رواية قسوة شمس الفصل الرابع والعشرون 24 - بقلم نور يوسف

وصل سالم المستشفى ومعه المحامي. وسأل عن أوضة ملك. شمس أخذ ملك في حضنه بسلام، ويحسس على دماغها. شمس: انتي عملتي إيه في كبير الصعيد؟ عملتي في قلبي إيه؟ خليتيه يدق لك، عشقتك يا ملك، وقلبي دق لك، لكِ وبس. باس كف إيديها وجمد في حضنه خايف تروح منه. غمض عينه بهدوء. شمس: بحبك يا ملك. قلب شمس كبير الصعيد، وخايف حاجة تفرقنا. ملك صحيت، لسه هتتحرك بتلاقي نفسها في حضن شمس. ملك (في نفسها)

: مش عاوزة أحبك يا شمس. أخاف أتعود عليك تسبني زي أهلي. أنا مش عارفة أعمل إيه. شمس صحي بنوم. شمس: صباح الخير يا كوكي. ملك بابتسامة: صباح النور يا شمس. احم، ممكن أقوم بقا؟ أنت ماسك فيا كأني ههرب. شمس بخبث قرب وشم رقبتها، وهي حست بيه واتكسفت. شمس (وهو يشم رقبتها ويبوسها بحب) : قلبي. ملك وشها أحمر ولسه هتتكلم، دخل سالم. سالم بغضب مكتوم واتكلم ببرود: الظاهر إني جيت في وقت مش مناسب. ملك بإحراج: عمو.

شمس ببرود: يلا يا ملك عشان تاخدي شاور ونروح بيتنا. سالم بغضب: شمس، عاوزك دقيقة وتكون ورايا. شمس ببرود: تمام، جاي وراك يا بابا. سالم ابتسم وخرج. شمس لملك وبيرجع شعرها لورا: هنادي الممرضة تساعد على ما أشوف أبويا عايز إيه. ملك بإحراج من قربه: ش شمس، ممكن مش تحرجني وتقرب لي وح... شمس بهدوء: ملك، أنا جوزك. انتي ليه رافضني؟ أنا نسيت كل حاجة عشانك. ملك بتوتر: أنا... أنا. شمس بكسرة وبهدوء: انتي مش عايزاني.

ملك بسرعة: لا طبعًا، أنا معرفش أعيش من غيرك يا شمس. شمس ابتسم بهدوء وخرج. سالم ببرود: أنت تاريخك كله زبالة وبتاع نسوان، ومع ذلك جوزتك بنت صاحبي وأمنتَك على أغلى ما يملك صالح عشان تحافظ عليها. شمس بعدم فهم: اسمها مراتي. وبعدين فيه إيه لكل دا؟ كف نزل على وش شمس أثر غضبه. سالم بغضب: اخرس يا قليل الأدب. انت فاكر إني نايم على وداني؟

أنا اللي غلطان عشان جوزتهالك. أهالي واحدة زي سلمى تدخل بيتك وكمان تحاول تقتل مراتك ولسة سايبها في بيتك. أنا مستحيل أخلي ملك على ذمتك ولو دقيقة واحدة. طلقها. شمس بغضب وصوت عالي: لو حصل إيه، ملك مراتي ومستحيل أطلقها. سالم بتحدي: هطلقها غصب عنك يا كبير الصعيد. وسابه ومشي وابتسم بخبث. شمس راح أوضة ملك، لاقاها بتلبس. ملك بخضة من صوته: في إيه؟ مالك؟ شمس قفل الباب وقرب لها وشدها من وسطها بتملك وغضب وباسها بعنف. ملك (متألمة)

: آآآه. ابعد. في إيه؟ شمس بغضب: إيه مش حقي عليكي دا ولا إيه؟ هااا. ملك، انتي بتحبيني.