رواية قسوة الرعد الفصل السادس عشر 16 - بقلم زوزا

زهرة بصدمة: انتوا عملتوا فيها؟! زهرة بصريخ: الحقوني! نبض مسكت كف إيد زهرة وتنته وحطت إيديها على بقها وزقتها في الحيطة. نبض: هشش، أهدي، أختك كويسة أهي. فجأة لقيناها مغمي عليها. مش مصدقة روحي، اسألي ابن عمك رعد. نبض: يلا يا ثريا. نبض وثريا راحوا لأوضة نبض لقوا فستان متعلق في كيس. نبض: يـ ثريا، مش عايزة.. معرفش هيحصل إيه. أنا مش بتاعة طار وجواز وعيشة تانية والكلام ده كله.

ثريا: معلش يا حبيبتي، كان حلم مامتك إنها تشوفك بالفستان الأبيض جمب راجل يقدر يحميكي ويحافظ عليكي. نبض: ومين قالكوا إن ده هيقدر يحافظ عليا؟ ثريا: أبوكي واثق فيه، وإنتي عارفة قد إيه أبوكي بيحبك ومش هيرميكي لأي حد. نبض: طب. ثريا: ها يا نبض؟ نبض: حاضر. ثريا: فيه بنات هتطلع تساعدك. نبض: طيب. ثريا نزلت لتحت وبعد فترة فيه بنات مش صعيديات طلعوا وقعدوا مع نبض. بنت 1: بشرتك مش محتاجة أي حاجة غير ميكب بسيط جدا.

بنت 2: فعلاً.. تقدري تدخلي الحمام تاخدي دوش. نبض كانت مترددة وبتبص للبلكونة. نبض: طب ممكن تتفضلوا بره شوية؟ البنات باستغراب: طبعاً. البنات خرجوا. نبض غيرت هدومها بسرعة. نبض لبست بنطلون أسود وتيشيرت أبيض بحمالة رفيعة على الكتف، وفوقه جاكت جينز بثلاث أرباع كم ومربوط من عند الخصر. ورفعت شعرها ديل حصان. ولبست كوتشي أبيض عالي نوعاً ما.

نبض شافت ارتفاع أوضتها بالبلكونة لقيته عالي. جابت ملايات قعدت تربطهم كتير ونزلت بسرعة وجريت ورا القصر. ولسه هتنط سمعت صوت خيول. راحت ناحية الخيول وعجبتها مهرة باللون الأبيض جميلة جدا. أخدتها وركبتها. ولقت بوابة صغيرة في الإسطبل وخرجت منها وطلعت تجري بيها. نبض متعودة على ركوب الخيول.