رواية قسوة الرعد الفصل الحادي والستون 61 - بقلم زوزا

فرح (بعياط) : تعالَ بسرعة. رعد بعد نبض عنه بسرعة، وقام وقف بصدمة. نبض (بقلق) : إيه يا حبيبي؟! رعد (بقلق) : مين؟! فرح (بعياط) : أنا أمك يا ابني، فارس هيقتلني، الحقني أرجوك. فرح بعتت الموقع لرعد وقفلت الخط خالص. رعد حس بالقلق، ودخل غير هدومه بسرعة وأخذ حاجته. نبض: فهمّني يا رعد حصل إيه؟! رعد: ما فيش، خليكي هنا قريب وهرجع. رعد ساب نبض ونزل ركب عربيته، وراح للمكان اللي فرح بعتته ليه.

رعد نزل وحس بحاجة غريبة، مسك سلاحه في إيده، لقى مصنع حديد وحارسين واقفين. حارس: سلم سلاحك. رعد: أنتوا مين؟! حارس2: من طرف فرح هانم. الاثنين شدوا سلاح رعد منه، ودخلوه المصنع وزقوه. رعد رفع رأسه، اتصدم لما لقى أدهم وتمارا قاعدين على كرسي مربوطين ومتكتفين. فرح (بضحك) : مفاجأة مش كده. فرح: كنت فاكر إني يوم ما هقع هسند عليك أنت، ابن أبوك. أدهم (بدموع) : ما قولتش ليه ليا يا رعد؟! رعد: ما حبتكش تعرف حقيقة أمك الـ... والـ...

فرح (بغضب) : أنا! رعد لقى حد بيضربه على ظهره بسلسلة حديد. أدهم (بخوف) : رعد. رعد (ببرود) : عايزة إيه؟! فرح: روحك. رعد: خرجيهم بره لعبتك الـ... فرح: هقتلهم هما كمان بعدك، وبعدها أخوك الثالث ومراتك. فرح: علموه الأدب. في واحد جه من ورا رعد، ضرب رجله بحاجة حديد، رعد غصب عنه وقع في الأرض على ركبه. تمارا (بصريخ وعياط) : حرام عليكي، هما عملوا ليكي إيه؟! سيبنا بقى. فرح مسكت تمارا من شعرها جامد، وتمارا كانت بتصرخ. تمارا

(بصريخ وعياط) : أنتي مش أم، أنتي أزبل واحدة عرفتها. فرح ضربت تمارا على وشها كثير لغاية ما أغمي عليها. كان فيه شوية رجالة بيضربوا رعد، ورعد مش بيقاوم خالص. فرح: قبل ما تموت تحب تعرف الحقيقة كاملة. فرح قربت من رعد اللي مرمي في الأرض، ونزلت لمستواه. فرح: أبوك كان شخص رخم وغبي، كان بيحبني زي المجنون، حبه خنقني وكرهني فيه وفي كل حاجة. فرح: وفي يوم جه فارس شوفته وعجبني أسلوبه وكلامه وثقله، من يومها وأنا بقيت أفكر فيه.

فرح: بس للأسف كنت حامل في الـ... اللي هناك ده (شاورت على أدهم) فرح: جه كذا مرة واتكلمنا وعرفت إنه هو كمان معجب بيا. خلفت وما كنتش قادرة أستحمل أكثر، كنت خلاص قرفانة من أبوك ومن كل اللي في البيت، استنيت سنة. فرح: هربت من البيت ومشيت من غير ما أبص ورايا، سيبتك وسبت أخوك وسبت ده، وأنا مش ندمانة. فرح: عرفت إني حامل للأسف الشديد بعد ما خلفتها، فارس حبيبي ما كانش طايقها، أدتها للخدامة هي اللي ربتها.

فرح: كنت كل ما أفكر في عمر قد إيه اتأذى من بعدي كنت أفرح قوي. فرح: وأنت جيت ملهوف علشان تشوفني مالي. فرح مسكت دقن رعد ورفعتها ليه. فرح (بابتسامة خبث) : ابني حبيبي. رعد (بغضب) : هخليكي أنتِ وجوزك تدفعي الثمن غالي قوي يا فرح. فرح: تؤتؤ، هي الحياة ما علمتكش إزاي تتعامل مع أمك إزاي. رعد (بغضب) : ما تذكريش اسمها على لسانك، هي أنظف منك. على الأقل هي لآخر لحظة في حياتها كانت متمسكة بعيالها وما كانتش شايفة غير جوزها.

فرح ضربت رعد قلم على وشه وبعدت عنه. فرح: قبل ما تموت نفسك في حاجة؟! أدهم (بخوف ودموع) : رعد أنت كويس؟! رعد (بكبرياء) : ما تخافش يا أدهم، ما تنساش إنك من عائلة السيوفي، ابن عمر السيوفي، وعمر السيوفي ولاده كلهم رجالة ما بيخافوش أبدًا. فرح: مش عايز تشوف حبيبة القلب مرة قبل ما تموت. رعد بص قدامه ببرود، وأدهم ما كانش عارف يعمل إيه، وتمارا مغمى عليها. اشتغلت شاشة صغيرة قدام عيون رعد. عند نبض

نبض كانت قلقانة قوي على رعد، جرس الباب رن. نبض راحت ناحية الباب وفتحته. فارس: أنتي نبض السيوفي. نبض: أيوة مين حضرتك؟! نبض لقت حد ضربها برجله في بطنها، وقعت في الأرض. نبض (بوجع ودموع) : أنتوا مين؟! فارس نزل لمستوى نبض، وشدها من شعرها ورفعها ليه. نبض (بصريخ) : آدم. نبض كانت حاسة بوجع شديد في بطنها. فارس (بسخرية) : هو موجود؟! فارس: أحسن علشان نخلص من الثلاثة في وقت واحد. نبض (بخوف) : رعد، رعد فين؟!

فارس: زمانه بيتدفن دلوقتي. نبض (بدموع وخوف) : أنت كداب، رعد بخير. فارس (بسخرية) : ده البعيدة غبية بقى. فارس قرب وشه من وش نبض، بس نبض بعدت عنه. نبض (بغضب) : أنت شخص زبالة. فارس: اطلعوا شوفوا أخو المحروس فين؟! نبض زقت فارس بغضب، وزحفت لورا بوجع. فارس (بضحكة خبيثة) : بتستخبي مني؟! فارس قرب من نبض اللي وقعت من السلمتين اللي قدام الباب. نبض (بدموع ووجع) : إياك تقرب. عند آدم وميران ميران كانت نايمة وحست بحركة غريبة قامت.

ميران (بخوف) : آدم، آدم. آدم (بنوم) : إيه يا ميران؟! ميران (بخوف) : أنا خايفة قوي وحاسة بحاجة غريبة. آدم شد ميران لحضنه أكثر وباس رأسها. آدم (بنوم) : نامي يا ميران، ما تخافيش. ميران (بخوف) : يا آدم. فجأة الباب اتفتح ودخلوا كذا شخص لابسين أسود ومعاهم أسلحة. ميران (بفزع) : آدم.

آدم قام بسرعة وشغل النور، لقى واحد مصوب السلاح ناحيته، عكس إيده وأخذ السلاح، ضرب رصاص على رجل واحد منهم، وضرب رصاص على رأس واحد، والثالث ضرب نار على آدم. آدم شد ميران في حضنه وحماها بجسمه. ميران (بدموع) : آدم. آدم ضرب نار قبل ما الثاني يضرب، والثلاثة وقعوا في الأرض. آدم: اهدي اهدي يا حبيبتي اهدي. آدم أخذ ميران وكان بيبص يمين وشمال ونزلوا على السلالم. نبض (بوجع) : ابعد يا حيوان. نبض (بوجع)

: لو آخر راجل في الدنيا مستحيل أخليك تقرب مني. أنا متجوزة وبحب رعد، حتى لو زي ما أنت بتقول إنه مات، هفضل مراته وهيفضل هو الراجل الوحيد اللي يحق ليه إنه يلمسني. نبض (بصوت عالي) : فاهم؟! آدم (بعصبية) : إيه اللي بيحصل هنا؟! آدم رفع مسدسه في وش فارس، في واحد رفع مسدسه في وش ميران، وواحد ثاني في وش آدم. فارس: نزل سلاحك يا حلو. ميران (بدموع ورعب) : آدم أنا خايفة. آدم: أنت مين؟! فارس: اللي هيخلص عليك. فارس (بخبث)

: بس لما أستمتع مع مرات أخوك شوية. آدم (بغضب) : على جثتي ده يحصل. فارس (بخبث) : قدامك تنقذ مرات أخوك، لأما تنقذ مراتك يا آدم، اختار. آدم بص لميران اللي كانت بتبص لفارس برعب وخوف، وبص على نبض اللي مرمية في الأرض وبتنزل دم. آدم قرب من نبض، كان الحارس اللي رافع سلاحه على ميران ضربها على رأسها، ميران وقعت في الأرض. فارس: أمسكوه. باقي الحراس مسكوا آدم وكانوا كثير، فارس شد نبض من شعرها وقومها معاه، وطلع على أوضتها هي ورعد.

نبض (بصريخ) : ابعد عني يا حيوان. فارس ضرب نبض على وشها، ورماها على السرير. نبض (بصريخ) : يا حيوان أنت زبالة. نبض مسكت كأس كان على الكومودينو، وضربت بيه رأس فارس. فارس (بوجع) : يا... نبض زقت فارس وبعدت عنه بسرعة، نبض نزلت تجري بره الأوضة. نبض حست بوجع شديد وكانت قوتها انهارت. نبض وقعت من على السلالم ونزلت السلالم كلها وهي بتدحرج، وقعت في الأرض مغمى عليها. عند رعد

رعد صرخ بأعلى صوت عنده لما نبض وقعت من على السلم، وكان حواليها دم. فرح (بخبث) : إيه يا حبيب أمك شوفت السنيورة. رعد (بغضب) : وحياة نبض لأكون قاتلك. فرح (بخبث) : بعد الوقعة دي ما اعتقدش إنها هتعيش. فرح (بخبث) : شوفت بقى أنا ساعدتك إزاي قبل ما تموت ووريتك مراتك وهي بتموت قبلك. فرح مسكت مسدس ووجهته ناحية رعد. رعد في أقل من لحظة شد السلاح منها، وحاوط رقبتها بإيده، وحط المسدس على رأسها.

رعد: قسمًا بربي لو ما خليتهم ينزلوا السلاح لأكون قاتلك. ما حدش نزل سلاحه، رعد قتل خمس أشخاص. رعد: ناقص رصاصة واحدة هتكون في رأسك. فرح (بخوف) : نزلوا سلاحكم. الباقي نزل سلاحه، ورعد أخذ مسدس ثاني وقتل الباقي وكانوا عدد صغير، رعد ضرب نار على الكل. رعد (بغضب) : قسمًا بربي لو حد من اللي باحبهم حصله حاجة، اللي كنت هعمله فيكي في الأول كان رحمة. رعد ضرب فرح على رأسها بالمسدس، فرح وقعت في الأرض مغمى عليها.

رعد قرب من أدهم فك الحبل اللي كانوا مقيده. رعد: أنت كويس؟! أدهم: آه. رعد قرب من تمارا فك الحبل بتاعها، وشالها على كتفه وخرجوا هما الثلاثة، ركبوا العربية ورعد ركبها بسرعة وساق بأقصى سرعة عنده. رعد مسك تليفونه واتصل بسعد، الخط اتفتح. رعد: سعد ابعت رجالتك لـ... رعد: هيلاقوا فرح الدمنهوري، خدها ووديها للمخزن القديم. سعد: طيب بس فهمني حصل إيه؟! رعد قفل التليفون وكمل سواقة ناحية البيت بسرعة. عند نبض

مراد كان جاي يزور نبض، لقى الباب مفتوح ودم، وأول ما دخل لقى رجالة مكتفة آدم. مراد: صابر. مراد: أنتوا بتعملوا هنا إيه؟! صابر (حارس) : ليث أنت إيه اللي جابك هنا؟! مراد: أنت مجنون سيبه، أنت بتعمل إيه ده يخصني. مراد (بخضة) : نبض. مراد جرى على نبض ولفها ليه، لقى رأسها بتنزل دم وتحتها دم. فارس (بغضب) : أما ربيتك يا... فارس بص لقى نبض مرمية في الأرض، ومراد رفع رأسه لقى فارس. مراد (بغضب) : يا ابن الـ...

مراد قام جرى على فارس، وقعد يضربه بغضب. صابر: خلاص يا ليث اهدأ. مراد (بغضب) : ابعد عني، وأنت كنت فين لما عمل كده؟! مراد (بغضب) : اللي أنت عملته في أختي وربي لأدفعك الثمن غالي، يا... مراد نزل ثاني لنبض. صابر خلى الحراس يسيبوا آدم. آدم جرى على ميران بقلق. آدم (بخوف) : حبيبتي فتحي عينك. مراد: مش هنقدر نستنى، لازم ننقلهم المستشفى. مراد شال نبض بين إيده وخرج بره البيت. آدم شال ميران وخرج ورا مراد.

كل واحد ركب عربية وراحوا على أقرب مستشفى. مراد (بصوت عالي) : دكاترة هنا بسرعة. لوسي: نبض!!! طارق (بخضة) : نبض!! ياسر: إيه اللي بيحصل هنا؟! طارق: نقالتين هنا بسرعة. حطوا نبض وميران كل واحد على نقالة ونقلوهم أوضة الإسعاف. آدم ومراد واقفين خايفين عليهم. ياسر: إزاي حصل ده؟! وفين رعد؟! آدم (بتذكر) : آه فعلًا! آدم: رعد. عند رعد رعد وصل بسرعة للبيت ودخل بسرعة ما لقاش حد، بس لقى دم نبض. رعد (بصريخ) : يااااااااااا رب. أدهم

(بدموع) : رعد اهدا. رعد طلع بسرعة على أوضته ورمى هدومه على الأرض، وبص على شاشة صغيرة شوية وجاب التسجيل وشاف إن مراد أخذ نبض. رعد طلع تليفونه بسرعة واتصل على آدم. الخط اتفتح. آدم (بقلق) : رعد أنت كويس؟! رعد: أنتوا فين؟! فين نبض يا آدم؟! آدم: في مستشفى... رعد: أنا جاي. رعد نزل جرى على تحت وأدهم وراه، ركب العربية وراح على المستشفى. رعد نزل وشال تمارا بين إيديه ودخل المستشفى. أدهم: دكتور هنا بسرعة. ميرفت: دخلوها الإسعاف.

دخلوا تمارا أوضة الإسعاف، ورعد شاف مراد وآدم جرى عليهم بسرعة. آدم (بقلق) : إيه اللي حصل فيك؟! رعد (بخوف) : مش مهم أنا، فين نبض؟! مراد وآدم بصوا على سرير نبض، رعد اتصدم من الدم اللي نازل منها والدكاترة كلهم حواليها. ياسر (بحدة) : جهزوا أوضة العمليات. ياسر (بحدة) : واطلبوا وحدات دم مماثلة. مراد: اهدا يا رعد. رعد (بدموع) : أنا السبب، أنا السبب. آدم: لا اهدا.

مراد حضن رعد جامد، ورعد مسك فيه وبدأ يعيط، وآدم وأدهم كانوا مستغربين. رعد (بعياط) : ما طلعتش قد الأمانة يا مراد. مراد: اهدا، نبض أختي وأنا عارفها هتبقى كويسة. آدم (بصدمة) : أنت مراد!!!!! أدهم: مراد مين؟! مراد: بعدين يا آدم. مراد: إيه اللي حصل لتمارا؟! رعد (بصدمة بسيطة) : أنت تعرف تمارا؟! مراد: أيوة كانت في قصر فارس الدمنهوري. رعد: لما نطمن على نبض نبقى نتكلم. دخلوا نبض أوضة العمليات، ورعد بص ليها حاول يمسك دموعه.

الكل قاعد على أعصابه لفترة طويلة بالنسبة ليهم. بعد فترة ياسر ولوسي وطارق خرجوا من أوضة العمليات. ياسر: الحمد لله أنقذنا نبض. طارق: بس للأسف الشديد. لوسي: الجنين كان في أيامه الأولى ما قدرناش ننقذه، ونبض أجهضته. ياسر: شدوا حيلكم، الأيام جاية كثيرة. طارق: المهم إن نبض حاليًا كويسة. لوسي: لازم رعاية كبيرة واهتمام. رعد كان مصدوم قوي ومش قادر يتكلم. رعد (بدموع) : يي ععن نني ي ننب ببض ض ككا ننت ت حح امم ل

(يعني نبض كانت حامل) لوسي: أيوة بس للأسف فقدت الجنين. طارق: اتعرضت لضربات قوية أدت إلى نزيف حاد والإجهاض. بالإضافة إنها باين إنها وقعت وده سبب جرح في رأسها. آدم: شد حيلك يا رعد. رعد (بدموع) : ب ب سس هه يي كك اا ننت ت بت تت تأ خدد حبو بب مم ن عع ا (بس هي كانت بتأخذ حبوب منع الـ... لوسي: ممكن تكون بتأخذ حبوب منع الحمل واخذة كل احتياطاتك، بس ربنا يريد إنك تحمل. لوسي: ألف سلامة على نبض.

الثلاثة سابوا رعد ومشيوا وهما زعلانين على حالة رعد ونبض. نبض خرجت على نقالة وكان وشها شاحب، نقلوها أوضة عادية. مراد: شد حيلك يا رعد. آدم: تتعوض يا رعد. رعد (بتوهان) : روح لمراتك، وأنت خليك مع تمارا يا أدهم. رعد (بتوهان) : أنا هروح لنبض. رعد راح لنبض وهو تايه وتعبان، وقعد جنبها طول الليل. عند الباقي مراد: إيه اللي حصل يا أدهم؟! أدهم: ما أعرفش اتخطفت، ولقيت تمارا دي مخطوفة معايا، وبعدها رعد جه واللي اكتشفته.

آدم: اكتشفت إيه؟! أدهم حكى الحديث اللي دار بين فرح ورعد. آدم (بصدمة) : يعني أمي عايشة؟! وكمان حاولت تقتلنا كلنا. أدهم (بدموع) : أيوة. آدم (بدموع) : ورعد كان متحمل الحقيقة الثقيلة دي كلها في قلبه. مراد: المهم دلوقتي إنه ما خسرناش حد، كفاية إنها جت لغاية دلوقتي. مراد: والحمد لله إنهم ما كانوش عارفين إنها حامل وما تعلقوش بالبيبي. آدم: هروح أشوف ميران. عند ميران آدم دخل الأوضة لقى ميران بتبدأ تفوق. ميران (بتعب)

: أنا فين؟! آدم: أنتي في المستشفى يا حبيبتي. ميران (بخوف) : آدم آدم أنت كويس؟! آدم: آه يا حبيبتي ما تقلقيش. ميران (بخوف) : نبض فين؟! آدم: في الأوضة اللي جنبك. ميران: هي كويسة صح؟! آدم (بحزن) : فقدت البيبي 🥺 ميران (باستغراب) : نبض كانت حامل!!! آدم: أيوة من حكمة ربنا. ميران: طب هي دلوقتي كويسة؟! صح؟! آدم: أيوة ما تقلقيش، هتفوق بس لسه ما نعرفش إمتى. ميران (بدموع) : يا رب بقى، هو مين الناس دول؟! آدم (بغضب مكتوم)

: ناس لازم تنتهي من البشرية في أقرب وقت، ما تخافيش. ميران: آدم. آدم: نعم. ميران: عايزة أنام في حضنك. آدم قعد جنب ميران وأخذها في حضنه، وميران غمضت عينيها واستسلمت للنوم. كان في جرح في رأسها ناحية الشمال. عند تمارا أدهم: حمد لله بالسلامة. تمارا (بخوف) : مين اللي جاب ده هنا؟! مراد: ما تخافيش يا تمارا أنا مش في صفهم. تمارا (بخوف) : لا أنت مرعب. مراد: ما تخافيش أخوكي أهو موجود. أدهم: ما تخافيش. تمارا: فين رعد؟!

أدهم: مع مراته، لإنها تعبانة. تمارا: طب اخرجوا بره. أدهم: طيب لو عوزتي حاجة أنا بره. أدهم خرج ومراد بص على تمارا وسابها ومشي. في مكان ثاني، في الصعيد، في القصر. عمر: اتفضل يا حاج اتفضل. راجل: تسلم. بلال: أم زهرة خدي الحريم. ورد: اتفضلي. جلال: اتفضل يا عثمان يا ابني اقعد. عثمان: شكرًا. عادل: اتفضلوا. بلال: القهوة يا أم يوسف. علا: حاضر ثواني. عند الستات هدى: منورة يا أم عثمان. مامة عثمان: بنورك يا حاجة.

مامة عثمان: بصي بقى يا حاجة أنا صريحة أكده. مامة عثمان: إحنا شفنا بتكم وجينا أهني علشان نطلبوها لولدي عثمان. ورد (باستغراب) : بنت مين؟! مامة عثمان: بتكم زهرة. زهرة كانت واقفة وفتحت عينيها من الصدمة وسابتهم وجريت على فوق على طول. ورد: أحم بس. مامة عثمان: عارفة وسمعت من الناس قبل ما أجي. بس أنا جيت أهني علشان سمعت كل طيب على عائلة السيوفي وصبايا عيلة السيوفي.

مامة عثمان: وكمان إحنا ما نعرفوش السبب اللي بتكم اطلقت علشانه بس. شربات: أحم بس زهرة مش بتخلف. مامة عثمان: أنتوا روحتوا للحكيمة؟! هدى: الصراحة لا. مامة عثمان: خلاص تروح للحكيمة ونعرفوا إذا كان العيب منها. هدى: لو كان العيب منها. مامة عثمان: أنا غرضي شريف يا أم عمر، سمعت كل خير عن بتكم زهرة وأنا أحب أختار لولدي بنت أدب وأخلاق وتربية الأول. مامة عثمان: وأنا صليت استخارة قبل ما أجي وإن شاء الله خير.

هدى: والله مش عارفة يا أم عثمان، لما نسمع رأي الرجالة. عند الرجالة كانوا بيتكلموا في نفس الموضوع وعادل وولاده مندهشين. والد عثمان: ها قولت إيه؟! بلال: أنت فاهم معنى اللي أنت بتقوله. عثمان: لحظة يا حاج. عثمان: بصوا حضراتكم أنا اللي جابني هنا هو سمعة بنتكم والكل بيشهد بيها وبيشهد بأخلاقها وأدبها وتربيتها. سواء كانت متزوجة قبل كده ولا لا ما يهمنيش، لإن الماضي بيفضل ماضي، أهم حاجة أكون أنا حاضرها ومستقبلها.

عثمان: ومش هنجبركم على حاجة والرأي رأيكم. والد عثمان: نستأذن إحنا. عادل: اقعدوا شوية كمان. والد عثمان: الجايات جاية كثيرة إن شاء الله لو أنتوا وافقتوا. والد عثمان: وعلى فكرة والدة عثمان صلت استخارة قبل ما تيجي. الثلاثة مشيوا من البيت، وعائلة السيوفي قعدت كلها مع بعض. هدى: أنا شايفة نودي زهرة للحكيمة. سوسن: الناس شارين زهرة. بلال: بتفكر في إيه يا أبوي؟!

عادل: ناس محترمة وكونهم اختاروا زهرة بس وسط بنات الصعيد كلها، الناس شارية بجد. عادل: خلاص هنودي زهرة للحكيمة الأول. عادل: نادي على زهرة يا علا. علا: حاضر يا عمي. علا طلعت ونادت زهرة، وزهرة نزلت وحطت رأسها في الأرض. عادل: زهرة. زهرة: نعم يا جدي. عادل: في عريس متقدم ليكي وفي إيدك القرار المرة دي يا بنتي علشان ما أكونش ظلمتك، بس في البداية هتروحي للحكيمة. زهرة: اللي تشوفه مناسب يا جدي أنا موافقة عليه.

عادل: على خيرة الله. ورد (بفرحة) : ما نروح للحكيمة دلوقتي. الكل بص لورد وضحكوا. هدى: مستعجلة قوي كده. عادل: روحوا المستشفى. ورد: يلا يا زهرة اطلعي البسي. ورد طلعت بسرعة تغير هدومها وهما ضحكوا عليها، وزهرة ما كانتش لسه مستوعبة الموضوع. زهرة طلعت وغيرت هدومها وورد أخذتها وراحوا للمستشفى. الدكتورة طلبت كذا تحليل وزهرة عملتهم. الدكتورة: بكرة تقدروا تجوا تأخذوا النتيجة. ورد: شكرًا يا حضرة الحكيمة.

زهرة: ده أنتي غريبة قوي يا أمي. ورد: هديكي للي يستحقك المرة دي يا بنتي. في مكان ثاني، عند مهند وفاطمة. فاطمة: طب وحصل ده ليه؟! مهند: وحياتك ما أعرف. فاطمة: يا خسارة كان نفسي أعرف. مهند: يخرب بيت فضولك ده أوف. فاطمة: في إيه يا مهند باحب أعرف الله. مهند: طب قومي اعمليلي أكل. فاطمة: طلبت لينا بيتزا النهاردة. مهند: ده من كثر الفلوس يعني. فاطمة: مرة من نفسي يا أخي، ده أنت إيه ده؟! مهند: يا مبذرة. فاطمة: يا كذاب.

مهند: أنا برضه، طب تعالي هنا. فاطمة: مهند قوم افتح الباب. مهند: لا بقى عناد فيكي. فاطمة: يا مهند ما ينفعش أقوم كده ولسه هلبس الإسدال. مهند: لا. فاطمة: طيب أنا هقوم أفتح كده بشعري. مهند (بعصبية) : نعم يا أختي. مهند زق فاطمة على الكنبة وفاطمة ضحكت عليه. مهند راح فتح الباب وأخذ البيتزا وحاسب. فاطمة: هييييه وضحكت عليك وخليتك تدفع أنت. مهند واقف مصدوم من اللي فاطمة عملته فيه. مهند: يا واطية تعالي هنا.

مهند ساب البيتزا وجرى على فاطمة في كل الشقة. فاطمة: حبيبي يا مهند اهدا كده. مهند: كده!!!!!! ده أنتي نهار أبوكي أسود. مهند شد فاطمة وقعت على الكنبة على رجله. مهند: حساب البيتزا ما ليش فيه. فاطمة: بعد الأكل طب. مهند: أبدًا. فاطمة: يا مهند. مهند: وعد؟! فاطمة: وعد. مهند: هو زياد نايم؟! فاطمة: أيوة. مهند: طيب أحسن مش هيأكل معايا. فاطمة: رخم. مهند: قولتي هتدفعي. فاطمة: وأنا وعدتك. مهند وفاطمة بدأوا يأكلوا البيتزا.

مهند: ها فين بقى الحساب؟! فاطمة قربت من مهند و (لخيالكوا) وفي مكان ثاني، عند ملك ومالك. مالك: ها فاتتني حاجة؟! ملك: لا بس ده طلع أبوها. مالك: ده كله وما فاتنيش حاجة. ملك: حد قالك تدخل الحمام؟! مالك: والنبي!! ملك: أوف بقى خلاص اقعد كل فشار. مالك: مالك يا بنت قلبتي كده ليه؟! ملك: مش عارفة عايزة أعضك قوي. مالك (بصدمة) : عايزة إيه؟! ملك مسكت إيد مالك وعضتها ومالك صرخ. مالك (بوجع) : يا بنت المجانين.

ملك: معلش يا حبيبي يلا نكمل الفيلم. مالك بصلها بصدمة وبص لإيده. مالك: وبالنسبة لإيدي دي أعمل فيها إيه؟! ملك: هاتها. مالك: لا. مالك ربع إيده وبص لملك بصدمة، ملك بصتله بخبث. مالك: كنتي قاصدة يعني؟! ملك (ببراءة مصطنعة) : أنا يا حبيبي!!!! مالك (بغيظ) : أيوة أنتي. ملك: حبيبي أنت زعلان؟! مالك: أيوة ابعد عني. ملك قربت من مالك وحضنته وباست خده. ملك: صالحتك أهو اتفرج على الفيلم بقى. مالك: تيجي نتمشى في الجنينة شوية؟!

ملك: طيب. مالك وملك قاموا وبدأوا يتمشوا في الجنينة، مالك وقف وقطف وردة حطها في شعر ملك وباس رأسها. مالك: ربنا يخليكي ليا يا أغلى ما أملك. ملك: ويخليك ليا يا حبيبي. مالك: قوليلي بقى لو بنت هتسميها إيه؟! ملك: ما فكرتش. مالك: لا لازم نفكر بقى. ملك: ممكن زينب. مالك: حلو قوي ممكن قمر، لإنها هتبقى اسم على مسمى. ملك: حلو برضه، ولو ولد؟! مالك: عبد الخالق. ملك: طيب. مالك: صدقتي؟! باهزر. ملك: أومال؟! مالك: ممكن رعد.

ملك: براحتك اللي أنت عايزه. مالك: اتضايقتي؟! ملك: لا، اللي مضايقني إنك محسسني دائمًا إني ما نستش رعد وإني مش باحبك. مالك: أنا قولت كده؟! ملك: لا بس تصرفاتك ساعات بتدل على كده. مالك: شايف لسانك اتعدل. ملك: أوف شوف أنا باتكلم في إيه وأنت في إيه؟! مالك: باحبك. ملك: با موت فيكي ها بقى. مالك (بضحك) : قمري المقموص. مالك أخذ ملك في حضنه وباس رأسها. في مكان ثاني، عند سعد. سعد أخذ رجاله وراح للمكان اللي رعد قال إيه.

لقى فرح مرمية في الأرض وشاف جثث كثير مرمية في الأرض. سعد: شيلوها. الرجالة شالوا فرح وركبوها العربية، وسعد بص في المكان كله وحس إنه في حاجة حصلت. سعد خرج وركب عربيته ووصل لمخزن قديم. سعد: حطوها في أوضة هنا ويبقى في حراسة وما فيش هروب. سعد: فاهمين؟! الحراس: فاهمين يا فندم. سعد: وأكلوها وشربوها. سعد: لو في حاجة حصلت بلغوني. سعد ركب عربيته ورجع لبيته. في مكان ثاني، عند يوسف.

يوسف كان واقف في شباك مكتبه بيبص على الناس والطريق. يوسف (بتنهيدة) : لا كده كثير. يوسف مسك تليفونه وفضل متردد لغاية ما اتصل بهدى. الخط اتفتح. هدى: ألو يا حبيبي. يوسف: ألو يا تيتة أخبارك؟! هدى: بخير يا حبيبي. يوسف: طب كويس. هدى: أخبارك أنت؟! يوسف: تعبان يا تيتة. هدى: مالك يا حبيبي؟! يوسف: عايز أطلب منك طلب. هدى: قول. يوسف: تيتة أنا طالب إيد عطر بنت الخضرواي. هدى (بابتسامة) : هو ده اللي تاعبك؟! يوسف: أحم.

هدى: فهمتك، هشوف وأرد عليك. يوسف: بسرعة يا تيتة. هدى: طيب، ركز في شغلك باي. يوسف: باي يا حبيبتي. يوسف قفل مع هدى وهو مبسوط إنه أخذ الخطوة دي، وبدأ يكمل شغل. في الصباح الباكر، عند نبض ورعد. نبض كانت نايمة على السرير ورعد غصب عنه نام على الكرسي. ميرفت دخلت وبدأت تشوف القيم الحيوية بتاعت نبض، كانت نبض بتبدأ تفوق. نبض فتحت عينيها ببطء وكانت حاسة بوجع في رأسها وبطنها. نبض (بوجع) : إيه الصداع ده؟! ميرفت: حمد لله بالسلامة.

نبض (بوجع) : الله يسلمك، فين رعد؟! والباقي؟! نبض (بوجع) : الصداع شديد قوي. رعد فاق من النوم على صوت نبض، قام بسرعة وقرب منها. رعد: حبيبتي حمد لله بالسلامة، أهم حاجة عندي سلامتك. رعد مسك إيد نبض وباسها ودموعه نزلت غصب عنه. نبض (بوجع) : بتعيط ليه؟! أنا كويسة قريب هبقى كويسة. رعد (بدموع) : إن شاء الله يا حبيبتي. ميرفت: أهم حاجة رعاية سليمة وحضرتك هتبقي كويسة. نبض (بوجع) : شكرًا يا ميرفت، بس وجع بطني ده إيه؟!

ميرفت: للأسف حضرتك خضعتي لعملية. نبض (بخضة) : ليه؟! رعد: ما فيش يا حبيبتي، خلاص روحي أنتي. نبض: مخبي عني إيه يا رعد؟! رعد: مش مخبي يا حبيبتي. نبض (بدموع) : لا أنت بتكدب عليا، حصل إيه يا رعد؟! رعد (بدموع) : كنتي حامل. نبض (بعدم فهم) : أيوة وبعدين؟! نبض بصت لرعد وفهمت من عينيه إنها خسرت البيبي، نبض غمضت عينيها وبدأت تعيط بصمت. رعد دموعه نزلت مع نبض وحط رأسه على رأسها. رعد (بدموع)

: أنا آسف يا نبض، آسف إني ما كنتش موجود، آسف إني ما قدرتش أحميكي، آسف آسف يا نبض، بس أرجوكي سامحيني أرجوكي. رعد (بدموع وأمل) : ربنا هيرزقنا ثاني، ربنا كريم وهيعوضنا. رعد (بدموع) : ربنا هيعوضنا صدقيني والله. رعد (بدموع) : أرجوكي ما تكرهنيش أنا آسف آسف. نبض فتحت عينيها ومسحت دموعها ودموع رعد وحاوطت وش رعد بين إيديها. نبض (بدموع) : أنا مستحيل أكرهك، وأنا باحمد ربنا إننا ما كناش متعلقين بالبيبي. نبض (بدموع)

: وربنا إن شاء الله هيعوضنا خير، لازم نصبر وأنا مش زعلانة منك ومش عايزاك تعتذر. نبض (بدموع) : أنا متأكدة إنك لو كنت موجود ما كنتش سمحت لحد يقرب مني وكنت حاربت لآخر نفس في حياتك. نبض قربت من رعد وباست رأسه، رعد بصلها وابتسم بحب ليها. ياسر (بإحراج) : أحم أحم. رعد بعد عن نبض بعد ما مسح دموعه وبص لياسر. رعد (ببرود) : ما عملوش الباب من فراغ. ياسر: خبطت على فكرة العيب في ودنك بقى. رعد: والله؟! نبض: خلاص اهدوا.

ياسر: ميرفت قالت إنك حاسة بوجع شديد في رأسك. نبض: آه شوية. ياسر: ما تخافيش أنا عملت إشاعة إمبارح كله تمام، ده بس من أثر الخبطة، ما تخافيش هتتعدل. نبض: شكرًا. رعد: هنرجع البيت. ياسر: لأني عارف إني في كل الحالات لو رفضت أنت هتأخذها، فماشي خدها بس لازم رعاية تامة. رعد: أكيد. ياسر: عن إذنكم. ياسر خرج دخل آدم ومراد وميران وتمارا وأدهم. ميران (بدموع) : نبض. ميران جرت على نبض حضنتها وقعدت تعيط. نبض: أنتي كويسة؟! ميران

(بعياط) : كنت خايفة عليكي قوي. نبض: ما تخافيش يا روحي أنا كويسة. مراد قرب من نبض وباس رأسها وحط إيده على كتفها. مراد: دي أهم حاجة عندنا إنك تبقي كويسة. نبض: يا أوزعة تعالى. أدهم: أنا؟! نبض: في غيرك هنا أوزعة؟! أدهم: إيه ده في إيه ما تلم مراتك يا عم. رعد: براحتها تعمل اللي هي عايزاه. آدم: مسيطرة قوي. رعد: أنا راجل عسول بيحب يسمع كلام مراته. الكل ضحك على كلام رعد ونبض بطنها وجعتها من الضحك.

نبض: ده أنت مطيع قوي قوي أنت هتقولي. رعد: عندك رأي ثاني؟! نبض: أنا أقدر. نبض: يا بسكوتة أنتي تعالي. تمارا: أنا!!! نبض: أيوة. نبض: ما تحكوا حصل إيه. رعد: بعدين. رعد وطى شال نبض بين إيديه ومشي بيها. نبض: يا مجنون ببيجامة المستشفى. رعد: أديكي قولتيها مجنون، مستغربة ليه بقى نفسي أعرف؟! نبض خبت نفسها في رقبة رعد هي كانت محرجة من الناس. نبض: ده أنت مجنون رقم واحد. الكل ركب العربيات ورجعوا على بيت رعد اللي آدم أمر بتنظيفه.

رعد: البيت بيتكم هطلع أنيم نبض وأنزلكم. نبض: لا مش هنام لا لا. رعد: لا هتنامي. نبض: يا رعد. رعد: عيون رعد. نبض (بإحراج) : باحبك. رعد حط نبض على السرير بحرص وقرب منها وبدأ يغير هدومها. نبض لبست بيجامة باللون الأسود في أبيض، لبست بنطلون طويل باللون الأبيض وتي شيرت باللون الأبيض وفيه قلوب حمراء بـ¾ كم وطويل لغاية قبل الركبة بشوية. رعد: حاسة بوجع؟! نبض: لا. رعد: طيب. رعد كان هيقوم نبض مسكت إيده وقعدته ثاني على السرير.

نبض: إيه اللي حصل في وشك ده؟! رعد: بعدين. نبض بصتله رعد فهمها، نام على رجليها ومسك إيد نبض باسها. رعد بدأ يحكي اللي حصل من أول المكالمة لغاية ما وصل للمستشفى. نبض: حبيبي ولا تزعل نفسك، أهم حاجة إننا كلنا بخير. رعد: بس حقك هرجعه حتى لو آخر يوم في حياتي. نبض (بقلق) : رعد حبيبي بلاش. رعد: وأنتي فاكرة إنه لو فضل حر هيسيبنا في حالنا، الحية اللي زيه لازم يتقطع رأسها. نبض: ناوي على إيه؟! رعد: ولا أي حاجة هنفذ القانون.

رعد: يلا نامي. رعد: هنزل أشوفهم وأجيلك. رعد نزل لتحت ما لقاش حد، لقى ورقة. مضمون الورقة: "لازم يبقى عندنا دم شوية برضه ولا إيه، هتصرف أنا". رعد ابتسم وطلع جرى على الأوضة ثاني. نبض: إيه؟! رعد: طلع عندهم دم. رعد دخل أخذ دش وخرج غير هدومه بسرعة وراح قعد جنب نبض. نبض: ما تنشفش شعرك بأحبه كده. رعد قعد يهز رأسه قدام نبض وفي مياه جت على وشها. نبض: بس بقى، قولت بأحبه كده لكن ما ترشش عليا مياه.

نبض حطت رأسها على المخدة ببطء وحاولت تتحمل وجع بطنها بس ما قدرتش وبان على ملامحها. رعد قرب من نبض وباس رأسها وأخذها في حضنه. رعد: هتعدي هتعدي. نبض: إن شاء الله. نبض خبت وشها في رعد وغمضت عينيها ونامت بعمق. رعد برضه نام من التعب. في مكان ثاني، عند فرح. فرح بدأت تفتح عينيها بتعب لقت نفسها مربوطة. فرح (بصريخ) : الحقوني حد هنا، أنا هنا افتحوا. فرح (بصريخ) : الحقوني، خرجوني من هنا.

فرح حاولت كثير تفك الحبل بس ما عرفتش، حطت رأسها على الأرض. فرح (بخوف) : لا لا لا.