة. قمر. أحم. صقر. نعم؟ قمر. بصراحة أنا زي أي واحدة بتحلم بيوم فرحها ولازم مليكة تكون جنبي دلوقتي. ممكن نعدي ناخدها؟ صقر…؟