رواية كيان شهد الفصل الرابع 4 - بقلم شيماء رمضان

ملك .يبقي تطلقني يا رحيم؟ رحيم .انتي أكيد اتجننتي. ملك .لا متجننتش بس تعبت بجد. رحيم .وأنا مستحيل أعمل كده. ملك .طب بص، سيبني أرتاح شوية عند ماما. رحيم .لا برضه مش هقدر. مش هشوفك المدة دي. ملك .ده بس اللي أنا عاوزاه منك. رحيم .طيب بصي، تعالي معايا واحنا حتى مش هنتكلم، بس على الأقل أشوفك يا ملك. ملك بإقتناع .تمام. روحت معاه الشقة وأنا قعدت في أوضة لوحدي. يدوبك بس بشوفه كل فين وفين. رحيم .لسه برضه مصممة تبقي بعيدة كده؟

ملك .أهو على الأقل هرتاح. رحيم .طيب، حتى لو قولتلك إن أنا مسافر لمدة شهر؟ ملك باستغراب .هتروح فين؟ رحيم .الشركة عندي هتاخدني برا علشان في وفد أجنبي وأنا اللي هتعامل معاهم. ملك .وهتسيبني؟ رحيم وهو بيمشي ويسيبها .مهو أنتي كده كده بعيدة عني، يبقى إيه الفرق؟ ملك .إنت شايف كده يا رحيم؟ رحيم .يلا تصبحي على خير، أنا داخل أنام. ملك وهي بتوقف رحيم .رحيم استنى. رحيم .نعم؟ ملك وهي بتمسك إيده .متسبنيش.

رحيم .لو كان بإرادتي كان ينفع، إنما ده مش بإرادتي. ملك .طيب ممكن تسمعني حتى لو لمرة واحدة؟ رحيم .أنا سامعك. ملك .اللي إنت كل شوية عمال تقول أنا كنت متجوزة واحد قبلك وازاي أنا لسه بنت. أنا مجرد بس اتكتب كتابي وفي نفس الوقت عرفت إنه بيخوني. واحدة بعتتلي صورة وهو معاها. مقدرتش أكمل نهائي. خليت المأذون زي ما كتب الكتاب يطلقنا أنا وهو. رحيم .وعلشان كده اتجوزتيني أنا؟

ملك .أنا اتجوزتك علشان بابا وإنه عاوز أفرحه. لكن فرحته أثرت عليا وبقيت أنا اللي مش فرحانة. رحيم وهو عاوز يحكي لملك .ملك أنا... ملك بمقاطعة .مش إنت كنت عاوز تنام؟ طيب تصبح على خير. رحيم بقلة حيلة .تصبحي على خير. عدى يومين وجه وقت سفر رحيم. رحيم وهو بيحضنها .هتوحشيني. ملك وهي حابسة دموعها .وأنت أكتر. أول ما مشي فضلت أعيط. يعني حتى يوم ما أحكيله يبقى أنا وهو حياتنا عاملة لي كده؟

البيت زي ما يكون سجن بالنسبالي. مش هو ده البيت اللي أنا كنت فيه ومبسوطة. أتمنى رحيم يرجع لي في أقرب وقت. بعد يومين لقيت واحدة جت وقالت لي. مها .إنتي بقي ملك؟ ملك .آه، إنتي مين؟ مها .أبقى مرات رحيم!!!!