رواية لعبة الحب الفصل الثالث والعشرون 23 - بقلم اسماء السرسي

أدهم بغضب وهو بيشد الزناد: اتشاهد على روحك. فجأة صوت من وراه: نزل مسدسك يما تتشاهد على روح ابنك. أدهم بص وراه وشاف زياد والمسدس محطوط على راسه. فجأة وبدون مقدمات رمى السلاح من إيده وزقه بعيد. صالح وهو بيدي إشارة للرجالة بتاعته: فوراً. مسكوه العصيان واللي مسك الجنزير واللي مسك حديدة ونزلو عليه ضرب. أميرة بصريخ: ادهم! أدهم وهو بيقع على الأرض من شدة الضرب وبص لأميرة بوجع وابتسم. أميرة ببكاء: أدهم والنبي... متسبنيش. زياد

وهو بيحاول يفلت من صالح: بابا! أوما سيبني... يبابا! هموتكم يبابا! قوم... يا أميرة خلييه يقوم. صالح بنرفزة: اسكت! إذا زياد عض إيده وجرى على الراجل اللي بيضرب أبوه وبيضربوه. زياد بغضب: سيبببب بابا! أوما! إذا الراجل شاله ورماه بعيد وزياد دماغه اتفتحت. أميرة: زياد! أدهم وهو بيقوم: زياد! ولسه الراجل هيضربه بالجنـ ـزير أدهم مسك الجنزير ولفه حوالين إيده وشد الراجل وبصله بغضب ولف الجنزير حوالين رقبته.

والرجل التاني لسه هيضربه بالحديدة أدهم بحركة سريعة منه ضرب الراجل برجـ ـليه في وشه وزق الراجل اللي كان في إيده وقعه على الأرض ونزل ضرب في الباقي. أما أميرة اغمي عليها من منظر زياد. أدهم وهو بيقوم بعد ما طحن الرجالة وشافهم مرميين كلهم على الأرض وبص لصالح اللي بيبصله برعب. أدهم وهو بيقرب منه بكسرة وألم وغضب: ليه؟ صالح لسه هيهرب لقي اللي مسكه وخنقه. أدهم وهو بيجز على سنانه بغضب: ليييييييييييييييه؟ عملنالك إييييييه؟

إييييييييه سبب العداوة دي؟ وبخـ ـنقه جامد. فجأة صوت سرينة بوكس دل على إن الشرطة وصلت وعربيات الإسعاف. العساكر دخلوا وبيحاولوا يفكوا الاشتباك بين صالح وأدهم وأخيراً بعدوا أدهم عنه. أدهم والعساكر بتشده: والله ما هرحمك! اللواء وهو بيوجه كلامه للعساكر: خدوا المجـ ـرم دي من هنا. وبيـ ـوجه كلامه لأدهم: اهدى يا أدهم مش كده. أدهم وعينه بتدور على مكان زياد. اللواء: متخافش الإسعاف خدته هو والمدام متقلقش هيكونو بخير.

أدهم بص للواء بضعف وإذا بدون سابق إنذار وقع وأغمي عليه. اللواء بخضة: أدهم! إسعاف بسرعة! في المستشفى. أدهم دخل العمليات هو وزياد وأميرة دخلت أوضة عادية. أميرة وهي بتفوق: ااااه أنا فين؟ وبتبص على الجدران وإذا بتفتكر أدهم وزياد وبتحاول تقوم من على السرير. إذا بتتفاجئ باللواء في وشها. أميرة بتعب واضح عليها: أدهم... أدهم يا سيادة اللواء. اللواء: أدهم وزياد في أوضة العمليات دلوقتي. أميرة وهي بتبص عليهم من الشباك

والدموع مغرقة عينيها: يا رب قومهولي... يا رب أنا مليش غيره. وإذا بتسمع صفارة دلت على إنه القلب توقف.