رواية كيان الفهد الفصل الحادي والثلاثون 31 - بقلم هدى عبدالصافي

كيان: لا يا فهد لا ابعد فهد: لا يا قلب فهد مش هبعد وبص عليها. كيان: فهد بتبصلي كده ليه؟ ابعد عشان خاطري، وحيات أغلى حاجة عندك يا فهد ابعد. فهد: تؤتؤ. بقو أكتر من حضن وبوسة ومدهاش فرصة وقرب عليها باسها. كيان بعصبية: فهد ابعد قلتلك. فهد بعد عنها. فهد: يلا يا كيان انزلي. كيان قامت وعنيها بتدمع ونازلة. فهد: ظبطي نفسك عشان نازل وراكي. كيان ابتسمت بهدوء ونزلوا. مامت كيان: كنتي فين يا بنتي؟ كيان: كنت لسه...

بتتكلم لقت الجرس بيرن. ابتسمت وراحت فتحت. فهد: غمزلها: ماما موجودة يا شاطرة. كيان: موجودة يا أونكل. فهد: أونكل في عينكم. مامت كيان: مين يا كيان؟ فهد: أنا. ودخل. مامت كيان: أهلاً يا ابني اتفضل. فهد: أنا بعتذر من حضرتك بس كان عندي شغل مهم عشان كده اتأخرنا. مامت كيان: ولا يهمك يا ابني اتفضل. فهد: كنت عايز أطلب من حضرتك إيد كيان، تبقى زوجتي وأم ولادي وشريكتي طول العمر.

مامت كيان: بس يا ابني إحنا ناس على قد حالنا، أخاف في يوم تيجي تعايرها بكده. فهد بسرعة: لا لا مش هيحصل، أوعدك بكده. مامت كيان: الرأي رأيها. فهد بابتسامة خطفت أنفاسها: موافقة يا كيان؟ كيان بحب: احم. لو ماما وافقت. فهد بابتسامة: تمام. كده الفرح آخر الشهر. مامت كيان: ليه يا ابني السرعة دي؟ إحنا لسه مجبناش حاجة.

فهد: يا ست الكل أنا مش عايز منها حاجة، أنا عايزها كمان من غير شنطة هدومها. أنا عندي القصر والشقة مجهزّين من كل حاجة، وهدومها هنجيبه أنا وهي وحضرتك، ونجيب لها اللي عايزاه ومحتاجاه. مامت كيان: يا ابني مش... فهد: يا ست الكل قلت لك كل حاجة جاهزة. مامت كيان: ماشي يا ابني. كتب الكتاب هيبقا امتى؟ فهد: آه آه طبعاً، هنكتبه بكرة. مامت كيان: بكرة؟ فهد: آه، أصل أنا وكيان عندنا شغل بكرة، فـ هنكتب الكتاب واحنا جايين من الشغل.

مامت كيان: إزاي ده؟ مش هينفع، لازم أبقى معاها. فهد: مهو... كيان: يا ماما هنكتبه واحنا جايين وتبقا معانا إن شاء الله يوم الفرح. مامت كيان: وليه متستنوش ليوم الفرح؟ كيان: يا ماما عشان نبقا براحتنا. مامت كيان: ماشي يا كيان، اللي تشوفوه. كيان فرحت وفهد ابتسم وغمزلها. فهد: طب بعد إذنكم أنا بقوم. مامت كيان: لسه بدري يا ابني. فهد: لا أصل أنا اتأخرت أوي. بس هو أنا ممكن آخد كيان يعني نروح أي مكان بمناسبة الخطوبة وكده؟

مامت كيان: ماشي، بس خلي بالك منها. فهد بحب: في عيني. كيان ابتسمت. فهد: هنزل تحت في العربية أستناكي على ما تخلصي. كيان: ماشي. فهد: بعد إذنكم. فهد وهيا واقفين له على الباب. فهد: البسي فستان. كيان: ليه؟ فهد: البسي فستان بس. كيان: حاضر. فهد: يسلم لي اللي بيقول حاضر ده. وقرب عشان يبوسها. مامت كيان ندهت. كيان: انزل طيب على ما ألبس. فهد: ماشي يا جميل، كلها أسبوعين. كيان ابتسمت ودخلت وهو نزل.

دخلت لبست فستان سماوي فاتح وهيلز أبيض وسابت شعرها لورا، والفستان كان شفاف من الكم. ونزلت. فهد: أول ما شافها خارجة من باب العمارة خرج بسرعة ولبسها الجاكت بتاع البدلة. فهد بعصبية خفيفة: إيه ده؟ كيان: إيه؟ في إيه؟ فهد: الفستان شفاف. كيان: من الكم بس. فهد: و بالنسبة لرقبتك وضهرك؟ كيان: فهد... فهد: هششش، خلاص. اطلعى غيري. كيان: يا فهد أنا قعدت كتير على ما لبست. فهد: قلت اطلعى غيري يا كيان. كيان: أووف. وأدته جاكت البدلة.

فهد: متقلعهوش غير فوق، انتي فاهمة؟ اتفضلي وهاتيه وانتي نازلة. كيان مشيت تدبدب في الأرض. مامت كيان: إيه اللي طلعك؟ كيان: زعقلي وقال لي اطلعى غيري. مامت كيان بابتسامة: عنده حق، غيري. أنا مرضتش أكلمك. كيان: يوووه. ودخلت غيرت لفستان أسود نص الكم بس، اللي شفاف ولبست هيلز أسود. وخدت جاكت البدلة ونزلت. فهد: هاتى. إيه ده؟ برضه شفاف؟ كيان: يا فهد ده الكم ومش كله. فهد: يا فرحتي بيكي. وحيات أمك يا كيان لـ أخليكي تغيري لبسك ده.

كيان: أووف. فهد: انفخي براحتك. كيان سكتت. نزلوا قدام مطعم وكان مفهوش حد. فهد كان حاجز كله ومليان بلالين. كيان: الله، ده تحفة جدا. فهد: غمضي عينك. كيان: ليه؟ فهد: غمضي بس. كيان غمضت وفهد طلع الخاتم من جيبه وقعد على ركبته. فهد: افتحي. كيان بصت له بهدوء وضحكت وفرحت. فهد بابتسامة: تقبلي تكملي معايا الباقي من حياتي وحياتك؟ تقبلي تكوني شريكتي في كل حاجة؟ تقبلي تكوني ليا صاحبة وأخت وأم وزوجة وأم لولادي؟

تقبلي تكوني حبيبتي ومراتي؟ كيان بدموع وابتسامة: أقبل. فهد لبسها الخاتم وكان ألماس. فهد: أوعي في يوم تقلعيه، حتى لو مزعلك، سامعة؟ كيان: سامعة. بس ده شكله غالي أوي. فهد: الغالي يرخص لك، ومفيش حاجة غالية عليكي. وقام وقف وشغل أغنية إنجلش ورقصوا عليها. *** عمر فاق شوية. عند لانا فضلت تعيط لحد ما نامت. *** عمر في الفون: عمر: عايزك تحجز لي أحلى قاعة باسمي واسم..... للأسبوع الجاي. شخص: حاضر يا باشا.

عمر: خليكي كده معترضة، مش عايزك توافقي نهائي. تاني يوم. كيان وفهد داخلين وفهد ماسك إيدها. وده خلا الموظفين يندهشوا أكتر. وبعدها دخل عمر بشوية. عمر بجمود: في إيه؟ كل واحد يروح يشوف شغله. هتفضلو واقفين كده؟ شكلكوا عايزين نزل الخصم تاني. كلو طار على شغله. وهو طلع ولسه الأسانسير بيتقفل. لانا دخلت. لانا: احم، أنا... عمر: مش عايز رغي كتير، دماغي مصدعة. لانا: تمام.

طلعوا ودخل عمر المكتب. وشوية ولانا دخلت عشان لازم يوقع على عقود. وهي دخلت وهو بيتكلم في الفون. لانا: لازم توقع هنا. عمر شاور لها إنها تسكت وتستنى. عمر: إيه يا حبيبتي... عمر: هجيلك يا روحي، النهاردة. أنا أقدر على زعلك برضه... عمر: لا، ده أنا كده أجيلك دلوقتي بقا. عمر فضل يضحك. عمر: لا، جهزي نفسك بقا أنا جاي. كل ده ولانا واقفة شايطة. عمر: سلام يا حبيبتي. عمر بجمود: عايزة إيه؟ لانا: توقع هنا.

عمر وقع وقام لبس الجاكت وخد المفاتيح عشان ينزل. لانا ببرطمة: نيننني تتك القرف انت وهيا. عمر بغضب: وحيات أمي لو غلطتي تاني لـ أزعلك. ومسكها من دراعها ولفها وراه. لانا بوجع: آه، سيبني. عمر: لو جبتي سيرتها هـندمك، سامعة؟ لانا بعياط: ما انت خاين وعمال تقول بحبك وانت خاين. عمر بلا مبالة: لو غلطتي تاني هدّفنك مكانك، فاهمة؟ لانا بعياط شدت إيدها وطلعت برا. وهو خرج ونزل راح للي كان بيكلمها. شوية وعمر رجع.

عمر: لمي حاجتك، نازلين. لانا: في اجتماع أو حاجة؟ عمر: آه، مهم. لانا: تمام. لمّت الحاجة وخدت شنطتها ونزلت معاه. لقتوا وقف قدام فيلا فخمة جدا وشيك جدا. البوابة فتحت وهو دخل. لانا: إيه اللي جايبنا هنا؟ عمر بجمود: الاجتماع هنا. لانا: هنا في... عمر: ينفع تسكتي؟ لانا: أووف. ودخلت وراه. عمر دخل. عمر للشغالة: هيا فين؟ الشغالة: الهانم فوق. عمر: تمام. تعالي يلا. لانا بغضب: إنت جايبني عندها؟ إنت عبيط؟ وجت تخرج. عمر شدها وطلع.

لانا: أوعععع. عمر: هشش. خبط ودخل باسها. عمر: أهو جبتها لحد عندك عشان تصدقي إن مفيش حاجة ومش بكدب. لانا: إنتِ؟