رواية قسوة الرعد الفصل السابع والستون بقلم زوزا

في مكان تاني... عند يوسف... يوسف كان واقف قدام شباك الشركة وسرحان.. _Flash back.. _عادل خلاص وافق ياخد هدي ويوسف وعمر وبلال وجلال ورعد وآدم وعلا ونبض وزهرة علشان يخطبوا عطر... مامت عطر: اهلا اهلا وسهلا اتفضلوا.. علا: تسلمي.... هدي: شكرا يا حبيبتي.. الخضراوي: اهلا ده احنا زارنا النبي.. الكل: عليه افضل الصلاة والسلام.. الرجالة قعدت في مكان والستات في مكان.. مامت عطر: نورتوا.. هدي: بنورك يا حبيبتي.. مامت عطر:

يا عطر بت يا عطر تعالي سلمي.. عطر: اهلا وسهلا.. نبض: هاي يا قمر.. عطر: ازيك.. نبض: بخير الحمدلله.. مامت عطر: هروح اجيب العصير.. علا: تعالي يا حبيبتي اقعدي وسطينا.. عطر: قعدت اهو... هدي: بسم الله ما شاء الله قمر.. 🤎عند الرجالة..🤎 عادل: من البداية اكدي احنا جاين نطلب بتكم عطر لابننا يوسف.. خضراوي بصدمة: بتي أني!!!! عمر: ايوه.. خضراوي: بس أحم يعني مش.. يوسف: الحمدلله ربنا عفاني يا عمي.. خضراوي:

يا فرج الله.. يعني انتم بجد جايين لبنت عطر أني؟ عادل: ايوه.. خضراوي: طب وهتعيشها فين؟! يوسف: في شقتي في القاهرة.. خضراوي: طول عمرها محظوظة.. بلال: مش نخلص بجي؟ خضراوي: نجري الفاتحة.. يوسف: لا بعد اذن حضرتك انا عايز رأي الانسة عطر الأول.. خضراوي: بس أني؟ رعد: العريس مش عايز تكون العروسة مجبرة على حاجة.. خضراوي: طب لحظة.. الخضراوي راح لمامت عطر وبدأ يتكلم معاها.. مامت عطر: عطر بنتنا يا خضراوي.. خضراوي:

ايوه بس لازم توافقي؟ مامت عطر جريت نادت على عطر واخدتها ودخلوا الأوضة.. مامت عطر: يوسف حفيد عادل السيوفي طالب يدك؟ عطر (بصدمة) أني يا أما؟ مامت عطر: ايوه.. وطالب موافقتك.. مامت عطر: وطلع بيتحقق زيّنا؟ عطر قعدت خمس دقايق تفكر وبصت لمامتها.. عطر: موافقة.. مامت عطر (بفرحة) طيب.. عطر (لنفسها) يا رب يكون خير ليا.. ✨بره..✨ خضراوي: عروستنا موافقة.. عادل: علي بركة الله..

يوسف ابتسم وكان مبسوط أوي ورفع إيده أول واحد وبدأ يقرأ الفاتحة... الرجالة والستات بدأوا يقرأوا الفاتحة وهما مبسوطين.. نبض حست فجأة بمغص في بطنها وقامت وقفت.. مامت عطر: رايحة فين كملي عصيرك؟! نبض: لا شكرا أنا.. مامت عطر: لا لازم تشربي.. مامت عطر بدأت تسقي نبض العصير غصب عنها، نبض حست إنها هترجع.. نبض (بتعب) التوليت فين؟! مامت عطر: ها؟! نبض (بتعب) الحمام الحمام.. مامت عطر: بس هتعدي قدام الرجالة.. نبض (بوجع)

مش قادرة فين ال.. مامت عطر: هناك كده بصي هتمشي ي.. نبض جريت بسرعة للمكان اللي مامت عطر شاورت عليه ورعد شافها قام جري وراها ودخل الحمام وراها لقاها بترجع كل اللي في بطنها من الصبح لغاية دلوقتي.. رعد: خلاص معلش يا حبيبتي.. معلش.. رعد: اهدي اهدي.. نبض (بعياط) تعبت بقى الحمل متعب... رعد مسح وش نبض بمناديل وغسل وشها واخدها في حضنه.. رعد: معلش يا حبيبتي الف سلامة... معلش..

رعد وطى وشال نبض بين إيديه ونبض حاوطت رقبته بإيديها.. رعد: هنمشي احنا بقى.. عادل: لا جاين معاكوا يلا.. والكل اخد حاجته ومشي معاهم يوسف وهو ماشي لمح عطر في البلكونة بتاعتها غمز ليها وركب ومشي.. يوسف مشافش عطر غير مرتين من ساعتها ومكنتش بتتكلم خالص.. _Back... _شخص: يوسف يا يوسف يا ابني... يوسف: اه ايه يا فاروق.. فاروق: سرحت في ايه؟! يوسف: جوازي... فاروق: مش فاهم.. يوسف: قررت اتجوز لازم أنزل الصعيد بقى.. يوسف: باي..

يوسف اخد حاجته ورجع شقته اللي خدها في القاهرة واخد شنطة هدومه ورجع للصعيد.. ✨✨✨✨✨✨✨✨✨✨✨✨✨✨✨ 🤎في مكان تاني... عند فتون ومحمد..🤎 محمد (بالتركية) بتعملي ايه؟! فتون (بالتركية) هكلم نبض video call.. محمد (بالتركية) وريني.. فتون اتصلت بنبض ونبض فتحت الكاميرا.. نبض (بالتركية) اهلا بيكوا... محمد (بالتركية) الناس اللي اتجوزت ونسيونا.. نبض (بالتركية) اسفه غصب عني.. محمد (بالتركية)

ولا يهمك في الأول والآخر هنبقى أخوات مش كده ولا ايه؟! نبض (بالتركية) اكيد.. فتون (بالتركية) أخبار الحمل ايه؟! نبض (بالتركية) متعب أوي... كل شوية أغير دكتورة أو دكتور.. نبض (بالتركية) رعد مش عايز دكاترة رجالة.. محمد (بالتركية) عنده حق.. نبض (بالتركية) طيب يا محمد.. فتون (بالتركية) بتعملي ايه؟! نبض (بالتركية) غدااا.. محمد (بالتركية) اوووووه نبض بقت بتعرف تعمل أكل.. نبض (بالتركية) رعد علمني شوية.. جول (بالتركية)

في حالة طارئة.. فتون (بالتركية) هنقفل احنا.. نبض (بالتركية) باي.. نبض قفلت التليفون وحطته على الرخامة اللي في المطبخ.. ولفت لقت رعد حضنته وباس خده.. نبض: يلا اطلع خد دوش وفوق كده شكلك باين إنك كنت في بوق كلب مش في الشغل..😂😂 رعد: طب مفيش حمدلله بالسلامة يا حبيبي..😏 نبض: حمدلله بالسلامة يا حبيبي يلا بقى على فوق.. رعد: والله طيب أنا زعلان... نبض راحت لرعد وقفت قدامه ربعت إيديها.. نبض: انت عايز ايه؟! رعد قرب من نبض و

(لخيالكوا) ..🙈🙈🙈🙈 رعد: وحشتيييييييني أوي.. نبض: وانت كمان.. رعد ساب نبض وطلع على أوضته اخد دوش وغير هدومه نزل لقى الأكل على السفرة... رعد: أخبار حبايبي ايه؟! نبض: كويسين.. رعد باس بطنها وباس رأس نبض وبدأوا يأكلوا.. 🤎تليفون رعد رن نبض بصتله بتحذير..🤎 رعد: ده أخوكي.. نبض: خلاص رد.. رعد: اعوذ بالله.. ✨الخط اتفتح..✨ مراد (بسرعة) رعد أنا عايز اتجوز أختك.. رعد: نعم في ايه؟! مراد: عايز اتجوز أختك الله يسد بيا.. رعد:

أنا مش فاهم حاجة انت بتتكلم جد يا ابني ولا بتهزر.. مراد: مش بهزر... بص أنا الصراحة بحب أختك من ساعة ما كانت في قصر اللي اسمه ايه ده فارس ودلوقتي بحبها بس هي مش بتحبني.. رعد: ايوه أنا أعمل ايه؟! مراد: مش عارف أنا عايز أكتب كتابي هه.. رعد: انتوا عائلة مجنونة كلكم.. 😂😂 رعد: كلم بابا.. مراد: وهقوله إن رعد عارف وموافق.. رعد: لا استنى.. مراد قفل الخط بسرعة ورعد قعد يضحك على تصرف مراد.. نبض: ايه؟! رعد: أخوكي اتجنن.. نبض:

حصل ايه احكي؟! رعد: عايز يتجوز تمارا.. نبض: اممم وفيها ايه بقى؟! رعد حكى لنبض اللي مراد قاله وقعد يضحك.. نبض: انت موافق؟! رعد: عن نفسي اه بس أهم حاجة رأيها.. نبض: طب ما أنا مكنتش موافقة وأنا بتجوزك.. رعد (بغمزة) بس يفرق دلوقتي.. أكبر دليل اللي في بطنك دول.. نبض: اوف بقى.. رعد (بضحك) قلبي أنا... 🤎🤎🤎🤎🤎🤎🤎🤎🤎🤎🤎🤎🤎🤎 💚في مكان تاني.. في الصعيد..💚 عادل: عملت ايه في موضوع مراتاتك وعيالك؟! بلال: فين الفلوس الأول؟!

عمر أدى بلال شيك بمليار جنيه.. بلال: واهم أربع ورقات بطلاقهم الأربعة.. 😁 بلال رمى الورق ومشي بره القصر كله... عادل حس بوجع في قلبه وجلال كان زعلان على الجشع اللي ملأ عين أخوه.. عمر (بغضب) الباب يفوت جمل.. عمر: متزعلش يا بوي أنا وجلال سدادين.. عادل: عارف يا ولدي.. عادل: هو مشي ورا الدنيا.. جلال: يا رب يعرف غلطه قبل فوات الأوان.. عادل: الأوان فات يا جلال من يوم ما طلب يورثني بالحياة...

بلال مشي من القصر وسافر للندن حاول يصرف الشيك لكن طلع مزور😂😂 بلال اتشرّد في لندن أوي دخل صفقة بالفلوس اللي كانت بتاعته لكن خسرها وخسر كل حاجة في حياته... ✨✨✨✨✨✨✨✨✨✨✨✨✨✨ ✨عدت الأيام بسرعة ✨ والنهارده فرح يوسف ومراد.. تمارا اخدت شهر كامل علشان توافق على مراد لأنها أصلا كانت بتحبه من أيام زمان، الباقي عايش حياته في استقرار بس رعد الفترة دي عنده ضغوطات في الشغل وبقى بيبات بره البيت.. نبض: والله جيت يعني؟! رعد:

يا حبيبتي والله فترة وغصب عني.. نبض: طيب.. يوسف: هكتب كتابي الأول.. مراد: مين الكبير أنا.. مراد: أنا اللي أكتب الكتاب الأول.. يوسف: وانا الصغير والكبير يقدر يستحمل.. المأذون: خلصوني بقى.. عمر: اكتب كتاب مراد الأول يا مولانا.. يوسف: ماشي يا عمي.. المأذون: بارك الله لكما وبارك عليكما وجمع بينكم في خير.. مراد شد تمارا في حضنه وباس رأسها... تمارا: بس يا مجنون.. مراد: انتي تخرّسي خالص.. استنيت سنين للحظة دي؟ يوسف:

يلا يا مولانا.. المأذون بدأ يكتب كتاب يوسف وعطر.. المأذون: بارك الله لكما وبارك عليكما وجمع بينكما في خير... يوسف حضن عطر وباسها على خدها ورأسها... بدأ كل اللي في القاعة يصقفوا وهما مبسوطين.. زهرة: شكلهم حلو أوي.. عثمان: فعلا.. علا: تعرفوا حاسة براحة كبيرة أوي لما اتحررت من قيد بلال ده.. شربات: وأنا... بس ربنا يدي لعمي (وللبت زوزا دي 😂) طولة العمر. عشان خلونا عايشين في القصر وكتب لينا نصيب في الورث.

ورد: الحمدلله على كل شيء. عدّى الفرح على خير والكل رجع لبيته. 🤎عند مراد وتمارا... مراد (بحدة مصطنعة) : تعالي اقعدي. تمارا (برفعة حاجب) : والله؟! طب مش جاية. مراد: هزعلك. تمارا: اعلي في ما في خيلك أركبه. مراد: والله طب تعالي هنا. مراد جري ورا تمارا ومسكها بسهولة لأنها مكنتش عارفة تتحرك من الفستان. مراد: تعالي يا اللي شغلتيلي بالي من أول يوم شوفتك فيه. تمارا: وأنا برضو حبيتك بس كنت بقول مستحيل تبص لواحدة بنت خدامة زيي.

مراد: أنتي ست البنات كلهم. مراد قرب من تمارا و (لخيالكوا) .. 🙈🙈 💚عند يوسف وعطر... عطر: الشجة حلوة جوي. يوسف: عجبتك؟! عطر: جوي جوي. يوسف: دي أهم حاجة. ادخلي غيري هدومك. عطر: تمام لحظة. عطر دخلت أوضتها وبدأت تغير هدومها وخرجت ليوسف وهي متوترة. يوسف: بسم الله ما شاء الله... قمر. عطر (بخجل) : شكرا. يوسف (بابتسامة) : بحبك. عطر (بخجل) : وأني 🙈 يوسف: أنتي إيه؟! عطر (بخجل) : بحبك. يوسف: بس أنا بحبك أكتر. عطر (بخجل)

: لا أني أكتر. يوسف: شكلنا هنتخانق. طب تيجي نشوف مين أكتر. يوسف شال عطر ودخل بيها لأوضتهم و... 💚💚💚💚💚💚💚💚💚💚💚💚💚 ✨في الصباح الباكر.. عند نبض..✨ نبض صحيت من نومها لقت رعد بيتصل بيها. الخط اتفتح. رعد: صباح الخير. نبض (بنوم) : صباح النور. رعد: قومي يا سكر من النوم. نبض: هترجع إمتى يا رعد؟! رعد: نفسي أرجع بدري علشان أخدك في حضني جامد يا نبض. نبض: طب انجز بقى لأنه هيجيلي جفاف الله. رعد: حاضر يا قمري. يلا قومي كده من النوم.

نبض: طيب. نبض قامت وأخدت دوش وخرجت تغير هدومها. نبض قعدت تفطر وقعدت بملل في البيت. تليفونها رن. الخط اتفتح. أدهم: أهلا بالناس الرايقة. نبض: هاي يا أدهم فينك؟! أدهم: أهو أنا داخل عليكي. نبض: طيب مستنياك. نبض قامت وفتحت الباب لقت أدهم في وشها. أدهم: هاااي. نبض: هاي ادخل. هتلاقي في أكل في التلاجة. نبض: هنزل لفاطمة بقالي كتير مروحتهاش. أدهم: طيب. نبض لقت أتوبيس وقفته وطلعت تركبه وقعدت. تليفونها رن. 💚الخط اتفتح..💚

نبض: ألو يا ميران. ميران: تخيلي إحنا فين؟! نبض: فين؟ ميران: عندكوا بس ملقنكيش. نبض: أه أنا رايحة لفاطمة أقعد معاها شوية. نبض: خليكوا شوية وراجعة أهو تسلوا ني بدل ما رعد سايبني كده. نبض بدأت تحس بوجع في كل أطرافها وفي بطنها. نبض (بتنهج) : ميران. ميران: إيه مالك؟! نبض: شكلي بولد. ميران (بصدمة) : إيه؟! طب روحي للمستشفى بسرعة. نبض (بصوت عالي) : أروح مستشفى إزاي وأنا لوحدي وكمان الأتوبيس مش هيقف. أدم: مالك يا ميران؟!

ميران: نبض بتولد. نبض (بصريخ) : آآه. ست: اهدي يا بنتي اهدي. نبض (بصريخ) : أنا لسة في أول السابع حرام. نبض بدأت تأخذ شهيق وزفير والست اللي جمبها عمالة تمسح العرق. ست: أنا خالتك أم عاطف. نبض (بصريخ) : ده وقته بذمتك بولد. 🥺😂 نبض (بصريخ) : ودوني المستشفى. راجل: مش هينفع علشان ده أتوبيس بيقف في كل محطة بس والمستشفى في آخر محطة. نبض (بصوت عالي) : خدي خدي اتصلي برعد خليه يجي. ست2: ده في زحمة كبيرة. نبض (بصريخ) : رعد.

أم عاطف: حاضر أهو بطلع الرقم. بس مش بيظهر معايا رعد. نبض (بتنهج) : اسمه أبو عضلات. 🥺😂😂😂 أم عاطف اتصلت برعد والخط اتفتح. رعد: ألو يا حبيبتي. أم عاطف: ألو يا أستاذ رعد. رعد: مين معايا؟! أم عاطف: أنا خالتك أم عاطف. رعد (بعصبية) : فين نبض ومين أمتى؟ أم عاطف: قولتلك أنا خالتك أم عاطف. رعد (بغضب) : عرفت إنك أم زفت... فين نبض. نبض (بصريخ) : بسرعة. رعد (بقلق) : نبض مالها؟! نبض شدت التليفون حطته على ودنها. نبض (بصريخ)

: أنت فين عايزاك قدامي حالا. رعد: أنتي فين يا نبض وإيه اللي بيحصل؟! نبض (بصريخ) : مش قادرة بولد يا غبي بولد. رعد: طب اهدي قوليلي أنتي في البيت صح؟! نبض (بصوت عالي) : لا في أتوبيس عام. 🤦😂😂 رعد: وحياة أمك... وبتعملي إيه هناك؟! وإزاي تنزلي من غير إذني.. 😠 نبض (بصريخ) : ده وقته بوووووووولد يا غبي. المكان زحمة وأنا بموت. رعد: أديني السواق. نبض أدت التليفون لأم عاطف وأم عاطف أدت التليفون للسواق. رعد: أنت فين بالظبط؟!

السواق: (*******) رعد: خليك عندك. أم عاطف: تعالا بسرعة يا ابني. الكل عرف إن نبض بتولد وبدأوا يلبسوا هدومهم وينزلوا ليها. رعد ركب عربيته بسرعة وراح ليها كان المكان زحمة جدا. مراد: رعد هي نبض هنا!؟ رعد: ده المكان اللي السواق قال عليه. أدم: أنت متأكد؟! رعد (بقلق) : أيوه. 💚في الأتوبيس..💚 ظابط: تقدري تستحملي؟! نبض (بصريخ) : لو قولت الكلمة دي تاني هقطع رأسك فاهم مش قادرة استحمل أفهم بقى.. 😠🥺 ظابط: ما أنتي لازم تهدي. نبض

(بصريخ) : متقوليش اهدي دي خالص. رعد بدأ يدور في كل أتوبيس هو وأدم وأدهم وميران ومراد وتمارا. رعد سمع صوت صريخ نبض طلع الأتوبيس بسرعة. رعد (بقلق) : نبض. نبض (بصوت عالي ودموع) : رعد والنبي خرجني من هنا. رعد: اهدي اهدي علشان خاطري. رعد قعد يملس على وش نبض ونبض تحاول تكتم وجعها لكن مقدرتش. رعد (بغضب) : ما تتصرف يا بهيم أنت حل الزحمة دي.. 😠 الظابط: مش عارف.. 🤦😂😂 نبض (بصريخ) : رعد هوولد هوووووووولد.

رعد قرب من نبض وشالها بسرعة بين إيديه وخرج من الأتوبيس والكل بدأ يتفرج عليهم. ميران: نبض؟!! مراد: متخافيش يا قلب أخوكي اهدي. نبض (بتعب) : طلقني يا رعد لو الحمل بالشكل ده مش عايزة. نبض الوجع خف شوية وبتعيط بس وفجأة اشتد عليها وبدأت تصرخ. رعد كان بيتحرك بين العربيات لغاية ما يوصل لعربيته وقف فجأة أول ما لقى نبض سكتت واغمي عليها. رعد (بخوف) : نبض نبض فتحي عينك. ميران: ده من المجهود يا رعد يلا بس نلحقها.

وصلوا للعربية ورعد ركب نبض العربية وكان في قطر جاي فنزلوا الحديدة علشان محدش يعدي. رعد رفع الحديدة تحت اعتراض الكل وركب عربيته وعدّى بسرعة وكل اللي موجود كان مصدوم منه. 💚بعد فترة 💚 وصلوا للمستشفى ودخلوا نبض أوضة العمليات. بعد فترة سمعوا صوت صريخ جوا العمليات. الممرضة: مبروك توأم عسل. رعد شال البنت الأولى وباس رأسها. الممرضة: بنت تانية أهي ويا بخت اللي عنده بنات. رعد شال البنت التانية على دراعه التاني. رعد (بلهفة)

: نبض أخبارها إيه؟! الممرضة: زي الفل. الكل استنى لما نبض تفوق ورعد دخل ليها. نبض (بتعب) : جبنا إيه؟! رعد: بنتين زي الأم شبهك. نبض (بتعب) : زعلان علشان هما بنات. رعد: أنا فرحان أوي أوي أوي. نبض (بتعب) : بحبك. رعد: هتسميهم إيه؟! نبض (بتعب) : فريدة وروفيدة. رعد: حلو الاسمين. رعد باس نبض وأخدها في حضنه. الكل عرف بولادة نبض وعملوا سبوع والكل كان مبسوط. وملك ولدت بعد نبض بكام يوم وخلفت معاذ. عادل: تعالي يا بتي. نبض (بتعب)

: نعم يا جدو. عادل: أنتي زعلانة مني؟! نبض: لا ولا رعد زعلان منك. رعد: بتقولوا إيه عني؟! أدهم: الحق بيحبوا في بعض يا أخوي. رعد: أنا واثق في مراتي يا أخويا لكن مش واثق في الراجل ده.. 😂😂🤦 عادل: والله؟! نبض: رعودة عيب. رعد بص لنبض بصدمة والكل قعد يضحك على اسم رعد. 😂😂😂😂😂😂😂 رعد: تصدقي يا بت إنك رخمة. أدهم: رع.. رعد (بغضب) : إياك تحاول تقولها حتى. نبض: رعودة. رعد (بغضب) : بت هضربك. مراد: خد الأمور بسلاسة يا رعد.

تمارا: أيوه يا رعد. رعد: محدش يقولي رعودة فاهمين. زهرة وعثمان خلفوا ولد اسمه خالد. أدم وميران خلفوا بنت اسمها يارا. تمارا ومراد خلفوا ولد اسمه جاسر. يوسف وعطر خلفوا باهر ونور توأم 🤗 💛💛💛💛💛💛💛💛💛💛💛💛💛 💚بعد مرور 3 سنين..💚 نبض: أوف مخلفة تلاتة مش اتنين أنا. فريدة: مامي اتي. نبض: خدي كُلي. روفيدة: مامي. نبض: نعم. روفيدة: بابي ممممم (عايز بأكل) نبض: ما هو قاعد زي القرد وسطكوا. رعد: بقى أنا قرد طب تعالي بقى.

نبض طلعت تجري ورعد جري وراها ومسكها بسرعة وقعوا في الأرض. نبض: يا ابني اكبر بقى. رعد: لا. نبض: يا رخم. رعد: يا بت. رعد قعد يزغزغ نبض في كل حتة هي بتغير منها لغاية ما نبض حست إنها عايزة ترجع بعدت بسرعة وجريت قعدت ترجع. رعد: أوعي يكون حمل؟! نبض: أجري اشتري اختبار حمل. رعد أخد الجاكت بتاعه وراح اشتري ورجع لنبض أداها الاختبار ونبض كانت داخلة الحمام. رعد: أجي أساعدك؟! نبض قلعت الشبشب ورمته في وشه وقفلت الباب 😂😂😂

فريدة: بابي مامي فين؟! رعد: شكلها كده هجيب نونو صغنون يا فريدة. روفيدة: نونو!!!! رعد: أيوه نونو. نبض خرجت وضربت دماغها في الباب. رعد (بفرحة) : مامي حاااااامل. التلاتة قعدوا يتنططوا من الفرحة ونبض بصت لرعد وبصت لسعادته وفرحته فحبتش تضايقه. نبض: عايزة أنط معاكوا. رعد: لا طبعا ممنوع. نبض: رعد. رعد: ممنوع يا قلب رعد. نبض: أنا خايفة يحصلي زي ما حصل لفريدة وروفيدة. رعد: متخافيش يا قلبي هكون معاكي. نبض: لا أنت قاسي.. 🤦

رعد: والله؟! طيب يا ستي أنا قاسي. رعد: بس متنكريش إني أحسن قاسي والله.. 😉😂 نبض بصتله بطرف عينيها ونطت عليه حضنته وهو شالها ولف بيها كتير وقعدوا هما الأربعة مبسوطين بحمل نبض. استمرت حياتهم بين المشاكل والاستقرار والزعل والحنان والعطاء والسعادة وعدت الأيام ونبض خلفت وجابت فهد الصغنن وأسرتهم كملت 🤗🤗💛 لما بلال اختار يبعد واخد فلوس اتشرد وربنا مباركش في فلوسه لأنه كان دايما بيبص لمصلحته ولنفسه بس

كان دايما أناني ومبيحبش خير غير ليه وده شيء غلط. -الأخوات: -التضحية من سمات الأخوة، الأخ الكبير بيضحي علشان الأخ الصغير والأخ الصغير بيدور على سعادة الأخ الكبير. كل واحد فيهم بيدور على مصلحة التاني وبيدور على سعادته. علاقة الأخوة مش سهل تتكسر بس ممكن يجي حد ويكسرها بسهولة لو الأخوات مش متمسكين ببعض. ممكن تيجي مرات أخوات توقع بين الأخوات في بعض طب هي بتستفاد بإيه مبتستفادش بحاجة في الآخر جوزها بيخسر وهي بتخسر.

حافظوا على علاقتكم مع أخواتكم وخلوا علاقتكم حبل متين مش سهل يتقطع أو يدوب بسهولة. -الأم: -في أمهات مقدرتش تسيب عيالها ولا لحظة واللي يقرب من عيالها تقتله. في أمهات بتسيب عيالها في الشارع وممكن كمان ترميهم في ملجأ. في من أمثال علا كتير رغم الذل اللي شافته على إيد بلال ورغم إعاقة ابنها مقدرتش تسيبه لأنها أم في الأول وفي الآخر أم. الأم ممكن تستحمل أي حاجة علشان خاطر عيالها مش أي حد يقدر يتقال عليه أم. في من أمثال فرح

أول ما شافت فرصة أحسن سابت كل حاجة وراها ومشيت ورا متعتها وأنانيتها. اللي تعمل كده يبقى معندهاش قلب يبقى مكان قلبها حجر ومستحيل الحجر يلين معاكي. كل واحد بيعمل بأصله تربية عن تربية تفرق. أصل فرح غير أصل علا. اللي تسيب عيالها في الشارع أو لأي حد مهما كانت الظروف متبقاش أم والناس اللي زي دي محدش يصدقهم أو يديهم أمان لأن اللي يمشي مرة يقدر يمشي مية مرة. -الظلم: -الظالم نهايته معروفة في الدنيا وفي الآخرة

بيلاقي عذاب من ربنا في الدنيا وبيلاقي عذاب تاني مستنيه في الآخرة. لو أنت ظالم خاف أما لو أنت مظلوم إياك تخاف ربنا معاك وهيجيبلك حقك ولو بعد حين. وبيقولوا يا بخت من نام مظلوم ومنامش ظالم. ربنا مبيضعش حق المظلوم أبدا. -الإرادة: -إنك يكون عندك إرادة وعزيمة ناحية حاجة دي حاجة حلوة. الإرادة دي الإنسان بيتحكم فيها بيختار يكون إيه بيكون عنده إرادة لتحقيق حلم أو فوز. كل إنسان علشان يحقق حلمه لازم يبقى عنده إرادة.

يوسف رغم عجزه ما فضلش ساكت كده ومش بيلاقي حل لمشكلته ولا بيلاقي حل علشان يتكلم ويثبت نفسه للكل قاوم وقاوم كتير وخلّى عنده إرادة علشان يتكلم ويحقق حلمه ويوصل لمنصب كويس في الشغل. ناس كتير شمتت فيه بس بارادته قدر يتحداهم كلهم. -الصداقة: -بنبقى أصحاب أقوياء قبل الجواز وطول فترة دراستنا مع بعض بس لما بنتجوز كل واحد بتكتر مسئولياته وبينشغل بحياته بعيد عن التاني. في ناس بتقدر ده وبرضو بيفضلوا يسألوا عن بعض

في ناس بقى بتبعد وتشوفك إنك شخص أناني وإنك أنت اللي بعدت. لازم نقدر ظروف الناس لازم نقدر إننا عندنا مسئوليات وغصب عننا ممكن ننشغل عن الباقي لازم نفهم إن البعد في الحالات دي مبيبقاش اختيارنا أبدا. -الثقة: -الثقة دي أساس كل علاقة طالما مفيش ثقة من البداية يبقى مفيش علاقة أصلا. مهما حصل بقدر إمكانك متخونش الثقة دي لأن مش أي شخص عنده قدرة إنه يسامح ويثق بسهولة تاني. اللي بيكسر الثقة يبقى ميستاهلش فرصة تانية

بس في ناس تستاهل فرصة تانية كل شخص بتضيع منه فرصة بيبقى منتظر فرصة تانية وكل شخص ليه فرصة تانية ولو تقدر تدي حد فرصة تانية متترددش. متسمحش لموقف أو موضوع أو شخص إنه يكسر الثقة دي بسهولة لازم تبقى حصون الثقة منيعة وقوية علشان محدش يقدر يكسرها. الثقة بتعتمد على الأشخاص. اللي بيحب حد بيثق فيه وبيتغاضى عن عيوبه وبيدي للي بيحبه فرصة تانية وتالتة وده اللي المفروض يحصل أصلا. الثقة أساس أي علاقة

لو اتكسرت يبقى اتكسرت العلاقة.