رواية كسرة نفس الفصل الأول 1 - بقلم سهيلة سعيد

( فيلا.. فتاتان تجلسان تتحدثان مع بعض ) ماجدة: إيه، أدهم راجع؟ سلوى: أيوه، سمعت نجلاء وهي بتقول لعمي إنه جاي هو وباباه. ماجدة: والله، جه في وقته. سلوى: أكيد جاي يتجوز، طبعاً. ماجدة: وأكيد حد من العيلة. سلوى: أنا عارفة مين. ماجدة: مين؟ سلوى: أكيد بنتي. ماجدة: والله.. وليه مش بنتي، إن شاء الله؟ سلوى: عشان... ( تقترب نجلاء ) نجلاء: بنجور. سلوى: تعالي تعالي. ( تشدها، تقعدها جنبها ) نجلاء: إيه؟ في إيه؟

سلوى: هو أدهم راجع من السفر، صح؟ نجلاء: أيوه، امبارح خد أول طيارة وزمانه في السكة. ماجدة: وجاي يتجوز؟ نجلاء: لأ، ماجبليش سيرة جواز. ( يتخضون ) سلوى: ليه؟ ماجدة: هايتجوز من برة، ولا إيه؟ نجلاء: والله معرفش، لما ييجي هنعرف. وبعدين أنا سايباه براحته. سلوى: لأ، إزاي؟ لازم يتجوز. ماجدة: عمي أكيد هيفاتحه في الموضوع. نجلاء: منه لجدّه بقى. سلوى: طاايب. ماجدة: عن إذنكم. ( تقوم ماجدة وسلوى ) نجلاء: رايحين فين؟ مش هاتتفطروا؟

سلوى: لأ، سبقناكي. ( تمشي ماجدة ووراها سلوى، كل واحدة تدخل أوضة ) ماجدة: إنتي يا زفتة، قومي. علياء: إيييييه، مصحّياني ليه دلوقتي؟ ( نوقف لحظة.. علياء بنت جميلة، بشرتها بيضة، عيونها عسلي، قصيرة حبتين وجسمها كيرفي، عندها 22 سنة، لسه مخلصة دراسة. عايشة في بيت زي بيت العيلة، الكل عايش فيه. جدها غني جداً، عنده شركة من أكبر شركات الهندسة في مصر، والكل شغال معاه فيها. ) ماجدة: قومي، أدهم راجع من السفر. علياء: أدهم مين؟

ماجدة: ابن عمك يا مسطولة. علياء: وأنا مالي؟ ماجدة: نعم!!! ( في تراث نادي.. بنت بتجري.. يرن موبايلها تقف ) رحمة: أيوه. ( رحمة بنت جميلة ورياضية، عيونها بني، بشرتها برونزية، طويلة ورفيعة، جسمها متناسق. عندها 23 سنة، مخلصة دراسة. ) سلوى: مبتردّيش ليه؟ رحمة: في النادي بجري، في إيه؟ سلوى: أدهم راجع من السفر. رحمة: أدهم ابن عمي، مالك؟!!! سلوى: أيوه، هو. رحمة: بتهزري؟ سلوى: والله. ارجعي البيت يلا. رحمة: أوك، أوك.

( عند علياء ) ماجدة: وإنتي مالك؟ علياء: أيوه، أنا مالي. مصحّياني عشان تقولي كده؟ ( تنام تاني.. تضربها أمها ) ماجدة: قومييييي. علياء: آآآآه، إيه بقى؟ ماجدة: الولد أكيد جاي يتجوز، وإنتي وبنت سلوى البنتين الوحيدين الكبار اللي في البيت. وأكيد جدك هيختار واحدة منكم، مش هيسيبه يتجوز من برة العيلة. علياء: طاايب، وبعدين يا جوجو.

ماجدة: يعني تشغّلي مخك كده. وإلا بنت سلوى هي اللي هتلتهفه وتعيش في عزه ده على قلبه ملايين من شغل برة، يا بنت الهبلة. علياء: طيب، ممكن تسيبيني أنام؟ ولما أصحى نكمل خناق. ماجدة: نامي. نامي، الإلهي ما تقومي يا شيخة، نامي. ( تمشي الأم.. يعدي الوقت، وقت الغدا والكل قاعد بيتغدى ) الجد: هو مش أدهم قالك هاييجي ع الغدا؟ نجلاء: اتصلت بمالك من شوية، موبايله لسه مقفول. شكل طيارتهم اتأخرت. حسام: لسه مكلمه، قالي جايين في السكة.

هاني: مش مصدق إنه راجع، ده أنا هأرفّه قرف. الكل: ههههههههههه. ( تقوم علياء ) ماجدة: رايحة فين؟ علياء: قايمة كلت. ماجدة: اترزعي هنا، متطلعيش فوق. علياء: طيب. ( تقعد في الأنتريه ) سلوى: هايستقر بقى ع كده؟ نجلاء: لأ، فترة بس وبعدين هايرجع فرنسا تاني. الجد: أهو، الحق أجوزه في الفترة دي، يطَرّ ساعتها يقعد وسطنا. ( تفرح سلوى وماجدة ) سلوى: مين بقى اللي إنت هاتختارها له؟ الجد: لما ييجي وقتها، هتعرفوا. سلوى: آه.

الجد: وكمان هاأقنعهم يصفّوا شغلهم برة ويقعدوا هنا. نجلاء: ياريت يا عمي. ( تقوم رحمة، تقرب ع علياء، تقعد جنبها ) رحمة: إيه رأيك في الحوار ده؟ علياء: حلال عليكي. رحمة: هو أصلاً مش هيحتار بينا، هيحبني أنا طبعاً. علياء: آه.. طبعاً. رحمة: مشتاقة أوي أشوفه، أكيد قمر. علياء: قمر بالستر.. هاتلاقي كرنبة داخلة علينا. رحمة: كرنبة؟ علياء: أيوه، إنتي مش فاكرينه وهو صغير؟ ده مكنش بيمشي، كان بيدحرج.

رحمة: مش مهم، المهم ها يسفرني برة، وها أعيش معاه ملكة. أنا ممكن أغيره بعد كده وأخليه يعمل دايت. علياء: طيب، ربنا معاكي. ( يسمعوا صوت تزمير عربية والبوابة بتتفتح ) رحمة: ده جه. ( يقوم الكل، يقفوا عند الباب عشان يستقبلوه ) رحمة: مش هاتنزلي تسلمي عليه؟ علياء: رجلي منملة. رحمة: طيب. ( تجري رحمة تقف معاهم.. تطلع علياء أوضتها.. يدخل أدهم، ياخدوه بالبوس والأحضان ) الكل: حمدلله ع السلامة. أدهم: الله يسلمكم.

( نوقف لحظة.. أدهم شاب عنده 25 سنة، وسيم، رياضي، طويل، عريض، بشرته قمحاوية، عيونه خضرا مايلة للصفار، لابس شيك، عربية آخر موديل، شركات وبيوت في كذا بلد، من الآخر حلم أي بنت. ) رحمة: حمدلله ع السلامة يا أدهم. أدهم: الله يسلمك.. رحمة، صح؟ رحمة: آها، صح. افتكرتني. أدهم: أكيد طبعاً. ( ماجدة بتبص يمين وشمال ع علياء مش لاقياها ) الجد: أدّوله فرصة يقعد بقى. أبو أدهم: العيال ولا عبّروا عمهم. حسام: لا، دنت الخير والبركة.

أبو أدهم: مهو واضح يا أخويا، مفيش غير أدهم وبس. الكل: ههههههههههه. ( يدخلوا يقعدوا، وتلزق جنبه رحمة.. تطلع ماجدة تدور ع علياء.. تدخل أوضتها ) ماجدة: أصوات وألم ع علياء. قومي يا بنت المحروقة! علياء: عايزة إيه؟ ماجدة: أنا مش قلتلك تقعدي تحت عشان لما الولد ييجي؟ كمان طلعتي! علياء: وأنا هأعمله إيه يعني؟ بس 😑 ماجدة: إنتي ماسمعتيش اللي جدك قاله؟ علياء: سمعت.

ماجدة: طب دي فرصة كده إنك تخليه يحبك. وبمنظرك ده، أدّي دقني إن بص في خلقتك 😠 علياء: ليه يعني؟ هو كان يطول؟ هو ولا أول ولا آخر واحد يدرس ويعيش برة؟ يعني بليز متنفخنيش 😑 ماجدة: ده أنا هانفخك وأفسّيكي لو مقومتيش دلوقتي تسلمي عليه. علياء: هتفسّيني 😂 وبعدين في اليوم الجميل ده، يعني. ماجدة: يلا. علياء: انزلي وأنا هأحصّلك. ماجدة: دقيقتين وتكوني ورايا. علياء: حاضر بقى 😒

( تمشي ماجدة.. ترجع علياء تحط ع وشها الغطا تاني.. تدخل ماجدة، تخلع الشوز بتاعتها وتحذفها بيه ) ماجدة: قومي يا بنت الجزمة، يا جزمة! علياء: آآآآه، طيب 😯 ماجدة: قومممممممااااااااي! ( تقوم علياء ) علياء: اتزفت، ممكن أغسل وشي؟ ماجدة: اتنيل. ( تمشي ماجدة.. تدخل علياء التواليت ) أدهم: أومال فين أحمد وعمي خالد وعمي محمد؟ الجد: لسه في الشغل. هاني: بييجوا بالليل. أدهم: آها. ( يدخل البواب والأمن بشنط أدهم ) حسام: إيه ده؟

إنتوا لمّيتوا عزالكم من فرنسا؟ أبو أدهم: لا، ده أدهم جايب شوية هدايا ليكوا. هاني: كل دول!! أدهم: دي أقل حاجة. حسام: تسلم يا برنس. أدهم: آه، نسيت. ( يقوم أدهم ) رحمة: نسيت مين؟ أدهم: بوّيك، في العربية. ( يخرج أدهم برة ) سلوى: هو معاه حد من صحابه؟ أبو أدهم: لأ. ( يدخل أدهم وإيده فيها كلب ) هاني: لا، بتهزر!! حسام: سافرتوا معاك؟!! أدهم: مقدرش أستغنى عنه. ما إحنا جايين بطيارة خاصة.

الجد: مع إني بأعرف من الكلاب ومحرّم أي حد يدخلهم البيت، بس عشان خاطرك. ( يقرب أدهم يبوس إيده ) أدهم: تسلملي يا أحلى جد ☺ نجلاء: يلا، اطلعوا ريحوا شوية عقبال ما نحضر العشا. أدهم: أوك. ( ييجي الليل.. تحت قاعدين.. يوصلوا العمام ) محمد: أدهم جه؟ خالد: وصل، صح؟ نجلاء: أه، من بدري. الجد: يلا، اطلعوا غيروا هدومكم وظبطوا نفسكم عشان العشا. أومال فين أحمد؟ محمد: في السكة. الجد: طيب، اتصل بيه، استعجلوا. محمد: أوك.

الجد: وواحد يطلع ينده أدهم عشان لسه ميعرفش المواعيد. سلوى وماجدة: هاننده. ماجدة: احم.. ااا أنا هانده. ( تجري ماجدة فوق.. تدخل عند علياء ) ماجدة: بت ياعلياااااااا 📢 علياء: خضتيني.