رواية قرار اجباري الفصل الثامن عشر 18 - بقلم سحر سمير

أحمد بحب وهو بيمسح دموعها: لازم نستحمل، لازم نبقى أقويا ونستحمل ونرضى باللي ربنا يجيبه، اتفقنا يا حبيبتي. سحر هزت رأسها بإيجاب. قاطعهم أم سحر: خلاص بقى يا حبيبتي، الحمد لله إنك بخير، وغير كده أحمد مسكتش وطلع يجري لغاية ما دفنوا معتز. سحر شهقت بانهيار: بس... قاطعها أحمد وهو بيحضنها: ما تبكيش يا سحور، أنا عندي ليكي مفاجأة، بس قومي يلا معايا. سحر وهي بتمسح دموعها زي الأطفال: هنروح فين؟

سحر: تب يلا عشان العربية مستنياكم تحت. نزلوا وركبوا العربية، وطول الطريق أحمد عينه عليها وماسك إيدها. وصلوا قدام فندق كبير. سحر: إحنا جايين هنا ليه؟ أحمد: هتعرفي كل حاجة. أحمد لموظفة الاستقبال: لو سمحتي، في حجز باسم مدام أحمد. موظفة الاستقبال: ثانية واحدة يا فندم، هراجع البيانات. سحر بهمس: أنا مش فاهمة إيه اللي جابنا هنا، شكل المكان غالي يا أحمد واحنا مش حمل مصاريفه. أحمد بحب: متخافيش يا روحي، أنا معايا فلوس كتير.

سحر بهمس: لا يلا نمشي، أنا مش مرتاحة. قاطعهم موظفة الاستقبال: بعد مراجعة البيانات، أيوه يا فندم، في حجز للجناح الملكي، اتفضل أمضي على الورق ده. سحر بهمس: يلا نروح يا أحمد. أحمد وهو بيمضي على الورق: استني بس يا حبيبتي. أحمد وهو بيديها الورق: كده تمام. موظفة الاستقبال: تب اتفضل حضرتك يا فندم، وكل اللي طلبته هيتبعت لحضرتك على الجناح، أما بالنسبة للفرح... سحر بصدمة: فرح مين؟ إنت هتتجوز عليا يا أحمد؟ أحمد: اااه يا عروسة.

سحر بصدمة وأجهشت في البكاء: إنت يا أحمد هتتجوز عليا؟ ده... ده أنا حبيبتك اللي رجعت لك وسبت الدنيا وجيت لك، إنت تعمل كدا؟ أحمد بلهفة وهو بياخدها في حضنه: اهدي، اهدي بس. سحر بانهيار وهي بتزقه: أهدي إيه؟ أهدي إيه؟ وإنت بتقول لي إنك هتتجوز عليا؟ تب هي مين؟ مين يا أحمد؟ أحمد باندفاع: إنتي يا سحر. سحر بانهيار: ليه؟ حرام عليك. سحر وقد أدركت الأمر: أنا... أحمد بلهفة وهو بياخدها في حضنه: أيوه إنتي يا سحر.

أنا مقدرش أعيش من غيرك، أنا بحبك يا سحر، بحبك. سحر بدموع: وأنا كمان بحبك يا أحمد. أحمد بلهفة: تب يلا بينا. وشالها على إيده وطلع بيها للجناح بتاعهم. عند أم سحر: إسلام: ده بجد؟ أم سحر: أيوه، يلا سوق بسرعة، عاوزة ألحق البنت. إسلام: وتلحقيها من إيه؟ ده جوزها، هو هيقتلها. أم سحر: ملحقتش أذوقها في المرة الأولى، المرة دي هذوقها بإيدي. إسلام: هتطلع عفريته بعون الله 🤣🤣. أم سحر بحدة: اخرس، فشر، بنتي قمر من غير أي حاجة.

إسلام: أنا بهزر يا خالتي، طبعاً قمر وست القمامير كمان، أصل أمها قمر، هتطلع وحشة ليه؟ إسلام معقب: إلا عمي أبو سحر مش هييجي؟ أم سحر تنهدت بألم: هو يعرف حاجة عننا؟ سيبه في حياته، ربنا يسهل له في حياته. إسلام: مصيره في يوم يرجع ويبقى معاكي. تب وسمر وسارة مفيش أخبار عنهم؟ إسلام: تب أروح أجيبهم من المطار. أم سحر: لا، سمر معاها جوزها وهيتصرفوا. إسلام: اللي تشوفيه يا خالتي. عند سحر:

أحمد نزلها قدام الجناح بتاعهم ودخلت هي وأحمد. مشيت سحر اتفاجأت إن فيه ميكب أرتست، وفيه أكتر من ٥ فساتين زفاف تختار منهم اللي يعجبها. في المساء، سحر كانت زي القمر، الميكب أرتست جهزتها ومشيت، وسحر لبست الفستان وكانت قاعدة فرحانة وبتتفرج في المراية على نفسها بإعجاب. وفجأة شافت حاجة في المراية. انتفضت وقامت بفزع. سحر بصدمة: معتز.