رواية قسوة احفاد ال هتان الفصل الخامس والثلاثون 35 - بقلم هاجر النعيمي

وصلنا للبصرة بعد عناء طويل وتعب بنفس الوقت. الينحنا وصلنا بيه طبكت سيارة أمير ويانه ونزل منها أمير وزهراء وعلاوي ابنهم واحمد ومريم. سلمت ودخلنا. جاي نسلم على المرة الجبيرة وتجي وحدة بسرعة وتروح تحضن تميم. نوب حضن قوي. انصدمت، هاي شنو؟ شهل تصرفات؟ دحكت على زهراء كالت: "بعدج ماشفتي شي." عافت تميم وراحت على أمير تحضن بيه. لا هذول ماينسكت عنهم أبد. ماكو هيج صلافة. كالت هاجر: "منو هاي وليش هل أحضان؟ لو حبيته مو هيج."

زهراء: "نوب يلوموني لأن أكرهها." هاجر: "لا تكولين هاي حوراء." زهراء: "عتبريها كلت." هاجر: "شنو هل صلافة؟ إني ماشايفه هيج صلافة بعمري." زهراء: "وبعد وبعد ماشفتي شي." هاجر: "ماينسكت عنها هاي." زهراء: "لا حبيبي مجبورة تسكتين." هاجر: "هاي أنتي الي تسكت مو أني." رحت يم تميم وكلت بصوت ناصي: "ماشاءالله شنو هاي الأحضان." تميم: "عادي أختي." هاجر: "حلوة هاي الكلمة. أتذكر من جنت أكو أنو تيماخوي جنت تضوج."

تميم: "عوفي تيم معلي. ليش تخليني أسّبه." هاجر: "ليش تخيليني أسّب حوراء؟ تميم: "بويّه شبيج شكو؟ هاجر: "شنو اكو مثلاً؟ إنت شنو تتوقع يعني تجي وتحضن بيك؟ شعندي؟ غمز وكال: "غرتي؟ هاجر: "أبد بس لأن ماتقبل أني أسوي هيج وإذا إنت تسوي عادي." تميم: "تقارنين حوراء بـ تيم؟ هاجر: "طبعاً لا لأن تيم مايتقارن." تميم: "أشك حلكج ترا كافي." هاجر: "لا بله هاي حتى اسمه ماتقبل تجيبه وانت وهايحضن بس باقي تبوسها." تميم: "كافي شبيج."

هاجر: "مو كافي تمنعني من شي وانت تسوي." تميم: "أولي أحسن." هاجر: "اي تهرب." تميم: "استغفر الله." عافني وراح. متت بدمي شلون يعوفني ويروح. نوب هوراح وهيا راحت يمه وكعدت. شنو هاي؟ من صدك ماتستحي؟ صلفه. رحت يم زهراء كالت: "أكيد كالج أختي عادي." هاجر: "شعرفج؟ زهراء: "شبعت من هذا الكلام."

دلونه على غرفة نبدل بيها. طلعنا إني وملاك ومريم وزهراء. بدلنا ونزلنا. جانو كاعدين الولد بس البنات والنسوان بالمطبخ يحضرون عشه. دك تلفوني شفت المتصل أمي. رديت بس جان اكو هوسه. كالت هاجر: "ماما ترا ما أسمع شي هوسه." مروة: "روحي مكان وحدج. أشوفج خطوبة هندرين." طلعت للغرفة وماما شوفتني المكان. كلهم يركصون وفرحانات حيل. فرحت. شويه ودخلت زهراء كالت: "إذا أضل شويه بعد أموت. أطك." هاجر: "تعالي أطمشي وياي شويه تنسين."

اجت يمي وصارت تطمش وياي. كالت: "دكومي نركص نحنا هم." خلينا التلفون كدامنه وبقينه نركص وياهم. بعدها اخذت التلفون هندين وصارت تركص ويانه ونحنا فرحانين. بقينة فترة بعدها اجت ملاك كالت: "تعالن أكلن." "دقيقه شنو تسون؟ هاجر: "نركص. تعالي اركصي ويانه." ملاك: "خلي ناكل وبعدين." اخذت التلفون وكالت هاجر: "هنوش كلبي راح أروح آكل أكمل وأجيج خوش." هندرين: "الف عافية. مو تتأخرين."

سديته منها ونزلت آكل. أكلنا وكملنا وطلعت لنفس الغرفة. واجت وياي زهراء ومريم. اتصلت على هندين ردت وركصنا وياهم. خلصت الحفلة مالتها. زهراء اخذت تلفوني وكالت: "هندرين حبيبتي شايفه كل الخير. الف مبروك. عقبال الولد الصالحة." هندرين: "حبيبتي الله يبارك لج." مريم اخذت التلفون من زهراء وكالت: "الف مبروك. شايفه الخير." هندرين: "الله يبارك لج." هاجر: "هنوشه حبيبي ألف ألف مبروك. شايفه كل الخير. إن شاء الله نشوف بيبي عن قريب."

هندرين: "خلي أزوج وبعدين." هاجر: "أول وحدة أجي." هندرين: "جان جيتي هسه." هاجر: "والله مو بيدي. على أساس ما أريد أجي بس. تعرفين جينه على البصرة وتميم ما كدر يجيبني." هندرين: "تجين مع خالو؟ هاجر: "ما قبل." هندرين: "البارحة جانت خطوبة نور." هاجر: "اي ماما كالت." هندرين: "صارت حيل طيبة ليش ما خابرتي؟ هاجر: "مشغولة كلبي."

سديته منها. كعدنا نسولف شويه وطبت ملاك وياها حوراء وزينب. بس شفتهن بقيت أتأفف بس ماكو إحساس. جانن يسولفن ويانه ونحنا مغلسين أو نختصر. "اي ولا نجاوب على كد السؤال." حوراء: "حيل جنت متحمسة لعرسج انتي وتميم بس عمي مات وما كدرنا نجي." هاجر: "حرامات." زينب: "ليش تحجين من وره خشمج؟ هاجر: "ليش ماتعرفين؟ زينب: "لا معرف." هاجر: "لأن ما أحبكم ولا أريد أحجي وياجن." زينب: "وين شايفتنه حتى ماتحبينه؟ لو زهراء قلبتج علينه؟

زهراء: "إني شكو؟ لو بكل سالفة تجيبوني؟ هاجر: "لا زهراء معليها. هيج ما أحبكم من الله. تعترضون على حكم الله." حوراء: "عادي حبيبتي نتعارف وتحبينه." هاجر: "ما أعتقد." زينب: "شلون تميم يحب هيج وحدة؟ هاجر: "ليش ما عاجبتج؟ تشوفين كم حايط اكو؟ كلهم أركعي راسج بيهم." زينب: "صلفة." هاجر: "إني لو أختج الي تحضن بالزلم؟ حوراء: "عزا بعيني إيمتا حضنت زلم؟ هاجر: "يعني انتي معتبرة أمير وتميم نسوان؟

حوراء: "لا طبعاً بس تميم وأمير إخواني." هاجر: "ليش انتو أخوان بالرضاعة لو شنو؟ حوراء: "لا ليش." هاجر: "يعني مو خوانج ويصير تتزوجين واحد منهم؟ حوراء: "بس إني أعتبرهم إخواني." هاجر: "بس هما مو أخوانج وعلى ما أعتقد حرام." زينب: "هسه انتي تحجين بالحلال والحرام؟ لو تعرفين الحرام ماتحجين مع تميم." هاجر: "أعرف حرام بس تزوجنه يعني صار حلال. وبعدين انتي ليش ضايجة؟ بس لا تحبيه وأخذته منج."

زينب: "لا ما أحبه بس ابن خالي. وانتي ماتستاهلي." هاجر: "ليش هو ملك واني مادري؟ زينب: "ليش تستهزئين بي؟ هاجر: "لا استهزء بي." زينب: "والله انتي صلفه وبلا تربية." هاجر: "خليت التربية الج. وعلى ذكر الحرام تذكرت مو أختج جانت تحجي ويا واحد وخطبها؟ لو اني غلطانة." حوراء: "يعني تدرين بـ ميدو؟ هاجر: "من يوم لكفوج ويا أعرف." حوراء: "شلون؟

هاجر: "تميم كالي. جذابة الي كالي زهراء مو تميم بس اني كالت هيج علمود يعرفون ما يخبي شي عني." زينب: "جذابة. تميم ما يفضح بنات عمته." هاجر: "لا ما فضحها بس كالي. إني حبيبته مرته." زينب: "مكروهة." هاجر: "مو منتظرة حبج. يكفيني إنو تبتعدين عني انتي وأختج. وأتمنى أختج تعوف زوجي بحاله وتلتفت لزوجها." حوراء: "هاجرررر شنووو هذاااا الحجييي." هاجر: "لااا تصيحينننن لأننن إنييييي همممم أعرفففف أصيحححح."

حوراء: "انتيييي مووو صاحيههه ابددد." زهراء: "كافي عاد حوراء زودتيها انتي واختج كافي." زينب: "يحقلج تحجين انتي. أكل ل أمير يرجع يربيج." جمت عليها زهراء وكالت: "ومنوووو انتيييي حتىىىى تكوليلههههه." حوراء تحاول تبعد زهراء عن زينب. كمت دفعتها وكلت هاجر: "لا انتي هم تحتاجين تربية." ضربتها وشديت شعرها وكلت: "تبتعدينننن عنننن تميمممن فهمتيييي تراااا يصيررر شييي مايعجبججج."

حوراء: "انتيييي مريضةههه شبيجججج ترااا ابننن خالييي شنوووو ابتعدددد عنهههه." هاجر: "انتيييي المريضةههه. لاااا تستفزينييييي." دخلو على أصواتنا كلهم. تميم بعدني عن حوراء وكال: "شبيجننن زعاطيط تتعاركن." هاجر: "عوفني خلي أشگ حلكها." راوية: "صلفة نوب بيتهم وتهدد." أمير: "انتي طفلة تتعاركين ويا زينب." زهراء: "تكلي أخلي أمير يربيج. ليش عيني شبيه حتى يربيني؟ أمير: "اي مو هيج تكتليها. باعي وجها."

تميم: "وانتن شكو هنا غير تفكن بينهن." مريم: "وين نكدر. ماتشوف شكد قويات." ملاك: "مدري مشالهن والله. وين نكدر عليهن." تميم اخذ ايدي وكال: "امشي وياي." طلعت ويا. اخذني على غرفة وسد الباب بقوة. عرفت معصب. كال تميم: "لج شكو تضربيها؟ شسوتلج؟ نوب انتي بيتهم." هاجر: "نرفزتني." تميم: "مو تكتليها لج حرام عليج." هاجر: "وين الحرام؟ تميم: "ماريد مشاكل. ادري هاي المشكلة لأن اجتي وحضنتني." هاجر: "وانت شكو؟

لا مو عليك بس هيا ضوجتني بعد. خلي أكتل أختها حتى أرتاح." تميم: "نوب أختها؟ هاجر: "الحيوانة تكلي انتي مو حرام عليج تحجين ويا تميم قبل ما تتزوجون؟ الأدبسززز." تميم: "وهيا ليش كالت هيج؟ هاجر: "كلت لاختها حرام تحضنين بالزلم." تميم: "بكللل عيننن صلفههه تكوليهاااا ولججج عيببب." هاجر: "غير أكلك شصار." تميم: "اوفففف منججج راححح تموتينييي." هاجر: "معاجبك طلكني شك...

بعدني ما كملت كلامي ضربني براشدي. دموعي نزلت. مسكت مكان الضربة. لزمني من زندي وقربني علي ويحجي بنتر ومن بين سنونه: "اذاااا تجيبيننن طاريييي الطلاكككك اموتججججفهمتيييي اخررر شيييي تفكريننن بيييي الطلاكككك اصلاااا انسييييي مستحيلللل ياويلججج اذاااا تجيبنننهاييي الكلمهههه علىىىى لسانجججج." هاجر: "عوفني." باس خدي ومسح دموعي وكال: "مو حلوة وانتي تبجين. اضحكي." هاجر: "كلتتت عوفنييي عوففف ايدييي اريددد أوليييي."

دفعتو. لزم ايدي والثاني لزم بيها زندي وقربني علي وكال تميم: "اذا تعيطين بوجهي بعد صوتج اخفيييي مفهوم." هاجر: "عوفني عوف ايدي شبيك جاي توجعني." عافني وطلع. نزلت دموعي. إلى متى أضل هيج وما أكدر أحجي؟ لازم أنجب وأسكت وأبلعها. دخلت زهراء عيونها حمر. من شافتني ضحكت وكالت: "ترزلتي مو؟ هاجر: "اي. وانتي هم." زهراء: "رزلة على راشدي فضت." هاجر: "عبالي بس أني." زهراء: "تعدي بس أريد أسوي مشكلة إلهن." هاجر: "يمي. أوكفي أفكر."

بقيت صافنة تقريباً خمس دقايق وبعدها كالت هاجر: "اجتتت. إذا ما أخليها تبجي بسيطةههه." زهراء: "شنو هيا؟ كوليلي." هاجر: "تعالي أول شي نحتاج حساب وهمي ونحتاج حساب ميدو." زهراء: "ليش؟ هاجر: "من نشوفها تكعد يم أمير لو تميم ناخذ صورة وندزها لـ ميدو ونكله مرتك تخونك وأمير أو تميم يخون مرته. وهيج راح يروح يرزلها ومو بعيدة يطلكها." زهراء: "كفووو عبقرية. حبيت. يلا نسوي." هاجر: "خلي الحساب منج." زهراء: "يلا."

بالفعل سوينا حساب وانتظرنه فرصة يكعدون بيها. صار الليل وماكو شي. صار ثاني يوم وماكو شي. باليوم الثاني اجاني كرار وكال: "أحتاج مساعدتج بموضوع." هاجر: "إذا أكدر تدلل." كرار: "بس الموضوع يبقى بينه." هاجر: "طبعاً." كرار: " اكو بنية أحبها بس هي عبالها أتونس براسها وماترديني. وأريد تصيرين صديقتها وبعدين تقنعيها بيه." هاجر: "سهلة تدلل. جيب حسابها."

اخذت حساب البنية وراسلتها علمود أتعرف عليها. بالبداية ما ردت لحد ثاني يوم ردت. بس ما جنت فاضية لأن اجت الفرصة على رجلها تميم وحوراء كاعدين كلش قريبين على بعض وجان يشوفها شي بالتلفون. اخذت سكرين وكالت هاجر: "زهراء وراي." طلعنا لغرفة فارغه. اجو ورانا ملاك ومريم. شوفتهم الصورة. مريم كالت: "حرام عليجن. بلكي طلكها." هاجر: "عجل مو حرام تحضن بزلمنا." مريم: "مو هيج تنحل." زهراء: "مريم اسكتي."

ملاك: "زهراء ترا من صدك موضوع كبير. يمكن يطلكها. ولجن هيا حاربت الكل علموده. حرام." هاجر: "ومو حرام تميم يضربني علـمـوده." ملاك: "إني معليه. طلعوني من الموضوع." مريم: "واني هم مالي خلك أحمد." بقو ويانه يشوفون شنو يصير. جبنه حسابه وراسلته وكتبت: هاجر: خطية ماتدري الماي يمشي من تحت رجلك. وانت ياغافل الك الله. بس من صدك مرتك محترفة تسوي مشاكل بين تميم ومرته حتى يطلكون وهيا تاخذه.

دزيتها ودزيت الصورة. انتظر الرد. ماكو. شكد انتظرنه الرد ماكو. كالت هاجر: "احذفي الحساب. أكيد يشوفها بعدين." وصدك حذفنا الحساب وننتظر شنو يصير. المغرب دخل تميم وأمير وأحمد وحوراء. ويا تميم كال: "هاجر تلفونج." هاجر: "تلفوني." اخذ تلفوني شاف شبي. مابي رجعه وكال تميم: "ادري انتي مسوية الموضوع. بس ويننن الحساب؟ ويننن راححح؟ هاجر: "شنو ايما موضوع؟ اكو شي؟ تميم: "ومسويه نفسج ماتدرين. لج مو حرام عليج."

حوراء: "أبوس إيدج إذا انتي مسويتها كولي. والله يطلكني." هاجر: "إني شعليه وبعدين شنو هذا الكلام وليش تتهموني؟ تميم: "عبالج غبي لج تتعاركين وياها وأكيد تسون هيج. مو صح زهراء؟ زهراء: "لا تميم ترا عيب. من صدك يعني انتو تعرفون شتحجون." احمد: "ها مريم." مريم: "والله اني معليه ومعرف شي." هاجر: "مو نحنا مانسويها." تميم: "تعالي وياي." اخذ ايدي ورحنا لغرفة حوراء وهيا اجت ويانه. كال تميم:

"أرح أخابر تكولين انتي مسوية هاي اللعبة مال زعاطيط. خوشش." هاجر: "ما أكول شي. إني ما مسويته." تميم: "إني وانتي نعرف كلش زين انتي تسويها." هاجر: "معليه. إني ما أحجي." لزمني من زندي وكال: "ترا لصبري حدود. الي كلته يصير." هاجر: "عوفني وما أسويها لو أموت. خوش." جابني براشدي وكال تميم: "غصباً عليج." حوراء: "حباب بدون ضرب. على كيفك وياها." تميم: "شوفي شلون تدافع لج. وانتي تريدين تخربين بيتها."

هاجر: "انت مو شفت تلفوني وانت تكدر ترجع شكو حساب أسوي بتلفوني ومالكيت شي. شكو تتهمنييي." تميم: "هو هذا المجنني. مالكيت شي." حوراء: "فدوه اروحلج سوي الي كاله تميم. والله خابرني يفشر علي وجان راح يطلكني. أبوس إيدج." هاجر: "معليه." جابني براشدي ثاني. نزلت دموعي وكال تميم: "مو كتلج لصبري حدود. يلا." خابر علي. رد ميدو وكال: ميدو: "ها تميم. أعتقد خلص وقت التبرير."

تميم: "انجب. عرفت منو وراها. اسمع وافتح عقلك. لاتضل حيوان تسمع من غير مرتك." دحك علي وكال تميم: "يلا حبيبي احجي." سكت. كال تميم: "مرتي متعاركة ويا حوراء وضايجة منها لأن حوراء قريبة عليه ومرتي تغار. وهيا سوت هاي المشكلة وهيا راسلتك." ميدو: "بس الغيرة ماتوصل لهنا." تميم: "مرتي تغار كلش." ميدو: "بس أريد تدزلي رسالة وتكتب أني تميم. من ذاك الحساب." تميم: "الحساب حذفته." ميدو: "انت تكدر ترجعه. ماينخاف عليك."

تميم: "هاي هيا تدلل. بس بعدين لأن هسه طالع عندي شغل." ميدو: "تمام. يلا آني أروح." تميم: "تعال هيووو. مو قبل ما تعتذر من حوراء." ميدو: "آسف حبيبتي." تميم: "يلا ولي." سده وكال تميم: "أريد الحساب." هاجر: "مو إني. شبيك." تميم: "يصير خير. بس ثقي إذا عرفت انتي وراها أكرهج. عيشتج." هاجر: "يعني على أساس هسه ما كارهتها." تميم: "صلفة."

عفتهم وطلعت ميته بدمي. أريد أموت. أحس بعد ما انتقمت. ونوب ضربني من وراها. تستاهل الي صار بيها. وخليتها تتوسل بيه. رجعت للغرفة جانو كاعدين البنات. كالت مريم: "مو كتلجن لا تسونها." زهراء: "مر على خير." هاجر: "يا خير هذا؟ غير خابر ميدو وكاله مرتي مسويته لأن غارت عليه من حوراء." زهراء: "المهم شفتها مكسورة وتبجي. كافي." هاجر: "زهراء متأكدة حذفتي الحساب؟ زهراء: "اي متأكدة."

رجعنا نسولف ربع ساعه واجه تميم وأمير وحوراء وزينب. تميم كال: "زهراء تلفونج." زهراء: "ليش؟ أمير: "بدون ليش انطي وأسكتي." اخذ تميم تلفونها. مدري شنو يسوي. كعد تقريباً ربع ساعه وكال: "مو حرام عليجن ولجن. شسوتلجن هاي المسكينة؟ أمير: "ها." تميم: "هياته الحساب." خفت. شلون عرف الحساب يم زهراء. دحكت عليها. هيا هم مبين الخوف بعيونها. كالت حوراء: "حرام عليجن. إني شمسويتلجن؟ بس كولولي." محد رد عليها. تميم كال:

"هاي هيا. دزيتله من الحساب. إني تميم. خلاص. انتهى الموضوع. وما أريد أحد يفتح الموضوع. خوش." زينب: "ها أمير مو كتلك اني سمعتهن وانت تكلي زهراء ماتسويها. شفت." أمير: "ما توقعت تسويها." دحكت على تميم جان خازرني. نزلت عيني عنه. خفت من نظراته. كال تميم: "الموضوع هنا وينسد. الي يرجع يفتح الموضوع راح يشوف مني شي ما يعجبه. وأعتقد الكل يعرف شنو عقوبة غلطه." زينب: "وهيج خلاص ما يتعاقبن." تميم: "كلت ينسد."

زينب: "ها تميم. مرتك غلطانة وتسد عليها. ما يصير هيج." أمير: "كلنا الموضوع انسد. زينب انسي الموضوع. ما عاد ينعاد. صح بنات." محد رد علي. تميم عاط بينه وكال: "صححححح بنانتتت." الكل: "صح." أمير: "مو بالعياط غبي." تميم: "دباع منو يحجي. امشي لك." نزلو. وحوراء كالت: "هو صح انسد الموضوع بس مراح أنساها الجن. والله ياخذ حقي منجن." هاجر: "بعد سوي بيها المظلومة." زهراء: "شكد ما تضلين يم أمير وتميم راح نضل نسوي مشاكل. فهمتي؟

لو انتي لو نحنا." حوراء: "ليش ماتفهمين إخواني." هاجر: "مثل ما أني انحرمت من أحجي ويا تيم. تميم هم ينحرم ما يحجي ويا ولا بنية. خوش." حوراء: "ليش حتى تنحرمين من تيم؟ هاجر: "تميم ما يقبل." حوراء: "عجيب. ليش ما يقبل؟ هاجر: "عود اسألي." طلعت من الغرفة. أشيل روحي وأركعها بالكاع. شلون سمعتنه زينب؟

نزلت جوه. جانو الكل موجود. دحكت على تلفوني جانت اكو رسائل من هاي البنية. رديت عليها وبدينا نتعرف. عرفت إنو اسمها ديانا. عمرها 21. أكبر مني سنة. جانت كلش حبابة وكيوت. حبيتها. حجينه بمواضيع كثيرة. بعدين كالت: هاجر: انتي مخطوبة مزوجة مرتبطة؟ ديانا: لا سنكل. هاجر: أحسن لج والله. ديانا: ليش انتي مرتبطة؟ هاجر: مزوجة صار لي شهر. ديانا: يعني هسه انتو بشهر العسل؟ هاجر: لا بعد ما طلعنا.

ديانا: تدرين كلش حبيتج والله. مبينة حبابة. هاجر: شعور متبادل. ديانا: كلبي انتي. عمة صاحتني. كالت: هاجر: أروح عمتي تصيحني. ترخصت وعفتها. رحت يمها. كالت: ماسه: "صار لج يومين ماشفتج تشربين المانع. بطلتي لو تشربين من وراي؟ تلربكت. كالت بسرعة: هاجر: "لا عمه. بطلت." ذكرتني بيها. عبر ربع ساعه من الوقت المحدد. رحت بسرعة وأخذتها. ودخلت ملاك وزهراء ومريم. ملاك شهكت وبقت مصدومة. هيا ومريم. كالت ملاك: "صدك تحجين ولج؟

شلون تشربين منه؟ ما يصير." هاجر: "ويجي الطفل وينظلم؟ لا ما أقبل بيها." ملاك: "ترا مشاكلكم بسبب طولة لسانج." هاجر: "هسه طلعت إني الغلط. مو لأن أخوج دافع لها." ملاك: "لا طبعاً. نحنا كلنا ندري تميم ما يحب أحد يرفض له أو يعاند. وانتي اثنينهن بيج." هاجر: "يعرف إني هيج. شكو ياخذني." ملاك: "حبج لأن أم لسان." هاجر: "خلاص يتحمل لساني." طب علاوي ابن زهراء وكال: علاوي: "هاجر تميم يناديج بغرفة حوراء. روحيله."

هاجر: "اتفضل رايحة." طلعت لغرفة حوراء. دخلت جان كاعد على الجرباية. خليت الباب مفتوح ودخلت. كام وسد الباب. تحمحمت. كال تميم: "الي سويتيه شنو؟ هاجر: "راح نرجع للسالفة؟ مو على أساس سد الموضوع." تميم: "جاي نحجي بينه. انتي ماندمانة لأن سويتي؟ هاجر: "صراحة لا. لأن هيا تستاهل." تميم: "شمسوية؟ بس فهميني."

هاجر: "يعني تحضن بيك ومدري شنو. واني إذا أحجي ويا تيم تضوج وتعصب. واني إذا أحجي ويا تيم تضوج وتعصب. واني ما يحق لي أعصب أو أضوج. ليش انت بشنو تختلف؟ تميم: "افهمي حوراء أختي. تعرفين شنو أختي؟ تربيت وياها من وعيت على الدنيا. إني وياها مو بس إني. أغلب الولد." قاطعته وكلت: هاجر: "إني شعليه من الولد." تميم: "خلي أكول خرا." هاجر: "تفضل بالعافية مقدماً." تميم: "شوف الأدبسزز. نوب ماتكول حشاك." هاجر: "كمل يلا."

تميم: "وغير هيج هيا مخطوبة وكلنا نعرف شكد تحب خطيبها وهو يحبها." هاجر: "وتيم هم مزوج ويحب مرته." تميم: "أبويه تيم أخو منو؟ هاجر: "إلياس." تميم: "هاي هيا." هاجر: "وتيم شعلي بـ إلياس." تميم: "شلون شعلي ياربي؟ لج بابا شبيج وين عقلج بس فهميني." هاجر: "من الأخير. تحجي ويا حوراء. أحجي ويا تيم. ومو بس تيم حتى إلياس." لزمني من زندي وكال تميم: "راح أحجي وياها عناد بيج. وإذا انتي بنت أبوج. حاجي ويا إلياس القندرة."

هاجر: "عناد بيج راح أحجي ويا. بسيطة." دفعتو أريد أمشي. لزمني ودفعني على الحايط بقوة. ظهري انضرب بالحايط. حسيت بوجع مو طبيعي. لزم فكي وكال تميم: "لا تلعبين وياي. آياج." هاجر: "وخر عوفني." تميم: "چؤ." اخذ شفايفي بين شفايفه بقسوة. اختنكت. أريد بس أجر النفس ماكو. حسيت وبعد. وجانت شفتي كلها دم. مسحت الدم بيدي ودموعي بعيوني. واكابر. ما أريد تنزل. كلت هاجر: "لو تموت ما أحس بشي تجاهك. أكرهك. أكرهككككككككك."

رجع اخذ شفايفي بس بحنية. دفعتو وكلت هاجر: "عبالك أرجع أحبك بهاي تصرفاتك. أنسى. راح أكرهك أكثر وأكثر. وراح أنتظر يوم الي أخلص بي منك. وبس أتطلق من لو تموت حتى عده ما ألزم فوراً أتزوج. عناد بيك." ضربني براشدي. نزلت دموعي. أحس بحرارة تطلع من خدي. ضربني راشدي ثاني ولزم شعري وكال تميم: "أنهيججج واللهههه بسسسس تفكرينننن بغيرييي. أنهيججج فهمتيييي. انتييي الييييي اليييي وبسسسس. بموتججج بيدييي وماتصيريننننن لغيريييي."

دفعتو وكلت هاجر: "انت مريض. عوف شعري." تميم: "مووو مريضضض. احسنننن منكمممم كلكمممم. احسنننن منننن شكوووو واحددد يكولللل عنييييي مريضضضضض." دفعتو بقوة وطلعت أركض. صارت بوجهي حوراء. كلتها هاجر: "الله ياخذج إن شاء الله تطلع حوبتي بيج حيه. الله ياخذج انتي وهو." ردت أمشي. لزمت ايدي وكالت حوراء: "هاي شبيج؟ ليش حلكج دم؟ شكو؟ هاجر: "عوفي ايدي لا تتنجس من وراج." طلع تميم على صوته وكال تميم: "صوتج صلفه. بس أبقى أحبج."

غميته ورحت للحمام الي بطابق الثاني. شفت وجهي وحلكي دم. عيوني حمر وخدودي حمر ومطبوعة أصابع تميم. كالت هاجر: "الله ياخذكك عار حقير جلب. إن شاء الله تموت." جاني صوته وهو يكول تميم: "اي ادعي بعد." هاجر: "الله ياخذك خوششش." تميم: "صلفة." بقيت أبجي بالحمام. مسحت دموعي وغسلت وجهي. بقيت شويه علمود يروح الحمار من عيني. طلعت صار بوجهي كرار. شافني نصدم. كال كرار: "ليش تبجين؟ بيج شي؟ هو كال هيج ودموعي صارت تتسابق. كال بخوف كرار:

"والله خفت. اكو شي؟ كولي." هاجر: "تميم." كرار: "بعده يضربج؟ انصدمت. هذا شعرفه؟ أصلاً محد يعرف. كلت هاجر: "شلون تعرف؟ كرار: "صح علاقتي وياي تميم مو زينة. بس أعرف عنه كل شي. يبقى ابن عمي وهو صاحبي. بس لما هذيج السالفة." هاجر: "ايما سالفة؟

كرار: "تميم ماكو منه والله. بس عصبيته شويه تضوج. تميم هو هيج من يومه. لما كنا أطفال جان ياخذ كل شي يريده. أتذكر مرة جانت عندي طوبة وجنت فرحان بيها لأن أمي جابتها. وتميم بقى يبجي اله ياخذها. واني أريدها. ولأن ما قبلت أنطيها اله. جاب السجينة وخلها بالطوبة وطكت." هاجر: "عزااا." كرار: "يعني تميم إذا راح شي وما صار ينهي لو إله لو مو إله. فهمتي." هاجر: "وشنو أني أضل أتحمل أنانيته؟

كرار: "مو أناني. هو هيج تربية على الدلال. تربى على إنو شنو يريد يجي." هاجر: "بس انت ويا تتعاركون دائماً. ليش هسه تدافع له؟ كرار: "إني أحبه ومتأكد هو يحبني. واني غلطت لأن رحت لـ ملاك وكتلها أحبها وأريدها. وهيا رفضت. ما جنت أدري عدها علاقة بـ علي. ويوم الي كتله لأن هو جان هم قريب علي وكال شنو تحبه وتريدها. وراح كال لـ تميم. وتميم تعارك وياي. ومن يومها لهسه مشاكل بيني وبين تميم." هاجر: "عزا. سبب المشكلة ملاك."

كرار: "اي. بس يوم عرفت علي يحبها. مارحت وحجيتل تميم. لأن خفت على علي منه." هاجر: "بس الله عوضك. صدك ديانا تجنن والله كلش حبابة." كرار: "جيت عليج علمود هذا الموضوع." هاجر: "حجيت وياها عن هواي أشياء وعرفت إنو هيا ماكو أحد بحياتها. والسبب لأن تخاف على سمعة أمها وأبوها ميت وما عدها أخوان." كرار: "أعرف هاي التفاصيل." هاجر: "عجل ليش خليتني أحجي وياها؟

كرار: "أريدج العين الرقيب الي يمها. وحتى إذا فكرة ترتبط راح تكولج باعتبار صديقتها المقربة. شكد ماتكدرين حاولي تصيرين صديقتها. والله إذا صارت الي الج يمى أحلى هدية. بس تصير." هاجر: "هاي هيا تدلل." زينب: "على شنو تدلل." هاجر: "وانتي شكو؟ هم حطي روحج بكل شي. أم دودة." كرار غص من الضحك. وهيا كالت: زينب: "شنو أترجه منج؟ وحدة ماتستحي." هاجر: "خليت المستحة الج. يلا دعبلي عدنه موضوع مهم ومانريد حشرات يمنه لأن تنقل حجي."

زينب: "إني حشرة وفوكها أنقل حجي." هاجر: "ليش انتي مو هيج؟ زينب: "فوك ما انتي غلطانة وردتي تخربين بين ميدو وحوراء. هسه طلعت إني الغلطانة." هاجر: "زوجي كال إذا نفتح الموضوع راح ينزعل وراح يندم الي حجه. وإني بصفتي مرته راح أروح وأكلو." زينب: "اي روحي." هاجر: "يعني ما خايفة؟ زينب: "وليش أخاف؟ هاجر: "حلو. صارت سالفتين. انز فتحتي الموضوع. والثانية طلعتي ماتخافين من تميم." عافتنه وراحت. كرار كال: "شنو الموضوع؟

حجيتله مختصر لأن صار منه وبينه. وكلت هاجر: "مو تكول لاحد." كرار: "لا شلون؟ إذا أكول بعدين انتي هم تكولين." هاجر: "اي صح." كرار: "متفقين." هاجر: "اي." راح كرار ونزلنا جوه. صار الليل. طلعت ويا البنات لغرفة حوراء. لأن البنات ينامن هناك. شويه واجه علي ابن أمير. كال علاوي: "هاجر أمير يناديج بغرفة رأكان." هاجر: "اوففففف ياربييي." طلعت لغرفة رأكان. دخلت جان هو بيها. دخلت وسديت الباب. كلت هاجر: "خير إن شاء الله."

تميم: "احجي عدل." هاجر: "ها حبيبي ها كلبي. محتاج شي؟ تميم: "اي عفيه." هاجر: "اختصر." تميم: "شعدنج تحجين ويا كرار وشنو الي تدلل." هاجر: "هيج حجي عادي." تميم: "كدامج طفل مو؟ هاجر: "شافني أبجي وكال شكو تبجين. وكتله مشتاقة لأهلي. كال من ترجعين روحيلهم. واني كتله أي. وكال لا تبجين. كتله تدلل. غلطت بشي؟ تميم: "وشكو تحجي ويا." هاجر: "ترا كلش حباب." تميم: "ماكو حبيبي ممنوع." هاجر: "من تبطل تحجي ويا حوراء. أبطل أحجي ويا أحد."

عفته وطلعت. سمعته ضحك وكال تميم: "صلفة بس أحبج." الكل نام وصار الصبح. واجه يوم الحنة مال أركان.