رواية قسوة الرعد الفصل الأربعون 40 - بقلم زوزا

في الصباح الباكر، في الصعيد.. هدي: همي شوية منك ليها.. ورد: حطي يا علا دي اهني. علا: طيب يا خيتي. زهرة: هو في إيه النهاردة؟! هدي: مرت الشيخ عبد الخالق جاية هي وستات العائلة.. زهرة: طب.. هدي: إيه يا زهرة؟! زهرة: وملك هتقابلهم إزاي؟! ورد: هتحدد معاها. زهرة: طب يا جدة حاولي تقنعي أبوي. هدي: ده نصيب يا زهرة.. اطلعي صحي خيتك. زهرة: حاضر.. زهرة طلعت أوضة ملك ودخلت. زهرة: ملك يا ملك.. ملك (بنوم) : إيه يا زهرة؟!

زهرة: قومي يلا.. ملك فتحت عينيها وقامت اتعدلت وبصت لـ زهرة. ملك: ليه في إيه؟! مال صوتك؟! زهرة: هيجوا يزورونا النهاردة.. ملك: مين؟! زهرة: عائلة الشيخ عبد الخالق.. ملك (بدموع) : لا أرجوكي يا زهرة.. زهرة: معلش يا خيتي استحملي.. زهرة: نصيب.. زهرة: قومي جهزي نفسك وغيري خلجاتك. زهرة سابت ملك وملك قعدت تعيط شوية. تحت. بلال: كل حاجة جاهزة يا ورد؟! ورد: أيوة.. بلال: وبنتك ملك؟! ورد: أختها زهرة طلعت ليها..

بلال: طيب همي منك ليها فاضل ساعتين ويجوا.. ورد: حاضر.. شربات (بوجع) : يا أما. هدي: مالك يا شربات؟! شربات (بوجع) : حاسة إني تعبانة جوي جوي. هدي: خديها يا علا ترتاح في أوضتها.. علا: حاضر يا أما. علا خدت شربات وطلعتها أوضتها. علا: أنتي بخير يا خيتي؟! شربات: لا تعبانة جوي جوي. علا: هنزل أعمل حاجة دافية تشربيها.. علا نزلت لتحت وسابت شربات ترتاح شوية. بعد فترة. بدأت عائلة الشيخ عبد الخالق تيجي وستات البيت استقبلوهم.

هدي: أهلًا يا أم فاتح... أم فاتح: أزيك أنتي؟! هدي: ادخلوا ادخلوا.. عمر: اتفضل يا شيخنا.. نورت.. عبد الخالق: بنورك.. الرجالة راحت قعدت في مكان والستات في مكان. أم فاتح: أومال فين عروستنا؟! ورد: اطلعي يا زهرة نادي على خيتك. زهرة: حاضر يا أما. زهرة طلعت لأوضة ملك لقت ملك قاعدة حزينة. زهرة: لازم تنزلي يا خيتي. ملك (بحزن) : زهرة.. زهرة: كان نفسي أساعدك يا خيتي. زهرة خدت ملك ونزلت لتحت. ورد: اقعدي أهني.

أم فاتح: بسم الله ما شاء الله قمر قمر.. هدي: دي أم فاتح يا ملك مرات عمك عبد الخالق.. هدي: ودي نورا بنتها... ودي سعاد مرت فاتح. هدي بدأت تعرف ملك على العائلة كلها... ملك كانت حزينة. نورا: مالك يا عروسة؟! ملك: مفيش.. نورا: بجد؟! ملك: أيوة.. ورد: هي ملك دايماً خجولة أكدي. علا: بس زينة البنات والله.. أم فاتح: باين باين.. عند الرجالة. عادل: نورت يا شيخ عبد الخالق.. عبد الخالق: بنورك يا كبير.. بلال: عامل إيه يا مالك؟!

مالك: بخير يا عمي... أخبار حضرتك إيه؟! بلال: بخير الحمد لله.. مالك: يا رب دايماً.. جلال: بتشتغل إيه يا مالك؟! مالك: أنا يا أستاذ جلال خريج كلية تجارة وعندي شركة على قدي كده في مصر وغير إني بشتغل هنا في مصنع أبوي الشيخ عبد الخالق.. جلال: بسم الله ما شاء الله.. فاتح: لا الصراحة مالك من صغره وهو ذكي.. عمر: ربنا يحفظه.. آدم: ومستقر في مصر بقى؟! مالك: حالياً لا لأن في واحد صاحبي بيدير الشركة في وقت غيابي..

آدم: أمممم.. كويس.. عادل: ربيت زين يا شيخنا.. عبد الخالق: تسلم... عبد الخالق: زي ما اتفقنا يا كبير.. عبد الخالق: كتب الكتاب يوم الخميس اللي جاي.. عادل: إن شاء الله.. مالك: هو فين رعد بيه؟! عمر: في مصر.. مالك: سمعت كتير عنه حبيت أتعرف عليه.. عادل: هييجي يوم كتب الكتاب إن شاء الله.. مالك: هيبقي ليا الشرف لو اتكلمت معاه.. فاتح: فعلاً رعد بنسمع عنه كتير... عبد الخالق: ربنا يحفظه... الكل: آمين.. في مكان تاني...

عند رعد ونبض. رعد كان نايم صحي على صوت في الأوضة.. فتح عيونه بكسل شوية وبص لقى نبض بتتحرك في الأوضة. رعد: بتعملي إيه؟! نبض لا رد. رعد قام اتعدل وقعد على السرير لقى نبض بتلبس جزمتها في رجليها. رعد (بعصبية) : جنابك رايحة فين من غير ما تقولي؟! نبض: رايحة الشغل.. رعد (بعصبية) : استأذنتي؟! نبض: المفروض جنابك عارف.. رعد قام ووقف قدام نبض بغضب. رعد: لاحظي إن تصرفاتك مبقتش تعجبني.. نبض: طظ..

نبض كانت هتمشي بس رعد مسك دراعها ورجعها لورا بغضب. رعد (بغضب) : شكلك عايزة قلمين يفوقوكي.. رعد: قولتلك قبل كده النفس اللي تتنفسيه تستأذني قبله. نبض: وأنا قولتلك إنك كده بتقولي موتي بالحياة.. ومعاش ولا كان اللي يتحكم فيا بالطريقة دي. رعد: لا عاش وكان يا روح أمك. رعد: تحترمي نفسك وإلا وربي أمنعك حتى تشوفي الشمس. رعد (بحدة) : فاهمة؟! نبض: وسع إيدي كده. رعد زق نبض ونبض قعدت على السرير.

رعد: غيري الزفت اللي أنتي لابساه ده. رعد ساب نبض ودخل الحمام ونبض بصت لهدومها ونزلت لتحت. رعد خرج من الحمام ملقاش نبض فنزل لتحت. رعد (بعصبية) : مش قولتلك غيري الزفت اللي أنتي لابساه. نبض: مش شايفة طقمي في حاجة أ... نبض (بوجع) : يا حيوان... رعد شد نبض من شعرها وزقها على الحيطة. رعد (بغضب) : أنتي متشوفيش ومتاخديش قرارات.. أنا قولت تغيري الزفت ده يبقى تغيريه.. رعد (بغضب)

: خلص الكلام ولو شوفت غير اللي أنا قولته أنتي اللي هتجيبي الإهانة لنفسك.. رعد ساب نبض ودخل المطبخ. نبض ضربت برجليها الأرض وكانت الدموع متجمعة في عينيها. نبض كانت لابسة جيبة لغاية الركبة ضيقة باللون الأسود وفوقها تي شيرت أبيض بنص كم محددها برضه. نبض طلعت أوضتها وبدأت تغير هدومها وهي بتعيط.

نبض لبست بنطلون أسود وفوقه تي شيرت واسع أوي وقصير من قدام لغاية الخصر وطويل شوية من ورا باللون الأبيض.. لبست كوتشي أسود في أبيض وسيبت شعرها على ضهرها وكتفها.. حطت مكياج بسيط. نبض خرجت لقت رعد قاعد وحاطط رجل على رجل. رعد (ببرود) : تعالي هنا. نبض: مش خدامتك أنا. رعد (ببرود) : لو اضطر الأمر إني أثبتلك كده هثبتلك. نبض بصت حواليها بغضب ومسكت مخدات السرير رمتها على رعد وقربت منه وقعدت تضربه بالمخدات.

رعد سحب نبض من خصرها على رجله. نبض: وسع كده. رعد شال شعر نبض من على وشها بإيده، نبض زقت إيده بغضب. رعد: العصبية غلط عليكي يا بنت بلاد بره.. بتطلع تجاعيد مبكرة. رعد: ووشك الحلو ده عايزينه مش معقول لما أخدك معايا في مشوار الناس تقول أم تجاعيد أهي. نبض فتحت عينيها على آخرهم بسبب كلام رعد. نبض: أنت مستحيل تكون بني آدم. رعد: عارف أنا ملاك. رعد شال نبض ورماها على الكنبة وسابها ودخل أوضة الملابس.

نبض فضلت شوية تستوعب وقامت خرجت بره الشقة كلها. نبض نزلت خدت تاكسي وراحت للمستشفى. نبض دخلت المستشفى وهي ماشية خبطت في لوسي. لوسي (بعصبية) : مش تفتحي؟! لوسي: إيه ده؟!! هو أنتي تاني مش كنا خلصنا منك ومن قرفك ده مكنتش طايقة المستشفى بسببك. نبض: أفندم؟!! نبض: لو حضرتك مش طايقة المستشفى بسببي اتفضلي قدمي استقالتك. نبض: وكمان أنا ميهمنيش راحتك علشان أقدمها ليكي.. نبض سابت لوسي وراحت مكتبها. الباب خبط. نبض: اتفضل..

ميرفت: حمد لله بالسلامة يا دكتورة نبض.. نبض: الله يسلمك يا ميرفت.. ميرفت: دكتور ياسر عايز حضرتك.. نبض: تمام أنا جاية.. ميرفت: عن إذن حضرتك.. نبض قامت وراحت لمكتب ياسر خبطت الباب. ياسر: اتفضل.. نبض: صباح الخير.. نبض: حضرتك طلبتني.. ياسر: اتفضلي اقعدي يا دكتورة نبض.. ياسر: عرفت من رعد إنك تعبانة.. خير مالك؟! نبض: حادثة بسيطة كده.. الحمد لله.. ياسر: طب تحبي تأخدي إجازة تاني؟!

نبض: لا كده تمام.. أنا بخير وشكراً لاهتمام حضرتك... نبض: حاجة تانية؟! ياسر: كان في حملة تطوعية مننا طالعة.. قدمت اسمك تبع اللي طالعين.. نبض: تمام... هي إمتى؟! ياسر: دلوقتي الكل بيجهز.. نبض: تمام يا دكتور عن إذن حضرتك... نبض قامت وراحت أوضتها وبدأت تجهز حاجتها وخرجت لبره المستشفى. طارق: افتكرت مش هتيجي.. نبض: وأنت مين علشان تفكر فيا؟! طارق: ممكن نقول إعجاب.. نبض بصتله ومردتش عليه وكانت هتطلع العربية طارق مد إيده ليها.

نبض مسكت في إيد طارق وطلعت ركبت. ميرفت: أنا مبسوطة إن حضرتك هتبقي معانا والله.. نبض: تسلمي يا ميرفت.. ميرفت: والله نورتي المستشفى وزعلت إنك كنتي تعبانة وكنت هاجي أزورك. نبض: يا روحي ولا تتعبي نفسك أنا بخير.. طارق: ألف سلامة.. نبض: الله يسلمك.. بعد فترة وصلوا للقرية اللي هيعملوا فيها الحملة ونزلوا بدأوا يشتغلوا. طارق: حاسبي. نبض: شكراً.. واحدة ست: والنبي يا بنتي مشوفتيش ابني الصغير.. ميرفت: لا..

واحدة ست: ممكن تدوري معايا عليه؟! ميرفت: أكيد اتفضلي.. ميرفت والست دي بدأوا يدوروا على ابن الست. نبض: أنت عينك زايغة علطول؟! طارق: أصلهم ستات قمرات أوي.. نبض: طب عينك يا بابا زي ما هما ستات قمرات في هنا رجالة هيخلوك قمر زيهم.. طارق: بتغيري؟! نبض: شوف بنتكلم في إيه وأنت بتقول إيه؟! راجل (بغضب) : هو فين؟! ست: أهو يا سيدي.. طارق لقى راجل ضخم داخل عليه رجع خطوة لورا. راجل (بغضب) : بتبصلها كده ليه يا واد أنت؟!

طارق: أنا مبصتش لحد.. راجل: بتقول إن مراتي بتكدب يعني.. ست: هو يا سيدي اللي بصلي وقالي يا قمر أنت يا جميل.. نبض غصب عنها ضحكت وهمست لطارق. نبض: حتى مش بتعرف تعاكس صح.. طارق: الله يخرب بيتك هيقتلوني وأنتي بتضحكي... نبض: أحم لو سمحت ممكن نتكلم على انفراد.. راجل (بغضب) : على آخر الزمن هكلم واحدة ست؟! نبض: مالهم الستات يعني أحسن مليون مرة من رجالة زيك.. راجل (بغضب) : أنتي قصدك إيه يا بت؟! نبض: اللي سمعته..

الراجل اللي قدام نبض ضرب نبض قلم على وشها ونبض غصب عنها وقعت في الأرض ونزلت دم من شفايفها. طارق: نبض أنتي كويسة؟! نبض: آه آه.. طارق سند نبض وقومها ونبض بصت في الأرض لحظة وبعدها رفعت عينيها بغضب للراجل اللي قدامها وضربته برجليها. طارق (بصدمة) : الله يخرب بيتك عملتي إيه؟! نبض وطارق لقوا فجأة حواليهم رجالة ماسكين بنادق. طارق (بهمس) : أشهد أن لا إله إلا الله وأشهد أن محمداً رسول الله.. طارق: واطين أوي سابونا وهربوا..

نبض: أنت مش راجل ما تدافع عن نفسك... مستني واحدة ست تدافع عنك.. طارق: مش لما تدافع عن نفسها الأول... في واحد اتقدم من نبض وماسك في إيده مطواة. نبض مسكت دراعه ولفته ورا ضهرها وضربته برجليها وزقته في الأرض.. في واحد تاني جه من ورا نبض ومسكها من رقبتها وفي واحد تاني مسك رجليها. نبض ضربت اللي ماسك رجليها برجليها ضربة قوية بعد عنها.... حطت صوابعها في عيون الراجل اللي ماسك رقبتها، من ورا غصب عنه بعد عن نبض. نبض: بسرعة.

نبض مسكت إيد طارق وبدأت تجري والرجالة وراها. طارق: الله يخرب بيتك، كان عندي أضرب بوكسين في وشي أحسن. نبض: أنت اللي الله يخرب بيتك يا شيخ، ما هو لو أنت كنت محترم وقادر تدافع عن نفسك ما كانش ده حصل. طارق (وهو بينهج) : تعبت من الجري. نبض: اجري وأنت ساكت، لو مسكونا هيقتلونا وأنا لسه ما اتجوزتش يا ابني. طارق: نتجوز أنا وأنتِ في الجنة. نبض: ده أنت لو طولتها. نبض وطارق كملوا جري وكان الجو ليل واستخبوا في مكان كدة.

طارق: هنعمل إيه؟ نبض: هش، أنت مش سامع صوتهم، اهدي. طارق سكت خالص ونبض غمضت عينيها وكانت خايفة وبتفكر. في مكان تاني، عند رعد. محرم: أيوه كدة يا رعد، بس ده خطَر علينا احنا. رعد: عارف، بس لازم نخاطر علشان خاطر نخلص من المهمة دي. رعد: ناقص بس نتعرف على الشخص الكبير وساعتها كل حاجة هتتوضح. رعد: وناقص بس نعمل تحقيق مع الناس المشتبهين فيهم. مهند: فعلًا لو في حد فيهم اعترف يبقى وصلنا لخط النهاية وخلصنا من المهمة.

عز: أنا موافق. يزيد: وأنا. مهند: وأنا. رعد (ببرود) : إيه يا محرم؟ محرم: وأنا يا باشا. مهند: هنتحرك إمتى؟ رعد: بعد الحفلة بيوم. يزيد: تمام. تليفون رعد رن، رعد قفل التليفون. وكملوا كلام في الشغل، بعد فترة كبيرة. رعد بص في ساعته وفتح تليفونه، أول ما فتحه لاقى اتصال جاه. الخط اتفتح. رعد: أنتِ فين؟ نبض (بدموع) : رعد. رعد: في إيه؟ ده كله مكالمات فوق الـ 300 مكالمة. نبض (بدموع) : أنا في مشكلة. رعد: اتكلمي في إيه؟ نبض: أن...

رعد: ألو نبض، نبض يا نبض. رعد: ردي سمعاني يا نبض. رعد خد حاجته بسرعة وجري على بره. مهند: يا محرم بس. مهند: رعد يا رعد. مهند: نبقى نكمل كلامنا بعدين. مهند جري ورا رعد وركب العربية معاه. مهند: في إيه يا ابني قلقتني؟ رعد: ما اعرفش نبض كانت بتكلمني وفجأة التليفون قفل. مهند: طب وأنت قلقان ليه؟ ممكن التليفون فصل شحن. رعد: لا هي قبل ما تقفل قالت أنا في مشكلة.

بعد فترة رعد وصل للمستشفى ودخلها ودخل لياسر على طول لاقى فيه بوليس. رعد: ياسر فين نبض؟ ياسر (بتوتر) : ها؟ رعد (بغضب) : رد فين نبض؟ رعد مسك ياسر من قميصه بغضب وزقه على الحيطة. رعد (بغضب) : فين نبض؟ ظابط: اهدي أنت اتجننت. مهند: اهدي يا رعد. مهند: آسفين. ظابط: أنت مين أنت؟ رعد طلع بطاقته ووداها للظابط والظابط بصله بشوية توتر. رعد (بصوت عالي) : فين نبض؟ حد يتكلم. ياسر: زمايلهم الدكاترة لما رجعوا حكوا اللي حصل.

رعد: اللي هو؟ ياسر: هي وواحد زميلها عملوا مشكلة هناك وفي ناس ضربوهم والباقي هربوا بسرعة قبل ما يضربوهم هما كمان. رعد: المكان ده فين؟ ظابط: رعد بيه ممنوع دخول حد غريب في المكان ده. رعد: المكان ده فين يا ياسر؟ ياسر: في (اسم المكان) رعد: مهند كلم القوات وابعَتهم على المكان ده. مهند: طيب. رعد راح ركب عربيته وراح ناحية المكان. عند نبض. نبض (بدموع) : تليفوني فصل. طارق: اهدي هنخرج من هنا.

نبض: قوم معايا نحاول نخرج، زمانهم هديوا وكل واحد رجع بيته. نبض وطارق بدأوا يتمشوا ببطء ونبض بتبص يمينها وشمالها. نبض: تعالى نخرج للطريق العام ممكن نلاقي عربية ترجعنا. وفجأة نبض وطارق سمعوا صوت صريخ عالي. طارق: ده صوت ميرفت. نبض وطارق جريوا ناحية الصوت لقوا بيت صغير في وسط الأراضي الزراعية. نبض (بهمس) : تعالى من هنا. نبض وطارق بصوا من شباك صغير لقوا إنهم بيعذبوا ميرفت وهيغتصبوها. طارق: يلا نبض نهرب بسرعة.

طارق شد نبض وبدأ يجري هو ونبض كانت تايهة. نبض: مش هسيب ميرفت هنا لوحدها. طارق: لو روحنا هيغتصبوكي أنتِ كمان. نبض: ولو مشينا هنبقى خاينين. طارق: أنتِ مش في وعيك، كل واحد بيهمه نفسه يلا. طارق شد نبض غصب عنها وطلعوا على الطريق العام. نبض: سيبني مش هاجي معاك أنا هرجع لميرفت. طارق (بعصبية) : أنتِ مجنونة؟ هيغتصبوكي أنتِ كمان. طارق: افهمي بقى هي لو مكانك هتسيبك وتمشي. نبض: بس هي مش في مكاني، وكمان أنا مش زيها. نبض: وسع كدة.

طارق (بعصبية) : مش هخليكي تروحي. نبض كانت بتزق طارق بعيد عنها وطارق كان ماسكها بقوة. نبض (بوجع) : آه. نبض وقعت اتخبطت في حجر وبدأت تنزل دم. طارق: نبض أنتِ كويسة؟ طارق مسك نبض وقومها وخرجوا للطريق العام تاني. طارق: أنتِ بتنزفي، لازم مستشفى بسرعة. نبض: ميرفت. طارق (بعصبية) : بس بقى أنتِ مش شايفة حالك. نبض رفعت رأسها بوجع وطارق لاقى عربية قدامهم. طارق بدأ يشاور للعربية لغاية ما العربية وقفت قدامهم. نبض (بدموع) : رعد!

نبض جريت على رعد وحضنته ورعد حاوطها بإيده. رعد: اهدي اهدي أنا جيت أهو اهدي. طارق (باستغراب) : مين ده يا نبض؟ رعد حس بحاجة على إيده بص لاقى دم. رعد: إيه الدم ده يا نبض؟ نبض (بدموع) : وقعت من شوية. رعد بعد شعر نبض عن وشها وبدأ يشوف الجرح. رعد: طيب تعالي. نبض (بدموع) : رعد في واحدة كانت معانا يا رعد بيغتصبوها. نبض (بدموع) : والنبي يا رعد ما تسيبهم يعملوا ليها حاجة. رعد حاوط وش نبض بين إيديه وبص لعيونها.

رعد: طب اهدي الأول، اهدي. رعد (بغضب) : وأنت بتعمل إيه يا اللي اسمك راجل أنت؟ طارق: هي غبية دي عايزة تروح ومش هاممها حاجة. طارق: لو حد اغتصبها هي هتفرح ولا إيه؟ نبض (بدموع) : يا رعد لو كنت مكانها يا رعد كنت هتمنى حد يجي ينقذني وأكيد أنت مش هتحب تشوفني بالمنظر ده وأكيد عائلتها مش هتحب تشوفها كدة. نبض (بدموع) : بلاش نضيع وقت. رعد (بجمود) : يلا. رعد: خليك زي الستات هنا. رعد مسك إيد نبض ودخلوا الأراضي الزراعية تاني.

طارق بص بغضب لـ رعد ودخل وراهم. رعد: فين؟ نبض: في آخر الطريق ده. رعد كان محاوط جسم نبض وماشي بيها. نبض كانت ساندة على رعد وحاسة بوجع في رأسها. نبض: هنا أهو يا رعد هنا. رعد: خليكي هنا لو حصلت حاجة اهربي. رعد ساب نبض وكسر باب البيت ودخل. راجل 1 (بغضب) : أنت مين وبتعمل إيه هنا؟ رعد (ببرود) : أنا اللي هخلص عليك. الراجل ده قرب من رعد بس رعد بعد بسرعة ورعد ضرب الراجل برجله على رجل التاني كسرها. راجل 2 (بغضب)

: أنت ما تعرفش احنا مين؟ رعد (ببرود) : شوية نسوان عادي يعني. رعد ضرب الراجل ده في رأسه وضربه برجليه في بطنه. رعد قرب من الراجل التالت وخبط رأسه في الحيطة بقوة. رعد قرب من ميرفت لقاها منكمشة على نفسها وبتعيط ومتعورة كتير. نبض دخلت بسرعة واخدتها في حضنها. نبض: اهدي اهدي خلاص كل حاجة اتحلت اهدي. نبض: أنتِ كويسة. نبض: اهدي. رعد: يلا بينا يا نبض. نبض: حاضر. نبض حضنت ميرفت وقامت بيها مشيت قدام رعد وطارق. رعد: حاسبي.

نبض: شكرًا يا رعد. الأربعة بدأوا يتمشوا لغاية ما وصلوا للطريق العام. راجل (بغضب) : أهم اللي هربوا أهم. ميرفت انكمشت أكتر في نبض ونبض قربت من رعد أوي. رعد: اهدي اركبي العربية. رعد: يلا اسمعي الكلام. رعد راح فتح باب العربية لـ نبض ونبض ركبت هي وميرفت. رعد (ببرود) : خليك هنا يا سوسن. طارق بص لـ رعد بغضب وبص لـ نبض. طارق: روح إن شاء الله تموت. طارق ركب العربية وبص لـ نبض وميرفت. طارق: مين ده يا نبض؟ نبض: ابن عمي.

رعد قرب من الرجالة ولاحظ على وشهم الغضب. رعد: ممكن أفهم إيه اللي بيحصل هنا؟ وليه وقفتوا في طريق مراتي؟ راجل (بغضب) : جم هنا علشان حملة طبية يقوم واحد منهم يغازل مراتنا. رعد: وإيه دخل مراتي بالموضوع؟ راجل (بغضب) : مراتك شايفة نفسها حبتين وشايفة إنها قوية ووقفت في صف زميلها. رعد (بعقلانية)

: تمام حضرتك وأنا بعتذر المرة دي وكمان دول سنهم صغير يعني عقلهم مش كبير وكمان مش عايزين اسمكم يجي في المحضر وقريتكم تسوء حالها ومعروف عن قريتكم إنها من أحسن قرى برئاسة الشيخ عبد الجليل. رعد: ولا إيه؟ عبد الجليل: عجبتني يا ولدي. رعد: عن إذنكم. عبد الجليل: تعالى أضيفك شاي يا ولدي. رعد: لا مراتي تعبانة شوية، مرة تانية. رعد: عن إذنكم. رعد: وشكرًا ليكوا ولعقلكم الكبير وبعتذر لزوجة حضرتك.

رعد راح للعربية وفتح الباب وركبها وبدأ يسوق بره القرية. نبض: قولتلَه إيه؟ رعد لا رد. رعد وهو سايق لاقى عربية مهند والقوات شاور ليهم بمعنى يلفوا تاني. وبعد فترة رجعوا المدينة تاني. رعد: انزلي يا نبض. نبض: وميرفت؟ رعد: هيهتموا بيها. رعد مسك إيد نبض وطلع للبرج بعد ما ودى أوامره لـ مهند. نبض كانت خلاص قوتها انهارت وكانت هتقع لولا رعد اللي مسكها وقعدها على الكنبة.

رعد: خدي نفس عميق واهدي خالص، أنتِ خلاص خرجتي من المكان ده. رعد رجع شعر نبض بعيد عن وشها وشاف جرحها بوضوح وبدأ يملس عليه بهدوء. رعد: هطلع أجيب علبة الإسعافات الأولية وأجيلك. رعد قام جاب علبة الإسعافات ونزل تاني وبدأ يطهر الجرح لـ نبض ومسح الدم اللي على وشها ورقبتها. رعد: قومي علشان ترتاحي يلا. رعد سند نبض وطلعوا للأوضة فوق ونبض قعدت على السرير بتعب. رعد: هدخل أجيبلك هدوم. نبض (بتعب وتوهان) : لا عايزة أنام أنام وبس.

نبض حطت رأسها على المخدة وغمضت عينيها بتعب، رعد قرب وقلعها الكوتشي وقلعها التي شيرت ولبسها تي شيرت غيره وحط إيده على رأسها وسابها ونزل. تحت. مهند: كل حاجة تمام؟ رعد: أيوه. مهند: هو حصل إيه؟ رعد: مفيش، أهم حاجة وديتوا البنت المستشفى؟ مهند: أيوه. رعد: والزفت التاني؟ مهند: عيل بارد يا ابني بيقولي هو ابن عمها ده إزاي ماسكها كدة، وكمان بيقولي هو واخدها على فين. مهند: ما تيجي نطلع نطمن عليها أحسن يعمل فيها حاجة. مهند

(بخبث) : وهو ما يعرفش إنها بين إيدين الشخص اللي ممكن يفدي روحه لحمايتها. رعد ربع إيده ورفع حواجبه لـ مهند. رعد: ويا ترى جنابك تعرف منين؟ وأنت أكتر واحد عارف إيه سبب جوازنا وكمان أنا ما اتعاملتش معاها كتير. رعد: وكمان لو بحميها فـ ده علشان إن والدها موصيني عليها. تليفون رعد رن، الخط اتفتح. رعد: ألو يا آدم. آدم: إيه يا كبير مش هنشوفك؟ رعد: اشمعنا؟ آدم: كتب كتاب وفرح ملك يوم الخميس وطبعًا أنت لازم تبقى موجود.

رعد: هتتجوز مين؟ آدم: ابن الشيخ عبد الخالق مالك. رعد: تمام، راجع قريب. آدم: وجيب معاك نبض. رعد: طيب هجيبها كدة كدة. آدم: أنا مالي ستك هي اللي عايزة تشوفها. رعد: إيه الأخبار عندك؟ آدم: عادي ماشية يعني. رعد: طيب ولو في جديد بلغني. آدم: أكيد، يلا باي. رعد: باي. آدم: إلا صحيح. رعد: خير؟ آدم: مش ناوي تجيب رعد الصغير؟ رعد (بجمود) : اقفل يا آدم. آدم: أ... رعد قفل في وش آدم وحط التليفون في جيبه. رعد: طيب ارجع لبيتك.

رعد: وخلي الباقي يروح مفيش داعي ليهم. مهند: تمام. مهند: مين هيتجوز؟ رعد: بنت عم بلال، يلا هطلع أنام. رعد: امشي. رعد طلع لفوق وغير هدومه ونام بسرعة. في مكان تاني، في الصعيد. هدى: تعالى يا آدم. آدم: في إيه؟ هدى: تعالى عايزة أتحدد معاك شوية. آدم: قولي يا ست الناس. هدى: مش ناوي تتجوز يا آدم؟ آدم: يادي النيلة، لا يا تيتة مش عايز أتجوز. هدى: ليه أكدي؟ ده أنا أعرف بنات كتير زينة. آدم: لما يجيلي مزاج. هدى: يا ولدي.

آدم: يا حبيبتي سيبيني أختار الزوجة على مزاجي أنا. هدى: لحد ميتة هسيبك يا آدم؟ هدى: ده أنت داخل على الـ 26. هدى: ما صدقت أخيك اتجوز خلاص. آدم: رعد أهو اتجوز في الـ 28 اصبري عليا سنتين وهتجوز. هدى: بتتريق عليا يا ابن السيوفي؟ آدم (بضحك) : ما هو الصراحة يا تيتة أنتِ ليه مش مقتنعة إني راجل ومش هعنس جنبك يعني. هدى: لا أنت راجل وسيد الرجالة كمان. آدم: قلبي يا ست الناس. هدى: كنت عايزة أطمن عليك قبل ما أموت يا ولدي.

آدم: بعد الشر عليكي يا ست الناس. هدى: يا حبيبي. آدم: ربنا يخليكي لينا. جلال: مساء الخير يا أمي. هدى: مساء النور يا حبيبي. جلال: إزيك يا آدم؟ آدم: بخير طول ما أنت بخير يا عمي. جلال: ونعمة التربية يا حبيبي. آدم: طيب أسيبكوا مع بعض شوية عن إذنكوا. آدم وهو ماشي خبط في يوسف. آدم: رايح فين يا باشا؟ يوسف شاور ليه بتوتر إنه "مش رايح في حتة". آدم: ومالك متوتر كدة ليه؟ يوسف شاور ليه بمعنى إنه "مش متوتر خالص". آدم (بضحك)

: بهزر معاك يا ابني في إيه؟ آدم: يلا شوف أنت رايح فين. يوسف ساب آدم وخرج بره القصر آدم طلع على أوضته. هدى: مالك يا حبيبي؟ جلال: مش عارف حاسس إن نبض فيها حاجة، حاسس إنها اتغيرت. هدى: هي لازم تتغير يا ولدي، أكيد شالت مسئولية بيتها وجوزها. جلال: حلمت حلم وحش أوي والحلم ده مش مخليني ولا أنام ولا أطمن. هدى: احكي يا ولدي. جلال: نبض كانت لابسة أسود وفي إيديها دم وكانت طول الحلم بتعيط وبتتكلم وبتأنبني علشان جوزتها رعد،

بس في آخر الحلم رعد جه واخدها واختفت من قدامي. هدى (بحيرة) : مش عارفة يا ولدي إيه تفسيره حلم غريب فعلًا. هدى: بس بما إن رعد خدها في آخر الحلم وهي رضيت تروح معاه يبقى ده معناه إنها في أمان مع رعد يا ولدي. جلال: مش عارف بس خير إن شاء الله. هدى: ما تجلقش يا ولدي رعد زينة الرجال هيقدر يحافظ عليها. جلال: تمام يا أمي. جلال: بس مالك أنتِ اليومين دول؟ هدى: مش عارفة مسعد وزهرة مالهم وملك رافضة العريس. جلال: هتتعود زي نبض.

هدى: ربنا ييسر ليهم طريقهم. جلال: آمين. عند يوسف. يوسف أخد الخيل بتاعه وبدأ يتمشى بيه وبيبص على كل حاجة حواليه. يوسف كان بيبص على الناس على الأراضي الزراعية على كل حاجة. يوسف تعب شوية رجع تاني القصر لاقى الكل نايم طلع هو كمان ينام. في الصباح الباكر، عند رعد ونبض. نبض كانت نايمة بدأت تفوق وتحرك رأسها ببطء. نبض فتحت عينيها لقت رعد قاعد قصادها على السرير باين إنه لسه صاحي. نبض: صباح الخير. رعد لا رد.

نبض قامت اتعدلت على السرير وحطت إيديها على رقبتها. نبض (بخضة) : إيه ده؟ نبض (بقلق) : سلسلتي. رعد: سلسلة إيه؟ نبض: دي مش بشيلها من رقبتي خالص راحت فين؟ نبض شالت المخدات كلها ورعد باصص ليها باستغراب. نبض قلبت الأوضة كلها على السلسلة. نبض (بدموع) : هي راحت فين؟ رعد (بحدة) : مش لما تفهميني بتدوري على سلسلة إيه؟ نبض (بدموع) : السلسلة دي كانت غالية عليا أوي مش بقلعها من وأنا صغيرة.

رعد كان بيبص حواليه لمح حاجة بتلمع في الأرض ووطى مسكها لاقى سلسلة رقيقة جدًا وفيها قلب صغير أوي بيلمع والسلسلة كانت فضي. رعد: واللي يدهالك؟ نبض (بفرحة) : لاقيتها؟ رعد (باستغراب) : إيه سر فرحتك دي؟ نبض: هاتها يلا، دي غالية عليا. رعد: مش هديهالك قبل ما أعرف مين اللي إدهالك؟ نبض (بعصبية) : ملكش دعوة مين إدهالي هاتها لو سمحت. نبض كانت هتشدها من رعد بس رعد بعد بسرعة وحط السلسلة في جيب بنطلونه. رعد (ببرود) : مفيش سلسلة.

نبض (بعصبية) : حتى دي هتحرمني منها؟ رعد (ببرود) : قولي من مين الأول. نبض (بعصبية) : من ماما خلاص ارتحت. رعد بص لـ نبض كتير وبعدين مد إيده بالسلسلة. نبض خدتها منه بسرعة وبدأت تلبسها. نبض: بعتذر انفعلت عليك. نبض دخلت الحمام وغسلت وشها ووقفت قدام المراية افتكرت ذكرى وفاة مامتها. نبض فتحت عينيها بسرعة لما سمعت صوت خبط على الباب. نبض: حاضر خارجة. نبض خرجت لقت رعد في وشها كانت هتمشي بس وقفت.

رعد: جهزي نفسك هنتحرك النهاردة بليل. نبض: هنروح فين؟ رعد: فرح ملك كمان يومين. نبض: تمام. نبض راحت أوضة الملابس وبدأت تغير هدومها. نبض لبست بنطلون جينز واسع وفوقه تي شيرت بنص كم أبيض دخلته جوا البنطلون، رفعت شعرها ديل حصان وده خلى الجرح بتاعها يظهر أكتر، ولبست كوتشي أبيض عالي شوية. رعد: رايحة فين؟ نبض: أنا أعرف مكان غير المستشفى. رعد: طيب أي مكان تروحيه من غير إذني مش هبقى مسئول عن الأضرار اللي هتحصلك.

نبض: شكرًا على المعلومة. نبض أخدت شنطتها ونزلت لتحت وركبت تاكسي وراحت للمستشفى. بنت: حمد لله بالسلامة يا دكتورة نبض. بنت 2: حمد لله بالسلامة. بنت 3: ألف سلامة. نبض: الله يسلمكوا كلكوا. لوسي: أوووه بطلة المستشفى جت. نبض لفت لـ لوسي وكانت نظراتها حادة. نبض: أفندم؟ لوسي: بصي على قدك يا حلوة. نبض: أبص زي ما أنا عايزة براحتي. لوسي: على مزاجي يا حلوة. نبض (بسخرية) : شوفوا مين اللي بيتكلم.

نبض سابت لوسي ومشيت ناحية أوضة ياسر. ياسر: اتفضل. نبض: مساء الخير. ياسر: مساء النور، ألف سلامة يا نبض والله زعلت عليكي المهم نورتي المستشفى. ياسر: بعتذر أول مرة يحصل عندنا كدة. نبض: لا عادي ده نصيب، الحمد لله أنا كويسة. نبض: ميرفت كويسة؟ ياسر: أيوه. نبض: تمام شكرًا. عن إذنك. نبض: واااه بعتذر هغيب كام يوم من المستشفى. ياسر: ليه؟ نبض: تعبانة وكمان لازم أسافر ضروري. نبض: عن إذنك. نبض راحت لأوضة ميرفت، خبطت ودخلت.

نبض: ألف حمد لله بالسلامة. ميرفت: الله يسلمك يا دكتورة نبض، مش عارفة من غيرك كنت هعمل إيه. ربنا يجازيكي كل خير يا رب. نبض: لا خالص مفيش حاجة، أنا معملتش حاجة. نبض: سعيدة إني شوفتك بخير. نبض: هروح أنا وأطل عليكي كمان شوية. ميرفت: تسلمي يا دكتورة، ما كانش في داعي. نبض: ما تقوليش كدة، إحنا أخوات. ميرفت: شرف ليا والله. نبض: سلام. نبض خرجت ودخلت أوضتها، لقت طارق. نبض: خير يا مصيبة؟! طارق: عجبتني الأوضة. نبض

(وهي بتلبس البالطو) : طب امشي، هرش مايه. طارق: إنتي متأكدة إنك جاية من تركيا؟ نبض: والله البركة فيكوا يا مصريين، كنت بشوف ليكوا فيديوهات أعوذ بالله. طارق: أمممم طيب. طارق: عمومًا ما تضايقيش مني إمبارح. نبض: أمم قصدك على الجرح ده؟! طارق: أيوه. نبض: طيب تمام. بس إنت ما اعتذرتش. طارق: لازم أعتذر؟! نبض: آه. طارق: آسف، حاجة تاني؟! نبض: لا تقبلته. اتفضل بره من غير مطرود. طارق: مردودة. نبض: تمام.

نبض راحت على مكتبها، وكانت لسة هتقعد تشوف ورق المرضى، تليفونها رن. الخط اتفتح. نبض (بالتركية) : آسفة جدًا والله عـ... فتون (بالتركية، صريخ) : الحقيني يا نبض!