رواية لا ما أرضى بالمذله ولا عاش من قلبي يذله الفصل الأول 1 - بقلم غير معروف

أهـواك يامن ملكني بحبه و هواه أهواك يامن أسرني ويبيني أنساه
أهواك يامن قتلني بعده و جفاه أهواك حتى الجرح فيني يهواك **

أهواك و جرحي يطلب رضاك أهواك حتى القلب عجز ينساك
أهواك وقلبي ينشدني وين ألقاك أهواك حتى لو تغيب أنا أهواك **

واللي يحب صعب انـه يقسى وصعب انه بهالسهوله ينسـى
القسوه في حبنـا مالها مرسى مايقسى عاشق من قلبه هواك **

أهواك وأهوى فيك أحلى دلع أهواك زيدني فيك غرام و ولع
أهواك و أهوى الجرح والوجع أهواك وأهوى كل من يهواك ***

أهوى فيك سحر العيــون أهوى فيك القلب الحنــون
أهوى فيك معنى الجنــون أهواك وأتنفس من هــواك **

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

: قسم بالله لو ما عطاتيني اللمبه ان ما نزلت من فوق الكرسي وهفسج هفاس في بطنج يا النذله
ريا ببتسامه حلوه : مابا .. مولازم اعطيج وكان ترومين نزلي .. انتي والله خبله
رماح معصبه مره عليهاا : صبري .. والله بزر وتعلي صوتها بعد .. عطيني اقولج عطيني
ريا معصبه .. : انا كم مره قلتلج ما صغيره انتي ما تفهمين
رماح انزلت من فوق الكرسي بسرعه تركض وراها .. : انا اعلمج يا قليلة الادب مستقويه عليي انا ..
ريا من حستها نازله تركض برع بسرعه في الحوش .. : ههههه ما تقدرين تلحقيني ( وهيه تطلع لسانها ببرائه ) هههه
رماح وهيه تركض وراها : والله لو ما عطاتيني ايها انا ما فاضتلج .. ابا اخلص شغلي
( وشوي وقفت .لانها انصدمت في اخوها وطاحت وهوه طاح ع وراء ووقفت بسرعه وانصدمت يوم شافته .. كله طين ويالسه ويحك راسه اللي كله تراب .. ويتشوفها ومبتسم )
رماح وهيه تصفق بايدها .. ومعصبه : يعلك ما تربح .. ( وتصرخ اكثر ) شنوووووو هذا اللي انته فيه ... آآآآآآآآآآآآآآه
(قام بسرعه ووقف يوم شافها معصبه كذا ... ركض لين وصل لخته الصغيره وشلاها ع كدفه وبسرعه ع المسبح لانه يعرف اخته لو بطلت حلجها ما تسكت الا يوم يضاربون خخخخخ )
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
... (رماح حلوه حيل تهبل عيونها وساع ورموشها كثيفه ولون عيونها اخضر وخشمها سيف وشعرها ناعم حيل .لونه اسود بس يوم توقف تحت الشمس يعكس لونه بنفسجي .يوصل لين اخر ظهرها ..حواجبها طوال مرسومات رسم .. متوسطه الطول بيضاء .. جسها رشيق ... وناعمه حيل .. بس رغم الظروف بس تحافظ ع نفسها.. عندها اخت وحده واخو واحد )
اول شي نبداء برماح : اول شي انا اسمي رماح .. انا الاخت الاكبر لخواني اللي هم ريا ومنصور .. عمري 22 سنه .. تصدقون انهم مشيبيني .. وخليني عمري يمكن 40 سنه منهم .. كله مضارب امبينهم واانا اخليهم لين تصيح ريااا طبعاا تباني انا احايز عنها لكن هناك زين يتضاربون لين تصيح علشان تتادب شوي .. المهم ما راح اكثر في الحجي .. امي وابوي آآآآه يا امي وابويي .. الله يرحمكم ويسكنكم فسيح جناته امين يارب العالمين .. قولو امين .. المهم ما ابي اكدركم .. انا احب شي اسمه المغامره واحب الاكشن والمقالب .. وبصراحه ما مقصره في خواني .. بيتنا محد عايش فيه غيرنا في حاره وايدين فيهاا جيران وكلنا ع قلب واحد .. راعين فزعه . راح اشرح بيتنا اول ما ادخلون فيه حوش من اليمين الغاز الغساله السندر .. والوعايين وغيره انتو تعرفون هذلا الشغلات .. فيه مجلس متواضع حيل .. لا فيه غنفات ولا غيره .. فيه مواسد وطاوله وبس ودريشه خخخ وبس البيت فيه حجرتين وحمام واحد وتلفزيون واحد .. .. انا هذي انا احب بيتي واحب خواني .. وما احب اهلي .. ولا اباء اذكرهم موليه... انا اخاف اكثر شي اسمه الظلام .. اخااااف حيل من الظلام .. نقطه ضعفي هذا الظلام .بس ما شي غيره يخوفني ... انا هذي رماح )
(منصور شعره يوصل لين اخر رقبته كثيف سواده مثل سواد الليل يشبه اخته وايد بس عيونه عسليه حيل .تسحر اللي يحط عيونه في عيون أي حد .. ما شغله مغازل يخاف لايطلع في خواته .حواجبه حلوات . جسمه رياضي بدون أي رياضه طويل وفيه عرض .. ابيض ووجهه صافي .. ما فيه ولا بقعه .. عصبي وايد بس .. عند خواته عادي )
( ثاني شي منصور : انا اسمي منصور .. عمري 19 سنه يعني مخلص الدراسه وبلغصب لين خلصتهاا ولا جبت نسب تبشر بلخير .. يوووه ما ابي اذكر ذاك اليوم يوم اطلعت النسبه ... رماحووه ع بالها اني ببيض الوجه لكن يوم اعرفت انه نسبتي 59 ههههه الله لا راواكم كيف سوت .. ضربتني ضرب السنه في الساعه .. طبعا انا وهيه فرررري . عادي تضربني .. وانا بعد . لانها انا وايد احترمها .. لانها مثلي الوحيد والقدوه لي في االدنيا ... تبون االصدق انا وايد احبهم هيه واختي .. المهم انا ما اشتغل ,, الحين ادور شغل .. عايشين كيف ؟ قلتولي كيف .. الله يسلمكم .. الحين وقت مدارس .. هيه كل يوم تطلع الفجر عند الباب ببضاعه .. تبيع حلاوه وبطاطس وشربت . واهلا .. يعني بمعنى اصح تبسط .. بس الله يساعدني واحصل شغل واساعدها .. احب شي اسمه ربعي .. صقر وتركي ..وشهااب .ومحمد. والله مصخره هذلا الشبااب راح تعرفوهم قريب ... احب اغايظ وااااايد لابعد الحدود .. احب المشاكل احب .. اشوف حد ينكسرقلبه جدامي ... احس بشي غريب يفرحني يوم اشوف المشاكل وانا سببها ... بس لحظه لا تحسبوني اني انا شرير ابدا انا وايد طيوب خخخخ ( واضح تراه ) ع االعموم انا هذا منصور )
(ريا صغيره تشبه اختها رماح كثيررر كانهم تؤائم بس رماح كبيره وريا صغيره .. شعرها يوصل لين كتفها .. حبوبه .. ومشاغبه بسبب الدروس اللي يعطيها اخوها)
(ريا : انا اسمي ريا عمري 8 سنوات .. احب وااااااااايد اخوي منصور بس ما احب رماح كثيرلانها وايد تصارخ وتعصب .واكره شي يوم تقولي يا البزر .. انا بالله عليكم عمري 8 سنوات صغيريه .. آآآه قولولي ... طبعا انا كبيره .. اسير المدرسه صف 2 أبتدائي .. عندي ربيعات وايدات .في الصف وبرع الصف ... والاستاذه كله تضربني اون ليش لاني انا وايد مشاغبه .. والله ما مني هذا منصور يعلمني اسوي كذا ... اخاف شي اسمه رماح خخخ والله تخوف يوم تعصب ... هذا انا ريا )
... «®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
دخلت الصاله وحصلت منصور نايمه ع ظهره مجابل التلفزيون وعداله ريا تصارخ وشوي وتصيح : خير علامج انتي بعد تصارخين
ريا تناظر رماح : قوليله ابي اشوف الرسوم ما طايع يخليها .. اون يبا يشوف المباره
منصور مندمج مباشره ع المباره : بس بس بس سكتي اباء اشوف المباره .. لا تصدعيني
رماح تمشي لين باب الغرفه مالها هيه وريا : مالي خص فيج انتي وياه .. ( ودخلت داخل الحجره وسكت الباب علشان تنام )
ريا طلعت برع البيت معصبه وماده البوز شبر ...
مرررر الوقت بسرعه صار الوقت العشى ...
رماح طلعت من الحجره وشعرها طايح ع وجها من النوم ومنفوش .. وعيونها وحده مفتحتنها والثانيه لا
رماح بصوت مليان نوم : منصور وين ريا .. نادها اذاكر لهااا
منصور : .......
دخلت رماح داخل .الحمام تغسل ويها .. وبعد دقيقتين بلكثير طلعت وشافت منصور نايم ع وضعه من يوم العصر سارت صوبه .. وضربته ع راسه بريولها ع الخفيف
: منصوروه .. هاااااي قوم قووووووم روح شوف اختك بسرعه
منصور : ....
رماح وتنزل لمستواه وتصرخ في اذنه : منصووووووووووووووووور
منصور فز من النوم بسرعه وهو يتلفت يمين ويسار : هاه هاه شنو صاير من مات ... من سوا حادث...
وركض بسرعه برع وطلع برع البيت وهو يشوف الناس طبيعي يسيرين ورادين .. الوضع عادي ... عرف انه هذي رماح هيه يالسه تصارخ كان يبا يدخل وسمع صوت يناديه من برع التفت وحصل ريال شال ريا بين ايده ويلاعبها ويضحك بصوت عالي ع ضحكها
خلا ريا ع الارض : منصور يابوك خذ اختك تراها طفرتبنا
منصور يمسك اخته من ايدها : هههه ما اقول غير الله يعينكم عليها .. الا اقول صقور ما شي اليوم سهره
صقر بحماس : امبلا شي بس انضبط الامور وراح ارد لك خبر انا اخليك الحين الوالده تباني ... اشريلها خبز حق العشاء . باي
منصر وهو يدخل داخل : ع خير انشاء الله
دخل داخل في الصاله وهو ماسك ايد اخته ... حصل رماح ترتب المكان يوم شافتنا .. عقدت حواجبها .. وتمت تصورخ
رماح بصوت عالي : انتي يا لعينت الصير من وين يايه آآآآآآآه
منصور مطفر منها : استغفر الله .. يالله ياصبر ايوب
رماح تمد ايدها ع ويه منصور اللي باينه فيه الشنب شوي والسكسوكه اللي طالعه ع ويه الصافي حلوه : هاي انت علامك تستغفر ليكون ما عايبنك شي
منصور بابتسامه مصطنعه ويبربش بعيونه وشابج صبوعه مع بعض : لا يا عيوني عايبني كل شي حتى انتي عايبتني .. ( يعني العكس )
ريا وهيه تناظرهم مستغربه منهم ..: رماحوه .. انا باكر ما ابي اروح المدرسه
ريا يوم قالت هذا الكلام نزلت راسها بسرعه لانها تعرف ردت فعل اختها
رماح اول ما سمعت كلام اختها ناظرتها بنظرات شريره ومنصور يشوف رماح شنو راح تسوي ..
رماح ببتسامه ونزلت ع مستواها .. وقالت : نعم حبيبتي . شنو قلتي؟ . ما سمعت عديدي الكلام اللي قلتيه
ريا ودموعها بدت تتجمع في عيونها : انا باكر ما ابي اروح المدرسه ..
منصور بحنان : ليش حبيبتي ما تبين تروحين المدرسه ؟
ريا ودموعها بدت تنزل ع خدها : لانه .. لانه ( وهيه تشهق ) لانه
رماح ناظرت اخوها مستغربه هذي اول مره ريا تبكي بسبب المدرسه .. ناظرها منصور ورفع كدوفه .. ( بمعنى ما اعرف ) ..
رماح بحنان الدنيا كله : ليش حيببتي ... ليش يا عيوني فيج شي يعورج شي ؟
ريا تناظر اختها اول مره تكون حنونه كذا : ....
رماح بابتسامه صادقه اطمنها : قووولي يا بعد هلي انتي ... ما راح اقولج شي .
ريا اطمنت شوي وناظرت منصور ... منصور غمز لها يطمنها
ريا تمسح دموعها بظهر ايدها : لانه هناك بنت تضربني ... وتسبني . ويوم تجي الاستاذه تخلي عمرها هيه اللي تصيح وبعدين تضربني انا المعلمه اهي اهي ...
ويتمون البنات يضحكن عليي .. ويعايبن عليي .. وع ملابسي وع شكلي اهي اهي
رماح من يوم سمعت كلام اختها .. حزت في خاطر وغمضت عينها بالم .. ما تعرف شنو تسوي وقالت بتردد : انــ
منصور بسرعه ويخلي ايده ع كدف اخته الصغيره : افا عليج يا بعد قلبي هذلا الاشكال تبكيج والله لا اعلمهم السنع ( ووجه انظاره لرماح ) انا باكر بروح معها المدرسه ... انا بتصرف والمعلمه انا لي كلام ثاني معاها
رماح تعرف اخوها وطبعه الحاد .. بس معاها هيه واختها يصير احن عنه ماشي واكيد راح يحلها .. اخوي واعرفه
منصور وقف بسرعه : رماح انا طالع الحين ويمكن اطول برع مع الربع .. انتي ذاكري حق ريا ( وخلا ايده ع راس خواتها بثنينتهن وتم يلعب بشعرهن ) لا تخافن انا معاجن .. وانشاء الله راح اشتغل وما راح اخلي عليكم ناقص بس دعواتجن .. ( ابتسم وطلع ... وصرخ عليهن وهو عند الباب ) لا تنسن بقلي من العشاء تراني ايوع في الليل .. اعرفجن افات في الاكل.. وطلع
رماح مع اختها .. : حبيبتي روحي جيبي شنطج اذاكر لج
ريا بفرح : انزين
رماح جلست ما تحركت اتذكر عجز اخوي عن الشغل ويريد يسوي أي شي علشان يساعدنا بس ما بايده غصبن عنه( ارفعت راسها تعاند دمعتها عن تنزل) .. ياربي تساعدني وتساعد خواني وترزقنا .. وتسعدنا وتبعد عنا ولاد الحرام وتساعد اخوي يحصل ع شغله له .. يا رب العالمين
شوي ويات ريا بايدها الشنطه تسحبها سحاب
ريا رمت الشنطه في حظن اختها اللي كانت ما منتهه لها
رماح يوم حسيت شي طاح فوقي حسيت انه بطني بطلع من ظهري ويوم شفت رريا .. عصبت وايد لانها كانت يالسه تتضحك (بصراخ ) : يعساج انشاء الله يطيحن ضروسج قولي امين مالت ع ويهج . هظلي اشوف جدامي ( هظلي يعني تعالي )
ريا كاتمه ضحكتها : انزين
.... في مكان ثاني جريب منهم
شلت شباب جالسين في نص الحاره والمكان كله اضاءه بسبب الليتات اللي جدام اللبيوت .. جالسين وفاليها فوق عريش .. ويلعبون ورقه .. هذي الحاله كل يوم في الليل .. واي واحد يدخل الحاره جديد هم اللي يوقفون جدامه ... في واحد حلال المشاكل وزعيم الحاره .. اللي هوه تركي اكبر واحد من الشباب عمره 21 سنه
صقر يضرب منصور ع خسره ع الخفيف : علامك يا ابو الشباب .. ويش فيك ؟؟؟
منصور بضيقه شوي : لالا ولا شي ما فيني شي
صقر ياظره بطرف عينه : صـــــــــــــــــدق
منصور وياظره بنفس نظراته : صدقين بعد عند شاك مثلا ؟
صقر : لا بس ...
: انتو علامكم .. ويش فيكم تتهمسون
صقر يهفس ويهه : ولا شي خلك في حالك ..
: صقور بتقول ولا لا ... تراه والله ما راح اكلمك يومين ( وهو يرفع صبعين من ايده)
صقور بضيق وهو ينافخ: اووووووف شهابوه وبعدين معاك .. ماشي يعني ماشي
شهاب يتاكد ويناظره بطرف عيونه : صـــــــــــــــــــــــــــــــدق
تركي وهو يلعب : علامكم ؟ هههههه هزمتك .. كل يوم اهزمكم خخخخخ (يكلم اخو صقر محمد )
منصور وهو يقوم : شباب انا بروح اتمشى شوي .. لحد يتبعني ( مشى عنهم وراح )
الشباب كل واحد تم يناظر الثاني وساكتين
تركي ويناظر صقر : علامه منصور ؟
صقر يرفع كدوفه : والله ما ادري .. بس شكله وايد متضايق
محمد ويضرب صقر ع راسه : صدق انك ثور تراه حن كلنا نشوفه انه مضايق .. يعني ويش شايفنا عميان
شهاب : صقور قوم قوم بنروح نشوفه
شهاب وصقر قامو بسرعه يتبعون منصور
شهاب عاطي تركي ومحمد الظهر : الشياب لا يتبعونا ..حن بثلاثتنا نفس السن ونعرف بعض
محمد وتركي يناظرون بعض وبعدها التفتو عليه : صدق ما تستحي حن شياب
صقر لف راسه يناظرهم : نعم انكم شياب ... هع هع
تركي ويلوح بايده : روح روح ولي يسلمك يا لشبااب
صقر وشهاب راحو يدورون منصور ومحمد تركي تمو يسلوفون ... ويضحكون ويلعبون ...
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
(تركي ابيض بس ما كثير .. له سكسوكه محدده ع ويهه شعره ناعم وكثيف بس ما طويل .. رشيق .خشمه صغير بس حااد مثل السيف .. يحب التحكم .. مغرور شوي )
( احم احم .. سلام عليكم يا جماعت الخير ..انا عرفتوني من ..انا اسمي تركي ..عمري 22سنه ...زعيم الحاره . خخخخ عاد والله والحاره لو شفتوها بتلوع كبدكم ..انا اشتغل في جراج .. عندي سياره سكراب .. انتو تعرفون انه في الحاره فيها بس سيارتين .. مالي انا ومال محمد عرفتوه صح .. ع العموم اعيش في بيت عادي متواضح .. مملوح حليو ... فيني كل شي حلو .. انا ماراح امدح نفسي وايد بس هذا الصدق .. تعرفون اني اكره خواتي وايد .. واخوي اني ما ادانيه موليه .. كل يوم التكفيخ فيهم واللمضاارب فيهم ..اني ما اديهن يوم يتجمعن في بيت منصور .. مره خطفت من وراء بيتهم وسمعت العجب العجاب ... الحش والنم في خلق الله . لكن غسلت شراعهن يوم ردن البيت ... المهم .. امي اسمها شيخه .. وابوي اسمه حمد .. كبار في السن .. يعني عمرهم يوصل ل50سنه .. الله يخليهم لنا ... يارب العالمين ...هذا انا تركي .. ملك جمال الحاره من بعد منصور ع طاري منصور هوه احلا واحد في الحاره من بين شبابنا ... الله وكبر ع بليسه تعرفون يقولون انه امه لبنانيه ... انا هذا اللي سعته ... هذا انا تركي .. باي )
(محمد مزيون بشرته حنطاويه .. شعره تسريحه وحده .. سبايكي ولا يبدلها والجل ما يخوز من شعره .. طوله تمام .. فيه عرض .. يحب الشماته .. والضحك ع الناس .. حواجبه مرسومات رسم له .. عيونه عيون صقر ... شفايفه صغار وورديات ... واللي يشوفه الود وده ما خوز عيونه عنه ... مغازلج نمبر 1 )
( سلام الله عليك يا جماعه الخير ... كح كح كح حلال حلال .. احم احم انا اسمي محمد ما راح اطول عليكم مثل الباقين .. اانا عمري 21سنه .. اخو صقر الكبير .. مثل ما قالكم .. تركان انا وياه الوحيدين الي عدنا سيارات .. انا موظف بسيط .. داخل شركه والمعاش حتى ما يجيب قلم رصاص ( عاد عن المبالغه ) وانا صادق ما ابالغ المهم ..طبعا اصغر عن تركي ... حن منقذين الحاره ومهبل الحاره وع فكره كل خميس نسوي سهره حق كل الحاره اللكبار واللصغار والحريم البنات الكل يتجمع ... وغنى وربشه ... بس والله حمااااس رووعه تعالو معنا لو يوم وحده .. حده حماس ... ع فكره انا هذا محمد )
... «®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
شهاب يدور يمين ويسار : هذا وين راح ..
صقر وصبعه السبابه في فمه .. ياكل ظفره ويتفل ( وع ) : والله ما ادري ... يمكن انشقت الارض وبلعته .. هع هع هع
شهاب ويناظر صقر : تصدق انك ما تنبلع انت وهذي الضحكه
وتمو يمشون ويدورون منصور ....
في مكان ثاني جريب منهم .. منصور واقف مبطل عيونه ع كبرهن من اللي يشوفه ..
اخت صقر .واقفه وجدامها واحد يكلمها ... شكله ما من الحاره ....
(يتكلم في نفسه ومعصب ع اللي يشوفه )" الخسيسه ايلي ما تستحين ع ويهج واقفه ولا همها حد .... ومن هذا اللي اللي تكلمه ... مـــ "
ما قدر يكمل لانه صوت شهاب وصقر ... كان وراه ويضحكون
التفت صوبهم وانا ميت من الخوف ع اللي راح يصير وجسمي احسه بدء يحر ويبرد وويهي احسه كله عرق : هـــ ..(يبلع ريقه ) .. هلا
صقر اول ما شافته عرفاه انه شي صاير .. وكبير بعد . بصوت جريب للهمس : منصور علامك
منصور ما استحمل الاحساس اللي يحسه انه راح تصير مصيبه "بس هذي ما مزح .. ما مثل اول افرح هذي المره ميت من الخوف من اللي بيصير" : صقر لحظه اقولك .. شوف وراي ولا تعصب ..
صقر اول ما شفت وراء منصور ..." حسيت انه درجه حرارتتي وصلت مليون .. من اللي شفته .. هذي هذي ......روى" .. : رو.....
شهاب بسرعه خلا ايده ع فم صقر وقال بهمس : لالالالا تتهور لو صارخت راح يشرد هذا اللي معاها .. ( ووخر ايده من ع فم صقر ) اسمع انت روح من الجانب الثاني ومنصور ,, من السكه اللي هناك علشاان ما يحصل مكان يشرد منه ... سمعت يالله بسرع ... لكن انا اللي بطلع اول ... وانتو يوم باشر عليكم طلعو اتفقنا
منصور بحماس : اتفقنا
صقررر سرحان ويشوف اخته وعاقد حواجبه : ....
شهاب يمسك صقر من كدفه : هيه صقور
صقر وخر ايد شهاب وسار عنهم ع المكان اللي قاله عنه شهاب
منصور راح ركض من السكه اللي قالها عنها شهاب وصقر نفس الشي .... لكن ميت من العصبيه ....من الموقف اللي خلته اخته فيه ...
اول ما تاكد شهاب انهم وصلو .. طلع يمشي بكل ثقه وايده في الجيب مال البنطلون ماله
شهاب . طلع ايده وهو يصفق بايده :.. ما شاءالله عليج يا اختي
روى اول ما سمعت صوته تصلبت مكانها ولا قدرت تتحرك : أ ....
ما قدرت تتكلم صقر بسرعه ماسكنهاا من شعرها .. ويضربها ضرب ع ويهها .. اما الشاب اللي كان معاها .. كان يبا يشرد . لانه الكل ما يعرف بلموضوع وياما حذرته روى الحين توهقت وهو بعد
الشاب يوم شاف منصور وشهاب في ويهه ويهم اللي موليه ما تبشر بلخير ... وكل واحد اعرض من الثاني : يا جماعت الخير لحظه افهمكم .. انــ ( ما قدر يكمل كلامه )
يمسكه منصور من رقبته .. ويطيح فيه ضرب هوه وشهاب ضرب السنه في ساعه
اما صقر طايح في اخته ضرب وطاحت شيلتها ونزاها نز من شعرها القصير وسحبها سحاب في الارض وجسمه يثور من العصبيه
روى من بين الصياح وتصارخ : هذا اخوي آآآآآآآآآآآه
صقر ولا كانه سمع شي طايح فيها ضرب .. : صدق انج نذله .. وقذره وزباله ... لكن الظاهر امي وابوي ما عرفو يربونج انا اللي راح ادبج
روى ماسكه شعرها من الالم وايد صقر ينزها نز من شعرها : ص.... قر .. والله العظيم ... اهي اهي
صقر ضربها كف بكل قوته صرخ في ويها وبعصبيه : لا تذكرين اسم الله ع لسانج يا الزباله يا القذره
روى قالت بسرعه وبصوت عالي وصراخ : بس هذا اخوي
وبعدها سكتت لانها طاحت اغمى عليها ... من الضرب
منصور وشهاب من خلصو ضرب من الرجال كله دم طالع من فمه وانفه واغمى عليه من وقت وهم طايحين فيه ضرب .. ووقفو وتنهدو تنهيد طويله ...
منصور وع شفايفه ابتسامه شيطانيه : بس خلصنا منه اووووف ... يقرف
شهاب :نعم انـــ ( سكت لانه سمع كلمة اخت صقر اخر شي وصد صوبها طايحه ع الارض ) شنو شنو قالت ؟
منصور بستفهام : اون اخوها !
صقر ضرب اخته بريوله بقوه ع خاسرتها لكن ما تحركت : تكذب لا تصدقونها ..
منصور يجرب صوب صقر : يمكن اخوك !
صقر تنرفز منه : منصوووووووووور شفيك انت بعد
شهاب وهو صاد صوب الشاب : ما علينا من هذا الكلام انا ومنصور بناخذ هذا المقرف وانت خذ اختك .. ودها البيت ...
صقر حمل اخته ع كدفه متقرف منها : بوديها وانتو خذوه عند الشباب .. راح نعرف منه كل شي
منصور : لالالا انت اكيد تبا تفضح نفسك ... اكيد لو عرف تركي واخوك راح يذبحون اختك وهذا الزباله ... انا راح اخذه بيتنا .. وانت تبعنا البيت .. بس بسرعه
شهاب ويمسك ايد الشاب : ايوا صح ما نبا فضايح اكثر
صقر بضيقه : انزين
صقر خذا اخته البيت ومنصور وشهاب خذو الرجال في بيت منصور .. اول ما وصلو عند باب بيت منصور.. سمعو هذا الصريخ
رماح بصوت عالي وناعم : اقولج بتقرين يعني تقرين(وتضرب العصى ع الكتاب ) ولا والله لا اكسر هذي العصى ع ظهرج ( وبصوت اعلى ) يالله بسرعه
ريا ومطفره من اختها : اوووووه .. تبيني اقول قوليلي هذا الحرف الاولي(وتخلي صبعها بكل برائه ع الكتاب ) وانا بكمل الكلمه
رماح بعصبيه تبا تخلص صارت الساعه 10 وهيه بعدها ما مسويه العشى والحين بيرجع اخوها يوعان : خلصــــــ
منصور بصوت هامس : شب شبج الله ... انا جاي عندي ربعي كلي تبن ودخلي داخل انتي وهذي ( ياشر ع اخته ريا ) يالله بسرعه
رماح وقفت وتخصرت والعصى في ايدها بصوت عالي : نعم نعم يا عيوني عيد عيد ما سمعت انت بالله من قالك اتيب هذلا الخمــــ
منصور ركض ع اخته وخلا ايده ع فمها وعيونه في عيونها : دخلي داخل ما ابي مصارخ زايد سامعه ..
رماح اول مره تشوف اخوها لين هلكثر مرتبك ... مسكت ايده وبعدتها عنها : انزين انزين ... لكن والله وطلعت بعدين وحصلتك بهذا المنظر ... لا اضربك ضرب .. لين تطلع روحك ... يا الوصخ .. (كان منصور في ملابسه تراب .. من اللضرابه اللي صارت )
مسكت اختي ودخلتها داخل .. وسحبت الشنطه ولين حد الحين منصو ر واقف ما راح ..." شكله مهبب شي ... مستحيل يدخل ربعه الا ع شي كايد ... اوف منه ما ايجي منه غير صداع الراس .. دخلت الحجره وسكرت الباب وقفلته عليي" ...
منصور اول ما تاكد انها دخلت .. "بسرعه طلعت برع ..انادي شهاب دخلته داخل وسحبنا الرجال سحاب لداخل في الصاله "
شهاب وياظر منصور : والحين شنو راح نسوي بهذا (وياشر ع الشاب )...
منصور : بروح اجيب ماي بارد اصحيه .. لحظه بس
منصور طلع برع ايجيب ماي ... شهاب تم يناظر ويركز ع ملامح الشاب ... وايد كان ماخذ من شبه محمد ... ياخذ منه شبه كبير .. وبعدين تفل في وجهه
شهاب بقرف : يخسي الا هذا يشبه حمود ( بصوت عالي ) منصوووور وينك
منصور بصوت عالي : كاني وصلت
وصل منصور وجلس جمب شهاب وكب الماي الباااااااااااارد ع وجه الرجال ...
الشاب اول ما حس شي بارد قام بسرعه وصرخ وخلا ايده ع ويهه : آآآآآآآآآه
اما رماح كانت يالسه عند الباب ومخليه اذنها ع الباب .. تسمع لكن يوم سمعت الكلام اعرفت انهم شي مسوين وتاكدت انهم ضاربين واحد من اللي يدشون الحاره ومسوي مشاكل
الرجال اول ما استوعب الشخصين اللي جدامه ... : والله واقسم بالله انها اختي ...
شهاب بعصبيه وعاقد حواجبه : شنووووووو ؟
الرجال : المصحف الشريف انها بنت ابويي ... ابويي اللي هوه ابوها متزوج امي وانا اصير اخوها .. واخو محمد وصقر ..(وهو يبلع ريقه الناشف ) . وبعد عندي خوان وخوات ... صغار
منصور ببرود الكون كله ورافع حواجبه : لا تصدق انه صدقناك ... (يكذب ) بس هيه قالت انها ما تعرفك ... (يتكلم ويصغر بعيونه ) ايل الخسيس
الرجال استغرب وبطل عيونه ع كبرهن ويخلي صبعه ع فمه علشان يحلف : واقسم بالله انها اخـــــــ
شهاب وقف ومعصب : الله قصك نصين جدامي ..
منصور وعيونه في عيون الرجال مباشره ..: انزين من اسمك ؟
الرجال : اسمي رامي فهد محمد ال...
شهاب بابتسامه صخريه : لااااه ... مخططين حق كل شي .. ( وجاء بسرعه وضربه بكس ع خده لين طاح الجانب الثاني وطش الدم من فمه .. وبصوت عالي مع عصبيه ) قووووووووول الصدق ...
رماح اول ما سمعت الضربه طشت من مكانها خايفه .. يوم سمعت صوت شهاب اكثر زاد خوفها .. اكيد صاير شي كبير .. فيها قول الصدق ما قول ..
رامي يعس الدم اللي ع فمه : والله العظيم اني ما اكذب حتى سألو ... رؤى
منصور عصب وعقد حواجبه ومسكاه من رقبته وويها جدام وجه رامي : لا تجيب اسمها ع لسانك فاهم ...
: منصور .. وخر عنه هذا اخوي
منصور رمى رامي بعيد : نعم ... شنو قلت ؟
شهاب وعلامة الاستفهام فوق راسه : شنوووو . ؟
صقر بضيق وهو يجلس ع الارض : هيه علامكم مستغربين... الحين قالتلي امي انه ابويي متزوج وعنده ولدين وبنت ... هه والله وقاحه ع كل اللي سوتله امي يتزوج عليها ... (تنهد تنهيد طويله ) اووووف
منصور تضايق : صقر مهما كان هذا ابوك لا تقول عنه كذا...
صقر قام بعصبيه وبسرعه يتجه ناحية منصور ومسكاه من قميصه ورفعاه ع مستواه : انتي تتمصخر حضرتك ... ايه صح انت ما عندك ابو علشان تحس ...
منصور غمض ع عيونه ومسك ايد صقر وبعده عنه : اطلع برع ..
صقر توه انتبه ع الكلام اللي قاله : منصور انا اســـ
منصور بصوت عااااالي وبعصبيه .. وياشر ع الباب : طلعوووو بــــرع ما ابي اشوف رقعت ويه واحد منكم هنا ...
شهاب يبا يهدي الوضع : منصـــ
منصور مسك صقر وشهاب وطلعهم برع البيت وبعدها رجع ومسك رامي من قميصه ورماه برع البيت معاهم لين طاح ع الارض : انتو ما كفو حد يساعدكم .. او يمشي معكم ..
دخل وسك الباب بكل قوته ..
صقر تلوم ع قد شعر راسه .."اووووف مهما كان مفروض ما اقول هذا اكلام .. هوه بروحه ما ينلام ع العيشه اللي يعيشها ... لا حول ولا قوة الا بالله ... الحين ويش اسوي .. اكيد بياخذ مني موقف .. الله وكبر ع هذا اللسان اللي ما يعرف يتكلم .".
صقر وشهاب راحو مع تركي ومحمد ... اما رامي من طلعه منصور من البيت بسرعه قام ركض ع سيارته وروح ...
رماح طلعت من الغرفه من عرفت انهم طلعو برع البيت . اول ما طلعت شافت اخوها جالس ع الارض وماسك راسه بايده .. قربت وجلست عداله ..
رماح بمرح تبا تخفف ع اخوها : ههه نصور حبيبي أي ام سوري ما سويت العشى ... يادوب خلصت ريا ونامت
منصور ع وضعه ما تحرك : ..........
رماح.. خلت ايدها ع كدفه استغربه من ردت فعل منصور .. رمى نفسه في حظنهاا .. وصار يبكي مثل الطفل
رماح ..".تعرفون اني اول مره من 7 سنوات ما شفته يبكي .. الامن بعد موت امي وابويي بكى شوي وبعدها .. حس نفسه انه ع ظهره مسؤليه كبيره انا واختي وهو حتى مادش العشرين وانا ساعدته ماابي احسسه انه بنفسه شال المسؤليه .. انا ساعدته في اشياء وايد .. بس الظاهر اني ما كفيت .. لا حول ولا قوة الابالله . انا اصلا سمعت كل الكلام اللي قاله هذا البايخ (تقصد صقر )... الله يعله ما يربح "
منصور يبكي من قلب يطلع اللي في قلبه السنين الحرمان اللي يعيشهن بعد ما فقد امه وابوه : ... اهي اهي ...
رماح تمت تبكي مع اخوها تتكلم من بيد دموعها : منصور ايش فيك ... بس خلاص والله تراني بموت من البكي ..( تنهدت تنهيده طويله تمنع نفسها من الصايح )
منصور اكثر يتمسك في اخته ويصيح اكثر : والله ..... والله اني ما اقدر .. اح... اهي اهي ... احس اني مخنوق وانا ما قادر اسوي شي .. لا لج ولا لختي ..
رماح تمرر ايدها ع شعر اخوها بحنان : لا تشيل هم لا مني ولا من اختي .. انت بس قول الحمد لله ع كل حال في ناس اسوء عنا ... وكاهم عايشين .وتحسنت حالتهم .. وصارو يحبون حياتهم .. وكل يوم حياتهم تتحسس للافظل .. انت بس قول يارب ...
منصور بعد عن اخته شوي شوي ..ويمسح ع ويهه بايده يمسح دموعه من ع خده
منصور تنهد تنهيده طويله : آآآآآآآآآآآآآآآه يارب اني احصل ع شغل .. واشتغل وتتحسن حياتنا يارب امين
رماح تناظر اخوها كيف صاير وجهه احمر من الصايح وع شفايفها ابتسامه اترياح : يارب العالمين
منصور يطالع بخته باستغراب : علامج تتبسمين ؟
رماح تمسح دموعها : لانك تبا الصدق انك احلى يوم تبكي ... مثل البيبي .. خخخخ
منصور يكابر وصد الصوب الثاني وتكتف : سخيفه ...
رماح عصبت .. وخلاها تبكي واخر شي ... يقول سخيف عقدة حواجبها ومعصبه : نعم نعم ... يا استاذ منصور من السخيف .. صدق انك ما تستحي .. (رفعت صبعها السبابه وتمرر ع بلعومها ع الطول ) اسميني حرام ما سوتلك العشاء ...
منصور صد صوبها بسرعه : شنو لالالا بس خلاص انا السخيف بس والله انا يوعان حيل ...
رماح بعناد : ابدا مابي سويلك شي ... لا لا سخيفه انا
منصور وقف : عاد لا تذلينا ... حشى انج راعيت منه ..
رماح تاشر صوبه وهيه توقف : المره الثانيه ... ثمن كلامك لاني بصدق بكلامي ولا بسويلك العشى ... لاني اليوم رحمتك ..
طلعت برع وراحت تسوي حق اخوها العشى .. وقفت جمب الثلاجه .. فتحتها وطلعت 4 بيضات .. وطلعت طمام وفلفل اخضر كبار .. وجابت بصل .. وقصصته لقطع صغار ... وبدت تطبخ وخصلت .. وجمعته كله في صينيه وجيك ماي و3 اكواب .. وراحت الصاله ... اول ما دخلت حصلت منصور مخلي ريا في حضنه ونايمه ...
منصور بحماس : شنو سويتي من العشى ؟
رماح تخلي الصينيه ع الارض : بيض اثره شي غيره .. في الثلاجه .. باقي 3 بيضات
منصور : ولا يهمج باكر انا وتركان بنروح نشري اللي ناقص
رماح تمد ايدها تاكل : انا بكتب اللي ناقص في ورقه وبعطيك باكر ..
منصور ابتسم ويناظر بريا مسك ايدها ويهزها يريدها تصحى علشان تتعشى : رياأوه حبيبتي .. قومي قومي بتتعشين
ريا تتحرك واكثر تدفن نفسها في حضنه : همممممم
رماح تمسك ايدهاا ونزتها بقوه وبعدتها عن حظن اخوها وجلستها : قومي يالله بسرعه .. بلا دلع
منصور بعصبيه : رماح شوي شوي ع البنت .. ايدها بتجي فايدج
رماح لفت الجانب الثاني : ما ابيها تتدلع وايد .. وبعدين نتوهق
منصور بنفس العصبيه : لا اطمني ما راح تدلع من دامنج انتي اختها مجابلتنها اربع وعشرين ساعه
رماح... "طنشته لانه اعرف لو زدت في الكلام ... اكيد بنتهاوش وبتوصل لزعل .. اخوي واعرفه عدل ... تعشينا ورحت انام منصور خذ ريا داخل وخلاها ع فراشها .)
قبل عن يطلع ناديته : منصور باكر بتروح مدرسه ريا ؟
منصور عاطنها الظهر واقف عند الباب : ايوا اكيد .. بروح انا وشهاب
رماح تتغطا بلبطانيه الصغيره : اهااا .. اوك تصبح ع خير
منصور طلع وطف الليتات : وانتي من اهله ..
.... يوم ثاني ع ابطالناا ... الفجر الساعه 6ونص ...
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
الدنيــــــــــــــــا محطـــــــــــــات للــــــــــدموع اجمــــــــل مافيهــــــــا

اللقــــــــــــــاء واصعـــــــــــب مافيهـــــــــا الفــــــراق

لكــــــــــــــن الذكــــــــــرى هـــــــــي الربــــــــــــاط..

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»

رماح جالسه قدام البيت مالهم وجدامها الاكل والحلويات والبساطس .. والشربت والعصير مخلتنه في مكان فيه ثلج ( طشت او فلاص او بالدي او سطل ما اعرف حن كذا نسميه عرفوته ؟) ... وتبيع بحماس ... كانت لابسه طويله توصل لين اخر رجلها ولها اكمام طوال تغطي ايدها كامله وشيله مغطيه ويها فيها .. .. وعدالها ريا تنتظر منصور لين يطلع ...
شوي وطلع منصور لابس وكاشخ ثوب واللشماغ طالع عليه فله ... طلع وحصلهن جالسات
منصور يسك باب البيت ويناظر رماح : لحظه بروح وبجي ..
رماح تلوح عليه بايدها : ع وين ؟
منصور يمشي لبيت تركي : بروح اجيب النظاره مال تركي ... علشان اكشخ هع هع
رماح ابتسمت : والله انك ما فيك عقل .... انت ساير المدرسه ما المجمع .. او سبر ماركت .. او كــ
منصور قاطعها : بس بس بس صدعتي راسي .. ماصارت هذي نظاره
وصل لين البيت وقبل لا يدق الباب طلعتله نرجس اخت تركي الصغيره اللي كبر ريا اخته
منصور بابتسامه : مرحبا .. اخبارج يا حلوه ؟
نرجس بضيق ومتخصره : نعم خير شنو تبي ؟
منصور رفع حاجبه ورفع شفايفه ع جانب : شنو هذي النفس اللي من الصبح .. اقول نادي تركي بسرعه
نرجس : لحظه
دخلت داخل تنادي تركي ... شوي وطلع .لابس شورت فوق الركبه وكرته بلا اكمام وشعره منفوش وطايح ع جبينه يوصل لعيونه ..وعيونه كلها نوووم .....
تركي بصوت كله نوم : هلا منصور
منصور ماسك ضحكته من منظر تركي : تركان بغيت تناادي لي شهاب .. واباء منك النظاره الشمسيه مالك بسرعه اباء اروح مشوار ضروري
تركي بطل عيونه ع كبرهن : شنو تريدها النظاره ؟... ليش تبا تروح تغازل .. من من قولي انا انا بروح معاك ..
منصور قاطعه : لالالالا ابد بس انا اباء اروح مدرسة ريا .. تشتكي تعرف بنات هذلا اليومين ما فيهم ادب ..
تركي يحك راسه : والله معاك حق (خلا ايده ع فمه يتثاوب ) لحظه بنادي شهابوه
منصور بصوت عالي لانه تركي دخل : قوله يلبس ملابس سنعه علشان نروح بسرعه
تركي يلوح ايده (بمعني انزين ) ومشى
منصور راح عند ريا .. : هاه حبيبتي جاهزه الحين بنروح
ريا تبتسم بفرح : ايوا ايوا ججاهزه
رماح : انزين تروح وترجع بسرعه علشان تشري اللي ناقص من الاغراض ... انزين
منصور بابتسامه : انزين ما راح اتاخر
شوي وطلع شهاب من البيت وماسك النظاره .. ولابس ثوب وشماغ ..
مشى لين وصل عدال منصور
شهاب يمد ايده لمنصور يعطيه النظاره : سلام عليكم
الكل : وعليكم السلام
شهاب : هاك النظاره وتركي محذرني ... يقولك لا تكسرها دافع دم قلبه علشانه
منصور ياخذ النظاره : حشى ذي ما نظاره
لبسها منصور النظاره لاول مره يخلي نظاره ع عيونه ...
منصور"احس عمري مرتبك حدي مدري ليش ...اووووف"
منصور بابتسامه : هاااه شنو رايكم فيني حلووو ؟
ريااا توقف بفرح وع شفايفها اكبر ابتسامه : تهبل تجنن ... وااااااااااااايد حلو .
رماح صدت صوب اخوها : ايه طالع مره نايس
منصور يمسك ايد ريا : يالله مشينا ... بس وين اختك ..
شهاب : تركي هوه اللي راح يوصلها
منصور : اهاااا
مشو منصور وشهاب وريا ... للمدرسه ... المدرسه جريبه من حارتهم اول ما تطلع من الحاره المدرسه جدامك مباشره ...
اما رماح تمت تبيع للصغار .. واللكبار ..
شوي وجات وحده وجلست عدالها
: رماحوه ما شفتي رؤى من امس انا ما شفتها
رماح تناظر رونق : لا والله حتى انا ما شفتها من امس ... كالعاده تجي معي فليل انتي وياها حتى امس انتي ما جيتي ليش ؟
رونق بتعب : كنت مريضه شوي ...
رماح : سلامات ويش فيك ؟
رونق حمرن خدودها : مريضه وبس
رماح ما حبت تضغط عليها وايد : اهاااا
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
(رونق بنات جميله .. شعره لين نص ظهرها متدرج يرجع للون البني كثيف وناعم .. جسمهاا حلوو بس شوي قصيره ... عيونها سوداء حلووووه مره ... )
( رونق .. هاي يا شباب وشبات .. اخباركم .. انا اختكم رونق عمري 18سنه .. طلعت من المدرسه من صف 9متوسط لانه اهلي ما يقدرون ع مصاريف المدرسه ومتطلبات المعلمات ... وانتو تعرفون حن ناس ع قد حالنا يالله نحصل شي ناكله
احب رماااح .. وحتى روى احبها ... ... ع العموم اخاف من اخوي تركان ... اني ما ادانيه واكرهه كره العمى ... يوم ما عنده شغل .. يجي يضربني انا واختي نرجس ... هذا انارونق )
.. «®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
الحيــــــــــــــــاة شريـــــــــــط...

.والذكــــــــــــــرى محتــــــــــــواهـ

والماضــــــــي صفحــــــــــهـ ...والحاضـــــر طــــــــــــواهـ

والفـــــــــــــــراق الــــــــــــم....واللقــــــــــــاء دواهـ .....

.. «®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
عند باب المدرسه .. شهاب ومنصور يعدلون غترتهم ... ويتبسمون
منصور يعدل النظاره : هاه كذا حلووو ؟ ولا كيف
شهااب : مررررررررر ه زين
ريا بطفش : يالله عاد ما صارت كل ساعه تناظرون بعض
منصور : يالله يالله تعالو
مشو ودخلو المدرسه ...
منصور بابتسامه وشهاب نفس الشي للحارس اللي واقف جدام البوابه : سلام عليكم
الحارس بابتسامه : وعليكم السلام ...
منصور يناظر شهاب وبعدها يناظر للحارس :انا حبيت اكلم معلمه اللي ادرس اختي ( ياشر بصبعه ع ريا )
الحارس : اها ... تفضلو معاي ادليكم الطريق
مشو منصور وشهااب وريا والحارس جدامهم ... وصلو لمكتب المديره
الحارس ضرب الباب وبعدها سمع من داخل المكتب : تفضل
الحارس فتح الباب : تفضلو
دخل منصور وشهاب وريا ...
منصور وشهاب : سلام عليكم
رفعت راسها وناظرت الشباب الواقفين ارتبكت ووضح عليها الارتباك من ناظرت منصور : تـ .. احم احم .. تفضلو
شهاب ناظر منصور مستغرب من ارتباك المديره من ناظرت رفيجه وبانت ع شفايفه ابتسامه خبث..
شهاب : دام فضلج
منصور يناظر ريا : يالله حبيبتي قوليلي من من المعلمات اللي ضربتج
ريا بخوف : ابله نجلاء ...
منصور يناظر المديره بنظرات استحقاره من دخل وهيه تبحلق فيه : اظني انج سمعتي البنت شنو قالت
المديره تركز في منصور وكانها ما مصدقه : ...........
شهاب بصراخ : هاااااااي ... يا مديره
المديره توها تتنتبه : هااااه ... لحظه بس اناديها ... ثواني
طلعت من المكتب ... وسكرت الباب بسرعه . منصدمه من اللي اتشوفه
المديره .."ايووو هذا هو ما غيره نفس الملامح نفس العيون العسليه ... لاحول ولا قوه .. هذا لين الحين حي ... استغفرالله .. بشنو انا افكر يمكن مو هذا ... يمكن يشابهه .. " مشيت بسرعه ونادت الاستاذه نجلاء ....
في المكتب شهاب ميت من الضحك : هههههههه والله حاله علامها هذي تبحلق فيك كذا ... ليكون طيحتها من اول نظره هع هع هع هع
منصور سرحان ويلوح بايده : لالالالا هذي انا شايفنها بس وين والله ما اعرف ومتى هم بعد ما اذكر ...
شهاب بضحك : تخاف ربها .. هيه كبر يدتك ..وانت تنشاف ولد ولد ولد ولدها ههههههههههه ...
منصور يعيب عليه : ههههههاي ما يضحك ... دور غيرهاا
شهاب بابتسامه : انزين بس بعدين ... هع هع هع هع
دخلت المديره ومعاها معلمه نجلاء ... ريا اول ما شفتها خافت ومسكت ايد اخوها بقوه
معلمه نجلاء : سلام عليكم
الكل : وعليكم السلام
منصور : اانتي معلمت ريا ؟
نجلاء تناظر ريا : نعم انا معلمتها ... ليش ويش صاير ؟
منصور يناظر ريا وبعدها يناظر نجلاء ويتكتف بايده وقال بستهزاء : ويش صاير ! ... ( عدل كلامه وقال بانفعال ) البنت صايره تخاف تجي المدرسه وانتي السبب .. وصايره في كل وقت تبكي ... ومن من السبب انتي السبب ... وصايره تشتكي (يمد صبعه لها ) وانتي السبب في كل هذا ... وتفز من النوم خايفه عن تضربينها ... ( يزيد من معاه الكلام ) ... ابي اعرف ليش كل هذا تعاملينها ... هذي بعدها صغيره وتعاملينها كذا ... ليش لو كانت كبيره ... ويش ناوي اكثر تكسرينها من الضرب ..
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
نجلاء ارتبكت وما عرفت ويش تقول : صح اني انا اضربها بس لانــــــ
شهاب تكتف لها وبطل عيونه ع كبرها : يا سلام وبعد تقول انها هيه اللي تضربها .. منصور اشتكي عليها
المديره اول ما سمعت الاسم ... منصور ارتبكت .. وما عرفت ويش تسوي ...
نجلاء : لحظه انا اضربها لانه مشاغبه .. وتضارب البنات ...
منصور وقف : لا والله ... انتي اصلا ما تعرفين السالفه علشان تضربينها ...
نجلاء : بس الكل يشتكي منها
شهاب وقف مع منصور وقال : حتى ولو مالج حق تضربين البيت ع ادنات الدون ..ع الاقل عطيها استدعى .. والاهل يتفاهمون معاها ... ما تطلعين قوتج ع بنت صغيره .. وتخلين حرتج فيهاااا ...
نجلاء وقفت وراسها في الارض : ع العموم انا اسفه واوعدكم انه هذا الموضوع ما راح يتكرر..
مشت لين وصلت لريا .. وقالت مع ابتسامه وحنان : انا اسفه .. (وتخلي صبعها ع فمها علشان تحلف ) والله العظيم اني ما راح اعيدها .... سامحتيني
ريا هزت راسها بجابيه ..
منصور : ع العموم ع الساعه 12 بجي اخذها ... حبيبتي ريا لا تخافين (ويناظر نجلاء ) لو بس حد مسج قوليلي هذيج الساعه بتصرف تصرف ثاني
وطلع هو وشهاب وما عطى مجال انه حد يتكلم
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
(شهاب يشبه تركي لحد كبير ... بس في شعره اسود يرد للبني ... طوله نفس طول منصور .. وابتسامته دوم ع وجهه .وفيه غمزات كل ما يبتسم او يضحك .. يحب الحريه .. عيونه وساع وسوادهن مثل سواد الليل .. فيه عرض حلو ع جسمه ... )
(سلام عليكم يا ناس ... اعرف والله اعرف اني وااااايد تاخرت عليكم ... لكن ما مني من اللي .. (شنووو ويش تقصد؟؟ ) ولا شي خلاص .. ع العموم انا اسمي شهاب عمري 19 سنه كبر منصور وصقر طلعت من المدرسه كنت اعتقد صف سادس ابتدائي .... والانجليزي طمه فيه ولا كلمه اعرف غير القليل ... ع العموم عرفتو اشياء وايد من اخوي تركي ... هذا اناا شهاب ... *ن^)
رماح دشت في البيت وخذت الاغراض داخل ... وقعدت تنظف البيت كانت تقريبا الساعه ... 8 الصبح ..
رماح " والله شغل البيت ما يخلص تعب اووووووووووووووووف ... هذا الدعله ما رجع لحد الحين .. خلصت منظفه البيت .. وقعدت اعمل الفطور حق منصوره ... شوي وسمعت الباب مال البيت يدق مره وحده ... وبعده ما دق ... استغربت من اللي يضرب الباب كذا ... رحت متردده ما ادري ليش كنت خايفه او يمكن ما خوف مرتبكه ... فتحت الباب اول ما طاحت عيوني في عيونها ... فتحت عيوني ع كبرها .. وخليت ايدي ع فمي اكتم شهقه كانت بطلع مني بدون شعور ... وبعدها استوعبت من اللي جدامي .. ويها متورم من الضرب وفيه بقع لون ازرق واخضر وبنفسج متوزع ع كبر ويها ... من اللي مسولها كذا ... )
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
سقــــــــاني المــــر ..

عذبنيــــــ .. !!

ورمـــــــاني في عميــــــــق البيــــــر ..

عقــــــــــد صــــوتي و خلانــــــــــــــي

الوووذ بعضــــــــــــة ابهــــــــــــامـــــــي .. !

وانــــــــــا قــــــــد كنــــــت لــــــــه مـــــــوفـــــــــــي ..

ولـــا منــــــــي بـــــــدا تقصيــــــــــــــــر ..

يمـــــــــوت لدمعـــــــــــة عـــــــيونــــــــــــــي ..

وامـــــــــــــوت بعيــــــــــــنه هيــــــــــامـــــــــتي .. !!

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
رماح ع وضعها : روى ...
روى نزلت راسها في الارض .. وطاحت دموعها ع خدها : ........
رماح جربت صوبها وضمتها ودخلتها البيت : تفضلي حبيبتي دخلي ..
روى دخلت البيت ولا تكلمت ولا باي كلمه ...
دخلت في الصاله ...
روى : ابي ماي لو سمحتي
رماح استغربت منها اول مره تصير مؤادبه لهذا الحد : انشاءالله
رماح طلعت وما مرن غير ثواني غير رماح جدام روى : تفضلي
روى خذت الكاس من ايدها وشربت الماي نصه .. : شكرا
رماح تناظر فيها كانها اول مره تناظر فيها .. : عفوا
روى تناظر رماح : ادري ويش يدور في راسج ...
رماح انحرجت منها وابتسمت : لا بس بصراحه .. تفاجات
روى : ادري ... انتي ما تعرفين السالفه .. ولا شلون .. يعني منصور اخوج ما قالج ؟؟
رماح استغربت ويش دخل منصور بسالفه : لا ...
روى : انزين بقولج بس لا تبين تقولين حق حد خاااااااصه رونق ...
رماح : اطمني حبيبتي محد راح يدري بس قوليلي شنو صاااار
روى قالتلها السالفه من البدايه لنهايه
روى : وهذي السالفه كامله .......
رماح :لا حول ولا قوة الابالله .... انزين هذا اخوج اللي من ابوج من متى يجي هنا ؟؟
روى : من زمان ... كم وكم مره اقوله لا يجي هنا بس ويش اقول عنيد
رماح : الله يكون بعونج
سواااالفن لين صارت الساعه 10 ...
روى وهيه تقوم : انا الحين بسير اكيد امي تباني اساعدها في الغداء ... تبين شي
رماح تقوم معاها : لا حبيبتي مشكوره ... اذا بغيتي أي شي انا تراني جمبج البيت بلبيت ... كسري الباب بريولج ودخلي
روى : هههههه لا عاد ما لين هذا الحد
رماح: انا اقولج ما يردج غير لسانج
روى : من عيوني ... يالله حبيبتي حياااج
رماح طلعت وراها : حياااج فمان الله
وصلت روى لحد الباب .. وبطلته .. اول ما طلعت ريولها ..
روى : آآآآآآآآآآآآآآآآآآآآآآآآآآآآآآآآآآآآ ه ريلي ريلي .. عور ما تشوف انت ... أي أي
منصور ارتبك من الحركه : السموحه السموحه ما شفتج
روى بعصبيه : لانك عيونك الا فوق فوق ما تشوف اللي جدامك ....
منصور وعيونه في الارض وعرفها انها اخت صقر : قلنا السموحه
روى لوت بوزها وكارهتنه من الحركه اللي سواها هو وشهاب وصقر : مالت عليك
منصور رفع راسه بسرعه وطاحت عيونه بعيونها .: نعم
روى ما ردت عليه وعطته طااااف ومشت عنه ..
منصور يلوح بايده : والله بنات اخر زمن
روى خلت عمرها ما سمعته ومشت ودخلت بيتهم
ومنصور دخل البيت وناظر المكان ... وشاف اخته جالسه تطبخ ...
منصور : سلااااام
رماح ناظرته وبعدين ناظرت الغداء وكملت شغلها : ..........
منصور استغرب منها : السلام لله
ر ماح طنشته : ........
منصور جرب صوبها : علامج ... ؟
رماح ع وضعها ولا كانه حد يكلمها :..........
منصور تافف : اووووف من هذي بسالج اخر مره ..... علامج ؟
رماح : ............
منصور مشى عنها داخل : كيفج
رماح تمت تكمل شغلها ... اما منصور دخل وبدل وطلع ..
منصور : انا طالع بغيتي شي بسرعه
رماح :..........
منصور : اوكيه باااااااي
رماح :........
منصور طلع من البيت وسك الباب باقوى ما عنده ...
اما رماح اول ما سمعت الباب نقزت ع فوق من الخرعه ... وتصرفت بسرعه ولا كانه شي صاااير
«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
دنيــــــــــــــا مــن بعـــــدك حشـــا واللــــــــــه مابيهـــــا..

ودربــــــــــك لوهــــــــو ظــــــــــلام الليــــل بمشيــــــــــــه..

مافي بروحــــــــــــي خيـــــــــر لوتبيــــــــع ماظيهــــــــــا..

ومـــــــــافــي بعمـــري يــــومـ لــــــو قـــــــتــال خليـــــــه..

وربــــــــــي لخلـــــص علــى الدنيــا وامشـــــــي بمعازيهــــــــا..

انـ كــــــان ودهـــا تكدر قلــــــبـــــكـ وتبكيـــــــــــــــه !!

«®°•.¸.•°°•.¸¸.•°°•.¸.•°®».¸.•°°•.¸¸.•° °•. ¸.•°®»
رماح اول تاكدت انه طلع :ههههههههههههه ...والله حاله من كل شي انا اخاف
" ليش اانا ما رديت عليه.. ويه الاغراض ويش اسوي الحين .. مالت عليي وع حركاتي البايخه... اووف عاد الحين ويش يخليه يرجع غير عند الغداء .. اوووف"
ما كملت الا نص ساعه ... وما تسمع الا صوت الباب بقوة يضرب .. طاار قلبها .. " لا هذا اكيد منصور محد غيره يسوي كذا بس ليش ما دخل "
وركضت بدون شيله برع وبطلت الباب ... وما حصلت حد
رماح بضيق : اكيد هذلا اللبزور ... خله بس يرجع حد منهم انا براويهم شغل الله
قبل لا تسك الباب ناظرت برع ع الارض ... شافت رجل (ريول ) .. استغربت تاكدة انه محد يشوفها .. طلعت راسها وشافته
رماح بطلت عيونها ع كبرها وجسمها صارر يرتجف وما قدرت تصرخ ولا تتكلم ... طلعت برع وشافت اللي جم بيتهم ...( كان شاب كله دم في كل جسمه وع وجهه .... وملابسه كلها دم .. وصدره نص عاري لانه الملابس كانت متمزقه ..
"ياويل حالي ويش بسوي ومن هذا اصلا .. ياربي ساعدني لا يكون هذا من اللي يضربهم منصور هو وربعه الخمه ... لا لا ما اظن هذا مكسر خير شر "... ( مدت ايدها ونست نفسها انها بدون شيله ... وحركت ايده ... ولا تحرك ).. " هذا ليكون ميت .. يمه الله لا قاله اصلا هذا شكله ما من الحاااره موليه .. اوووف ما وقته هذا الكلام ... ويش اسوي انا الحين منصور ...ايواا منصور بس وين احصله" (وقفت بسرعه ودخلت داخل خذت شيله .. وطلعت ناظرته شوي وراحت تدور منصور .. مشت ومشت وتتاكد انه محد يلاحظه او لحد يطلع ويشوفه ... لالا الله لا يقوله ولا ويش بيقولون عنا ... استغفر الله .. مشت ومشت ودخلت السكه ووصلت لين اخرها وشافت شهاب ومنصور جالسين ويسولفون ويضحكون ...
رماح بارتباك واضح : منــــــــــــــصور
منصور ما سمعها ... ولا شهاب لانهم بعيد ..
رماح بصراخ : منصوررررررر
منصور التفت صوب الصوت اللي يسمعه ... يوم شافها وقف بسرعه
رماح اشرت بايدها ... تعال ..
منصور مشى بسرعه ... لحد ما وصل عدالها ..
منصور : خير توج ما راضيه تتكلمين شنو صار ؟
رماح بارتباك وخوف تتكلم بسرعه : لالا هناك في واحد طايح عدال بتنا وكله دم ..
منصور ما فهم : شنو ؟ عيدي عيدي لاني ما فهمت ولا شــ
رماح "هذا شكله وايد مطول ويبا يتكلم وبس" مسكت ايده بقوة ومشيت وراي بسرعه : مش وراي وانت بتفهم
منصور اسغرب منها .. اول مره تكون كذا
اول ما وصلو البيت منصور بطل عيونه ع كبرهن ... قال بعصبيه وياشر عليه : من هذااا ؟
رماح رفعت كتدوفها : والله ما ادري طلعت وشفته وما اعرفه ... انضرب الباب ويوم طلعت حصلته هذا جمب البيت ..
منصور هداء شوي : انزين الحين ويش نسويبه ؟
رماح : والله ما ادري
منصور : انا بروح انادي شهاب وراجع
رماح بسرعه : لالالالا لا تخبر حد
منصور استغرب : ليش ؟
رماح : لانه اعرف ربعك كله يفهمون غلط وما عندهم أي تفاهم او اسلوب بدل لا يساعدونه اكثر بيضربونه فهمت الحين
منصور : اوكيه تعالي بندخله داخل
رماح : لا ما ابي
منصور بعصبيه : اجل شنو نخليه هنا يخيس ؟
رماح : لا بس نوديه المستشفى
منصور : لا والله في المستشفى تحقيق وغيره ويسون حق الواحد سالفه لا صارت ولا استوت .. وبعدين انتي شوفي شكله .... شكله مضروب او مسوي حادث .. او شي من هذا القبيل
رماح اقتنعت بكلام اخوها : اوكيه شيله
منصور : يالله اجل ساعديني
منصور ورماح شالو الولد ودخلوه داخل .. في الصاله وخلوه ع الارض
منصور : جيبيلي ماي وشاش .. علشان انظفه من الدم
رماح : انزين .
راحت وفي راسها الف سؤال وسؤال .. وجابت لاخواها اللي طلباه وعطته
منصور تم ينظفه من الدم اللي ع ملامح ويهه ... وصارت ملامح تبان .. كل ما نظفه ... منصور خلص وعالجه ولف راسه في الشاش لانه فيه جروح ع كبر ويهه ..
منصور : جيبي لي مرهم مال الجروح والدواء .. بسرعه
رماح : انشاء الله
راحت وجابت اللي طلباه
رماح : الحين هذا متى بيصحى ؟
منصور يخلي المرهم ع ايد الولد : ما ادري
رماح واقفه وتناظرهم ..." هذا الولد كبير ... طبعا فيه شنب ولحيه سعوديه بس مرتبه وحلوه وخفيفه ما لين ذاك الزود كبيره ... عمره اعطيه 24 سنه كذا تقريبا .. شكله حلووو ... واي شفيني انا يالسه امدح الريال .. استغفر الله "
منصور : ساعديني ادخله غرفتي
رماح مسكت ايده الشاب وكانت بااارده وايد وناظرتها وشافت اظافره كانت زرقاء لكن الجو كان حااااار ... دخلوه الغرفه .. ونيموه ع فراش منصور الارضي .. (الدوشك ) وطلعو عنه
منصور ورماح واقفين جمب الباب
منصور ينبه رماح : ما ابي أي مخلوق يعرف انه معنا حد في البيت .. حتى ريا ما ابيها تعرف انزين
رماح : انزين لا تحاتي
منصور يناظر ساعته : انا الحين بسير اجيب ريا من المدرسه ديري بالج عليه وع نفسج
رماح : لا توصي
منصور : يالله باي
رماح تناظر اخوها : باي لا تبطي
منصور : انزين
رماح ابتسمت "واااي ع اخوي انا والله انه ما شي منه وماشي مثله ... هههه ايوااا اكيد هذا اخوي ناظرت باب غرفه منصور بطلت الباب وناظرت الشاب كان نايم او مغمى عليه ... والله ما ادري الله يعينه سكرت الباب ع الخفيف لا يحس عليها "
رماح نظفت المكان من الشاش والماي والمرهم والدوا وغيره ..
ومرت اكثر من نص ساعه ... وشوي جاء اخوها واختها ...
ريا تضحك مع اخوها : ههههه اصلا حتى ما بطلت فمها بكلمه من طلعت لحد ما جيت .. هههههه
منصور يضرب صدره وتم يكحكح : كح كح كح .. آه علشان تعرفين انه وراج سبع
ريا اختفت ضحكتها وصارت عيونها وايد ناعسه : وين ريال وانت من ضربت صدرك تميت تكحكح ..
منصور يضربها ع راسها ع الخفيف : شب شب
دخلو داخل وحصلو رماح جالسه ع التلفزيون ... منصور ناظرها وناظر الباب وبعدهاا ناظرها
رماح عرفت ويش يقصد صحى ولا لا : لا
منصور : اها
رماح ابتسمت : هاااه ريا شنو الاخبار ؟
ريا بابتسامه لاختها :ما جيتي وشفتي اخوي كيف سوء حتى المديره المديره ما قدرت تتكلم من تكلم هوه ... هههههه اقولج تغير لونهن ... لــ
رماح : تلؤمنا انه سالناج ..
منصوراتجه ع غرفته دخل ... تم يناظر الشاب اللي جدامه بتمعن ..
"ياخي انا هذا وين شايفنه شايفنه مكان بس ما اذكر ....... " مشى لحد ما وصل لعنده ومد ايده ومسك ايد الولد ... كانت بااارده وااايد .. استغرب جاب الشرشف وغطاه .. وطلع
منصور : وين ريا ؟
رماح : راحت تتسبح
منصور : اهااا
رماح : هاااه صحى ؟
منصور : للاسف لا .... اقول تراني يوعان حدي وما اتفاهم خلي الغداء يوعان
رماح : انزين لحظه لا تاكلني في مكاني ..
منصور : عادي اسويها
رماح سارت وهيه تضحك ع اخوها
.... تغدوا وخلصو من الغداء وراحو كل واحد بغرفته ونامو ...