رواية كيان الفهد الفصل الخمسون بقلم هدى عبدالصافي

فهد قفل الباب ورجع لها. وهو بيحضنها: بحبك. خلاص فاضل كام يوم وتبقى ملكي. كيان: بحبك. فهد: وأنا ياروحى. فهد رجع شعرها ورا ودنها ومسك وسطها بإيد، والإيد التانية ورا رقبتها على شعرها و... عمر بيرن الجرس. فهد بيجز على سنانه: وحيات أمي عارف إنك انت. والله ما سابك. كيان اقفلي الشقة وانزلي ياروحى. حبيبة ولانا تحت معاكي. كيان بضحك: ماشي يا حبيبي. فهد كان هيقرب يبوسها، لقى عمر بيخبط وبيرن.

فهد فتح وعمر نزل جرى على السلم ووراه فهد بيجرى وراه، وكلهم فطسوا على نفسهم من الضحك. عمر: خلاص وحيات أمك يا جدع. خلاص. فهد وهو بيجرى وراه على السلم وبينطوا سلالم عشان يلحقه. فهد: وحيات أمي لأوريك يا كلب. مش هتبطل أم العادة اللي فيك. عمر وهو على آخر سلمة: خلاص بقا يا جدع. يرضيك تشوهلي وشي القمر ده وأنا فرحي كمان يومين. فهد وكان هيضربه بوكس. فهد: ماشي يا عمر. مش هنسى. عمر بضحك: يختااااي. ربنا يسترزق.

زياد: يالهوي. انتو مسخرة. لسه زي ما انتوا. فهد بتبريقة: عمر اختك لسه معانا فوق صح؟ زياد بتصنع خوف: لا خلاص يا برنس. وعلى أي. الطيب أحسن. وركبو كل واحد عربيته ومشيو. والبنات فضلت تشوف هتتجهز إزاي والكلام ده. وعدى أيام وجيه يوم الفرح. *** البنات لبسو وخلصو وكل واحد طلع عشان ياخد مراته. فهد بحب: مبروك يا حبيبتي. كيان بفرحة وحب: مش مصدقة يا فهد. مش مصدقة إن خلاص هنتجوز. فهد وباس جبينها.

فهد بحب وتوهان: يلا بدل ما نلغي الفرح ونروح. كيان بضحك: يلا. عند لانا. عمر: بحبك. مش مصدق إن خلاص هتبقي معايا. لانا بحب: وأنا بحبك أوي يا عمر فوق ما تتخيل. عمر بحب: قرب عليها وباس جبينها وحضنها. عند حبيبة. زياد: خلاص يا جميل. بقيتي معايا. حبيبة: خايفة يا زياد. زياد بحب: من إيه يا حبيبتي. حبيبة: مش عارفة. بس خايفة منك.

زياد بحب: مني أنا. وقرب عليها باس إيديها الاتنين وجبينها. متخافيش مني ياروحى. هبقى أمانك ومأمنك. أوعي تخافي مني. حبيبة بحب: أنا بحبك. زياد بعشق: وأنا بموت فيكي. وكفاية كده بدل ما أتهور. يلا يا أميرتي. حبيبة بحب: يلا.

ونزلوا وكل واحد خد مراته ووقفوا في مكانهم. والفرح كان فيه رجال أعمال من جميع أنحاء العالم. ورتب شرطة ولواءات كتير عشان عمر وفهد وزياد أكبر رجال أعمال برا مصر وجوه. وزياد من أكبر رجال الأعمال برا مصر وشركاته منافسة لشركات الصقر. بس ده ملهوش علاقة بصحوبتهم وأسرهم. كل واحد المفروض كان هيقول جملة لمراته وابتدو بفهد. فهد وهو ماسك الميكروفون وواقف على الاستيدج.

فهد بحب: يوم ما قابلتها سحرتني بوشها الهادي اللي خالي من أي زينة وهدوئها وجمالها الطبيعي. سحرتني بطيبة قلبها وتحملها لأي حاجة. استحملت كتير لدرجة إني حاولت أحط نفسي مكانها وأشوف هقدر أتحمل اللي هي استحملته ولا لأ. طلع إن مش أنا بس اللي مقدرش. أي حد مش هيقدر يعيش جزء بسيط من حياتها. هي مش بس حبيبتي. هي أمي وأختي وصحبتي. وفيما بعد أم لأولادي. هي نعمة من ربنا بشكره عليها ديما. هي بقت كيان الفهد كله. بحبك يا أحلى امرأة رأيتها عيني.

كيان كانت بتعيط. وبعد ما خلص راح حضنها ولف بيها. وكل اللي موجودين صقفوا بحرارة. مكنوش متوقعين إن فهد الصقر يقول حتى كلمة من كل اللي قاله. وكلهم اندهشوا. ولكنه الحب يا سادة. (ربنا يرزقكم كلكم) وجه دور عمر.

عمر: مش عارف أوصف أي. قابلتك صدفة وكانت أجمل وأحسن صدفة ليا. انتي أعظم انتصاراتي. مستعد أبيع الدنيا كلها عشانك. شوفتي معايا كتير واتحملتيني. ومشيتي منى ولا مرة. قلبك نقي لدرجة إنه مبشيلش من اللي أذوه. آذيتك لدرجة لو أنا اللي مكانك مكنتش سامحت نفسي. انتي أعظم انتصاراتي. بحبك يا لانا. وراح حضنها ولف بيها. وهيا فضلت تعيط. وكل اللي موجودين فضلو يسقفوا. جه دور زياد.

زياد بعشق: هي حب طفولتي. البنت اللي ربيتها على إيدي وشايفها كل يوم بتكبر قدام عيني. هي البنت اللي لما بعدت عنها بسنين ورجعت لقيت حبها ليا بيتجدد كل يوم وبيزيد عن اليوم اللي قبله. هي البنت اللي لما سافرت وسبتها وحاولت أكرهها فيا. مكر'هتنيش. كانت بتتمنالي الفرح ديما. هي البنت اللي لو سيبتها وسط 99 راجل تبقى هي الـ 100 بتاعهم. ولو سيبتها وسط 2000 بنت تبقى هي ست البنات كلهم. قادرة تخليني انبهر كل يوم بيها. أنا فخور بحبك ومحظوظ إن قلبك حبني. وملكي وليا. أنا بحبك يا أجمل وأرق بنت. بحبك يا حبيبة.

حبيبة جريت عليه حضنته وبتعيط جامد. حبيبة: وأنا بحبك. الكل صقف جامد أوي وفرحانين. وفي اللي بيحقد برضو. فضلو كتير في الفرح. وجه وقت إن كل واحد ياخد مراته ويمشي. فهد في العربية بحب. فهد: مش مصدق يا كيان. خلاص هتبقي معايا على طول. كيان بحب: وأنا كمان فرحانة يا حبيبي. فهد: باس إيدها. بحبك يا كياني. كيان ابتسمت بحب واحراج. وروحوا كل واحد الفيلا بتاعته. وبدأوا حياتهم مع بعض بالصلاة.

وتاني يوم كل واحد خد عروسته وسافروا عشان شهر العسل. وصلوا لفندق Çırağan Palace في تركيا. وشايل نص الاسم لأنه طويل. وده من أشهر الفنادق وأحسنهم في إسطنبول. الموظف: Hoş geldiniz düğün için tebrikler. (أهلاً بيكم. مبروك على الفرح) كلهم: Allah razı olsun teşekkür ederim. (شكراً. الله يبارك فيك) وبعدها كل واحد خد عروسته وراح على السويت بتاعه وناموا. لأن كانوا تعبانين جداً من السفر وملحقوش يناموا. بليل فهد صحى.

فهد بابتسامة لما لقى كيان في حضنه: أعظم انتصاراتي. كيان بفرحة ونوم: وانت أعظم وأجمل راجل شفته وعرفته. فهد بحب: ربنا يبارك لي فيكي يا حبيبتي. كيان: وفيك ياروحى. عند حبيبة. زياد: مش مصدق يا حبيبة. بجد كل ده. حبيبة: زياد. انت بقالك ساعة من وقت ما صحيت بتقول كده. زياد وبيحضنها: بحبك. حبيبة بحب: وأنا بموت فيك. زياد: تعالي ننزل ناكل. حبيبة: ماشي يا حبيبي. انزل انت على ما أغير. زياد: ماشي ياروحى. عند عمر ولانا لسه نايمين.

كيان: أنا جعانة. فهد: البسي ياروحى ويلا. كيان بفرحة: طب حبيبي انزل انت وأنا هاجي وراك. فهد: طب مستنيكي. كيان: لا ياروحى انزل انت. فهد: ماشي يا حبيبتي. وطلع لقى زياد برا. فهد: أي يا عريس. زياد: يا عم منتا كمان عريس. فهد: امال فين عمر. زياد: هتلاقيه لسه نايم. فهد: استنى أرخم عليه 😂. زياد: سيبه بدل ما يطلع ياكلنا 😂. فهد: استنى بس. والأوض كانوا واخدينها جمب بعض. فهد وبيخبط. لانا بنوم: أوف. أي ده. عمر. عمر: أي يا بنتي.

لانا: الباب بيخبط. قوم شوف يا عمر بقا. أنا عايزة أنام. يووه. عمر بنوم: سيبيه يخببط. لانا: يا عمر اخلص. مش هيبطل. قوم افتح بقا. عايزة أنام. عمر: ماشي. عمر بنوم: إيه يا عم انت وهو. عايزين إيه. فهد بضحك على شكله: أي يا ابني. كل ده نوم. عمر: يا عم بقالي يومين منمتش كويس. عايزين إيه دلوقتي. فهد: اصحى كده ويلا عشان ناكل. انجز. عمر: يا عم ملكش دعوة. عايز أنام. فهد: فاضحنا ديما كده. يلا يا بابا بدل ما آخدك زي ما انت كده.

عمر: طيب يا فهد. فهد: مستنينك. في الوقت ده حبيبة خرجت. زياد: أي يا حبيبي. حبيبة باحراج عشان فهد واقف: هـ... فهد خدها في حضنه: حبيبتي عاملة إيه. زياد وهو بيشدها: إيه يا عم في إيه. فهد: في إيه يلا. زياد: هو إيه اللي في إيه. مراتي يا جدع. فهد: أختي وبنتي يا بابا. والعب بعيد. قعدوا يشدوا في الكلام مع بعض لحد ما عمر طلع. عمر: إيييه. فرجتوا علينا الفندق كله.

فهد كان لسه هيتكلم لقى كيان طلعت. وكانت لابسة طرحة وبلوزة سودة وفيها نقط بيضاء وجيبة سوداء. شكلها تحفة وهيلز أسود. والطرحة كان لونها أبيض وباندانا أسود. فهد بصدمة وحب: ده بجد. كيان باحراج: حبيت أبدأ حياتي معاك بيها. فهد حضنها وباس إيدها ودماغها. فهد بحب: بحبك. ومفاجأة تحفة أوي بجد. فرحان. كيان: وأنا كمان بحبك. الباقي: نحن هنا. ونزلوا يتعشوا. وبعدها كل واحد خد مراته يخرجه. بعد 9 شهور كيان كانت حامل وفي المستشفى.

كيان بصريخ: الحقني يا فهههههد. مش قادرة. هموت. فهد: اهدى يا حبيبتي. بعد الشر عليكي. اهدى. اهدى. الدكتور فين. الدكتور: خلاص يا فهد بيه. هتدخل حالاً. فهد بعصبية: أنا دكتورة اللي هتولد مراتي. سامع. دكتورة. وجت دكتورة ودخلت مع كيان. وبعد وقت من التوتر والخوف على الكل. كيان جابت بنت وولد. والبنت اسمها كيالا. والولد سليم. بعد سنة حبيبة جابت ولد. وزياد سماه الولد: زين.

وبعدها بسنة لانا الحمل عندها اتأخر. وربنا عوضها ببنت. وعمر حب يسميها ليان. بعد 22 سنة. فهد: في إيه يا كيان. كيان بعياط: كيالا سليم ضربها. وأنا مقدرتش عليه. ومش راضي يقول ضربها ليه. فهد بغضب: سلييييم. سليم: نعم يا بابا. فهد بغضب: ضربت اختك ليه. سليم: مقدرش أقولك يا بابا. مهما حصل. دي حاجة بيني وبينها. وهيا عارفة. ضربتها. اعذرني يا بابا. بس مش هقدر أقولك. بعد إذنك. كيان بعياط: أنا تعبت. وهيا مش راضية تقول.

فهد فرحان إن هو واختو سرهم مع بعض وقريبين من بعض. بس مدايق إنه ضربها. فهد: خلاص يا كيان. نروح لحبيبة. زياد: وحيات أمك. يلا. منا سيبك. زين بهزار: هو أنا اللي واقف أحب فيها في المطبخ. حبيبة باحراج وضحك: خلاص يا زياد. سيبه. ويلا. زين: اسمع كلامها يا زيزو بقا. يلا. زياد: وحيات أمي يا زين. لما أرجعلك. زين بهزار: ماشي يا جامد. لسه مكبرتوش برضوا. زياد: مستحيل. لا. مستحيل. ومشي. حبيبة: زين عيب كده. مينفعش.

زين بمناكشة: سيبك انت. مالك يا بيبة. احلوتي كده ليه. ولا عشان زياد باشا رجع من السفر بقا. زياد وجابو من قفاه: مالك يلا ومال مراتي. زين: ماهي أمي. زياد: أمي يا معفن. زين: سيب يا عم التي شيرت هيتبهدل. زياد ضربه بقفا. وزين طلع على أوضته يجرى وهو بيضحك. زياد حضن حبيبة وباس دماغها: باي يا حبيبي. عند عمر. ليان: هوف. زهقت. لانا: في إيه يا بنتي. ليان وفونها رن: طب. طب استنى هقولك بعدين. لانا: مين بيرن.

ليان: ملك صحبتي يا مامي. هروح أرد عليه. ليان وفتحت الفون. بس راحت أوضتها وقفتلت كويس. ليان: حاضر. حاضر. هقابلك النهارده. ا... ليان: لا لا مش خايفة. واثقة فيك. ماشي. باي بقا. قبل محد يسمعني. هتوحشني. وقفت. سليم لكيالا: متزعليش مني. بس انتي عارفة إني خايف عليكي. كالا: مش زعلانة يا سليم. أنا آسفة. عارفة إني غلطت. سليم خدها في حضنه: انتي بنتي. كالا حضنته وعيطت: ربنا يديمك أخويا وسندي بعد بابي ومامي. بحبك.

سليم: وأنا كمان يا نور عين أخوكي. وبطلي عياط يلا. قومي غيري عشان هخرجك. كالا باستو في خده. وسليم خرج. بليل عند ليان. ليان في الفون: أنا خرجت من الفيلا. انت فين.... ليان بخوف: بس مامى مش هترضا. أنا قلتلها هروح النادي. لو قلتلها. خلي السواق مش هترضا... ليان: طب هستناك في النادي تاخدني بعربيتك. بس السواق... ليان بتوتر: أنا خايفة نتأخر... ليان: ماشي ماشي. باي. وصلت النادي. ومفيش خمس دقايق والشخص ده خدها.

ليان بتوتر: هنروح فين. هو: هنروح مكان هادي. ليان: بس. هو: متخافيش. ليان: ماشي. هو: مسك إيدها وباسها. ليان سحبت إيدها بتوتر: مينفعش كده. هو بابتسامة: ماشي. وفي سره. اللي منفعتش إنهاردة ينفع بكرة. هو: يلا يا روحي. وصلنا. ليان نزلت من العربية. ليان بصدمة: إيه ده. هو وهو بيقرب عليه: إيه. ليان بتوتر: ابعد. هو بيقرب أكتر: اتصدمتي صح. ليان: أنا. أنا لازم أروح. وجت تجرى. شداها و...