رواية قسوة الرعد الفصل الخمسون 50 - بقلم زوزا

ميرفت: جوزك.. نبض (بصدمة) : ميرفت، الكلام ده مفهوش هزار.. ونبض وهي على التليفون مع ميرفت سمعت صوت مهند. مهند (بصوت عالي) : قسمًا بربي اقتلك، اقتلك فيها! ليث: إيه؟! نبض (بدموع) : رعد.. ليث ونبض قاموا ركبوا موتوسكل ليث وراحوا للمستشفى. نبض دخلت جري على جوا وليث دخل مكتبها وقعد فيه. نبض: إيه اللي حصل؟! كان في الوقت ده الدكتور خرج من أوضة العمليات. مهند: انجز في إيه؟! نبض (بدموع) : ياسر، رعد فيه إيه؟! ياسر (بحزن)

: حصله شلل نصفي، وده الحل اللي قدامنا لاما يموت، وفعلاً قلبه وقف أثناء العملية مرتين. مهند (بقلق) : طب، طب هو يعني كويس؟! ياسر: بالنسبة لشخصية رعد هيبقي الموضوع مأثر على نفسيته أوي وهيكون عنده الموت أهون. نبض (بدموع) : إيه اللي حصل يا مهند؟! (بعياط) : أنا السبب، أنا اللي محمتش ضهره. خرجوا رعد على نقالة وكانت ملامحه باهتة جدًا. نبض (بدموع) : طب وميرفت قالت ليه إنه مات؟!

ياسر: لأنه بالفعل قلبه وقف يا نبض وعدى 3 دقايق ولسه مكنش رجع، فدي إشارة إن النبض مش هيرجع. نبض سابتهم ودخلت على أوضة مكتبها وقفلت الباب. ليث: إيه الأخبار؟! نبض وقعت في الأرض وهي بتعيط وتصرخ. نبض (بعياط) : رعد، رعد تعبان أوي وهيتعب أكتر لما يفوق و و... ليث: هش... اهدي اهدي، أنتي هتقفي جنبه وهتساعديه، وهتخليه يرجع زي الأول تاني. نبض (بعياط) : مش هقدر، مش هقدر أشوفه وهو بالضعف اللي هيبقي فيه.

فتحي: هتبقي أنتي قوته يا نبض. نبض (بعياط) : لا مش هقدر، أنا عارفة مش هقدر، أنا أنا خايفة أوي. فتحي: طب اهدي أنتي دلوقتي. الباب خبط. مهند: نبض افتحي عايز أتكلم معاكي. نبض قامت وقفت ومسحت دموعها ولسه هتفتح الباب. ليث (بهمس) : همشي أنا هتصل بيكي.. باي. ليث مشي من البلكونة اللي في أوضة نبض. نبض فتحت الباب. نبض: اتفضل. مهند (بحزن) : أنا جاي أطلب طلب يا نبض منك. نبض: اتفضل. مهند: رعد.. نبض: ماله؟! مهند (بحزن)

: عارف إنه اللي عمله فيكي مش قليل، بس ممكن تقفي جنبه الفترة اللي جاية لأنها هتبقي فترة صعبة جدًا عليه.. ورعد يعني.. نبض: فاهماك يا مهند، أنا كنت بفكر في الموضوع ده، مهما كان ده ابن عمي برضه. نبض: أكيد. مهند: شكرًا ليكي يا نبض. بعد فترة. كان يعتبر كل اللي يعرف رعد في القاهرة موجود قدام أوضته مستنينه يفوق. مهند: خلاص يا عز جمد قلبك هو بخير الحمد لله. (بدموع) : بس أنا السبب برضه يا مهند.

نبض: هدخل اطمن عليه، تقدروا تروحوا شكله مش هيفوق الليلة دي. نبض دخلت أوضة رعد وملست بايديها على وشه. رعد كان في الوقت ده بيرجع لوعيه وفتح عيونه. نبض (بابتسامة ودموع) : حمد لله بالسلامة. رعد (بتعب) : إيه اللي حصل؟! نبض: مفيش فترة وهتعدي. رعد (بتعب) : ضهري واجعني أوي. نبض: أيوه لأن الرصاصة جت في العمود الفقري. رعد (بتعب) : أنا.. نبض: أنت لازم ترتاح شوية كلهم واقفين بره قلقانين عليك. رعد: هو أنا ليه مش حاسس برجلي؟!

نبض: رعد.. رعد: نعم. نبض: إيه رأيك لما تقوم من هنا نسافر؟! رعد (باستغراب) : مش فاهم. رعد: وإيه التغير الجذري ده؟! وكمان إيه النظرة اللي في عينيكي دي؟! رعد: حصل إيه يا نبض اتكلمي؟! نبض: محصلش. رعد: نبض رجلي ليه مش حاسس بيها ومش قادر أحركها. نبض عيطت وغمضت عينيها ورعد ساعتها فهم. رعد (بغضب) : كنتي تاخدي روحي يا نبض قبلها. نبض: (لا رد) رعد رمى كل حاجة جنبه على الترابيزة بغضب. نبض (بدموع) : اهدي يا رعد. رعد (بغضب)

: اهدي إيه؟! مين الحمار اللي عملي العملية دي؟! كنتوا تاخدوا روحي قبلها يا نبض، كانت روحي تطلع يا نبض. نبض: بعد الشر عليك يا رعد، بس ده قدر ربنا، ده قدر وده ابتلاء من ربنا. رعد (بغضب) : علشان كده بتبصيلي بشفقة صح؟! رعد (بغضب) : اطلعي بره. رعد (بغضب وزعيق) : اطلعي بره مش عايزك قدامي.. بره. مهند: في إيه بس يا رعد؟! عز: اهدي يا رعد. رعد (بغضب) : اطلعوا بره كلكوا، بره مش عايز حد.

رعد شال المحاليل اللي متعلقة في إيده بغضب وشال الغطاء من على رجله وحاول يقوم بس مرة واحدة وقع في الأرض. نبض (بصوت عالي) : طارق! نبض: اهدي أنت كمان بقي. رعد (بغضب) : ابعدي عني، ابعدوا كلكوا عني. طارق: إيه يا نبض؟! نبض: جيب بسرعة نقالة. مهند: يا رعد اهدي بس ده.. رعد (بغضب) : أنت إزاي توافق على حاجة زي كده؟! بره أنت وهو وأنتي كمان بره. نبض: ساعدني يا طارق. شالوا رعد حطوه على النقالة وبعدها نقلوه على السرير.

نبض: تمام، تقدروا تروحوا أنتوا. نبض: رعد اهدي رعد. رعد (بغضب) : ابعدي عني، ابعدوا. رعد زق نبض بغضب بإيده، نبض وقعت في الأرض. عز: أنتي كويسة؟! نبض: أيوه. الباب خبط. اللواء دخل ومهند وعز وقفوا جنب بعض ونبض وقفت جنب رعد. اللواء: رعد أنا عارف إن اللي بتمر بيه صعب، بس لازم تستحمل. اللواء: محدش يقدر يستغنى عنك، حتى و..

رعد: حتى لو أنا بقيت مشلول وبقيت ضعيف كده، حتى لو أنا هيبقي ليا مرافق يعملي كل اللي أنا عايزه، حتى لو هبقي وحيد كده، إيه مش هتستغنوا عني يوم يومين شهر سنة بالكتير وبعد كده هترموني زي الكلب. اللواء: يا رعد.. رعد (بغضب) : مش عايز حد معايا يلا بره. اللواء خرج علشان قدر حالة رعد. سعد دخل بلهفة. سعد: رعد الحمد لله إني شوفتك بخير، قلقوني عليك. رعد: (لا رد) سعد: إيه يا عم البطل تقلان علينا ليه؟! سعد: أوبا!

هي دي مراتك يا ابن المحظوظة؟! مهند (بهمس) : اخرس.. أنت متعرفش اللي حصل. سعد: في إيه يا رعد؟! مالك؟! نبض: رعد.. رعد (بغضب) : مش عايز أسمع صوتك، اطلعوا بره يلا. سعد: إيه اللي حصل لده كله؟! عز: مش وقته يا سعد. رعد (بصوت عالي) : لا قول إني بقيت مشلول ومش هقدر أمشي على رجلي تاني. سعد (بصدمة) : بس بـ.. نبض: أستاذ سعد ممكن نطلع ونسيب المريض يرتاح لأنه هيأخد حقنة مهدئة حاليًا. رعد (بغضب)

: أنا مش مريض ومش هأخد حقنة مهدئة واطلعي بره بقي. نبض: شكلك عايزني أتعامل كطبيبة معاك ومعنديش مانع خالص. نبض (بصوت عالي) : سارة، طارق، زياد، ميرفت! الأربعة دخلوا ووقفوا جنب نبض. نبض: كتفوا المريض معايا. نبض: ميرفت جيبي حقنة (******) 5 سم. نبض: أنت اللي اضطرتني لكده. كتفوا رعد ونبض أدت حقنة مهدئة لرعد. رعد كان بيقاوم وبيشتم ويزعق في نبض. نبض (بهمس) : نتقابل في الخناقة التانية لما تفوق.

رعد آخر حاجة سمعها صوت نبض وبعد كده غمض عينه راح في نوم عميق. نبض: اتفضلوا نتكلم بره. الكل خرج بره والممرضين رجعوا مكانهم. نبض: دلوقتي اللي عايزينه نعمله نلعب على العامل النفسي فقط غير كده مش هيقدر يتحسن. نبض: محدش يحسسه بالعجز خالص، هنعدي فترة وهنبدأ بالعلاج الطبيعي وإن شاء الله هيقدر يمشي على رجله تاني. نبض: وجودكم مش هيجدي بنفعة حاليًا لأنه هيفوق بكرة. نبض: عن إذنكوا أنا موجودة هنا معاه.

نبض سابتهم وراحت لأوضة التغيير وبدأت تغير هدومها. نبض لبست بنطلون جينز وتي شيرت بكم باللون الأسود ولبست كوتشي أبيض عالي وسيبت شعرها على ضهرها. نبض: لو هتتكلمي في تفاهة معنديش وقت. لوسي: مقولتيش ليه إنك متجوزة؟! نبض: وأنتي مالك؟! أنا حرة أتجوز أطلق ملكيش دعوة. نبض كانت هتمشي بس لوسي مسكت دراعها. لوسي (بإحراج) : Sorry. لوسي سابت نبض ومشي ونبض وقفت مصدومة من ردة فعلها لفترة. نبض: سبحان الله.. ربنا يهديكي يا بنتي.

نبض راحت لأوضة رعد اطمنت عليه وبعدها راحت اشتغلت. في مكان تاني... في تركيا. ميران (بنوم، بالتركية) : طيب يا ثريا حاضر. ثريا (بالتركية) : يا بنتي قومي بقي. ميران (بالتركية) : قومت أهو قومت. ثريا (بالتركية) : طيب يلا يا حبيبتي. ثريا نزلت لتحت تحضر الفطار. ميران قامت أخدت دش وخرجت تغير هدومها.

ميران لبست جيبة باللون الأسود ضيقة وقصيرة لغاية الركبة وفوقها تي شيرت أبيض بكم دخلته في الجيبة ولبست جاكت طويل باللون الجملي ولبست بوت جملي طويل. سيبت شعرها على ضهرها وحطت مكياج خفيف. ميران خرجت وهي ماشية عدت على أوضة آدم. ميران (بسخرية) : لسه مصحاش الباشا. ميران كملت مشي بس لقت آدم واقف قدامها. آدم (ببرود) : صباح القرف. ميران (ببرود) : صباح الزفت. آدم: مش قولتلك تتعلمي عربي كويس بدل المتكسر ده. ميران (ببرود)

: آه طبعًا طبعًا. ميران زقت آدم بإيديها ونزلت لتحت قعدت تفطر. آدم كان بيعمل رياضة ودخل أخد دش وخرج غير هدومه. آدم لبس بدلة باللون الكحلي وقميص أسود وجزمة سوداء وحط البرفيوم بتاعه ولبس ساعته. آدم نزل لتحت وقعد فطر هو كمان. ثريا: عايز تأكل حاجة معينة على الغداء يا حبيبي؟! آدم: لا شكرًا يا مدام ثريا. آدم: وأنتي انجزي ورايا شغل مش فاضي لأكلك. ميران (ببرود) : الإنسان لازم يأكل علشان يبقى عنده طاقة وصحته تبقى كويسة. ميران

(ببرود) : وأنا مش مستعدة أخسر صحتي وطاقتي علشان واحد زيك. ميران خلصت أكل وقامت مشيت قدام آدم وآدم كان متغاظ منها. آدم لسه هيركب العربية حصل ضرب نار. ميران صرخت، آدم شدها بسرعة وخباها وقعد بيها على الأرض ورا العربية. ميران (بخوف) : مين دول؟! آدم: شكلهم أعداء عمي جلال، عايزين ينتهوا مني في أول يوم كده. آدم: بدري أوي. حراس آدم اتعاملوا مع الأمر. حارس: كله تمام يا باشا. حارس 2 (بالتركية)

: المكان أمان دلوقتي يا ميران هانم. ميران (بالتركية) : تمام. ميران بصت لآدم كان محاوط خصرها بإيده ومقربها منه. ميران (بحدة) : ابعد كده.. مراتك أنا. آدم (ببرود) : تطولي أساسًا. ميران (بالتركية) : جهزوا عربية تانية وشددوا الأمن. حارس (بالتركية) : حاضر. جابوا عربية تانية وميران وآدم ركبوها والسواق راح ناحية الشركة. بعد فترة. ميران: أتمنى يبقى عندك لباقة عندنا برضه في ناس عربية بتشتغل. آدم (بغيظ)

: احترمي نفسك شوية لأني حقيقي قربت أزهق منك. ميران (ببرود) : أحسن برضه. ميران (بدلع) : أصلك لو مزهقتش مني هتتعلق بيا وما أدراك لما تتعلق بميران. ميران سابت آدم ونزلت من العربية وهي بتبتسم بخبث. آدم كان مصدوم من نبرتها في الكلام ونزل هو كمان. ميران: يلا. ميران وآدم دخلوا الشركة وطلعوا على مكتب جلال القديم. ميران (بالتركية) : كريس أخبارك. كريس (بالتركية) : بخير وأنتي. ميران (بالتركية) : بخير. كريس (بالتركية) : هو ده؟!

ميران (بالتركية) : أيوه. كريس: أهلًا أنا كريس سكرتير حضرتك بعد ميران لفترة معينة يعني. آدم: تمام شكرًا. كريس: اتفضل. التلاتة دخلوا المكتب وآدم قعد على كرسي جلال القديم. كريس: تحب تشرب قهوة؟! آدم: قهوة سكر زيادة. ميران: وأنا يا كريس. كريس: تمام. كريس طلب القهوة ليهم هما التلاتة وقعد قدام آدم. كريس: ميران هتكون مرافقة حضرتك بره الشركة وأنا هكون مرافقك جوا الشركة. كريس: وكل المعلومات اللي ممكن حضرتك تحتاجها اطلبها مني.

آدم: أنا مبسوط إني لقيت شخص بيتكلم عربي كويس بدل العربي المكسر بتاع الآنسة. آدم (باستعباط) : قولتلي اسمك إيه؟! ميران (بغيظ) : ميران ميران... م ي ر ا ن... ميران. آدم: مش هتجوزك يا آنسة ميران يعني هي مرة واحدة كفاية. كريس: أحم نبدأ في الشغل بقي. آدم: أكيد يلا. في مكان تاني... في الصعيد. علا: خلاص بقي يا أدهم معلش. أدهم: حقيقي الأمر مزعج أوي يا مرات عمي أوف.. هضطر أستنى لما الامتحانات تخلص علشان أسافر.

شربات: أحسن برضه سيبهم على راحتهم هناك. أدهم: والله؟! أدهم: طيب أوف... أدهم: معلش يا يوسف. يوسف شاور ليه بمعنى "عادي ولا يهمك". هدى: يلا اطلع ذاكر يا أدهم علشان تبقى زي إخواتك. أدهم: طيب طيب.. أنا طالع. أدهم طلع على أوضته قعد يذاكر. هدى: ناوليني العلبة اللي هناك دي يا سوسن. سوسن: اتفضلي يا أمي. ورد (بدموع وصدمة) : هي زهرة أكده فقدت النطق؟! علا: الحكيمة قالت إنها فترة وهتعدي.

ورد: يا مرارك الطافح يا ورد.. كان يوم أسود يوم ما جوزت بتي. شربات: معلش بقي نصيب. عند عادل. عمر: إيه رأيك يا أبوي تاخد أمي وتروحوا تحجوا. عادل: فكرة حلوة أوي يا عمر. جلال: فعلاً فكرة حلوة تغير جو ليكوا وكمان هتزوروا بيت ربنا. عمر: ما هما زاروه كذا مرة قبل أكده. جلال: ده شيء جميل جدًا... روحت أنا وحياة قبل أكده. جلال سرح في ذكرياته مع حياة. Flash back. جلال: حياة.. حياة (بضحك) : لا. جلال: تعالي هنا. حياة (بضحك)

: لا لا. جلال: والله طيب تعالي بقي. جلال جري ورا حياة لغاية ماقدرش يمسكها. حياة (بضحك) : تعبت. جلال (بتعب) : هاتيلي الدواء بتاعي يا حياة. حياة (بقلق) : جلال حبيبي أنت كويس؟! حياة جريت على جلال وقعدت قدامه. حياة (بدموع) : أنت كويس؟! جلال (بضحك) : مسكتك. حياة: والله طب مش مكلماك، ابعد عني وسع كده. جلال: خلاص أنا مقدرش على زعلك بس دي الطريقة الوحيدة اللي تجيبك. حياة: ولو برضه. جلال: خلاص بقي يا حبيبتي.

حياة: هتعزمني بليل على عشاء في مطعمنا المعتاد؟! جلال: عيوني. حياة: خلاص عفوت عنك. جلال: بحبك. حياة: بموت فيك يا روحي. حياة قربت من جلال حضنته وباسته من خده. جلال: تعرفي عايز أخلف بنت شبهك أوي. حياة: أممم شبهي من ناحية؟! حياة حطت رأسها على رجل جلال وغمضت عينيها. جلال: ما أنا عارف إنك عايزاني أوصفك بس ماشي. حياة (بابتسامة) : أنت هتوصف بنتنا مش أنا. جلال (بحب)

: طب ما أنا عايز بنت شبهك أنتي.. تبقى واخدة كل صفاتك وكل حاجة فيكي. جلال (بحب) : علشان أنا بحب كل حاجة فيكي عايزاها هي كمان تبقى شبهك بالظبط. جلال (بحب) : لو عيونك اللي شبه الخضرة والجنينة اللي بتوه فيهم كل مرة بشوفهم. جلال (بحب) : وتبقى ليها لون شعرك البني الجميل ده. جلال (بحب) : وتبقى جميلة زيك بالظبط ومجنونة وهبلة. حياة (باندهاش) : أنا هبلة!!! جلال (بضحك) : هي دي حاجة جديدة يا قلبي؟! حياة: يا حيوان. جلال: بحبك.

جلال حضن حياة من ضهرها وحياة سندت بضهرها عليه. حياة: إيه رأيك في اسم نبض؟! جلال: اسم نبض!!!!! هو في حد اسمه نبض؟! حياة: معتقدش بس هيبقي في. جلال: مين؟! حياة: بنتنا. جلال: نبض اسم غريب من واحدة أغرب. حياة (بابتسامة) : هتفضل تحبني؟! جلال: لآخر نفس في حياتي. حياة: وأنا كمان. جلال: ربنا يديمك في حياتي يا حبيبتي. جلال قرب من حياة وباس رأسها وأخدها في حضنه. Back. عمر: جلال يا جلال. جلال: ها! نعم. عمر: ده أنت مش معانا خالص.

عادل: سرحت في إيه؟! جلال (بابتسامة) : حياة. عمر: ربنا يرحمها كانت ونعم الزوجة والأم. عادل: فعلاً. في مكان تاني... عند ملك. ملك كانت نايمة فتحت عينيها لقت مالك قاعد قدامها مبتسم. مالك: أخيرًا الأميرة صحيت؟! ملك (بابتسامة) : والأمير إيه اللي صحاه بدري أكده. مالك (بضحكة خفيفة) : بعيدًا عن كلمة أكده دي.. بس الأمير صحي علشان يتأمل في الأميرة. مالك قرب من ملك وباس خدها. مالك: وحشتيني أوي. ملك (باندهاش) : وه!

ما أنا كنت نايمة جارك طول الليل. مالك: ليه مستغربة؟! أيوه وحشتيني بحبك وبتوحشيني في كل لحظة أنتي موجودة ومش موجودة فيها.. بتوحشيني حتى وأنتي قدام عيوني. ملك: بتحبني يا مالك؟! مالك: وهو أنتي لسه معرفتيش؟! ملك: بتأكد. مالك: أممم تعالي أثبتلك. الباب خبط. مالك (بصوت عالي) : مش وقتك. نورا: يلا يا خفيف انزل علشان خاطر وراك مشوار مع أبوك. مالك: أوف... طيب غوري بقي. ملك: قوم يا مالك دلوقت. مالك: يا بت اعدلي لسانك.

ملك: ليه لتكون مستعر مني؟! مالك: أنا يا ملك!!!! ملك: معرفش بقي هو أكده. مالك: والله طيب.. مالك كان لسه هيقوم بس ملك مسكت إيده. ملك: آسفة. مالك: طب يلا طلعيلي هدوم ألبسها. ملك: حاضر. مالك: يحضرلك الخير. مالك دخل أخد دش وخرج غير هدومه. مالك: ها يا حبيبتي عايزة حاجة أجيبها وأنا جاي؟! ملك: لا تسلم يا حبيبي. مالك: طيب هروح المشوار وارجع. ملك: خلي بالك من نفسك. مالك: طيب يا حبيبتي.

مالك باس رأس ملك وخرج وملك دخلت خدت دش وغيرت هدومها ونزلت. في مكان تاني... عند نبض. ياسر: نبض. نبض: نعم يا دكتور ياسر. ياسر: تفتكري اللي عملته صح؟! نبض: في شغلنا مينفعش نميز بين مريض ومريض. نبض: وكمان أيًا كان هو مين فاللي أنت عملته كدكتور صح. نبض: أنت خليته على قيد الحياة بعد ما كان ميت. نبض: ولو عايز موافقة حد من أفراد عائلته فأنا مراته وأنا بقدم لك موافقتي على اللي حصل ده. نبض: تمام. ياسر: تمام يا نبض شكرًا.

نبض: تمام هيأخد وقت قد إيه علشان نبدأ في العلاج الطبيعي. ياسر: في حالة رعد دي مش هينفع دلوقتي حاليًا لازم حالته النفسية. ياسر: وده العامل الأساسي للعلاج الطبيعي يكون المريض قابل للعلاج. نبض: آآآآآ أحم تمام عن إذن حضرتك دلوقتي. نبض مدت بسرعة ودخلت أوضة رعد شغلت النور وبصت على الأوضة كلها وبعدها بصت على رعد اللي بدأ يفوق بسبب النور. نبض لسه بتلف علشان تخرج لقت شخص قدامها. نبض: مين؟!

الشخص ده هجم على نبض ومسك رقبتها، رعد كان فاق. رعد (بقلق) : نبض. نبض (بخنقة) الشخص اللي كان بيخنق نبض سابها وراح ناحية رعد. نبض كعبلته برجليها وقربت منه. نبض ضغطت على رقبته بسرعة بدأ الشخص ده يفقد وعيه تدريجيًا. نبض قامت بسرعة وقربت من رعد وهي بتنهج. نبض: أنت كويس؟! رعد: تمام. نبض طلعت تليفونها واتصلت بـ طارق. الخط اتفتح. نبض: طارق اتصل بأمن المستشفى وجيبهم لأوضة رعد. نبض: تمام منتظراك. رعد: شيلي اللي على وشه ده.

نبض: باستغراب ليه كل اللي بقابلهم أو المجرمين يكونوا لابسين أقنعة. نبض شالت اللي على وش الشخص اللي قدامها ده رعد دقق في ملامحه. رعد: اتصلي بمهند بسرعة. نبض (باستغراب) : طيب. نبض اتصلت بـ مهند وقالتله يجي. نبض مسكت ملف رعد وبدأت تشوفه والأمن جم. طارق: إيه اللي حصل يا نبض؟! نبض: آآآآ أحم لا خلاص مفيش كان في شخص بس شاكة فيه طلع زائر. طارق قرب من نبض وحط إيده على كتفها. طارق: أنتي كويسة؟!

نبض: آه متقلقش شكرًا ليك يا طارق. طارق خد الأمن وخرجوا ورعد رمى المخدات اللي ورا ضهره بغضب على الأرض. نبض: مش سليم اللي أنت عملته ده. نبض جابت المخدات وحطتهم ورا ضهر رعد. رعد (بعصبية) : ابعدي عني أنتي والمخدات دي. نبض (بحنية) : رعد. رعد (بعصبية) : متبصليش كده أنا مش شحات عندك علشان تبصيلي بشفقة كده. الشخص كان مرمي على الأرض مغمى عليه، طارق مقدرش يشوفه لأنه كان واقع ورا السرير.

نبض قعدت جنب رعد على السرير وحاوطت وشه بين إيديها. نبض: مش شفقة يا رعد مش شفقة. نبض: رغم خبرتك الكبيرة مقدرتش تعرف نظرات إيه دي. نبض غمضت عينيها وقربت من رعد بس فتحت عينيها فجأة لما حست بضربة شديدة على رأسها. رعد (بخوف) : نبض. رعد داس على الزرار اللي نبض قالتله يدوس عليه كتير. والشخص التاني مسك نبض من شعرها ورعد كان ماسك نبض أوي. رعد (بغضب) : قسمًا بربي لأخليك تندم إنك قربت منها بس.

شخص: كنا هنخلص منك بسرعة بسرعة بس هي حشرت نفسها. الباب اتفتح ودخلت ممرضة شافت الشخص ده ونبض اللي مرمية في حضن رعد. ممرضة (بصوت عالي) : أمن. الشخص ده زق الممرضة وطلع يجري بره المستشفى. رعد (بقلق) : جيبي دكتور بسرعة. نبض (بتعب) : لا أنا كويسة. نبض (بتعب) : ابعتي حد ينضف ده. نبض بعدت عن رعد وحطت إيديها على رأسها بوجع. نبض: أنت كويس؟! رعد (بعصبية) : مهند الزفت مجاش ليه؟! نبض: أنا أعرف. نبض حست بدوخة فقعدت بسرعة جنب رعد.

رعد: حاسة بإيه؟! نبض: الضربة كانت قوية أوي. رعد حرك جسمه شوية بحيث يفضي مساحة لنبض. رعد: أحم تقدري ترتاحي. نبض رفعت رجليها على السرير ورجعت رأسها على دراع رعد وغمضت عينيها. نبض كانت بين الوعي واللاوعي وحست بـ رعد وهو بيعيط وبيتكلم بهمس هي مقدرتش تسمعه. رعد (بهمس وعياط) : يا رب مش عايز أعيش بقية حياتي عاجز. رعد (بهمس وعياط) : شوفت النهاردة أهو كانت هتموت قدام عيني وأنا مش قادر أتحرك.

رعد مسح دموعه بسرعة وبص على نبض لقاها نامت شال شعرها من على وشها وبص لملامحها. Flash back. حياة: رعد حبيبي تعال هنا. رعد (بابتسامة) : نعم يا طنط حياة. حياة: عيون طنط حياة، تعالى اقعد معايا شوية. رعد (بابتسامة) : لما أخلص رسمتي. حياة: رسمة إيه دي يا حبيبي؟ رعد (بابتسامة) : عروستي. حياة: مش إحنا اتفقنا إنك هتتجوز النونو بتاعي؟ رعد: ما أنا برسمها أهو. حياة (بابتسامة) : بجد؟ طب وريني كده. رعد: أهو.

حياة: الله حلوة أوي يا حبيبي. رعد: أنا بس اللي هتجوزها يا طنط. حياة: أكيد يا حبيبي... أنت جدع وحلو وكيوت وهي هتتجوزك أنت وبس. رعد: هحبها لإنها بنتك. حياة: طيب يا قمر. جلال: لا كده زهقت، مبقاش في غير رعد يعني! حياة (بضحك) : بتغير؟ جلال: أيوه بغير. رعد: متخافش يا عمو، مش بعاكس طنط حياة، أنا بعاكس النونو اللي جوه. جلال: والله؟ رعد: أيوه. جلال: وأنت تعرف اسمها يا واد أنت؟ رعد: أيوه، النونو هتبقى اسمها نبض.

طنط حياة قالت لي: جلال: ومين قال لك إني هجوزها لك؟! رعد: طنط حياة قالت إنها هتجوزني بنتها نبض. رعد: وكمان هي مش هتتجوز حد غيري أنا... أجت لها. جلال (بصدمة) : نعم يا واد هتقـتل بنتي؟! رعد: أيوه؛ لأنها اتخلقت لي. حياة (بضحك) : خلاص بقى اهدوا. حياة: مش أنا وعدتك إني هجوزها لك يا رعد؟ رعد: أيوه. حياة: يبقى خلاص هتتجوزها. رعد قرب من بطن حياة وباسها. جلال: ابعد يا واد عن مراتي. رعد (ببراءة) : أنا ببوس مراتي أنا يا عمو.

جلال: هتجيب لي جلطة يا ابني. رعد: لو حضرتك مت أنا هعوضها. جلال: أنت يا واد متأكد إنك لسه ما كملتش عشر سنين؟ رعد: أيوه بس عقلي كبير. حياة (بابتسامة) : علشان كده هجوزك بنتي. جلال: أنا هطلع أغير. رعد: ماشي يا عمو يلا روح. جلال: بتوزعني يا واد؟ رعد (بضحكة خفيفة) : أيوه. جلال: هطلع أغير وأنزل أفرمك. جلال سابهم وطلع أوضته يغير، وحياة كملت قعدتها مع رعد. حياة: هتحميها يا رعد؟! رعد: أيوه يا طنط حياة، هحميها بروحي.

حياة: وأنا واثقة فيك يا حبيبي. رعد: نبض هتتخلق لرعد. حياة (بابتسامة) : مش لما تيجي بقى؟ رعد: هتيجي وهحميها يا طنط حياة، وعد مني. رعد قرب من بطن حياة وقعد يبوسها كتير. حياة (بضحكة خفيفة) : هتطلع حنين يا رعّودة. رعد: بحبك أنتِ وهي. حياة فجأة حست بوجع في بطنها. رعد (بقلق) : مالك يا طنط حياة؟! حياة (بوجع) : مش عارفة بطني بتوجعني قوي. رعد قرب من بطن حياة وقعد يمسح إيده عليها. رعد (ببراءة) : ما تخافيش أنا جنبك أهو جنبك.

رعد (ببراءة) : نبض ما تخافيش. حياة (بتعب) : خلاص يا حبيبي أنا كويسة. حياة: ربنا يحفظك. حياة باست رأس رعد، ورعد باس بطن حياة. حياة ابتسمت له، وقاموا من الجنينة دخلوا القصر. رعد: ماما أنا هتجوز نبض... Back... رعد فاق لما نبض فاقت من نومها. نبض: عادة بيقولوا إن الرجالة اللي بيسرحوا بيفكروا في واحدة ست. نبض: كان فضول بس لا أكثر، كنت بتفكر في مين؟ رعد: ما لكش دعوة، ويلا قومي من جنبي. نبض: أوف، عيل رخم.

نبض بعدت عن رعد ونزلت من على السرير، ورعد كان نسي إنه اتشل فحاول يقوم بس ما حسش برجله ولا قدر يحركها، فوقف حركته ونبض لاحظت اللي حصل وقربت منه. نبض: هتتعدل ما تخافش. نبض: هنعمل علاج طبيعي وهتمشي على رجلك ثاني. رعد (بسخرية) : بس حاليًا لازم أتقبل فكرة إني مشلول صح؟! نبض: لا... لازم تتقبل فكرة "إن مع العسر يسر"... وإن طالما لسه فيه شمس بتشرق كل يوم يبقى فيه أمل. رعد: كلام بنضحك به على نفسنا.

نبض: لا حقيقة مش عايز تصدقها. الباب خبط. مهند: السلام عليكم، أخبارك يا بطل؟ رعد: تمام، اخرجي بره. نبض سابت مهند ورعد مع بعض، اتكلموا كتير وبعتوا جابوا سعد. عدى شهر. آدم في تركيا ماسك كل الأمور في إيده ورفع أسهم الشركات قوي ومش بيبطل خناق مع ميران. مالك وملك عايشين أحلى أيام في حياتهم وما بيتخانقوش خالص. زهرة فقدت النطق ومش بتتكلم ولا بتعمل أي حاجة غير إنها بتعيط. عمر وبلال وجلال بيدوروا على مكان مسعد بس مش لاقيينه.

شربات بقت في الشهر الخامس وعرفت إنها حامل في بنت بس خافت تقول لبلال. فاطمة دايماً بتروح تقعد مع نبض في المستشفى اللي بقت بيت نبض الأساسي مش بتخرج منه خالص. نبض مهتمة برعد وكل احتياجاته بس هو بيعاملها بجفاء وبرود وبيطلع كل عصبيته عليها هي وبس وهي بتستحمل. مهند وسعد بقوا بيجتمعوا كتير مع رعد ونبض شكت شوية في الموضوع. أدهم قرب يخلص امتحاناته. زودوا حراسة على المستشفى وأوضة رعد بالخصوص وما فيش أي حد اتعرض لهم ثاني.

نبض كانت بتبات مع رعد في أوضته على الأرض وكانت بتتلقى إهانات كتير منه ولكنها شايفة تحسن في رجله. نبض: هروح ألف على المرضى. نبض بدأت تلف على كل المرضى لغاية ما وصلت لأوضة رعد، دخلت لقت في ممرضة قريبة منه قوي. نبض (بحدة) : بتعملي إيه هنا؟! ممرضة (بتوتر) : ها ها أنا... نبض (بعصبية) : اطلعي بره. الممرضة خرجت بسرعة من جنب نبض، ونبض قفلت الباب. نبض: أنت حتى مش راحم نفسك وأنت في الحالة دي. رعد (ببرود) : وأنتِ مالك؟!

نبض: عندك حق فعلًا. نبض: قوم يلا. رعد: أفندم!! نبض: أقصد إن إحنا اتفقنا إنك لازم تتحكم في إرادتك وقوتك، يلا. رعد نزل ووقف واتحرك خطوة واحدة كان هيقع بس سند نفسه. نبض: حاول ثاني. رعد (بغضب) : أنتِ عايزة تذليني يعني؟! نبض: والله؟! شايفة بعد ده كله إني بذلّك؟ نبض: عمومًا مش موضوعنا. رعد حاول يحرك رجله ويمشي خطوة ثانية بس كان هيقع ونبض سندته. نبض: اعدلي وقفتك.

رعد سند على نبض ونبض كانت محاوطاه بإيديها، ورعد اتحرك خطوة ورا خطوة ورا خطوة، قعد يتحرك لغاية ما تم عشر خطوات لوحده. نبض (بفرحة) : أخيرًا!!!! نبض قعدت تتنطط من الفرحة وحضنت رعد. نبض (بوجع) : آه آسفة. نبض نطت على رعد بحماس، رعد فقد توازنه فوقعوا هما الاثنين على الكنبة. نبض: مبروك، مبروك. نبض: يلا قوم هتقدر ترجع شغلك كده ثاني. نبض (بغمزة وضحكة) : ماشية معاك يا عم. رعد (ببرود) : ما عملتيش إنجاز يعني. نبض: تمام، متشكرة.

نبض: يلا روح للسرير بقى ورايا شغل، باي. نبض سابت رعد وخرجت، ورعد قام ببطء ورجع للسرير ثاني وكان مبسوط من نفسه قوي. مهند: وشك مبتهج قوي النهاردة ليه؟! نبض (بفرحة) : رعد مشي على رجله أخيرًا. مهند (بحماس) : بجد، أخيرًا. عز: الحمد لله يا رب. نبض (بفرحة) : أنا فرحانة قوي. سعد: طيب هنروح نطمن عليه. نبض: تمام، باي. في مكان ثاني... في تركيا. آدم: أنتِ يا بتاعة جيبي لي الملف ده. ميران (بغضب)

: قلت لك مية مرة ما اسميش بتاعة. أنا اسمي ميران. آدم: عارف، وأعتقد إني بقى لي شهر بقول لك يا بتاعة ما تجيش تزعلي دلوقتي بقى. ميران (بغضب) : وأنا بقى لي شهر بقول لك اسمي ميران يا ريت نفهم بقى... أوف. آدم: طب هاتي الملف يا ميران. ميران: أيوه كده اتفضل. آدم: شكرًا يا بتاعة، يلا روحي. ميران (بغيظ) : آدم. آدم: عيونه. ميران: ها؟! آدم (بضحك) : عارف إني ما حدش يقدر يقاومني. ميران (بغضب) : بأكرهك.

ميران سابت آدم وخرجت من القصر ركبت عربيتها وراحت للمستشفى. فتون (بالتركية) : مالك؟! ميران (بالتركية) : ما فيش حاجة أنا كويسة. فتون (بالتركية) : مش باين بس ماشي. ميران (بالتركية) : أنتِ اللي مالك؟! فتون (بالتركية) : الدكتورة اللي جت جديدة عايزة تأخذ مني محمد. ميران (بالتركية) : هي برضه مش سهلة... باين عليها الخبث. فتون (بالتركية، بخوف) : هتأخذ محمد صح؟! ميران (بالتركية) : أممم شكلها كده. فتون (بالتركية، بدموع)

: قولي لي أعمل إيه بليز؟! ميران (بالتركية) : روحي دلوقتي شديه واثبتي لها إنه جوزك، شكلها ما تعرفش. فتون قامت بسرعة شدت محمد من دراعه، ومحمد اتخض وفتح عيونه على آخرهم لما لقى فتون قربت منه و (لخيالكوا) ... ميران (بالتركية، بصدمة) : هي عملت إيه؟!! ميران (بالتركية) : خرب الله بيتك. محمد (بصدمة، بالتركية) : إيه اللي أنتِ عملتيه ده؟! فتون (بالتركية، زعيق)

: ابعدي عن جوزي، ده جوزي فاهمة، إياكِ تقربي منه ثاني وإلا هأقتلك في إيدي. فتون (بالتركية) : يلا غوري. الدكتورة بصت لفتون بقرف وسابتها ومشيت. فتون لفت ضهرها لقت محمد باصص ليها. فتون حطت عيونها في الأرض ومحمد قرب منها حضنها. محمد (بالتركية) : يا هبلة بحبك أنتِ وبس... ما تبقيش شكاكة. فتون (بالتركية) : كانت هتأخذك مني. محمد (بالتركية) : أنا ملكك أنتِ وبس... بس دي مش فكرتك، فكرة مين دي؟!

فتون شاورت على ميران اللي خبت وشها بعيد عنهم. محمد (بضحك، بالتركية) : كان لازم أتوقع. محمد (التركية) : أي حاجة تضايقك تيجي تقولي لي أنا... فاهمة؟! فتون (بالتركية) : حاضر. محمد باس رأس فتون وأخذها وراح لمكتبه. ميران كانت بتقوم لقت مسدس مصوب ناحيتها بس من تحت. شخص (بالتركية، بهمس) : قدامي كده بهدوء. ميران بصت للشخص ده وخافت ومشيت معاه وركبت العربية اللي الشخص شاور عليها. ميران (بالتركية) : أنتِ مين؟! شخص 2 (بالتركية)

: اسكتي. ميران (بالتركية) : بس... ميران ما لحقتش تكمل كلامها لقت مسدس مصوب ناحيتها فسكتت. الشخص الثاني حط حاجة سودا على عينها. في مكان ثاني... في مصر... في المستشفى. سارة: شخص مجنون. ميرفت: هو مين؟! سارة: المريض اللي اسمه رعد اللي كان صوته بيهد المستشفى دي كلها. ميرفت: عمل إيه؟! سارة: هيكتب كتابه دلوقتي. ميرفت (بصدمة) : أفندم!!! سارة: أيوه في عروسة كده جميلة وشيك وقمر وشخص كده كبير بس باين عليه إنه لواء.

ميرفت: أنتِ متأكدة؟! سارة: أيوه في حاجة؟! ميرفت جريت بسرعة على أوضة تغيير الملابس. نبض: إيه يا ميرفت، في حاجة؟! ميرفت: ها لا ما فيش، إيه رأيك نخرج رأسي وجعاني شوية. نبض: كنت هأخرج أتمشى شوية في الجنينة وقلت آخذ رعد أمشيه في الهوا شوية. ميرفت: أنتِ لسه بتحبيه؟! نبض: إيه دخل الموضوع ده في ده، ده مريض عندي. ميرفت: طالما ما بتحبهوش خلاص بقى اطلقوا علشان ترتاحي. نبض: إن شاء الله يا ميرفت. نبض: هأغير. ميرفت: ها آه لحظة...

ميرفت خرجت بره الأوضة وهي بتفكر تعمل إيه. نبض غيرت هدومها. (نبض لبست بنطلون أسود وتي شيرت بحمالة رفيعة على الكتف باللون الأسود وفوقه جاكيت طويل وواسع باللون الأبيض في أسود، سيبت شعرها على ضهرها وكتفها وحطت روج خفيف ولبست صندل بكعب أسود) نبض لسه هتخرج لقت ميرفت واقفة قدام الباب. نبض: مالك يا ميرفت، وسعي هأروح أشوف المرضى قبل ما آخذ رعد ونتمشى. ميرفت: أنا عايزة أتمشى معاكِ عندي مشكلة. نبض (بقلق) : مالك أنتِ كويسة؟!

ميرفت: تعالي نتمشى بره يلا. نبض: طيب يلا. ميرفت: بس سؤال. نبض: قولي. ميرفت: أنتِ لسه بتحبيه؟! نبض (بتنهيدة) : الحب عمره ما كان كفاية، حبه اللي في قلبي مش كفاية علشان أسامحه. نبض: يلا بينا. نبض مشيت هي وميرفت. فجأة لوسي وقفت قدامها. نبض: في حاجة؟! لوسي: هتسمحي بده يحصل؟! نبض: إيه هو؟! لوسي: جوزك هيكتب كتابه على واحدة غيرك جوه. نبض: ........