رواية قسوة الرعد الفصل العشرون 20 - بقلم كاتبة قصص

فات سنتين وحياة كل واحد بقت جميلة وماشية تمام. رعد بزعيق: عايز أنام شوية، شوفي الواد ده. حياة بضيق: أعمل إيه يعني؟ بسكّت فيه ومش راضي يسكت. رعد بص لها بنص عين وقال: هاتيه، وقام يتمشى به بدلًا منها، ونام مع رعد. حياة بصت له بصدمة وقالت: إزاي؟ رعد بغرور: ده أنا رعد المنشاوي. حياة بصوت واطي: يعني لو كنت رعد السما كنت عملت إيه؟ رعد سمعها وقال بصوت واطي: عندك حق، كان زمانه طار في السما. حياة: لا مش للدرجة دي.

وبصت كده ولاقت رعد قريب منها وهو اللي قال كده، وقالت: حبيبي حبيبي، وسلمت عليه وباسته من خده وطلعت تجري. رعد ضحك عليها وقال: أربّيها ولا أربي العيال بس يا رب. حياة واقفة على السرير وبتقول: والله لو قربت مني لأَنُط من على السرير وأموت نفسي هاا. رعد كاتم ضحكته وبيقول: تنطي من على إيه؟ حياة قبل ما تستوعب، راح رعد طالع على السرير وحاصرها وقال: هممم. حياة بتوتر: رعد ابعد يسطا. رعد بابتسامة جميلة: ولو ما بعدتش يا حبيبي؟

حياة بتوهان: هيييح، ضحكتك حلوة أوي يا قرة عيني، قمر. رعد بضحك: قرة عينك، وأنا بعشقك يا قلب قرة عينك. حياة بخجل: طب ابعد. رعد باسها ونسيبهم بقى شوية تلاتة أربعة كده. (في أوضة فارس) آية بتعب: فارس شكلي هولد. فارس: طب حاسة بإيه؟ آية بصويت: بولد يا فارس، آآآآع، الحقيني. _في أوضة رعد قام بخضة وقال: في إيه؟ مين مات؟ حياة بخضة: قوم شوف يا رعد وأنا هلبس وأجي وراك. حياة لبست وخرجت وقالت: رعد في إيه وآية فين؟

رعد: يلا عشان نروح وراهم، آية بتولد، دايماً بييجوا في الوقت الغلط. حياة بنرفزة: هو ده وقته يا رعد؟ رعد بص لها بطرف عينه: بت أنتي اسكتي وخليني أركز في السواقة. (بعد مدة وصلوا وآية دخلت أوضة العمليات) فارس رايح جاي. رعد: يا ابني اقعد بقى. فارس بص له بعصبية: ما بلاش أنت، ده يوم ما حياة كانت بتولد ما كنتش على حامي ولا على بارد. رعد سكت وقال: طب اقعد، خيلتني. بعد شوية سمعوا صوت بنت والممرضة

خرجت وهي شايلاها وقالت: بنت زي القمر. فارس شالها وقال: آية فين؟ آية اتنقلت غرفة عادية وفاقت بعدها بساعتين وقالت بتعب: فارس. فارس بحب: أنا أهو يا حبيبتي. آية بتعب: فين بنتي؟ فارس أداها ندى وقال: سميتها ندى. آية بضحك: لحقت سميتها؟ فارس باسها وقال: آه. حياة ورعد دخلوا وقالوا: جاية تولدي دلوقتي أنتي هاا؟ فارس بمكر: عطلناكم عن حاجة ولا إيه؟ رعد: لا يا روح أمك، عطلتني عن حتة حلويات. حياة وآية وشهم احمر بسبب كلامهم،

حياة بهمس: اسكت يا رعد بلاش تكسفني. رعد بمغازلة: أحبك وأنتِ محمرة وشبه الفراولة يا حياتي. فارس بتريقة: مخلاص يا عم البيه رومانسي. رعد: تعالى يا روح أمك عشان نتصور صورة بمناسبة حلوة كده. واتصوروا هما، الطفل ابن رعد اسمه رحيم يا جماعة، واتصوروا كلهم وتمت الحمد لله.