رواية كيان الفهد الفصل الرابع والعشرون 24 - بقلم هدى عبدالصافي

ضحك الشاب بخبث: الوقت لسه بدري. ومسكها من إيدها. كيان بصريخ: سيبني. الشاب: عيطي أكتر. كيان بصريخ: فههههههههد. الشاب شالها تحت زعيقها وصراخها وضربها. راح فتح باب العربية ودخلها. ولسه بيقفل، لقى اللي بيشده وبيضربوا. وفضلوا يضربوا في بعض لحد ما الشاب ده جرى ركب العربية ومشى. شخص: انتي كويسة؟ كيان بخوف وعياط: أيوه. شخص: انتي مصرية؟ كيان: أيوة. شخص: طب في حد معاكي، أو انتي مقيمة، ولا فين؟ كيان بعياط: أنا في فندق *****.

شخص: طب تعالي أوصلك، هو قريب من هنا مش بعيد. كيان: لا لا شكراً. شخص: مفيش شكر ولا حاجة، عشان ميطلعش حد تاني ليكي. كيان بخوف: ماشي. شخص: أنا مصطفى. كيان: وأنا كيان. تشرفت بيك وشكراً. مصطفى: مفيش شكر ولا حاجة. فهد كان بيدور عليها كل ده. وعمر كان ماجر له عربية. وفهد ماشي لقى كيان واقفة مع واحد وبتتكلم. فهد وقف العربية ونزل جرى. فهد بزعيق وهو ماسك إيدها: أنا مش قولتلك متتحركيش، مسمعتيش الكلام ليه؟ بقالي ساعة بدور عليكي.

مصطفى: اهدى يا أستاذ مش كده. فهد: وانت مين بقا إن شاء الله؟ مصطفى: أنا واحد يا أستاذ والآنسة... فهد: مدام. مصطفى: أي يكن المدام، كان فيه واحد هيخطفها ومكنتش هترجع. عموماً، فهد شدها في حضنه وهي اتثبتت فيه وقعدت تعيط. فهد: تمام، شكراً ليك. مصطفى: مفيش شكر ولا حاجة، عن إذنك. فهد خد كيان وركبوا العربية. فهد: اهدى بقا، خلاص بطلي عياط. كيان: أنا... أنا كان هيحصلي حاجة. شالها وقرب منها وفضلت تعيط.

فهد بعصبية من اللي حصل: طب خلاص يا حبيبي اهدى. وخدها في حضنه. فهد: خلاص بقا اهدى. كيان: م... ماشي. وبعدت عنه. وفهد رجع الفندق ودخلها أوضتها وطلع أوضته. وهي نامت زي ما هي. وفهد غير لتي شيرت زيتي وشروال أسود ونام. وتاني يوم فهد صحى على صوت الهاوس كيبنج عشان يشوفوا في حد في الغرفة قبل ما يدخلوا ولا لأ. فهد خرج وسابلهم الأوضة يرتبوها. وراح لكيان. خبط شوية لحد ما فتحت وكانت بلبس الخروج زي ما هي. فهد: انتي نمتي كده؟

كيان بعدم فهم: كده إزاي؟ فهد: بهدوم الخروج. كيان بصت على نفسها: آه، مقدرتش أغير، نمت على طول. فهد: ماشي، غيري عشان ننزل نفطر. كيان: تمام. وفهد دخل غير هو كمان ونزلوا فطرو. وبعدها راحوا أوضة فهد عشان يراجعوا الورق والعقود. **** في القاهرة. عمر: ها يا دكتور، هيا عاملة إيه؟ الدكتور: هيا كويسة والبيبي كمان كويس. عمر: بيبي كويس؟ ها، طيب ماشي، عايزين نعمل سونار عشان نشوف. الدكتور: بس مش هتعرف تشوفه، ده لسه في الشهر الأول.

عمر: امم، هو مش هيبان أه، بس هيبان. وأنا عايز أطمن عليه. الدكتور بتوتر: تمام. وشغل جهاز السونار ورحمة خايفة وبتدعي. الدكتور: أهو البيبي، هو مش باين، بس هو الحاجة دي اللي بتتحرك. عمر بشك: تمام. يلا يا رحمة. رحمة: حاضر. وخرجوا من المستشفى. عمر: اتفضلي روحي يلا. رحمة بدلع: وانت مش هتيجي معايا يا روحي؟

عمر بغضب: طلعت روحك. أنا مش هتجوزك عشان تكوني عارفة. لما البيبي يتولد، هنبقى الأول نعمل له تحليل DNA عشان أتأكد إنه ابني. أنا وبرضو مش هتجوزك، هكتبه على اسمي بس. انتي سامعة؟ رحمة بخوف: ماشي يا عمر. خليك فاكر إنك إنت اللي هتطلب تتجوزني. عمر: يلا يا ماما من هنا. رحمة راحت ركبت عربيتها ومشيت. وعمر اتنفس بغضب ورجع للدكتور. عمر: شكراً يا دكتور سعد. مش عارف أشكرك إزاي. سعد: إنت ابني يا عمر. عمر: أكيد حضرتك في مقام والدي.

Flashback. اللي اتفق مع رحمة كلم دكتور سعد، لأنه عارف إن ده الدكتور الوحيد اللي عمر بيثق فيه. وعرض عليه فلوس وسعد وافق. وراح قال لعمر في الفون. وبالنسبة لجهاز السونار، فا رحمة هي اللي كانت مش شيفاه وعمر بس اللي شايف. ومفيش حاجة بتتحرك، ده كلام قاله وخلاص. *** عمر راح الشركة وطلب لانا. عمر: لانا، اسمعيني للآخر. لانا: اتفضل يا مستر عمر.

عمر: لانا، أنا مش هقولك بحبك، بس أنا مرتحلك وحابب أكمل حياتي معاكي. انتي، أنا شايفك الإنسانة اللي هتحافظ على بيتي وتبقى أم لأولادي. وهكملك أنا يروحي اللي هو هيقول... عمر: يا أدي الليلة السودة. إنتوا حد مسلطكم عليا؟ جايين واحدة ورا التانية كده ليه؟ ملك: أخس عليك يا بيبى كده برضو. لانا: بيبى؟ أه. طب بعد إذن حضرتك يا مستر عمر. عمر: لانا استني. ملك: استنى يروحي. عمر مسكها من دراعها بغضب: جاية ليه وعايزة إيه؟

ومين متفق معاكي إنك تيجي؟ ملك: سيب بس إيدي. محدش متفق معايا، أنا جيتلك عشان وحشتني يا بيبى. هو أنا مليش الحق أشوف جوزي حبيبي؟ عمر بضيق: أنا مش جوزك ولا جوز حد. ويلا بقا اطلعى. ملك: طب والبيبي اللي في بطني؟ عمر: بيبي؟ هو كلكم جايين تخلفوا في أسبوع واحد؟ يختي! (نسيب بابا عمر ونرجع له بعدين) ***** في تركيا. فهد: دماغي صدعت. كيان: وأنا تعبت أوي خلاص. فصلت. فهد: وأنا خلاص. كيان: إحنا كده خلاص خلصنا. هروح أنا بقا. وقامت.

فهد قام ومسكها. كيان بخضة: إيه يا فهد؟ راحة أوضتي؟ فهد وخدها في حضنه: يا حبيبي، أوضتي وأوضتك واحد. كيان بتوتر: فهد ابعد. فهد بضحك: ولو مبعدتش؟ كيان: يا فهد ابعد بقا. فهد: طب مش هبعد. كيان: يا فهد ابعد بقا عشان خاطري. فهد: طب بصي، غمضي عينك. كيان بخوف: لا. فهد: خلاص، مش هسيبك. كيان: فهد ابعد عشان خاطري. فهد: طب غمضي عينك. كيان غمضت عينها بخوف. وفهد حط إيده على شعرها من ورا وإيده التانية على وسطها وقربها منه و...