رواية كيندرا الفصل الرابع 4 - بقلم حليمة عدادي

وصل حسام المستشفى لقى جاد قاعد وساند راسه بين يديه. جرى عليه بقلق. حسام: جاد انت بخير؟ إيه اللي حصل وبتعمل إيه في المستشفى؟ جاد: أنا جيت مع عم خالد بنته بتعمل عملية واحنا قاعدين منتظرين. حسام: جاد حالك مش عاجبني وشك تعبان وشكلك حزين. يلا خلينا نروح عشان ترتاح. جاد: أنا فعلاً تعبان وعاوز أرتاح، بس مش همشي إلا ما أطمن عليها. تعالى خلينا ندخل نشوف خرجت من العمليات ولا لأ.

بعد ما دخلوا لقوا الدكاترة خارجين. طلعوا يجروا عليهم عشان يطمنوا. خالد: بنتي عاملة إيه يا دكتور؟ طمني عليها، هي كويسة؟ الطبيب: متقلقوش، العملية نجحت وهي كويسة. وشوية وننقلها أوضة عادية. زينب: طيب ممكن نشوفها يا دكتور؟ الطبيب: بمجرد ما ننقلها أوضة عادية هتقدروا تشوفوها. بعد مدة اتنقلت كيندرا لغرفة عادية. دخلوا عندها كانت كالعادة بتبص للفراغ بدون أي حركة. زينب بدموع: بنتي حبيبتي، الحمد لله على سلامتك يا قلبي.

خالد: الحمد لله إني شفتك على خير، هتبقى كويسة إن شاء الله. (نزلت دموعها في صمت. حس كأن خنجر اتغرز في قلبه لما شاف دموعها، ولكن اللي خوفه هو صمتها.) جاد: عم خالد، هي ساكتة ليه كده؟ هي بخير؟ أنا هجيب الدكتور وأجي. خرج من غير ما يسمع حد رد لسؤاله ورجع بالدكتور عشان يفحصها. الطبيب: حالتها كويسة جداً، دي عملية عادية. بعد يومين ممكن تاخدوها البيت، متقلقوش هي كويسة. جاد: بس دي مبتكلمش، إزاي بتقول إنها كويسة؟

خالد: شكراً ليك يا دكتور. أنا هقولك كل حاجة، تعالى معايا بره شوية. خرج الطبيب. جاد: فيه إيه يا عم خالد؟ عاوز تقولي إيه؟ هي مش كويسة، الدكتور هو اللي المفروض يقول فيها إيه. خالد: هي كويسة، تعالى بس معايا بره وأنا هفهمك كل حاجة. كان القلق هيقتله منتظر خالد عشان يقوله. خالد: بنتي اتعرضت لحادثة ومن وقتها وهي بالحالة دي مبتكلمش. اتعرضت لصدمة عقلها متحملهاش، دايماً ساكتة كده وبتبص للفراغ.

عقله مقدرش يستوعب إن البنت اللي سرقت قلبه وعقله بتعاني كل ده. جاد: إيه اللي ممكن يكون حصل يخليها بالحالة دي؟ خالد: لحد دلوقتي مش عارفين إيه اللي حصل. وحكاله كل اللي حصل معاها. جاد: وما دورتوش ورا الموضوع عشان تفهموا إيه اللي حصلها يومها؟ خالد: لأ يا ابني والله، ومعرفش إيه اللي حصل لبنتي يخليها بالحال ده.

جاد: متقلقش، أنا مش هسكت وهفضل ورا الموضوع ده لحد ما أعرف إيه اللي حصل بالظبط. أنا همشي دلوقتي عندي شغل هخلصه وأرجعلك. _وصلوا المزرعة. غير جاد هدومه وعمل لنفسه فنجان قهوة وقاعد حاسس بحزن شديد عشانها. حسام: جاد إيه اللي حصلك؟ من يوم ما جينا وانت حالك متبدل خالص. جاد: مش عارف يا حسام، كل حاجة اتغيرت في يوم واحد. مش عارف أقولك إيه. حسام: جاد انت قلقتني. اتكلم معايا، فيك إيه؟

جاد: طوال حياتي وأنا وحيد، مجربتش طعم الحب في حياتي. شفت بنات كتير جداً ولكن مكنتش بهتم، لحد ما جت هي وخلتني زي المراهق من النظرة الأولى. أدمنت البصة في وشها، مش عارف إزاي. حسام: ده الحب يا بطل، ألف مبروك. أخيراً هتودع العزوبية. أنا استنيت اليوم ده كتير أوي. جاد: بس يا حسام، مشفتش حالتها عاملة إزاي ولا نظرة الحزن اللي في عينيها. كل ما أشوفها بالحالة دي قلبي بيوجعني أوي، مش عارف ليه.

حسام: لو فعلاً حبتها زي ما بتقول، يبقى لازم تكون جنبها طول الوقت لحد ما تتجاوز الأزمة دي وتبقى كويسة. جاد: أنا عمري ما صدقت الحب من أول نظرة، بس فعلاً دلوقتي صدقته. حسام: طيب انت هتعمل إيه دلوقتي؟ أنا عاوز أرجع، أنا قولت لريم إني راجع. جاد: أنا هفضل هنا لحد ما تبقى كويسة. ارجع انت وأنا هسبلك كل أعمال الشركة لحد ما أرجع. حسام: تمام، ماشي. أنا همشي وانت لو حصل أي حاجة كلمني.

_وهي هناك عمالة تجري ورا ولادها وهي غضبانه لحد ما رن جرس الباب. ريم: ااااه، والله ما هرحمكم. هفتح الباب بس وارجعلكوا. فتحت الباب لقت حسام قدامها وفي إيده بوكيه ورد جميل وعلبة الشوكولاته اللي بتحبها. ريم: حسام! خدته في حضنها بقوة. ريم: وحشتني أوي. انت مش هتروح تاني مع جاد؟ حسام: وانتي كمان وحشتيني يا قلبي. أخبارك إيه؟ ريم: مش كويسة، عيالك جننوني. من الصبح وأنا بجري وراهم.

حسام: أنا جيت خلاص. متقلقيش، هعلمهم الأدب وهربيهم من أول وجديد. ريم: لا لا، متعملهمش حاجة. أنا مش عاوزة أزعلهم. حسام: مش عارف أقولك إيه والله. بتشتكي منهم وبعدين تدافعي عنهم، يا أم قلب حنين انتي. ريم: طيب يلا عشان ندخل، ده أنا محضرة لك كل الأكل اللي بتحبه. سام... وسيم... انتوا فين؟ خرجوا من تحت السفرة أول ما سمعوا صوت أبوهم. خدتهم في حضنه. حسام: إيه بقى يا حبايب بابا؟ عاملين مشاكل ليه ومزعلين ماما؟ ردوا في نفس واحد.

سام وسيم: إحنا معملناش حاجة. إحنا كنا عاوزين أكل... بس هي بتطبخلك انت بس الأكل الحلو يا سي بابا. حسام: أميرة قلبي دي. يلا يا حبيبتي عشان ناكل سوا. وقعدوا سوا ياكلوا في جو مليان حب وفرفشة.