رواية قمر والميم دال الفصل الثالث 3 - بقلم امنيه يوسف

رجع رعد تاني لقاها قاعدة على السرير وقالت بحب: "رعد أنا بحبك، ارجوك ما تبعدش عني." اقترب رعد منها وفجأة قال لها: "قمر افهمي أنتِ صغيرة." أخذها من يدها وقعدوا تاني وقال رعد بهدوء: "بصي يا قمر، أنتِ لسه طفلة." قالت قمر بـزعل: "لا أنا مش طفلة يا رعد، أنا عندي 15 سنة ومرات عمي قالت لي كده." قال رعد بهدوء وغضب من أمه:

"صغيرة برضو. قمر أنتِ مفروض تشيلي الحب ده من قلبك عشان حرام، إحنا مش متجوزين كده. ثانياً أنا عايزك تفكري في تعليمك، عايزك تبقي أحلى دكتورة، فاهمة يا قمر؟ أوعي تفكري في الموضوع ده تاني ويلا على أوضتك." فعلاً راحت أوضتها وهي زعلانة من رد فعله، بس بتفكر. هو عنده حق، بس برضو هي بتحبه ومتأكدة إنها بتحبه. قعدت على سريرها بقلة حيلة. تاني يوم كانوا كلهم قاعدين على الفطار وفجأة قال رعد: "أنا هسافر يا أبوي." أبوه بصدمة:

"تسافر؟ تسافر ليه؟ قال رعد بهدوء: "أنا عايز اعتمد على نفسي وأبعد عن شغل الأرض شوية يا حج." أبوه بهدوء: "تمام يا ولدي، تروح وتيجي بالسلامة." قالت أم رعد ببكاء: "وعاوز تسيب أمك يا رعد وإخواتك؟ كفايا أخوك اللي سافر وما رجعش لدلوقتي والغربة عجبته." راح رعد باس راسها وقال: "أنا رايح شغلي يا ما، متنسيش إني محامي وعايز أشتغل بالمهنة دي." أمه بدموع: "ربنا معاك يا ولدي." بص رعد على قمر لقاها بتبكي. أخد نفسه وطلع على أوضته.

وفعلاً بعد أسبوع كان سافر تحت صدمة قمر وحزنها. بعد خمس سنين. فضلت أكتر من خمس سنين حزينة. هي دلوقتي بقيت في طب بشري، بس متخطتش حب رعد ولا شالته زي ما قال. بس يا ترى هو حبها ولا حب واحدة من بتوع مصر؟ كانت على طول بتفتكر في السؤال ده لغاية ما دخل عليها عمها وقال: "تعالي يا بنتي، جوزك جه تحت." وقفت بصدمة وفرحة. وفعلاً نزلت مع عمها وهي قلبها بيطير من الفرحة. شافته أخيراً بعد خمس سنين.

كان رعد واقف ومبهور من قمر اللي بقت فعلاً قمر. ابتسم في نفسه وسلم عليها عادي. عدى الوقت بسرعة وهما الكل قاعدين كلهم والفرحة مالية البيت. قال أبو رعد: "رعد تعالي عايزك." ودخلوا الأوضة. أبوه: "بنت عمك يا رعد." رعد باستغراب: "مالها؟ أبوه: "هتتمم جوازك عليها."