رواية كريم الفصل السابع عشر 17 - بقلم هاجر حسين

مريم.. فجأة بتبصله وعنيها بتتغير. عادل.. ك ك ك كريم. كريم.. أيوه كريم. كريم اللي هيكتب نهايتك انت واختك بعد شوية. عادل.. ا ا أنا مليش ذنب. كريم.. ما أنا عارف، وعارف كمان مين اللي ساعد مريم في موتي. أنا بس عايز أعرف حاجة. أنا مصعبتش عليك يا خالو، وأنت واخدني ورايحين ترموني من فوق التل في البحر؟ الطفل اللي كان ماشي وبضحك معاك بكل براءة وهو مش عارف إنك موديه لموته، مصعبش عليك؟

عادل.. أنا آسف يا كريم، صدقني كل ده من تخطيط مريم. أنا بس كنت بسمع كلامها. كريم.. المرة دي كمان هتسمع الكلام، وعايزك تسكت لحد ما نوصل. عادل.. أنت مودّينا فين يا كريم؟ عادل.. أي ده…. أي ده؟ الطريق ده مش غريب عليا. ااا أنت مودّينا فين؟ كريم.. على نفس المكان اللي قتلتوني فيه. كريم بيوصل بالعربية لمكان التل اللي بيبقى تحته بحر. بينزل عادل وبيوقفه عند التل، وبيروح واقف جنبيه. وخارج من جسم مريم وبيبعد عنهم. مريم.. أي ده؟

أي إحنا بنعمل إيه هنا؟ ومين اللي جابنا؟ مريم بتبص بتلاقي كريم واقف قدامها. مريم.. كريم، أنت أكيد مش هتأذينا صح؟ كريم.. طبعاً لا يا ماما. أنا بس هعمل نفس اللي عملتوه فيا. مريم بتبقى واقفة وبتبص لعادل بأنهم يهربوا. ولسه هيجروا. كريم بيروح صارخ بأعلى صوت. وبيروح عادل ومريم واقعين من فوق الجبل في البحر من الصرخة. كريم بيبقى واقف بيتفرج عليهم وهما بيقعوا، وحزين. وبيروح فجأة مختفي. في قصر هاشم. نورهان في حضن هاشم.

نورهان.. لسه هتكلم. هاشم بيروح موقفها. هاشم.. باااااااااااس. متتكلميش خالص. سيبنا في اللحظة دي. نورهان.. بس… بس. هاشم.. أنا عارف أنتِ عايزة تقولي إيه. إمتى وإزاي، واللي أنتِ فيه ده كله حقيقة ولا لا. هاشم.. بس أنا هرد عليكي بكلمة واحدة. هاشم.. أنا بحبك وهفضل طول عمري أحبك. تقبلي تتجوزيني وتكوني أم لملك؟ نورهان لسه هتنطق، بتروح جاية ملك ومعاها كريم. ملك.. وافقي يا نونو، ونبي وافقي. أنا بحبك أوي. كريم.. وافقي يابلة نور.

نورهان.. بتقرب من كريم وبتنزل عندها. نورهان.. متسميشبلة. اسمي ماما. كريم بيسمع كده، وبيروح داخل في حضن نورهان. وبيروح طالع. نورهان.. أي مالك؟ أنت زعلت؟ كريم.. بالعكس. أنا أول مرة أكون مبسوط كده يا ماما. بس أنا لازم أمشي. نورهان.. بتبتدي تعيط هي وملك. وهاشم بيروح واخد هم في حضنه. كريم.. عشان خاطري متعيطوش. أنا كده كده لازم أمشي. نورهان.. عمري ماهنساك يا كريم. كريم.. ولا أنا. وبيروح مودع نورهان وملك.

كريم لسه هيختفي ويمشي للأبد. بتروح موقفاه نورهان. نورهان.. كــــــــــــــــــــريم. كريم.. أيوه يا ماما. نورهان.. مع السلامة يا ابني. كريم بيبقى بيختفي وهو بيبتسم لنور، وبيختفي. بعد سنة… ملك.. اااااالو. الحق بابا ماما بتولد. في المستشفى. هاشم.. المدام فين؟ الممرضة.. في أوضة العمليات يافندم. هاشم لسه بيتكلم، بيسمع صوت طفل بيعيط. وممرضة تانية طالعة من أوضة العمليات. الممرضة.. مبروك جالك ولد.

هاشم.. بيدخل لنورهان هو وملك. هاشم.. حمدلله على سلامتكم. ملك بتفضل تبوس فيه. وبتبقى فرحانة إن هيبقى عندها أخ. هاشم بيقرب من نورهان وبياخد الولد في حضنه. وملك واقفة جنبه. هاشم.. بحبك يا نور. نورهان.. وأنا كمان بحبك يا هاشم. ملك.. طب وأنا؟ نورهان وهاشم في نفس الوقت.. إحنا الاتنين بنموت فيكي يا ملوكة. هاشم.. هنسمي الولد إيه؟ نورهان وملك في نفس الوقت.. كــــــــــــــــــــريم.

هاشم.. إذن من النهارده أنت اسمك كــــــــــــــــــــريم. ملك.. أيوه بقى ملوكة وكيمي. النهاية.