رواية كيف التعافي بقلم هاجر نور الدين | كاملة

وقفت قدامهُ وأنا بستجمع شجاعتي وقولت: _طلقني. بصلي بصدمة وعدم إستيعاب وقال: =إنتِ بتقولي إي يا روان، إنتِ شكلك إتجننتي خالص! إبتسمت بسخرية وقولت: _فعلًا، مفيش واحدة عاقلة تقبل تكمل معاك يوم تاني بعد القرف اللي بتعملهُ. قام وقِف وقال بإستغراب وإبتسامة توتر: =لأ أفهم بقى، إي اللي بعملهُ؟ بصيتلهُ بسخرية وعدم تصديق للبرود بتاعهُ وقولت: _بجد جايب برود الأعصاب دا منين، إنت عارف كويس إنت عملت إي، ولا أقولهالك صريحة يا أستاذ يا محترم ياللي على علاقة بِ سكرتيرتك و.. صاحبتي! بصلي بصدمة من إني عارفة بخيانتهُ ليا مع صاحبتي وقال بتوتر: =صاحبتك إي بس إستهدي بالله، صاحبتك مفيش بيني وبينها آي حاجة. بصيتلهُ بدهشة حقيقية من بجاحتهُ وقولت: _وبالنسبة لسكرتيرتك دي عادي يعني؟ غير كدا متحاولش تكدب عليا لإني عارفة بخيانتك ليا من أول يوم وعارفة غيرهم وغيرهم وساكتة بس عشان خاطر أهلي اللي مش موافقين إني أتطلق ولكن كفاية كدا بجد مش هقدر أستحملك. قرب مِني وإبتسم...