رواية لعبة القدر الفصل السابع عشر 17 - بقلم روفيدة وائل

شمس: قاطعه كلامه مش موافقة. ءادم: ومين قالك إني عاوز أسمع رأيك. أنا بعرفك بس. شمس: بتحلم يا كابتن. أنا محدش يقدر يجبرني وأنا قلت مش موافقة. ءادم: ولو وافقتي. شمس: هأوافق إزاي؟ إنت متخلف. ءادم باستفزاز: وأنا قبلت التحدي. شمس: واتنرفزت. كريم! كريم! إنت رحت فين؟ كريم: أنا جيت أهو. مالك؟ في إيه؟ حور: مبروك يا شموس. شمس: أنا لسه ما وافقتش على فكرة. كريم: طب وإيه رأيك؟ موافقة؟ شمس: آآآآآآآآآآه!

كريم: بالراحة خلاص. فهمنا إنك موافقة. ءادم: مبروك يا شمس. وبص لكريم: بقولك إيه؟ ما تيجي نقعد مع أبوك وخير البر عاجله. كريم وضحك: يلا يا عم المستعجل. في مكان آخر. والد كريم: الرأي رأي شمس في الآخر. كريم: أنا سألتها وهي موافقة يا بابا. والد كريم: تمام. على خيره الله. ءادم: أنا مسافر مامورية كمان شهر، فكنت عاوز نتجوز على طول. الشبكة ملهاش لازمة، إحنا عارفين بعض كويس.

والد كريم: مفيش مشاكل. إحنا نكتب الكتاب على آخر الأسبوع والفرح كمان أسبوعين. ءادم بابتسامة: ربنا يتمم على خير. كريم: مبروك يا صاحبي. عند حور. كريم: مبروك يا شمس. هنكتب الكتاب على آخر الأسبوع. شمس: بس أنا مش... ءادم وقطع كلامها بسرعة: عارف إنك مش هتلحقي تجهزي وتعزمي أصحابك. تبقى تتعوض في الفرح. يلا يا ماما، يدوب نلحق نسافر إحنا. وسلموا عليهم واتحركوا. بعد أسبوع. حور: يلا يا شمس، ده كله بتلبسي. ءادم قرب يوصل.

شمس: طب بصي، لفة الطرحة كده حلوة؟ لالالا، أنا هفكها. حور: والله زي القمر. كفاية بقى يا بنتي، تعبت. شمس: آخر مرة هنلفها. حور: إحنا وصلنا المرة الخمسين، وكل مرة تقولي كده. شمس: لا، دي آخر مرة بجد. حور: إيه ده؟ ءادم جه. أنا ماشية. شمس: حور! لا! مش تسبيني لوحدي. حور يا نذلة... وبصت على روحها في المراية: لا، الفستان ده مش حلو. أنا هلبس غيره. كريم: من وراها. زي القمر يا حبيبي. يلا. شمس: بجد يا كيمو؟

كريم: وباس راسها. بجد يا روح كريم. يلا الناس مستنيانا. وخدها وخرج. ءادم: لو سمحت يا عمي، ممكن أقعد مع شمس شوية بس قبل ما نكتب الكتاب. والد كريم: طبعاً يا ءادم. اتفضل. ءادم: طالعة زي القمر على فكرة. شمس ووشها احمر: تسلم. ءادم: بعيداً عن اللي حصل وإزاي أخدت موافقتك، بس لازم تعرفي إني ظابط وحياتي مهددة وممكن في أي وقت إني... شمس وحطت إيديها على فمه: بعد الشر عنك. ءادم: بس إنتي يعني... شمس: أنا مبسوطة. ءادم: يعني موافقة؟

شمس بتوهان: الناس مستنيانا يلا. ومشيت. ءادم وابتسم: يلا. خرجوا. المأذون: أين العروس؟ شمس: إيه ده؟ هو فستاني مش مبين إني عروسة يا حور؟ كريم: تعالي وبطلي هبل يا هبلة. شمس بزعل مصطنع: أهه جيت. عاوز إيه؟ المأذون: امضي هنا يا عروسة. شمس: بصت لـ ءادم وابتسمت: مضيت. المأذون ودالها الختم: ابصمي هنا. شمس: بصت لحور: هيبصموني؟ متأكدة إن الجواز حلو؟ ءادم وضحك على جنانها: ابصمي على ضمنتي أنا. شمس: أما نشوف. وبصمت.

ءادم وقرب منها: اتأذيتي يا قمر؟ مبروك. شمس بصت لحور. حور: معاه حق. بعد شوية. المأذون: بارك الله لكما وبارك عليكما وجمع بينكما في خير.