رواية قسوة الرعد الفصل الثامن عشر 18 - بقلم زوزا

رعد: اعملي حاجة هبلة زيك وساعتها انتي اللي هتندمي وتعيطي. جلال: إيه الأخبار؟ عمر: كله تمام يا جلال. جلال: كويس. الرجالة بدأت تيجي الجنينة. هدي: واد يا آدم. آدم: نعم يا جدة. هدي: يلا طلعوا الأكل. آدم: طيب.. يلا يا أدهم ويوسف. آدم وأدهم ويوسف والغفر بدأوا يحطوا الأكل للرجالة. ورد: وهنعمل كل ده تاني بكرة يا أمي؟ هدي: ده فرح رعد ابن الغالي ونبض بنت الغالية والغالي يا ورد. زهرة: اشمعنى مخلّوش الستات تيجي هي كمان؟

هدي: أكيد يا زهرة. تعالي خدي مني. ملك نزلت بتعب من أوضتها بعد ما عرفت بجواز نبض ورعد. ورد: مالك يا ملك؟ ملك: مفيش يا أمي. ورد: لا فيكي. ثريا قالت إنه أغمي عليكي. ملك: هتلاقيني مأكلتش زين. ملك راحت جنب زهرة وهي واقفة حزينة. عند الرجالة. رعد أول ما خرج حصل ضرب نار كبير. آدم: منور يا كبير. مهند: استغفر الله العظيم يا ابني. فك وشك، حتى يوم فرحك مكشر.

رعد: بص يا مهند لو مبعدتش من قدام عيني خلال تلت ثواني متعرفش هعمل فيك إيه. مهند بالفعل مشي بعيد عن رعد. أدهم راح ليه وهو بيضحك. أدهم بضحك: مش قادر، منظرك يهبل. مهند: هتوقع إيه من أخو رعد يعني؟ أدهم بضحك: خايفة يا بيضة. مهند طلع مسدسه من ورا ضهره وحطه في وش أدهم. أدهم: وفاكرني هخاف يعني؟ مهند: الصبر. هعد رقم تلاتة. أدهم بضحك: خلاص يا عم. مهند: أخوك ده بيكسف أي حد. أدهم: طبعاً، هو فيه منه اتنين.

مهند: والله صعبانة عليا اللي هتبقى مراته. أدهم: اسكت يا مهند، حتة صاروخ. مهند: احلف. بس هو فيه في عائلتكم ناس عدلة أساساً؟ أدهم بعصبية خفيفة: متحترم نفسك. مهند: خلاص يا عم، بدل ما تأكلني. أدهم: تركية بقى يا عم ومزة وعيون خضرة، بس اعتبرها متربية في مصر بقالها سنين. مهند: ليه، حصل إيه؟ أدهم: آدم كان بيسلم عليها وانت عارف آدم عينه زايغة. ضغط ع ايدها وكان بيبص ليها... ضغطت ع ايده أكتر وقالتله: "عينك علشان مشلهمش ليك".

أدهم: بتتكلم عربي بس طريقتها مضحكة وجميلة. مهند: وقع ابن المحظوظة في حتة بت نفسي أشوفها. بدل أم أربع وأربعين اللي في البيت دي. أدهم: مش دي حبيبتي ومراتي ومش عارف إيه؟ مهند: يا عم دي تركية الجنسية يا عم. أدهم: تفتكر رعد متجوزها عشان خاطر الجنسية؟ مهند: انت لسه عبيط ي ابني؟ هو انت لغاية دلوقتي متعرفش هما متجوزين ليه؟ أدهم: هو فيه سبب يعني؟ مهند: مش فيه طار بين عائلتكم وعائلة الشرقاوي؟ أدهم: حصل.

مهند: وقالوا علشان يخلصوا الطار يحصل نسب؟ أدهم: حصل. مهند: وزهرة متجوزة، وملك كان فيه ناس...