رواية لعنة الحب الفصل السابع 7 - بقلم حبيبة نادي

بعد يومين في قصر الجارحي بالليل كانت حفلة من أجمل حفلات الصعيد. نعم، إنها خطوبة الحفيد الأكبر لعائلة الجارحي، عز الدين، وحفيدتهم الصغيرة روفان. في الحفلة ريم: آدم، لو سمحت، ممكن تشوف بتوع الزينة خلصوا ولا لا؟ آدم: من عنيا يا جميل. ريم: بتقول إيه؟ آدم: بقول حاضر. في المطبخ زينب ونادية يشرفان على الطباخين. نادية: أم علا، كل حاجة جاهزة؟ أم علا (الدادة) : أه يا هانم، كله جاهز. زينب: طيب، الطباخين خلصوا الأكل؟

أم علا: أه، خلصوا كل حاجة. زينب: لازم كل حاجة تبقى فوق الخيال، دي خطوبة ابني الوحيد. فوق عند روفان روفان تجهز والكوافيرات حولها. منار: يلا خلصوا بسرعة، مش فاضل كتير. الكوافيرة: حاضر، مش فاضل غير الشعر. وبعد شوية خلصوا. روفان كانت ترتدي فستان زهري لامع والقليل من مساحيق التجميل. كانت تشبه الأميرات. ريم: وااااو. منار: ده كده عز الدين مش هيشيل عينه عنك. روفان (بخجل) : بس اسكتوا. ريم: بس يا منار، البت بتتكسف.

زينب: يلا يا بنات، الحفلة بدأت، خلصوا. عند عز الدين كان نازل بهيبته ولابس بدلة سوداء لامعة زادته وسامة فوق وسامته. آدم: العريس وصل. عز: اسكت يلا. أحمد (ابن عم عز) : العريس مكسوف يا جماعة، الله. عز: والله لو مسكتوا لأطلع بروحكم. الجد: حبيب جدك. عز: جدي حبيبي. وتقدم، مسك إيد جدو وباسها. عز: ربنا يحفظك ويباركلنا في عمرك يا جدي. بعد شوية، الحفلة بدأت. وكانوا بيلبسوا الخواتم. ريم: ملك مش باينة، أنا حاسة إنها هتعمل حاجة.

منار: وأنا والله، ربنا يستر. وفي هذا الوقت نزلت روفان وكانت تسحر كل من يراها. أول ما نزلت، الزغاريط ابتدت. الجد: عز، امسك إيد روفان. عز: حاضر يا جدي. عز مسك روفان ونزلوا مع بعض، واشتغلت أغنية "ارسمني في ليلك نجمة". ورقصوا عليها. وقعدوا. ملك: خمس دقايق بس يا روفان، وهفضحك قدام العالم كله. وافتكرت اللي حصل. فلاش باك ملك: الو يا تسبيح. تسبيح: اممم، مالك؟ ملك: أنا لازم أعمل حاجة أخرب الخطوبة، مستحيل أخليهم لبعض.

تسبيح: طيب، بصي، أنا عندي فكرة. ملك: قولي بسرعة. تسبيح: أنا أعرف واحد صاحبي بيفبرك صور. إيه رأيك نعملها حبة صور كده حلوين؟ ملك: أوباااا، الفكرة دي جامدة. تسبيح: أكيد كلهم لما يشوفوهم هيتصدوا. تسبيح: خلاص، اعتبري كل حاجة جاهزة. ملك: تمام. باااااك ملك: هتشوفي دلوقتي. 😏 ريم: مشفتيش يا روفا، إنتوا بترقصوا كان في حد هيولع؟ روفان: أنا حاسة إن في حاجة هتحصل. منار: متخافيش، مفيش حاجة هتحصل. وفجأة النور طفى. واشتغلت شاشة.

والكل انصدم، وروفان واقفة والدموع زي الشلال في عيونها. والصحافة بتصور. والشاشة كانت عبارة عن صور لروفان غير أخلاقية. الجد: إيه المهزلة دي؟ أطفوا الشاشة يا عز. وعز واقف مصدوم. آدم: عز، بسرعة اقفل الشاشة. وفجأة عز اتحرك ومسك الشاشة كسرها. وروفان وقعت. ريم (بصوت عالي) : روفااااااااااااااان. وفجأة الكل بص لقى روفان مرمية على الأرض. كلهم جريوا عليها. الجد: الحفلة انتهت، كله يطلع. والمعازيم كلهم مشيوا.

وبعد شوية روفان فاقت. وبتبكي في حضن مامتها. روفان: والله دي مش أنا يا ماما، والله مش أنا. روفان: جدو، والله مش أنا. الجد: أنا عارفك كويس يا قلب جدك، أنا اللي مربيكي. الجد: وصدقيني، اللي عمل فيكي كده هندمه. وملك واقفة وهتموت من الفرحة. أحمد: كده بنتي اتفضحت قدام الكل. روفان (بتبكي وبتشهق) : يا بابا، أنا مش دي. الجد: عز. وعز واقف مش بيتحرك. الجد: عز، عز، عز. عز: نعم يا جدي؟ الجد: اطلع هات المأذون. الكل انصدم.

عز: ليه المأذون يا جدي؟ الجد: كتب كتابك على روفان دلوقتي. الكل واقف مصدوم، ومفيش غير صوت روفان اللي بتشهق. ملك (في نفسها) : لا، لا، مستحيل. أنا عملت كل ده عشان ما أخليهاش تتجوزوا. لا. عز: حاضر، اللي تشوفه يا جدي. يا ترى هيحصل إيه في الأيام الجاية؟