رواية لا تترك يدي الفصل الرابع عشر 14 - بقلم الكتيبات شهيد

ردي يا تمارا. تمارا بصتله وقالت بحزن: للأسف يا اياد مش هقدر أبعد عنك تاني. اياد ابتسم ومسك إيدها ولبسها الخاتم وهي لبسته الخاتم. إياد طلع تليفونه ورن على أخته وقال: تعالي ادخلي يا رنيم. تمارا: هو فيه إيه؟ إياد: اصبري وهتعرفي. رنيم دخلت مع فاطمة وتالا جريت ناحية سرير تمارا وطلعت حضنتها وتمارا اتوجعت. إياد: بالراحة يا تالا. تالا: أنا آسفة وجعتك. تمارا هزت راسها بلا وقالت: إنتي أكبر دواء لأي جرح. تمارا بصت للفستان

اللي مع رنيم وقالت: لمين ده وإنتي لابسه كده ليه؟ إياد وهو خارج: البسي يلا وبلاش كلام كتير، سبق وقلتلك إني مش هضيع ولا دقيقة تانية من عمري من غيرك. إياد خرج ولقي مراد بره. إياد: يلا روح اعمل اللي قولتلك عليه. مراد: حاضر يا أخو مراتي. إياد: مهياش مراتك لسه. بعد ساعة. إياد خبط على باب الأوضة ودخل وابتسم أول ما شاف تمارا بفستانها الأبيض الرقيق. إياد: بسم الله ما شاء الله، جميلة. رنيم: طب وأنا؟ إياد: ماشي حالك.

تمارا ضحكت بوجع وهي قاعدة على السرير. إياد: يلا يا مراد. مراد دخل ومعاه صاحبه والماذون. إياد لرنيم: أكيد جبتي الصور والبطايق وكده؟ رنيم: حصل. إياد بص لتمارا وهو مبتسم. قدام المستشفى. فادي وقف بالموتوسكل بتاعه، هو حابب يشوف تمارا بأي طريقة ونزل من عليه وفضل واقف بيبص ناحية باب المستشفى. جوه. المأذون: بارك الله لكما وبارك عليكما وجمع بينكما في خير. إياد: وأخيرا يا تمارا. مراد بابتسامة:

يلا يا جماعة أوصلكم ونسيب عروسة المستشفى مع إياد. إياد: ماشي يا مراد، أما أوريك. كلهم خرجوا ومبقاش فيه غير إياد وتمارا. إياد قلع جاكت البدلة وقرب من سريرها وقال: بعد كل السنين دي رجعنا لبعض، شوفتي. تمارا: الظاهر مكتوبين لبعض. إياد نام جنبها وحضنها وباس راسها وقال: مفيش أي حاجة هتبعدني عنك تاني. تمارا حضنته وغمضت عيونها ونامت. بره.

فادي بص لرنيم اللي بتضحك وفيه واحد ماشي جنبها وبنت صغيرة وست كبيرة، كلهم ركبوا العربية ومشيوا وهو لحقهم. في بيت إياد. كلهم نزلوا ورنيم قالت: شكرا ليكم. مراد: على فكرة أنا بحبك. رنيم ابتسمت ودخلت لجوه. بعد ربع ساعة. البيت كان هادي ورنيم كانت قاعدة على السرير بترسم، بس سمعت صوت من البلكون. رنيم قامت وقربت من البلكونه وهو جه من وراها وحط إيده على بوقها. فادي: اهدي. وهشيل إيدي. رنيم هزت راسها بخوف وهو شال

إيده وهي لفت وقالت بزعيق: هو إنت! إنت إيه اللي جابك هنا؟ فادي... في المستشفى. المكان كان هادي وتمارا كانت نايمة وهي حاضنة إياد اللي نايم، بس فيه حد دخل وتمارا بدأت تصحي وفجأة... تفتكروا حصل إيه؟