رواية كيان الفصل الأول 1 - بقلم روري ابراهيم

كيان: يا ماما روحي وجودك هنا ملهوش فايدة، أنا كده كده هموت، وهما في البيت محتاجينك. الأم: يا بنتي خلي أملك في ربنا كبير، وإن شاء الله هتخفي وترجعي أحسن من الأول. كيان: أحسن من الأول إيه؟ انتي مش شايفة شكلي وجسمي عاملين إزاي؟ وشي بهتان وجسمي همدان من الكيماوي، وشعري اللي كنت أكتر حاجة بحبه وقع. 😭😭 الأم: هتتحسني يا حبيبة أمك، هتتحسني. 😢 كيان: ماما ممكن تروحي؟ هما في البيت محتاجينك أكتر مني. الأم: مقدرش أسيبك يا حبيبتي.

كيان: ماما هما هنا كلهم كويسين وبيعملوني على إني بنتهم، ومتخافيش عليا، وأنا معايا تليفوني تقدري تتصلي عليا في أي وقت. الأم: حاضر يا كيان، بكرة الصبح هروح. كيان: ماشي يا ماما. الصبح 🌄 الأم: خلي بالك من نفسك. كيان: حاضر يا ماما، حاجة تانية؟ أنا حفظت. بقالك نص ساعة بتحفظيني، تحبي أسمعهملك؟ -ههتم بنفسي. -ههتم بأكلي. -مش هسيب حاجة تأثر في نفسيتي. -هتصل بيكي كل يوم. الأم: بتتريقي عليا يا كيان. 😢 كيان أخدتها بالحضن.

كيان: هو أنا أقدر برضوا يا ست الكل؟ بس انتي اوصلي بالسلامة وكلميني وسلميلي عليهم في البيت. الأم: يوصل يا حبيبتي. كيان: ماما. الأم: نعم. كيان: متخليش حد يجيلي، قوليلهم الزيارة ممنوعة، أنا مش عايزة أشوف نظرة شفقة من حد. طبطبت الأم عليها بحنان. الأم: حاضر يا كيان، سلام. 👋 كيان: سلام. 👋

ماما مشيت وأنا قعدت أعيط، أنا مشيتها عشان بقالها كتير معايا وحالتي مش بتتحسن، الأفضل إنها تروح. فضلت أسبوع مش باخد الكيماوي وحالتي بتتدهور. مرة واحدة لقيت الباب بيتفتح جامد. نسيت أعرفكم بنفسي، أنا كيان عندي 16 سنة، عندي كانسر في الكبد بقاله سنة، ولما عرفت جيت المستشفى هنا. حالتي مكنتش بتتحسن للأسف، الكيماوي بسبب نفسيتي الزفت ونظرة الشفقة اللي كنت بشوفها من الناس كلها.