رواية كيف احببتك الفصل السابع عشر 17 - بقلم اميمة تيتو

تولين: ماشي أنا همشي. فادي: لسه بدري. تولين: لا همشي. فادي: هاجي أوصلك طيب. تولين: لا أنا همشي لوحدي. في بيت تولين. قاعدة بتذاكر. الموبايل رن. "الو." فادي: بتعملي إيه؟ تولين: كنت بذاكر ودلوقتي هدخل أنام. فادي: أنا مش عارف أنام. تولين: ليه؟ فادي: بفكر فيكي. تولين: طيب نام. فادي: بقول مش عارف. تولين: طيب أنا هنام، تصبح على خير. (وقفت) فادي: قفلت في وشي، طيب هوريكي يا ستي. تولين ابتسمت ونامت. بعد شهر. في المدرسة.

تولين: الحمد لله، الامتحانات خلصت. نور: اممم، عقبال ما النتيجة تطلع. تولين: يارب، وكلنا نجيب مجموع عالي. نور: اللهم آمين. فادي: ممكن تيجي؟ عايزك ثواني. نور: طيب، أنا همشي، سلام. تولين: سلام يا حبيبي. فادي: تعالي. تولين: نعم. فادي: الامتحان خلص، امتى بقي هاجي أتقدملك؟ تولين: في أي وقت، بس هقول لماما وأخويا عشان يبقوا عارفين. فادي: طيب، أنا هجيب ماما وجايين بكرة. تولين: (بابتسامة) بجد؟ فادي: أيوا. تولين: طيب يا قلبي.

فادي: إيه؟ تولين: قلبي. فادي: آه يا قلبي. تولين: باي. (ومشت) في بيت تولين. دخلت غيرت هدومها وطلعت. "ماما، عمرو، أنا عايزة أقولكم حاجة." عمرو: إيه أخبار الامتحانات الأول؟ تولين: خلصت الحمد لله. أحمد: أنا كمان خلصت. مروة: (ضحكت) ماشي يا حبيبي. تولين: اسمعوني بقى. عمرو: قولي. تولين: أنا بحب. عمرو: نعم؟ تولين: بحب واحد معايا في المدرسة وهييجي يتقدملي. عمرو: (بغضب) أنتي بتروحي تحبي في المدرسة؟ مروة: مين ده؟

تولين: أنت تعرفه، فادي. عمرو: مين فادي؟ مروة: زميلها، كان بييجي يذاكر لها وهي محروقة. عمرو: وأنا معرفش حاجة؟ تولين: عشان خاطري وافق، أنا بحبه وهو بيحبني، وهييجي بكرة. عمرو: لا. تولين: هو إيه؟ أنا هتجوزه، فاهم؟ (ودخلت أوضتها) مروة: دا شاب كويس يا عمرو. عمرو: لو كان كويس كان جاه اتقدملها من زمان، مش يفضل يحب فيها. مروة: هما لسه مخلصين امتحانات النهارده، وهييجي بكرة، ودول ثانوية عامة، يعني كانوا بيذاكروا.

(وفضلت تحكي عنه وإنه كويس وراجل) عمرو: طيب ماشي، هييجي امتى؟ مروة: طيب ما هي بتقول بكرة أهو. عمرو دخل لتولين، لاقاها بتعيط. عمرو: بطلي عياط، هما هييجوا بكرة خلاص، مش هروح الشغل بكرة. تولين جريت عليه وحضنته. عمرو: عايز أشوف الشاب اللي دموع أختي نزلت عليه ده. تاني يوم. تولين قامت من النوم مبسوطة أوي، ودخلت أخدت دوش وغيرت هدومها وطلعت قعدت مع أخواتها ومامتها يفطروا. بعد شوية تولين لمّت الأطباق ودخلتهم المطبخ.

"وطلعت ساعة وييجوا يا ماما." ودخلت تجهز نفسها، لبست بنطلون جينز وقميص قصير وربطت شعرها بفيونكة، وعملت ميكب خفيف ورشت برفان وطلعت. مروة: هو النهارده الفرح ولا إيه؟ تولين: يا ريت. عند فادي. "يلا يا ماما عشان اتأخرنا." مني: يلا. (وطلعت وقفلت الباب) فادي كان لابس بنطلون كلاسيك أسود وقميص أبيض وحزام أسود وجزمة سودا. وبعد نص ساعة وصلوا بيت تولين. عمرو فتح الباب. "اتفضلوا." (وسلم عليهم)

بعد شوية تولين طلعت من المطبخ بالعصير وقدمته وكانت متوترة جداً. وبعدين قعدت وكانت بتفرك في إيديها. فادي كان بيبصلها ومبسوط. عمرو: أهلاً وسهلاً بيكم، نورتونا. فادي: البيت منور بأهله، أنا جاي وعايز أطلب إيد أختك للجواز. عمرو: فين والدك؟ فادي: متوفي. عمرو: مالكش عم، خال؟ فادي: عندي عم، بس اعتبرني معنديش. عمرو: في مشاكل بينكم يعني؟ فادي: أيوا. عمرو: يعني أنت مسؤول عن البيت، ومليكش إخوات؟

فادي: أه، معنديش إخوات، إحنا مبسوطين مادياً، وإن شاء الله هتجوز على طول، مش هنقعد كتير مخطوبين، وبعد التخرج هشتغل. عمرو: مينفعش، معنديش بنات للجواز. فادي: (بحزن) ليه؟ تولين: (بغضب) إيه الكلام ده يا عمرو؟ فادي: ممكن أفهم ليه؟ عمرو: أنت هتصرف على إخواتي من فلوس باباك بعد التخرج؟ هتشتغل صح؟ لما تتخرج بقي تعالي اخطبها. فادي: لا، أربع سنين كتير. عمرو: قولت اللي عندي. فادي: طيب افرض جالها عريس، تخطبها؟ عمرو: لو كويس ماشي.

فادي: (بغضب) لا دي ليا أنا. (وقام وقال) "بص، محدش يقدر يفرق بيني وبين تولين، أنت فاهم؟ عمرو: أنت بتعلي صوتك في بيتي؟ طيب مفيش جواز. تولين: (بدموع) يا ماما، اعملي حاجة. عمرو: اللي عندي قولته. فادي: طيب أنا هشتغل وهصرف عليها بفلوسي، ولو اضطريت مش هكمل تعليم وأشتغل، بس هاخدها. عمرو: (بضحك) يا سلام، ميت عليها أوي كده؟ طيب أنا موافق، اعتبرها خطيبتك. فادي: بتهزر؟

عمرو: لا بجد، كنت عايز أعرف أنت ممكن تعمل إيه عشانها، ومناسب لأختي ولا لأ. فادي حضنه. "شكرًا أوي بجد." عمرو: طيب، بس هتشتغل زي ما قولت، وبرضه هتكمل تعليمك. فادي: حاضر. تولين: (حضنت عمرو) أنا بحبك أوي. مني: طيب، زغرودة بقى لو بعرف كنت زغرطت. مروة: (بضحك) وأنا والله مش بعرف. تولين: أنا بعرف. (وزغرطت) عمرو: يااااه! بتحبيه أوي كده؟ يا ريت ألاقي واحدة تحبني كده.