رواية كريم الفصل الثاني 2 - بقلم هاجر حسين

مريم بتحضن هاشم وباصة على المراية. وفجأة، بيظهر طفل في المراية وبيروح مبتسم ابتسامة رعب لمريم. مريم: (بصويت وبتبعد عن هاشم) هاشم: في إيه يا مريم؟ أنا عملت حاجة غلط؟ مريم، جاوبيني. مريم: (بتبقي قاعدة في الأرض مصدومة من منظر الطفل) طفل في السابعة من عمره، نص وشه عادي والنص التاني كان عبارة عن شامة وحشة وكأنه اتولد بيها كده. هاشم: مريم، انتي لازم تردي عليا. إحنا من ساعة ما اتجوزنا واحنا بيحصل معانا كده.

قوليلي الحقيقة، انتي بتحبيني زي ما بحبك ولا لأ؟ مريم: انت بتقول إيه؟ انت عارف إني حبيتك يا هاشم. هاشم: اومال ليه بتبعدي عني؟ مريم: أنا... هاشم بيسيبها في البيت وبيمشي. مريم بتبقي في الأرض والطفل قاعد جنبها وباصص عليها. ومريم عمالة تبص له وهو بيبتسم لها. في الشركة عند هاشم. نورهان، بنت خالة هاشم، واللي بتحبه جداً وكان نفسها تكون مكان مريم وتاخد هاشم حب عمرها. نورهان: إيه اللي جابك الشركة دلوقتي؟

هاشم: المفروض أنا اللي أسألك السؤال ده، انتي إيه اللي مسهرك للوقت ده؟ نورهان: انت ناسي إننا قريبين من الشركة؟ بعدين عم عبده بره وأول ما أخلص هيوصلني. نورهان: سيبك مني، انت مالك؟ باين عليك متضايق. هاشم: مش عارف، بس مريم متغيره جداً، مش عارف من إيه. بحسها خايفة طول الوقت، ولما بقرب منها بتبعد عني. نورهان: إيه يا هاشم؟

ما انت عارف، البنت مهما حبت، لما بتتجوز اللي بتحبه برضه بتبقي خايفة. بيت جديد، عيشة جديدة. انت بس قرب منها براحة وحسسها بالأمان. هاشم: أنا والله بعمل كده، بس حاسس إنها مخبية حاجة عني. نورهان: أكيد لأ. براحة كده واحكي معاها، وأكيد هتسمعلك. هاشم: تعرفي إن دي أول مرة نتكلم فيها كتير كده. نورهان: وأكيد مش آخر مرة. يلا بقا روح اشتري ورد لطيف عشان تصالح مريومة. هاشم: انتي مفيش منك اتنين... (وبيسيبها ويمشي)

نورهان: أنا عارفة. نورهان بتبقي قاعدة بتكلم نفسها. "معقول انتي اللي بتخليه يصلحها؟ ليه ما اخذتهاش فرصة وكنتي حاولتِ تتقربي منه؟ ... لأ لأ لأ، أعوذ بالله. أنا لا يمكن أخليه يبقى معايا بالطريقة دي. بعدين هو أصلاً بقى متجوز، فوقي من أوهامك بقى... هاشم بيرجع على البيت وبيطلع يطمن على ملك قبل ما ينام. ولسه هيفتح باب الأوضة بيسمع بنته بتكلم حد. ملك: انت اسمك إيه؟ كريم: اسمي كريم. ملك: انت ليه حاطط ايدك على نص وشك كده؟

كريم: (بطفولة) عشان أنا شكلي وحش. ملك: بابا دايماً بيقولي إن مفيش حد وحش، والوحاشة مش وحاشة الشكل، الوحاشة وحاشة القلوب. كريم: انتي متأكدة؟ ملك: أيوه، يلا أوعي إيدك بقى. كريم: (لسه هيشيل إيده، أبوها بيدخل) هاشم: حبيبتي، انتي كنتي بتكلمي حد دلوقتي؟ ملك: أيوه يا بابا، ده صديقي الجديد كريم. ملك: كريم... كريم. هاشم بيطلع وبيسيب أوضة ملك وبيروح عند مريم. هاشم: ممكن ما تسيبيش ملك لوحدها كتير؟ مريم: في إيه يا هاشم؟

هاشم: ملك بتكلم نفسها وعاملة نفسها صديق وهمي. مريم: صديق وهمي؟ انت بتقول إيه؟ ده البنت عمرها سبع سنين. هاشم: مهو ده اللي مخوفني. بصي يا مريم، أنا ملك أغلى حاجة عندي، وما أحبش يمسها أي مكروه. البنت بتكلم نفسها واللي بتكلمه في خيالها اسمه كريم. مريم: ك... ك... ك... كريم. هاشم: مالك خوفتي أول ما سمعتي اسم كريم؟ مريم: انت لازم تسمعني كويس، إحنا لازم نخرج من هنا بسرعة يا هاشم، البيت ده فيه حاجة مش طبيعية.

هاشم: انتي اتجننتي يا مريم؟ أنا عايش في البيت ده بقالي عشر سنين وجاية تقوليلي فيه حاجة؟ مريم: هاشم، أنا كمان بشوف كريم...