رواية قسوة الرعد الفصل التاسع 9 - بقلم كاتبة قصص

رعد بحده: صوتك وانتِ بتتكلمي مع الأشكال دي، انتي قولتي إنها بتشتغل عندي. وبعدين مش انتي اللي هتقوليلي أشغل مين وما أشغلش مين. حياه اتصدمت من رده، وكانت دموعها هتخونها وتنزل بس مسمحتش ليها إنها تنزل. بصت للبنت بقرف وقالت لرعد: بعد إذنك يا رعد بيه. رعد باستفزاز: هو أنا قولتلك تمشي؟ حياه بصتله بوجه خالي من أي تعبير وقالت: لا، بس جبت لحضرتك اللي طلبته. رعد موجه كلامه للبنت: اكشي انتي يا ساندي، واستلمي الشغل.

ساندي: تمام يا رعد بيه. (وماشيه بتتمايل أوي) حياه بتبصلها بستحقار. رعد باستفزاز: بقولك. حياه: نعم؟ رعد: شيلها تيجي. حياه راحت له وقالت: في حاجة؟ رعد باستفزاز: آه، كنت عايزك النهاردة، وأظن الظروف خلصت. حياه: لا، وأنا مش هخليك تلمس مني شعرة واحدة. رعد ببرود: تمام، مدام هو مش برضاكي هيبقى غصب عنك. حياه بصتله وقالت: نبقى نشوف. رعد بصلها بنظرات وقحة وقال: متقلقيش، هديكي اللي انتي عايزاه.

حياه بصتله، ومرة واحدة طخ، كف نزل على وشه. رعد بغضب وعيونه قلبت بلون الأحمر، ومسكها من شعرها قربها منه وقال بصوت فحيح الأفاعي: اجهزي يا حلوة عشان دخالتك يا النهاردة يا بكرة. ورمها على الأرض بقوة وقال بصوت جهوري: القصر ده أجي ألاقيه بيلمع، فاهمة؟ والأكل يكون جاهز. وأنا مبلمسش واحدة غصب عنها، بس من النهاردة هتشوفي أيام سودة. وخرج. حياه قعدت تضحك وتعيط وتقول: هو الكل بيكرهني لي؟ أنا وحشة صح؟

عشان كل الناس تعمل معايا كده؟ لي ياااارب؟ أنا تعبانة بجد، مش قادرة. وقعدت تكسر في أي حاجة تيجي قدامها. الحراس اللي بره سمعوا صوت تكسير، دخلوا بسرعة. شافوا حياه قاعدة بتعيط وتضحك وتكسر في كل حاجة، وبتقول بصريخ: لي بتعملوا معايا كده؟ ااااه يا رب. واحد من الحرس اتصل برعد، مش بيرد. اتصل تاني. (في شقة رعد، أكيد عرفناها) . نايم عاري الصدر، وجنبه فتاة شبه عارية. رعد بص على التليفون ورد وقال: في إيه؟

الحارس: الخدامة الجديدة يا بيه، قاعدة تعيط وتضحك وتكسر في أي حاجة تيجي قدامها، وبتقول كلام مش مفهوم، بس بتقوله بزعيق. هي تقريباً دخلت في هستيريا. رعد اتصدم وقال: إيه؟ طب أنا جاي حالا. سلام. البنت صحيت وقالت: صباح الخير يا رعد بيه. رعد بص لها بستحقار ورمى في وشها فلوس وقال: غوري ومش شفت وشك تاني، فاهمة؟ قالها بزعيق.

البنت قامت لبست بسرعة وجريت على تحت، ورعد مشي. وصل الفيلا، بس اتصدم لما شاف حياه مش بتضحك ولا بتعيط ولا الكلام ده، بس لاقاها لابسة فستان قصير وسابت شعرها. قربت منه وقالت: أنا جاهزة. رعد بص له وقال: روحي غيري. حياه ببرود: بقولك أنا جاهزة. رعد ضربها بالقلم عشان تفوق، بس الغريبة إن حياه واقفة زي الصنم، ما عملتش أي فعل. رعد خاف ليكون حصلها حاجة، بس ضربها بالقلم تاني. حياه

دموعها نزلت وبصتله وقالت: انتوا كلكم مش بتحبوني، كلكم مش بتحبوني. أيوة أيوة. وضحكت، وبعد كده عيطت وقالت بصريخ: أنا معرفش إني وحشة أوي كده، معرفش إني متقلة عليكم لدرجة دي. رعد ساكت وسابها تطلع اللي جواها. حياه بدموع متحجرة: تعرف أنا بكرهكم كلكم. مفيش حد حسسني بالأمان. مرة واحدة طفولتي كلها قسوة، قسوة. مشفتش يوم حلو من بعد ما أمي ماتت. حياه دموعها نزلت وقالت: هترتاحوا مني في يوم. رعد بتوجس: قصدك إيه؟

حياه مسحت دموعها: لا ولا حاجة. رعد قرب منها لحد ما التصق بيها، وحط إيده على وسطها وقال: هتفضلي لابسة كده كتير؟ حياه بتوتر وخجل: اا، وانت مالك؟ حاسب. رعد بخبث: مش انتي جاهزة، وأنا جاهز الصراحة. حياه بألم ودارته وقالت: ااه. رعد بص لها أوي وقال: تمام. حياه بخوف: تمام؟ رعد بمكر: مالك خايفة لي؟ حياه بتوتر: أنا مش خايفة ولا حاجة، ووسع كده. رعد بابتسامة: لا مش موسع. حياه بصتله بصدمة وهي بتقول: انت بتضحك زينا؟ أه. رعد كشر

ومشي من قدامها وقال ببرود: أنا عايز أكل، وغيري القرف ده. حياه: تمام يا رعد بيه. (ودخلت لبست لبس الخدم وخرجت) . لاقت رعد قاعد على السفرة. رعد: الأكل يكون سخن. حياه: حاضر. (ومشيت جابت الأكل وحطيته على السفرة) رعد ببرود: كلي. حياه: كلت. رعد بالامبالاة: ماشي. (في الصعيد، في قصر عائلة الأسيوطي) . ضرب النار شغال، والرجالة بترقص، والحريم بترقص بفرح. جوهم فارس كريمة: يلة يا حريم عشان الرجالة تاكل. هنيه: حاضر يا ست الناس.

كريمة: كلو يا حبايب، النهارده فرح ولدي فارس. (أي خدمة، هفرحكم عشان البارت حزين شوية، هفرفشه) ايه: في إيه يا فارس؟ مطلعني هنا لي؟ فارس بضيق: بغير، أنا بغير يا إيه. ايه بزهول: بتغير عليا؟ حتة من الحريم؟ فارس بصلها بغضب، وشدها عليه، وباسها لمدة دقايق، وبعد عنها عشان تاخد نفسها، وقال: ده عقاب يا قطتي. ايه في عالم تاني خالص. فارس بصلها بمكر وقال: حبيبي يا إيه. حطت إيدها على بوقها وقالت: هاا. فارس ضحك عليها، وقرب

لها وهمس عند ودنها وقال: يلة ننزل عشان متهورش عليكي، وباسها من رقبتها ونزلوا. ايه ضحكت ونزلت، وفي اللي غيران، وفي اللي بيقول ربنا يسعدهم. الفرح خلص وكل واحد راح بيته، وتم كتب الكتاب. فارس طلع هو وإيه جنحهم ووو.