رواية لعبة الحب الفصل الثامن عشر 18 - بقلم اسماء السرسي

صوت رسالة على التليفون مضمونها: "شحنة الكوكايين تتسلم في ميعادها ومهمتك إنك هتعدي الشحنة، ولو مسمعتش الكلام، راس ابنك هتتحط قصاد الشحنة". وبعتوا الفيديو. ادهم بغضب أعمى: آآآه يا ولاد الـ... ادهم بص على أميرة ومشي. نزل تحت وركب عربيته واتجه لمديرية الأمن. نزل من العربية واتجه لمكتب اللواء بغضب واقتحم المكتب. اللواء بغضب: إنت إيه اللي عملته ده يا حضرة المقدم؟ إزاي تقتحم المكتب بالشكل ده؟ ادهم بغضب

وهو بيخبط إيده على المكتب: أنا دلوقتي مخطوف! وكله بسبب المهمة بنت ستين... اللواء بأمر: الزم حدودك يا سيادة المقدم. أنا لحد دلوقتي مش عايز آخد أي إجراء ضدك لأنك من أكفأ الضباط عندي. اقعد وفهمني إيه اللي حصل بالظبط. ادهم اتنهد بغضب وقعد وحكى كل حاجة. ادهم بغضب: ولاد الـ... دول مش هرحمهم. اللواء: اهدى يا سيادة المقدم. إحنا هنبذل أقصى مجهود عشان نرجع ابنك في حضنك. ادهم بسخرية: والله... لأ تمام، كتر خيرك. وبعدين

تحولت نبرة صوته للغضب: وأنا هعرف أرجع ابني إزاي. وخرج وزعّق الباب وراه. ادهم طلع من المديرية واتجه لمكان. ادهم نزل من العربية ودخل مكان غريب. نزل مكان تحت الأرض بسلم وفتح باب ودخل. لقي كمبيوترات وأجهزة كتيرة. ولقي واحد قاعد بيعمل حاجة على جهاز. ادهم حط إيده على كتفه: حسام. حسام اتنفض من مكانه وخلع السماعة اللي في ودنه. وبعدين اتنهد بارتياح: يا جدع! مش تقول إنك... ادهم: لا. وانت خفت أوي.

حسام بضحك: يا عم إنتو مش سايبنا في حالنا، كل شوية تجرجروني من قفايا. لأ بس إنت عرفت مكاني منين؟ ادهم بثقة: مش أدهم سليم اللي يتقل له الكلمة دي. وبعدين مدخلنيش في حورات، أنا قصدي في خدمة. حسام: رقبتي. ادهم: عايزك تخترق تليفون حد وتجبلي مكانه.