رواية لا ما أرضى بالمذله ولا عاش من قلبي يذله الفصل التاسع والعشرون 29 - بقلم غير معروف

عند حلا...
اللي جاهزه من وقت كانت لابسه (بنطلون جنز اسود ضاغط وله جيوب في كل مكان .. وقميص اسود له نص كم خامه سترتش طايح عليه ..له فتح متوسطه ع الصدر يوصل لحد نص فخذها من الجانب اليمين طوويل ومن الجانب اليسار قصير .. له حزام تحت الصدر بلون ابيض وله كرستال بلون الاسود .. ولبست بوووت لنص الساق لونه اسود وشيله بيضاء وع الاطراف مزخرفه بالون الاسود ...تكحلت وكثرت من الكحل وروج وردي غامق شوي ) ابتسمت ومشطط شعرها ولبست ساعتها الكبيره وناظرتها كانت الساعه 12 ونص .. تعمدت تتاخر .. لبست عبايتها وشنطتها وجوالها وطلعت بسرعه ونزلت تحت ما حصلت حد
حلا بصوت عالي : يمه انا طااالعه تاخرت
احلام من المطبخ : انزين يمه ديري بالج ع نفسج وطمنيني عليج
حلا بابتسامه : من عيوني يالله مع السلامه
احلام :الله يسلمج ويخليج ويعافيج
حلا ابتسمت من قلب ع عطف امها لها .. وطلعت بسرعه ركبت السياره ودلت السايق ع العنوان وراحو ـــــــــــــ وطول الطريق هيه مرتبكه وفي ذا الوقت رن تالفونها وطلعته وناظرت الرقم كان خالد وردت بسرعه وهيه مبتسمه : هلللللوه
خالد ابتسم ع صوتها اللي تغير عن قبل بكثيرر : هلا والله براعيت الهلللللوه
حلا ضحكت عليه : اهلين فيك ..هااه شنو بغيت
خالد بابتسامه "اللي بغيته اني اشتقتلج كثيرر " : متى راح توصلين انا لي ساعه انتظرج
حلا بدلع وتخلي صبعها ع ذقنها : اممممممممممم بعدني ما طلعت من البيت
خالد عصب عليها :حلالاوتي احنا ما متفقين ع كذا ... ليش يعني التاخير ولا تبين تذلينا ع الغداء
حلا اطلقت ضحكه عليه :ههههههههههههههه شفيك (في هذا الوقت وصلت قدام العماره ونزلت ) الحين بطلع يالله باي
خالد :باي
حلا توصي السايق : اسمعني الساعه 3 تجي فاهم ..
السواق :حاضررر
حلا :يالله امشي الحين
السواق حرك ....... وحلا دخلت العماره وركبت الطابق الثاني ووقفت عند باب الشقه وضربت الجلس
........ خالد (كان لابس .. بنطلوون كحلي جنز .. عليه حزام بلون الاسود له لمعه بسيطه .. وقمييص كت لونه زيتوني سبورت .. وساعه ماركه كبيره رجاليه وريحت عطره تدوخ دووخه ) كان منسدح ع الكنبه وقام بسرعه " معقووله وصلت بهذي السرعه لالالا يمكن واحد من الربع " وفتحه كانت الصدمه شلته .. حلا اول ما انفتح الباب بسرعه شالت الشيله عن وجها وبابتسامه واسعه واسنانها اللولو باينه ورافعه حواجبها ع فوق وصرخت بقوووه : ترآآآآآآآآآآآآآآآآآ مفاجاه صح
خالد وهو مركز ع عيونها العسيله بسرعه نفض الافكار اللي تدور براسه ومسكها من ايدها ودخلها داخل بقووه ..
حلا عصبت عليه :شوي شوي بطيح
خالد سكر الباب :واخيرا جيتي ما بغيتي
حلا بابتسامه :ههههههه لا بس اتغلى (وراحت وجلست ع الكنب )
خالد التفت عليها :لا والله تتغلين بس ما ليق عليج ابد
حلا رفعت شفايفها ع فوق :ما طلبت رايك
خالد راح وجلس جمبها :يالله شنو تحبين ناكل ؟
حلا ابتسمت :اللي تطلبه ...
خالد :شرايك بكبسه حلووه
حلا :لا باس ... يالله اطلب لاني جوعانه حدي
خالد ابتسم عليها :اطلب .!!! ليش اطلب ... راح نسويها انا وانتي
حلا انصدمت ووقفت وتخسرت وقال بصوت عالي :نعم نعم شنو قلت يا عيوني ..
خالد فطس ضحك ع شكلها :هههههه آيه شفيج راح نطبخ انا وانتي .. يالله امش قدامي بنخلص
حلا جلست بقوه وجلست جلسه رجاليه ورفعت حاجبها اليسار :لو تموت
خالد لاحظ عليها حتى صوتها اخشن قام وجلس قدامها ع امشاط اصابعه ومسك ركبتها وسكرهن وقام ومسكها من كدفها ورجعها ع الخلف وبعدها ناظرها وهو مبتسم (وحلا منصدمه منه ) وقرب ايده من وجها ومسح ع حواجبها باصابعه بس اهيا رفعته بعصبيه وهو ينزله وهيه ترفعه ... اطلق ضحكه عليها بسرعه كتمها ..
حلا دفته بقوه ع وراء :وخر عني .. انا اكرهك ولا تكلمني بعد (ولفت الجانب الثاني بعصبيه وتكتفت )
خالد كانه يكلم طفل :ياربي انا ع الزعلانين ... (وقرب منها ) شفيج اناحبيت انه نقظي وقتنا بضحك وسوالف مع بعض بس
حلا لفت الجانب الثاني وماردت عليه .:........................
خالد قرب منها اكثر وشالها بقوه ع كدفه .. حلا صارت تضربه ع ضهره بقوه وتلعن فيه وتسب فيه ...هو ولا اهتم دخل المطبخ ونزلها وهيه بسرعه صارت تضربه ع صدره ...
حلا حست بتعب من ضربها له :اوووووف ..
خالد مبتسم وساكت .. بعدها التفت ع الباب وقفلاه والمفتاح دخله بجيبه
حلا بخوف شوي :ليش قفلت الباب ؟
خالد وهو مطير عيونه لها : علشان تتادبين
حلا زفرت تنهيده بقوه :ياليتني ما جيت ولا سمعت رايك يا الكذاب
خالد وهو متجه للفليزر :انا ما كذاب ولا كذبت عليج (طلع دجاجتن وخلاهن في المغسله)
حلا تتكتف: والحين كيف انا ما اعرف اسوي اي شي ...
خالد :لا تحاتين انا بعلمج كيف (التفت عليها ) بتظلن كذا بشيلتج وعباتج
حلا باصرار : ايه
خالد اتجه لها بخطوات واسعه ومسك الشيله وفصخها .. حلا لصق في الجدار وصرخت له :خلاص راح افصخها
خالد ابتسم وناظرها ... حلا رفعت العبايا ع فوق وتغطى وجها ..خالد بسرعه قرب منها وهيه افصخت العبايا وتنهدت ورفعت نظراتها انصدمت منه كان شوي ويلصق فيها ...
حلا بتوتر :شفيك ؟؟ بعد عني
خالد ناظرها بنظرات حلا ما فهمتها ابد.. تقدم منها اكثر وحوطها بايده وحظنها بقووووووه ... حلا انصدمت منه كانت تدزه ع كدفه تريده يبعد بس هو كان متمسك فيها كثير .. بس وقفت من سمعته يشاهق
حلا حاولت انها تناظر وجها بس كان هو شعره مغطنه وما باين غير طرف من خشمه وشفايفه خافت عليه :خلودي شفيك ..ليش تبكي .. انا اسفه اني زعلتك بكلامي والله اني ما كنت اقصد (صارت ترتجف شفايفها وشوي وتبكي ) والله اسفه
خالد بهمس باذنها :ظميني .. حلاوتي انا محتاجنك كثيرر
حلا ارتبكت بس خلت ايدها ع ظهره وحظنته بقووه ... خالد ما صدق انها طاوعته صار يشاهق بقووه وهو يبكي ...
وبعدها جلس ع الارض وهيه بحظنه وصار مده يبكي ويتمتم بكلام حلا ما فهمته ابد ...
حلا خلت ايدها ع خدوده وبعدته عنها وهيه تبكي معاه :خالد شفيك لش تبكي ؟
خالد وهو يناظر تحت : حلا والله واني انا مظلووم ... هم ظلموني كثيرر
حلا برجفه وهيه تبكي وتمسح دموعه بايدها وتبعد شعره اللي ع عيونه ع وراء :خلاص خالد ..لا تبكي وانسى كل شي ..(وابتسمت )وبعدين احنا نريد نتغداء خلاص انا راح اساعدك ... وانت علمني لاني غبيه ما اعرف
خالد احس انه تعبها معاه وناظرها وابتسم :هههه انتي غبيه غبيه بدون لا تقولين ههه
حلا ما حصلت غير شعره نزته بقوه وفكته وهيه تمسح دموعها :الله يسامحك .. (وقامت اونها زعلانه وبعدت عنه )
خالد قام ومسكها من كدفها ولفاها تقابله :يا قلبي خلاص انا اسف ...
حلا ترفع صبعها له وبدلع : اخر مره لك
خالد ناظر صبعها ومسكاه وقربه من شفايفه وباسه بقوه :خلاص اخر مره
حلا حمرت خدودها وبعدت صبعها بسرعه ونزلت راسها
خالد حب خجلها كثير :هههههه شفيج استحيتي
حلا لفت وعطته ظهرها : لا .. اصلا عادي
خالد ناظرها بنظرات خبيثه : عــــآدي .. اي شي معاج عادي
حلا التفت عليه وكانها فهمت شنو يريد يقول :هااااه لا .. يعني هو ما كل شي كل شي ..
خالد : هههههههههههههههههه ... لا بس انا امزح معاج .. يالله تعالي نبدي نطبخ
... صارو يهفسون الاكل هفااااااس ...الله يعين الدجاجتين اللي طاحت في ايديهم ....
«®°•.¸.•°°•.¸¸.•°°•.¸.•°«®».¸.•°°•.¸¸.•° °•. ¸.•°®»
في هذا الوقت وصلو تركي ومحمد وشهاب وصقر ومنصور وريا .. المزرعه وكل واحد يناظر الثاني مستغربين من فخامت المزرعه (كانت منصور وريا وشهاب في سياره .... ومحمد وصقر بروحم سياره )
منصور عقد حواجبه باستغراب من المزرعه وقال لتركي بشك : انت متاكد انه هذي هيه المزرعه
تركي بابتسامه : اكيد يالله نزلنا
نزلو كلهم ومنصور كل ساعه يبلع ريقه بتوتر من شاف المزرعه ... ومشو كلهم ودخلو المزرعه وشافو حيدر من بعيد جالس ع الكرسي وفي ايده جريده وقدامه قهوه ..
شهاب وهو يمسح ع ذقنه :وبعدين من هذا ؟
صقر خلا ايده ع حواجبه وصار يناظر بتركيز :اممممممم ما عرفته
محمد وهو يعدل شماغه :مشينا وبلا هذي الوقفه اللي ما منها فايده
مشو كلهم متجهين لحيدر ..اللي مندمج في جريده
تركي وهو يقرب يمه :احم احم ... سلام عليكم
حيدر بابتسامه :وعليكم السلام
حيدر نزل الجريده من ايده وناظرهم واحد واحد ومن شاف منصور بطل عيونه ع كبرها وقام ووقف
منصور عرق جبينه من شافه كان بيتكلم لكن تركي محذرنه ميت تحذير عن المشاكل الزايده وما نبي فضايح
حيدر وقف مجابلنه ومسكه من كدوفه وابتسم ابتسامه عريضه :يووووووووووووسف
منصور ناظره نظرات حاده وبعد ايده بقوه :قصدك منصور يوووسف ..ولد ولدك
الكل انصدم وبطل عيونه
منصور كمل كلامه بكل صرامه :ظنك اني راح انساك ..
حيدر بلع ريقه :منصور يا ولدي انـ
منصور قاطعه بصراخ :انا ما ولدك .. وان نطقت بهذي الكلمه جبت لسانك في كف ايدك فاااااهم
حيدر ما استحمل كلامه كان رافع ايده بيضربه بس قطع عليه صوووووتها لما صرخت
رماح كانت متغشيه ولابسه عبايتها قربت منهم بركض وصارت بين حيدر ومنصور وصارت مقابله حيدر وقالت بتوتر : جدي خلك منه اهو ما فاهم اي شي الحين (ولفت ع منصور اللي رافع حاجبه باستغراب ) وانت تعالي معاي
مسكته من ايده وبعدها انتبهت ع ريا اللي تبكي وتمسح دموعها وناظرت الشباب : سلام عليكم عذروني ما شفتكم
الكل : وعليكم السلام
قربت من ريا ونزلت ع مستواها وحظنتها بقوووووه وصارت تبكي معاها .. وباستها ع خدها بقووه
وقربت من منصور وحوطت ايدها عليه وصارت تبكي ع صدر اخوووها ... منصور ابتسم وحظنها
منصور بهمس :بعدين ابي افهم كل شي
رماح بفرح : ان شاءالله
شهاب خاطره يفطس من الضحك هذلا الحركات يضحكنه مسك طرف من شماغه وخلاه ع عيونه وصار يهز كدوفه اونه يبكي .. وما حصل غير ضربه ع ظهره من تركي بسرعه اعتدل
شامخ في هذا الوقت طلع هوه ومصعب ويزن من جناحهم
شامخ طار من الفرحه من شافهم :يآآآآآآآآآآآآآ هلا
وقرب منهم وسلم عليهم ...... رماح من شافتهم طالعين بسرعه بعدت عن اخووها ومسكت ايد ريا ودخلت داخل ....>> ريا ما انتبهت ع شامخ لانها كانت تبكي
اول من دخلت الصاله ناظرت بجدتها اللي جالسه وتشرب قهوتها
رماح تقرب منها ومبتسمه :يا جده اعرفج باختي الصغيره ريا
لطيفه ابتسمت وعيونها ملاهن الدموع :ريا يا حبيبتي تعالي انا جدتج ... قربي
ريا ناظرت رماح ورماح غمزت لها : روحي
ريا قربت من لطيفه بتردد .. لطيفه قامت منها ونزلت ع مستواها وحظنتها بقووه وصارت تبكي بصوت عالي ..وريا من شافتها كذا تبكي صارت تبكي معاها .. رماح خلت ايدها ع فمها تكتم شهقاتها عن طلع بس ما قدرت غير انها طاحت ع ركبتها وهيه تبكي بقوووووه .. طلعت فاطمه من المطبخ ع صوت بكي من وشافتهن يبكن استغربت وخافت وقربت من رماح ونزلت لمستواها ..
فاطمه بتوتر وباستغراب :شفيكم شصاير .؟
رماح غطت وجها وهيه تبكي وهيه تذكر امها وابوها اللي فقدتهم في يوم وحده ... حست نفسها راح تموت لو ما بكت وطلعت اللي في خاطرها كله ...
فاطمه قربت من رماح وحظنتها .. رماح دفت وجها في حظنها وهيه تبكي :شتقت لامي .. اش... اشتقت ,..لهم ..ليش ..آآه ياربي .. ليش انا
فاطمه صارت تمسح ع راسها وتهديها :استغفري ربج يا بنتي ما يصير اللي تقولينه ..كلنا راح نموت
جات شيخه من فوق وهيه كانت ناويه تروح المطبخ ومن شافتهم عقدت حواجبها باستغراب وخوف .. وقربت منهم :خير ان شاءالله شفيكم ؟
فاطمه بحزن ع حالتهم :شوفي عمتي لا يصير فيها شي
شيخه قربت من لطيفه وبعدتها عن ريا :يا عمه ما يصير اللي تسوينها في نفسج .. مو زين
لطيفه صارت تمسح دموعها :آه يا شيخه والله اني تذكرت وليدي في بنته ..(وصارت تبكي ) وفقدت
شيخه احظنت لطيفه وهيه تهديها :خلاص يا عمه ان شاءالله الله راح يعوضج في عيالج وعيال عيالج ...وعيال يوسف ..
لطيفه بعدت عنها :ان شاءالله (وخذت نفس طوويل وقالت لرماح ) خلاص ياا بنتي لا تبكين لا تقطعين قلبي زياده
فاطمه بعدت رماح بشويش: خلاص يا بنتي .. لا تبكين وبعدين انا وشيخه ومريم وعائشه كلنا معاج وان شاءالله ماراح تحتاجين شي واحنا موجودين معاج ..
رماح وهيه تقوم وتمسح دموعها :ان شاءالله
قربت من ريا ومسكتها من ايدها وركبت فوق ...
ريا بهمس :رماح ..انتي ليش عايشه هنا ..؟
رماح وهيه تمسح دموعها اللي كل دقيقه تطيح :لانه هذلا اهلنا يا ريا .. وانتي من يوم وراح راح تعيشين معانا انتي ومنصور
ريا :تعرفين هذيج الحرمه تصير مديرتنا ...
رماح بابتسامه : اي وحده فيهم ؟
ريا بابتسامه :هذيج اللي جات اخر شي
رماح : اهاا .. قصدج ام شامخ
ريا باستغراب: من شاامخ ؟؟
رماح ابتسمت : بعدين راح اقوولج
ودخلت جناحهم ..وطارن البنات في وجها وكل وحده تمسك ايدها من جانب .. قمر انحنت ع ريا اللي محد شافها غير قمر ... قربت ايدها منها ومسك خدودها وابتسمت وريا مستغربه منها ومن حركاتها ... قمر صارت تلعب بخدودها بقوووه ..
ريا عصبي منها وبعدت ايدها بقوه :آه شفيج انتي .. مجنونه ؟
قمر بطلت فمها ع كبره :هااه
ريا لوت شفايفها ع جانب .. وتعدتها وراحت ووقفت جمب رماح وناظرت بحور اللي كانت جالسه جمب رماح وتضحك معااها ..
ريا حست بخنقه وانها تريد تبكي من قرب البنات من رماح :هاااي انتي وخري من عدال اختي
حور رفعت حاجبها واحد وقالت بابتسامه :رموحه هذي اختج ؟
رماح بابتسامه :ايه هذي اختي (وصارت تدف حور ) بعدي هيه اللي راح تجلس جمبي
حور كشت في وجه رماح : انزين
ريا ابتسمت بنصرر وجلست جمب اختها .. رماح حظنتها ع الجانب ..
رماح بجديه : انا راح انزل تحتت وما ابي اشوف وحده تنزل تحت ..
خزامي : ليش ان شاءالله ؟
رماح وهيه تقوم : لانه اخوي هنا وابي اتكلم معاه .. (وقالت ليا ) ريا حبيبتي روحي ناديه بسرعه
ريا بسرعه طلعت ونزلت تحت وحصلت لطيفه وجاسم وعبدالله .. ابلعت ريقها وكملت تنزل
لطيفه شافتها وقالت بصوت عالي مع ابتسامه فرح :ريا يا بنتي تعالي سلمي ع عمومتج
ريا " اوووووووف بدينا عاد " ابتسمت مجامله :سلام عليكم
جاسم وعبدالله :وعليكم السلام
جاسم قام وقرب منها ونزل لمستواها ومسكها من كدوفها وباسها ع خدها : يا هلا بريحه الغالي .. شخبارج يا بنتي ؟
ريا بابتسامه : بخير
عبدالله بابتسامه وهو ياشر عليها تقرب منه :تعالي يا بنتي ..
ريا استحت منهم شوي وقرب منه ... عبدالله مسكها من ايدها وجلسها في حظنها :يا هلا والله يا هلا شخبارج ؟
را بحيا :بخير الحمدلله
عبدالله باسها ع راسها وقال بابتسامه :اممم تعرفين من انا .. انا عمج عبدالله وهذا (وياشر ع جاسم ) يصير عمج الثاني اسمه جاسم .. وبعد عندج عم اسمه حسين وواحد غيره اسمه احمد
ريا ابتسمت ونزلت من حظنه :انزين انا بروح انادي منصور لرماح تبيه
جاسم بابتسامه :روحي حبيبتي
ريا راحت تركض برع ..اول ما طلعت حصلت حيدر جالس بروحه .. اتجهت له
ريا باستغراب :يا عم وين راح منصور ؟
حيدر ناظرها مسكها من ايدها وقربها منه وباسها ع خدها :انتي ريا ؟
ريا بطفش منهم بس جاملت بابتسامه : آيه انا ريا
حيدر باستها ع خدها الثاني :وانا اصير جدج ابو ابوج اسمي حيدر
ريا بضيق وبعدت عنه : اها .
ومشت عنه ... حيدر استغرب من تصرفاتها
حيدر بصوت عالي علشان تسمعه : تعالي وين رايحه منصور هنا (وهو ياشر ع جناح الشباب )
ريا رجعت كم خطوه واتجهت للجناح ... وهيه تبعد شعرها ع وراء بكل براءه .. ودخلت حصلتهم كلهمممم مجتمعين حتى انه المكان ما مكفي ...
ريا باستغراب منهم وصار تناظرهم واحد واحد وطاحت عيونها بعيون اخوها وتوجهت له وقرب منه واشرت له انه ينرل لمستواها علشان تكلمه في اذنه ... (الكل سكت يناظرونها ) منصور نزل لمستواها
ريا بخوف من اشكالهم وقالت بهمس في اذنه :منصور رماح تبيك هناك داخل البيت
منصور ابتسم : ان شاءالله الحين اجي
شامخ توه طالع من الغرفه مالهم وناظرها فرررح بقوه وقرب ممنها .. ريا اول ما شافته ماااتت من الوناسه
شامخ قرب منها بسرعه وحملها بين ايدها ع فوق وضماها بقووه وباسها ع خدها :ررررررررريا حبيبتي (الكل مستغرب منه )
ريا ضربته بخفه ع ضهره : يووسف انت وين رحت انا دورت عليك ما حصلتك ابد