رواية قمري الفصل الثامن عشر 18 - بقلم ملك السيد

شهد .. بس بقا يبنتي وكان هيعمل إيه. قاطعهم صوت ضرب نار. قمر انتبهت للصوت بسرعة. قمر .. اعععععع زينو. طلعت تجري عليه. مراد طلع يجري ورا الشخص اللي ضرب نار ولكنه كان راكب عربية ومشي بسرعة ومراد ملحقهوش. قمر بعياط .. زين زين حبيبي، انت كويس؟ زين وماسك مكان الرصاصة .. اه يا قمر كويس. متخافيش. مراد وهو بينهج .. ملحقتهمش ولاد ال***. زين .. قومني يا مراد. مراد ساعد زين إنه يقوم. زين سند على مراد.

قمر بعياط .. بسرعة ع المستشفى. شهد .. قمر اهدى هما مش ناقصين توتر. قمر .. اهدى إيه يا شهد انتي مش شايفة إيه اللي بيحصل. زين أخدها في حضنه بإيده التانية .. خلاص يا قمري أنا كويس. مراد .. يلا. وذهبوا إلى المستشفى. زين وهو يفقد الوعي بسبب الدم اللي نزفه .. قمري اجمدي ها أنا سايب راجل. وغاب عن الوعي. قمر وهي تمسك دماغ زين .. اععع، مراد الحق ده غاب عن الوعي. مراد .. خلاص خلاص وصلنا أهو.

ونزل مراد بلغ الطوارئ وجاب ترولي وشالوا زين ودخلوه غرفة الطوارئ. الدكتور وهو بيفحص حالة زين .. ده لازم يخش العمليات حالا يلا. وبالفعل أخذوا زين وذهبوا إلى غرفة العمليات. قمر .. هو إيه اللي بيحصل ده. واترمت في الأرض وقعدت تعيط كتير لحد ما اغمى عليها. شهد .. اعع الحق يا مراد. ونزلت على الأرض بتحاول تشلها ولاكن معرفتش. مراد شلها وجت ممرضة دخلتها غرفة.

وشوية ودكتور جه وكان بيكلم الممرضة .. ركبلها محلول تمام واعمليلها التحاليل دي. وأداها مهدئ. الممرضة .. تمام يا دكتور. مراد .. هيا عندها إيه. الدكتور .. انهيار عصبي. بس احنا هنعملها اللازم وشاكك في حاجة كدا بس هاكد مع التحاليل. شهد قعدت جنبها وعيطت. الدكتور طلع من الغرفة. مراد .. شهد حبيبتي اجمدي مينفعش كدا. شهد .. مراد هو إيه اللي حصل ده قول لي إني بحلم نبي. مراد .. شهد حبيبتي اجمدي وخليكي مع قمر وأنا هروح أشوف زين.

شهد .. ماشي. عند زين. الدكتور طالع يجري من الغرفة بسرعة. مراد .. فيه إيه يا دكتور. الدكتور بصوت عالي .. جهاز الصدمات بسرعة. مراد .. إيه صدمات إيه هو حصل إيه. الدكتور .. القلب وقف. مراد .. ااايه. جه ممرض بسرعة بالجهاز اهو يا فندم. ودخل الدكتور غرفة العمليات وساب مراد في وسط زهوله. مراد .. قسما بالله يا زين منا سيبهم. مراد وهو يتصل بحد من المخبرات .. الو... الو أيوا يا فندم.

مراد بحدة .. هديك رقم عربية تشوفلي هي فين حالا فاهم. تمام يا فندم. مراد .. رقم العربية *** تمام تجيبهالي دلوقتي. حاضر يا فندم اديني ساعة بس. مراد .. لا مفيش ساعة قدامك أقل من نص ساعة وتكون جيبالي المكان مفهوم. وقفل. عند قمر وكان ابتدت تفوق. شهد .. قمر يا حبيبتي انتي كويسة. قمر وهي تمسك دماغها .. ااه هو هو أنا فين. ثم افتكرت ماذا حدث. قمر وهي تقوم من السرير .. زين زين فين هو عامل إيه.

مراد .. اقعدي يا قمر. زين كويس متخافيش. قمر .. بجد يا مراد يعني هو كويس طيب طيب هو فين دلوقتي أنا عايزاه. مراد بكذب .. هو في الغرفة اللي جنبك بس قال لما تخلصي المحاليل الأول أخدك ونروحله. قمر وهي بتبص له .. بجد ولا بتكذب عليا. مراد .. لا هكذب ليه. وطلع مسرعًا من الغرفة. قمر .. أنا مش مصدقة لازم أشوف بنفسي. شهد بزعيق .. اقعدي يا قمر بقا اقعدي هو طمنك عليه اهو عجبك يعني كدا المحلول وقع.

وقامت ندهت الممرضة لكي تركبه مرة أخرى. قمر في نفسها .. والله انتو كدابين أنا حاسة إن زين مش كويس بس خلاص المحلول يخلص وهقوم أشوفه. بعد شوية. شهد طلعت لمراد. قمر للممرضة .. ممكن أقوم صح. الممرضة .. طبعًا بس الأحسن ليكي تقعدي ترتاحي. قمر .. لا لا تعالي بس شيليلي بتاع ده. وبتشاور على المحلول. الممرضة .. حاضر يا فندم. وشالته بالفعل. طلعت قمر من الغرفة وسألت ممرض معدي .. هو غرفة زين الشافعي فين.

الممرض .. لا هو زين الشافعي في العمليات. قمر بعياط .. إيه في في العمليات طب طب ونبي طمنيني عليه حالته ماشية إزاي. الممرض .. هو الرصاصة جت في مكان جنب القلب بحوالي ٦ سم ف ده أضعف وظائف القلب وعملناله صدمات كهربائية بس هو حاليا حالته مش مستقرة. بعد إذنك. وساب قمر في وسط زهولها وصدمتها. مراد راح لغرفة العمليات وقاعد متوتر. شهد من الخلف .. حبيبي هو زين تعبان ولا إيه. مراد .. زين قلبه وقف ولحد دلوقتي محدش طمني يا شهد.

شهد بصدمة .. إيه ع عشان كدا طلعت بسرعة من الغرفة. مراد .. اه مينفعش قمر تعرف هتبهدل الدنيا. قمر من الخلف .. اديني عرفت. شهد بصدمة .. إيه ده انتي مين طلعك من الغرفة يابت انتي. قمر .. أنا أنا كنت حاسة إن زين مش كويس والله. وقعدت تعيط. مراد .. اجمدي يا قمر. قمر قعدت تعيط وتدعي أن زين يبقى كويس وقعدت تصلي وتدعي. وبعد بضع ساعات. قمر بعياط .. أنا قلقت عليه أوي يا مراد. مراد .. ربنا يستر باذن الله هيبقى بخير.

وقاطعهم صوت الدكتور وهو خارج. مراد وقمر وشهد جريوا على الدكتور. مراد .. زين دلوقتي عامل إيه يا دكتور. الدكتور بضحك .. مش تقول إن صاحبك ظابط وبسبع أرواح. مراد بص له باستغراب. قمر .. هو معلش إيه اللي بيضحك. احنا دلوقتي بنسأل ع الحالة.

الدكتور باحراج .. احم أسف الحالة بقت كويسة والحمد لله. أنا الرصاصة جت في مكان بعيد عن القلب شوية هو اه أضعف وظائف فيه بس مع العلاج هيتحسن وهو حاليا حالته كويسة وهيتنقل ل عناية أول ١٢ ساعة وبعد كدا هيتنقل لغرفة عادية بعد إذنكم. قمر بارتياح .. الحمد لله. شهد .. اه الحمد لله يا حبيبتي ربنا يقومهولك بالسلامة. قمر .. يارب. مراد .. طب أنا معايا تليفون خليكم هنا متتحركوش. البنات بصوا وهزوا رأسهم بموافقة. مراد .. الو.

أمجد .. مراد زين عامل إيه. مراد .. احم هو حضرتك عرفت. أمجد .. اه يا مراد عرفت من المخبرات. مراد .. هو حالته دلوقتي مستقرة وبقا كويس متقلقش. أمجد .. بجد. مراد .. أيوا والله متقلقش وأنا معاه. أمجد .. طيب تبقا طمني عليه تمام. واول ما زين يفوق انتقلوا فندق تاني بقا أو سافروا أي حتة تانية. مراد .. حاضر. وقفل أمجد. عند زين كان دخل العناية بس ابتدأ يفوق. قمر .. والله أنا هخش ومش هعمل صوت.

الممرض .. يا فندم والله مش هقدر أدخلك الدكتور مش مدينا تعليمات بكدا. قمر .. يعني إيه يعني أنا عايزة أدخله اوعى كدا. الممرض .. يا فندم والله مش هينفع. الدكتور من الخلف .. دخليها. قمر بصت له .. شكرا. الدكتور بإعجاب .. العفو. قمر وهي تجري على زين .. وحشتني أوي يا بابا. ومسكت إيده وقعدت تعيط. زين وهو بيحاول يمسك يدها .. حبيبة بابا أنا كويس. قمر وهي تمسح دموعها .. بجد بجد انت كويس.

زين أخدها في حضنه .. اه حبيبتي أنا كويس متقلقيش. مراد وشهد .. يا واد يا واد يا رومانس. زين .. اهو نققوا ده اللي جابني لورا. جميعهم ضحكوا. قمر بتمثيل العياط .. زين الواد ده زعقلي. مراد بصدمة .. أنا. زين وهو يقوم وبيمسك مراد بعصبية من رقبته .. انت عملت كدا فعلاً. شهد .. يالهوي هيموت الواد اللي حياتي يخربيتك. قمر .. زين يا زين اقعد أنا بهزر. زين وهو يسيبه .. اه بحسب. مراد .. ينعل أبو هزاركم انتوا الاتنين.

زين .. بتقول حاجة يا مراد. مراد .. لا ابدا. وشوية وطلعوا وزين بقا حالته أحسن والتحول لغرفة عادية. مراد .. انت متأكد من الاسم اللي قولتهولي ده. أيوا يا فندم. العربية دي تبع ***. مراد .. تمام. في غرفة زين. مراد .. زين اللي كنا خايفين منه حصل. زين .. إيه الراجل بتاع العملية الأخيرة. مراد .. أيوا. زين .. يعني هو كان قصدك انت. مراد .. أيوا بس طبعًا بما إني عريس وكدا صاحبي قال يوجب معايا.

زين .. قسما بالله أنا لو كنت أطول أحطك في وش المسدس كنت عملت كدا. مراد .. بيعملني بطيبة وإحساس. قمر .. هو مين حبيبي. الحقي يا شهد ده بيخونك. شهد .. هي مين دي يا مرااااااد. مراد .. لا اهدى انتي هتسمعي كلامها ولا إيه. زين .. على فكرة الواد ده خاين. مراد .. بس يعم أحسن هتصدق. شهد ضحكت .. لا مش للدرجادي أنا أصلاً سمعتكم وانتوا بتتكلموا. قمر .. زين انت رايح فين. زين .. أنا مبحبش جو المستشفيات ده. يلا أنا عايز أروح.

مراد .. بس الدكتور مكتبش على خروج. زين .. وهو من امتى أنا بستنى حد يعمل حاجة. قمر .. بس كدا غلط يا زين خطر عليك. زين وهو بيغمزلها .. طول ما انتي جنبي مش هيبقى في خطر. شهد .. يالهوي ع التثبيت يا جماعة. مراد .. نعم بروح أمك. شهد .. ولد عيب. وبالفعل الدكتور جه وكتب على خروج لزين غصب عنه وكتبله علاج وحمل زين المسؤولية لو تعب أو حصله حاجة وذهبوا جميعهم إلى الفندق مرة أخرى. وجميعهم طلعوا جناح زين. زين .. قالولك إيه.

مراد .. ولا حاجة بس أمجد قالي لازم نسافر مكان تاني أو نغير الفندق. زين .. لا فكك هنقضي اليومين بتوعنا وهنمشي. هو طالما شاف فيها دم وحوارات هيهيقلق ومش هيقرب تاني. مراد .. يخربيت جمودك يا جدع. زين .. مش جمود ولا حاجة انت بس اللي عيل خرع. وقفل الكلام عشان البنات جيه. البنات وهما يحطوا عصير. شهد .. عجبك كدا بوظت السفرية. زين .. المفروض تشكريني أنا فديت للأخ اللي جنبك ده. مراد .. حد قالك تخاف عليا يا بيبي.

زين .. غور ياض انت وهيا أنا عايز أرتاح واقعد مع مراتي. مراد .. وأنا كمان والله. وغمز لشهد. يلا يا مراتي. واخد شهد ومشيوا. زين .. هههه غمـه وانزاحت. قمر .. زين أنا خايفة عليك أوي. زين وهو يخصها في حضنه .. متخافيش يا حبيبتي. قربي خايفة ليه. قمر .. عشان الجرح. زين .. لا تعالي الناحية التانية. واخدها في حضنه وقبل رأسها بحنان. عند أم قمر ونادية. نادية .. قلبي وجعني أوي يا أم قمر. عايزة أكلم العيال وحشوني.

أم قمر .. يا شيخة اهدى بس هما بس عشان وحشوكى بس متتوهميش نفسك هما بخير الحمد لله. نادية .. والله وأنا أكرهلهم الخير يارب يبقوا كويسين فعلاً. أم قمر .. اهدى بس هيبقوا بخير وبعدين دول عرسان مش عايزين نفضل نزن عليهم بقالنا. نادية .. على رأيك. تعالي نتفرج على التلفزيون. أم قمر .. يلا يا أختي أهي حاجة تسلينا. عند مراد. شهد دخلت لبست كاش مايوه قصير وفردت شعرها. مراد .. أخيرا بقيتي معايا يا شهودتي.

شهد .. بطل لكش بقا منا معاك طول النهار. مراد .. لا انتي دلوقتي بتاعتي أنا وبس لاكن طول النهار مش شايفينك معايا. شهد .. اسكت يا مراد أنا اتضايقت أوي على اللي حصل ده. مراد .. لا حبيبتي متشغليش بالك ده واحد كدا من الأعداء ملناش دعوة بيه. شهد .. امم. مراد وهو يقرب منها .. طب إيه. شهد .. إيه. مراد جذبها ليه بقوة وقعت عليه وهو نايم. مراد .. وحشتيني. وهو يمشي إيده في شعرها. شهد .. وانت كمان. مراد قبلها من عنقها بلهفة.

ثم ذهبوا إلى عالمهم الخاص. تاني يوم. الباب كان بيخبط على جناح زين. قمر .. يبوووه بقااا أنا مش. زين وهو يحط إيده على فمها .. شش هتفضحينا. اسكتي أنا هقوم أفتح. زين فتح الباب. زين .. نعم. كان حد من الفندق .. احم حد جه من مستشفى *** وساب الورق ده وقال أسيبه لحضرتك. زين باستغراب .. ورق. تمام ماشي شكرا. وقفل الباب. زين وهو يفتح الظرف واتسعت عينه من الصدمة مما رأى. زين بصدمة .. إيهههه. زين بصوت عالي .. قمممر يا قمممررر.

قمر .. نعم إيه. زين .. إيه ده. ده بجد. قمر بصت له بصدمة .. و و و.