رواية لعبة الحياة الفصل الأول 1 - بقلم دنيا ثروت

تخلي علي ذمتك واحدة عقيمة.. طلقها يا ولدي. حازم: أمي لو سمحتي متدخليش في حاجة زي دي. ناهده بحقد وغل: وأنا زهقت من وجودها يا حازم. حازم: ده شيء ميخصنيش. ناهده: أنت بتعصي كلام أمك.. طيب أنا مش هعمل حاجة في البيت يا حازم يا ابن بطني. دخل عليها الأوضة وهي معلقة المحاليل: حازم: انتي كويسة يا رينا؟ ريناد مسكت إيديه وهي عندها صعوبة في التنفس: ريناد: طلقني يا حازم، كفاية كدا، أنت استحملت كتير بسببي. حازم: ريناد اقفلي السيرة دي، الكلام ده مش هيحصل وعمري ما هطلقك. باس راسها وخرج وهو في حيرة. بيبص في السما: حازم: يارب.. من جهة أمي مش عايزها، ومن جهة قلبي بيتقطع عليها وهو بيشوفها بتروح مني يوم ورا التاني. في الصباح. ناهده: فكرت في الكلام اللي قولته لك عليه؟ حازم: أنا مش هطلقها حتى لو ريناد طلبت. ناهده: خلاص اتجوز.. مالك بتبص لي كدا؟ اتجوز وخلف وهي خليها على ذمتك. حازم: حاضر.. بس أنا اللي هختارها. أخد الأكل وهو طالع. ناهده بحقد: خسارة فيها الأكل والله. دخلها الأوضة وحط الأكل على الكرسي وقعد يأكلها. حازم: ريناد أنا مش هطلقك. بس هتجوز. صدقيني مش بإيدي أمي مصدعاني ومش عايز أخسر حد فيكم. ريناد بتعب بتمسك إيديه: ريناد: حازم اعمل اللي قلبك يريحك فيه، صدقني طالما أنت مبسوط أنا مش هزعل. كانت نايمة وقامت على صوت ضحكهم على السلم وقلبها بيتقطع. حماتها اقتحمت غرفتها.