رواية لعبة القدر الفصل العاشر 10 - بقلم روفيدة وائل

ءادم: لسه بتحبيه؟ حور: ضحكت ضحكة بينت مدى الوجع اللي جواها وكسرتها. حور: انت اللي بتسأل يا ءادم؟ أنا كل ما أحاول أغفرله، بصته وكلامه بيتعادوا قدامي تاني. بيكرهوني في نفسي. أنا كرهت اللحظة اللي حبيته فيها، بس مش قادرة أكرهه. مش قادرة. ءادم: وخدها في حضنه.

ءادم: حقك عليا، حقك عليا يا حور. بس مش هقدر أسيبه يرجع يخرب حياتك تاني. مش هسيبه يخسرك. البني آدم اللي باع الدنيا ونسي المسافات واقنع الكل عشانك. كريم بيحبك فوق ما تتخيلي. أفعاله وكلامه كله مش بيقول غير حاجة واحدة، إنه بيعشقك. حور: عارفة. وبدأت أتشد ليه. صدقني، أسر بقى بالنسبالي ولا حاجة. ءادم: يا با، سيبني أتصرف معاه. في مكان آخر. أسر: هي مش بتحبك، هي واخداك محطة عشان تنساني. الكلام نزل زي السكاكين على كريم.

كريم وحاول يتماسك: مش تحاول، عشان أنا بثق في حور أكتر من نفسي. ولا يمكن أي حاجة تهز الثقة دي. حتى لو أنا بالنسبالها محطة، فأنا مبسوط إنها اختارتني أنا من وسط ده كله عشان تنسيني واحد قذر زيك. ومتخافش، هخليها تنساك بسرعة. أما الحب، فكفاية بالنسبالي إني بعشقها. فاحسن لك بقى اسمها ما يجي على لسانك تاني، عشان هي أشرف منك. ولو قلت في حقها كلمة تانية، مش هيكفيني قتلك. وقفل. كريم: لا، مستحيل. معقول تكون بتحب حد تاني؟

طب ومش قالتلي لي؟ صوت: أي دا يا كريم، واحد زي ده هيخليك تفكر فيها كده؟ بطل هبل. كريم: صح، أنا مينفعش أفكر التفكير ده. في مكان آخر. ءادم: حلو إنك متأخرتش. أسر: ما أنت عارفني يا ابن عمي، معاد الساعة. ءادم: طيب يا أسر، كلمتين ملهمش تالت. حور ملكش علاقة بيها تاني. لاني مش هرحمك. ي اسر، مش هرحمك لو فكرت تقرب منها تاني. أسر: بس أنا بحبها. ءادم: وضربه. ءادم: أنت مبتحبهاش، أنت إنسان مريض.

أسر: لا بحبها، وأنا أولى بيها من أي حد تاني. ءادم وبدأ يضرب فيه بغل. ءادم: قسماً بالله يا أسر، أمحيك من على وش الأرض لو جبت اسمها تاني على لسانك القذر ده. حور بعياط: ءادم خلاص كفاية، هيموت في إيدك. أسر: شفت، لسه بتحبني وخايفة عليا. ءادم ورجع يضرب فيه تاني. ءادم: أنت إيه؟ أنت مش عارف أنت كسرتها ووجعتها إزاي؟ فاكر الرجعة بالسهولة دي؟ تبقى غلطان يا أسر. وهي غصب عنها هتنساك. وبصله بصة كادت تحرقها. ءادم: امشي.

أسر: أنتِ اللي يا حور، سامعة؟ أنتِ اللي، وبس. مش هسيبك لغيري. في العربية. حور: عشان خاطري يا ءادم، اهدي. أنت مش شايف منظرك عامل إزاي. ءادم: ودموعه خانته. ءادم: صعب عليكي ليه يا حور؟ ليه؟ كنت سبتيني موته وخلصنا. ليه يا حور؟ بعد كل اللي عمله بتحنيله. حور: سكتت. مبقتش عارفة ترد. هي نفسها مش عارفة الإجابة.

"لما بنحب بجد، مستحيل نقدر نكره مهما الطرف التاني عمل فينا. دايماً بنحن ليهم وبيصعبوا علينا، بس مبنقدرش نرجع. في فرق بين إننا بنحب، وإنهم مش بيهونوا علينا." اتحركوا بالعربية. في البيت. كريم: آسف لو صحيتك من النوم. حور: لا، أنا كنت لسه صاحية وكنت لسه بفكر أكلمك. كريم: ليه؟ حور: كنت عايزة أحكيلك على حاجة. كريم: احكي، سامعك يا حوري. حور: وبدأت تحكيله عن كل حاجة ليها علاقة بأسر. كريم: بصوت مهزوز. كريم: كلمني. حور: بصدمة.

حور: إيه؟ كلمك؟ قالك إيه؟ كريم: قالي إنك مش بتحبيني، وواخداني محطة عشان تقدري تنسيه. حور: كريم اسمعني، متصدقهوش. والله أنا... كريم وقطع كلامها: لا يا حور، لا. مش عاوز أسمع تبرير... حور...