رواية قسوة الرعد الفصل الحادي والثلاثون 31 - بقلم زوزا

الممرضة: لا لحظة، اتنقلوا أوضة واحدة يا فندم، رقم 308 بس في الدور التالت. المهند: طيب، شكراً. عن إذنك. ركب الأسانسير وطلع للدور التالت وراح للأوضة. خبط الباب. رعد: ادخل. دخل لقي رعد قاعد نص قعدة على سريره. نبض نايمة على السرير ومتعلق ليها محاليل. المهند: انت كويس؟ رعد: أه. المهند: هو حصل إيه؟ حد من أعدائك؟ رعد: لا، حادث عادي يعني. المهند: الحمد لله، مش إصابات كبيرة. وهى حصلها إيه؟

رعد: بيقولوا إصابتها مش خطيرة بس صعبة عليا. المهند: مش شايف جبس يعني أو أي حاجة. رعد: اتخبطت في راسها لما العربية اتقلبت وإيديها حصلها التواء. لسه بيطلعوا الأشعة. المهند: طب وانت؟ رعد: محصليش حاجة. المهند: الحمد لله. أنت مقولتش إنك جايب. رعد: عادي. المهند: مالك يا ابني؟ هي الحادثة مأثرة على دماغك ولا إيه؟ رعد: ده أنا... إيه الجديد؟ المهند: استغفر الله. الباب خبط. رعد: ادخل. الممرضة: مساء الخير. المهند: مساء النور.

الممرضة قربت من رعد وغيرت له على الجرح اللي في راسه. وقربت من نبض كانت بتظبط المحلول. نبض بدأت تحرك راسها ببطء ووجع، وبعدها فتحت عينيها ببطء. الممرضة بابتسامة بشوشة: حمدلله بالسلامة يا مدام نبض. نبض حاولت تقوم تتعدل بس حست بصداع في راسها. نبض بوجع: هو حصل إيه؟ أنا حصلي إيه؟ الممرضة: حادثة بسيطة والحمد لله جت سليمة. نبض بوجع: إيدي وجعاني أوي. الممرضة: التواء بسيط، هيخف شوية. الممرضة ساعدت نبض وسندت ضهرها على السرير.

نبض بصت حواليها لقت رعد قاعد ببرود. نبض بسخرية: منور. رعد: لا رد. نبض بغيظ: جنابك محصلكش حاجة ليه بقى؟ رعد برفعة حاجب: ده بدل ما تقولي حمدلله على سلامتك. نبض بغيظ: ما أنت كويس قدامي أهو زي القرد. أنا اللي إيدي شبه اتكسرت ومش هعرف أمسك مشرط تاني. رعد: أحسن برضه. نبض بعصبية: رخـم ورذل. رعد: هقوم لك وأكسر على اللي باقي منك. نبض بتريقة: هقوم لك وأكسر اللي باقي منك. نينينيني. نبض: خفت أنا كده؟ رعد: لا رد.

نبض: ما تتكلم ساكت ليه يا رزل؟ رعد: اللهم طولك يا روح. يا بت أنا ماسك نفسي بالعافية بسببك عملنا الحادثة. نبض بصدمة: بسببي أنا!!! يا كداب. رعد: أيوه بسببك. انتي رغاية ومخلتنيش أعرف أركز. نبض: طبعًا ما أنت كان كل اللي هامك أنت وبس. نبض: نفسي نفسي. رعد بعصبية: أنا ا... المهند: احم احم. رعد ونبض: اخرس. المهند: فيه إيه؟ احترموني! نبض بقرف: أنت مين أصلًا؟ المهند: أنا صاحبه. نبض بعصبية: تبقى تخرس خالص. المهند باحراج: حاضر.

رعد بعصبية: مهند اطلع قدم على خروج فورًا و...