تحميل رواية «لعنة حبه» PDF

- دي كانت ليلة عنب يا شوشو

= أنت تؤمر يا باشا كل ما توعزني كلمني

باسها بدر بعنف وسابها وقام لبس هدومه وساب فلوس ومشى.

ركب بدر عربيته وطلع على شركته، دخل بهيبته وقال بتكبر للسكرتيرة: الأستاذة جنى جت؟

- أيوه يا فندم مستنياك في مكتبك.

بدر قلع نضارة الشمس وقال: خليهم يحضروا القهوة بتاعتي وابعتيهالي عشان مصدع.

دخل بدر مكتبه. قامت بنت في منتهى الجمال بشرتها بيضة وشعرها أسود طويل ولابسة جيبة قصيرة. قربت منه وقالت: ما لسه بدري يا بدر.

بدر حضنها وقال: معلش بقا يا جني عديها.

جني قربت منه لدرجة انفاسهم اختلطت ومسحت بأيدها علامات روج أحمر جانب شفايفه وقالت بخنقة: مش هتبطل نسوان بقا.

بدر بخنقة: يوه يا جنى بلاش حركاتك دي.

جني بعصبية: أنا صاحبتك وماسكة معاك الشركة ودوري أحافظ على سمعة الشركة اللي حضرتك مصمم تهدمها.

قامت جنى وقالت: أتمنى متنساش اجتماع النهاردة بتاع الوفد الإنجليزي.

بدر باستغراب: هو أنت مش هتكوني معايا؟

جنى: لا ماما عايزاني بتقولي موضوع مهم... وسليم هيكون معاك.

جنى سحبت شنطتها ومشيت. وروحت البيت.

دخلت وسلمت على مامتها وقالت: في إيه بقا يا سعاد قالبة عليا الدنيا ليه؟

سعاد (مامتها): في عريس متقدم لك.

جنى بخنقة: أهلاً وسهلاً... ما أنتِ عارفة يا ماما أنا بحب بدر.

سعاد بعصبية: بدر لو آخر راجل موجود برضو مش هتتجوزيه... ده واحد بتاع بنات وكل وقته في الملاهي الليلية.

جنى بعياط: أنا هغيره وهخليه إنسان كويس... أنا بحبه بحبه!!

سعاد ضربتها بالقلم وقالت: طيب يا جنى أنتِ هتوافقي على العريس اللي هيتقدملك النهاردة ولو عملتي حركاتك هبلغ عمامك وهما بقا يتصرفوا.

دخلت جنى أوضتها وكانت بتعيط وبتفكر تعمل إيه وقررت إنها تهرب قبل أهل العريس ما ييجوا.

حضرت شنطة صغيرة وأخدت كل الورق المهم وفتحت الباب حتة صغيرة بتلاقي مامتها مش موجودة، بتشيل شنطتها وتنزل من الباب الخلفي في المطبخ.

وركبت تاكسي ومشيت وكان ضربات قلبها عالية.

بتقف قدام شقة وبتخبط على الباب كتير لحد ما يفتح الباب، فقال جنى: كنت عارفة إنك هنا.

بدر كان سكران وشايف شنطتها وقال: هو أنتِ هتعزلي عندي ولا إيه؟

جنى بتعب: بدر إحنا لازم نتجوز، أنت عارف إني بحبك وكمان بعشقك، تعالى نتجوز ونهرب سوا.

جنى بتقع على الأرض أثر ضربة قلم على وشها من أمها وبوقها بينزف وقالت سعاد: كنت عارفة إنك هتعملي كده يا فاجرة وتهربي عند الواد ده.

بدر شال جنى وقال: إزاي يعني هتهربي عندي!! واحد ومراته جاية تقعد معاه فين المشكلة؟

بدر قرب من جنى وباسها قدام مامتها و...

قرب بدر من جنى وباسها قدام مامتها.

فقالت مامتها: بتتجوزي من ورانا؟ جبتيلنا العار.

جنى بتزق بدر وقالت بدموع: اسمعيني يا ماما.

بدر كتم بوقها بإيده وقال: عار إيه يا حماتي؟ دي مراتي، محسساني ليه إن حصل بينا حاجة في الحرام؟

سعاد مشيت وقالت: إنتِ من النهاردة لا بنتي ولا أعرفك، وحسابك بقى مع عمامك.

جنى واقفة بتعيط ومش عارفة تعمل إيه.

بدر سحب جنى من وسطها وقال: إيه رأيك في لعبة العريس والعروسة دي؟

جنى بعصبية من ريحة الكحول، وزقته بكل قوتها وقالت: انت لازم تفوق.

سحبته من إيده ودخلت الشقة.

دخلت الحمام لقيت بدر بيقلع التيشرت.

فقالت بزعيق: انت بتعمل إيه؟

بدر بسكر: بقلع.

جنى: هو أي حد بيدخل الحمام بيقلع؟ مش جايز هيغسل إيده. أوديك في البانيو ولا تحت الدش؟

مسكته من إيده وشَدّته تحت الدش.

لسة جنى هتطلع، بدر شَدّها ناحيته وحاوطها وسطها بإيده وداس على زرار، اشتغل الدش على الماية الساقعة.

صوتت جنى وقالت: ابعد عني يا مجنون! هاخد برد.

بدر قَرّبها منه لدرجة انفاسهم اختلطت وقال: مش قولتلك من أيام الجامعة، اوعي تحبيني. أنا إنسان وحش وبيبقى أوحش مع الناس اللي بيحبوني.

جنى بدموع وبتضرب فيه: ابعد يا بدر، انت مش واعي دلوقتي.

بدر بعصبية: أنا في قمة وعيي. جيتي ليه؟ سيبتي كل الناس وجايةالي أنا!!

جنى بدأت تتخنق وقالت بنهجان: ابعد يا بدر، مش قادرة أتنفس.

بدر افتكر إنها بتعاني من مرض الربو وبعد عنها.

خرجت جنى من الحمام وهدومها لازقة فيها ونقط ماية نازلة منها.

فقالت جنى بعصبية: عجبك اللي أنا فيه ده؟

بدر بص على جسمها بكل وقاحة وقال: جداً.

جنى حاطة إيدها على صدرها وقالت: طول عمرك سافل.

بدر بتريقة: مش كنتي بتحبيني من شوية؟

وبدأ يقرب منها.

فقالت برعب وهي بترجع لورا: انت بتقرب ليه؟

بدر: مش قولتلك لعبة عريس وعروسة.

جنى وقعت على الكنبة وقالت برعب: متغتصبنيش.

بدر باللهجة غربية: اقلعي!

مش قولتلك هنلعب عريس و عروسة.

وقعت جنى على الكنبة وقالت برعب: متغتصبنيش.

بدر باللهجة غريبة: اقلعي!

غمضت جنى عينها بخوف وكانت مستسلمة تمامًا.

قرب منها بدر براحة ودفن وشه في رقبتها وقال بهمس: انتِ مش نوعي.

بعد عنها وبص بخبث.

قامت جنى وقالت: أنا غلطانة إني رخصت نفسي وصارحتك بمشاعري... وبعدين أنت مش بتحب غير الصنف الزبالة.

راحت جنى ناحية شنطتها وسحبتها، ولسا هتفتح الباب.

شدها بدر وزنقها في الحيطة وقال: شكلك أنتِ اللي سكرانة، هتنزلي بمنظرك ده.

حاولت جنى تزقه ولكن معرفتش وبدأت تعيط وقالت: أنت ليه قاسي كده... أنا حبيتك ده مش ذنبي يا بدر.

قربت منه براحة وشفايفها لمست شفايفه.

حاوط بدر وسطها وتعمد أكتر في بوسة وكان حاسس بشعور غريب مش قادر يحدد ده حب ولا إيه؟ ولكن الموضوع متجاوزش عن كده.

في شركة بدر وسليم وجنى.

سليم قاعد على مكتبه ومتعصب وبيقول للسكرتيرة: يعني إيه جنى وبدر مش موجودين وكمان قافلين تليفونهم.

السكرتيرة بخوف: والله يا فندم أنا...

سليم: اطلعي برة برة.

سليم: أنا تلبسوني شغل الشركة، ماشي يا جنى أنتِ وبدر.

عند بدر.

خرجت جنى وهي لابسة بيجامة عبارة عن شورت وتيشيرت كات ولفة شعرها كحكة.

بدر قاعد عاري الصدر وأول ما شافها قال: اللهم أعوذ بك يا شيطان.

قعدت جنى جنبه وبدر بدأ يتصبب عرق وبلع ريقه.

فقالت جنى: هنعمل إيه دلوقتي؟ المفروض عمامي جايين انهاردة عشان عريس الغفلة.

بدر بخنقة: عريس عتريس... إحنا كده في مشكلة، وأنتِ المفروض أهلك صعيدة.

جنى: دول عمامي بس، أما ماما وبابا كانوا دايماً سايبني على راحتي ومش بيجبروني على حاجة طالما محافظة على نفسي.

بدر: طب بقولك إيه أنا جعان، تيجي نعمل أكل.

جنى: إحنا في إيه ولا إيه بدر؟

قام بدر وشد جنى لدرجة إنها اتخبطت فيه وشالها.

صوتت جنى وقالت بخوف: نزلني يا بدر أنا بخاف.

بدر باللهجة غريبة: ششششش... بس بقا متقطعيش علينا اللحظة يا چوچو.

جنى بعصبية: متقولش الاسم ده ونزلني بقا.

نزلها بدر وقال: ماشي يا شرسة.

بعد فترة.

واقفة جنى بتغسل المواعين.

لقت بدر بيحضنها من ضهرها ودفن وشه في رقبتها وبيتنفس عبيرها.

جنى بكسوف: ابعد بقا يا بدر، أنت صدقت إننا متجوزين بجد ولا إيه؟

ولسة هيرد بيلاقي صوت كسر باب الشقة.

ناس واقفين وموجهين سلاحهم ناحية بدر وجنى اللي اتخضت واستخبت ورا بدر.

قال شخص بغضب ولابس عمة: لازم نغسل عارنا.

سمعوا صوت كسر باب الشقة وناس واقفين وموجهين سلاحهم ناحية بدر وجنى اتخضت واستخبت ورا بدر.

قال شخص بغضب: لازم نغسل عارنا.

بدر قال بهدوء: أنت فاكرني هخاف ولا إيه. نزل سلاحك وخلينا نتكلم كرجالة وابعد الحريم عن الموضوع.

جنى اتكلمت برعب: مين فيكم الشيخ سليمان؟

- أنا شيخ سليمان.

جريت جنى عليه وحضنته وقالت: أنت مش فاكرني يا راجل يا طيب أنا نوسة... العيلة الصغيرة اللي كانت بتقعد على حجرك.

شيخ سليمان زقها وقال: لو أنتِ فعلاً نوسة مكنتوش حطيتي اسم الهاشم في الوحل.

بدر شد جنى من إيدها وقال: وحل إيه يا شيخنا إحنا متجوزين.

الشيخ سليمان: وإيه اللي يثبت صحة كلامك؟

بدر طلع ورقة من جيبه وقال: ده عقد بالجواز العرفي.

جنى بلعت ريقها وسرحت في تفكيرها.

فلاش باك.

جنى خرجت من الحمام ولافة جسمها بالبشكير، لقت بدر قاعد. اتخضت ورجعت لورا وقالت: أنت بتعمل إيه يا بني آدم.

بدر شدها وقعدها جانبه وقال: أهدي أنا مش حيوان عشان أستغل نقطة ضعفك.

جنى بإستغراب: كانت في الحنية دي يا حنين.

بدر بص لها بخنقة وطلع ورقة وقلم وقال بخنقة: امضي.

جنى بسخرية: ده عقد إيجار شقتك ولا إيه.

بدر: لا يا لمضة ده عقد جواز عرفي.

جنى شهقت وقالت بعصبية: أنت بتهزر صح!! عايزني أتوزك عرفي!! يا بجاحتك.

بدر مسك إيدها وقال بهمس مخيف: امضي بالذوق بدل ما تبقى غصب عنك ولا إيه.

وغمز لها وبصلها بخبث.

جنى مسكت البشكير كويس ومضيت.

بدر قام وقبل ما يطلع قال بخبث: تحبي أساعدك.

جنى مسكت المخدة وحدفتها وقالت: براااا.

نهاية الفلاش باك.

جنى فاقت من شرودها.

فقال الشيخ سليمان: بس إحنا مش بنعترف بالكلام ده في البلد.

بدر بخنقة: هو بمزاجكم. إحنا ممكن نوثقه في الشهر العقاري وساعتها أبقى عرفت اللي عند في البلد.

الشيخ سليمان: وأنا أقولهم إيه في البلد.

بدر: عادي اتنين حابوا بعض وكتبوا الكتاب عند مأذون.

الشيخ سليمان: بس برضه لازم نعمل حفلة عشان دي عاداتنا وتقاليدنا.

جنى بصدمة: قصدك إيه؟

الشيخ سليمان: يعني هنروح الصعيد.

جنى وقعت من طولها. بدر مسكها وشالها وقال: طب ممكن الشباب اللي معاك ينزلوا عقبال ما أفوقها ونلبس.

الشيخ سليمان قعد وأمر كل الرجالة ينزلوا.

بدر دخل وحط جنى على السرير وبدأ يطبطب على خدها براحة وقال: جنى بطلي تمثيل وفوقي.

جنى قامت وقالت بعصبية: أنا مستحيل أروح.

بدر حط إيده على بوقها وقال: متعليش صوتك.. لو أنتِ عندك استعداد تموتي أنا لأ. اجهزي والبس حاجة مش مكشوفة إحنا مش ناقصين. وبعدين إيه نوسة ده.

جنى بزهق: أصله مش بيحب اسمي وبقى يقولي يا نوسة.

طلع بدر.

فقال الشيخ سليمان: قامت يا بني.

بدر: أيوة يا شيخنا.

الشيخ سليمان: بقولك هي البت لسة بكر.

بدر اتحرج وحط إيده على رأسه وقال: أيوة. ممكن ألبس بقى.

الشيخ سليمان: اتفضل.

دخل بدر وطلع تليفونه واتصل بسليم. فرد سليم وقال بعصبية: أنت فين؟ وجنى فين؟ سايبين الشركة تقلب.

بدر: اسكت واسمعني إحنا واقعين في مشكلة كبيرة! هبعتلك لوكيشن كمان شوية تيجي عليه.

بدر قفل المكالمة وسليم قاعد متعصب.

بعد فترة.

بدر قاعد جنى في العربية ورا والشيخ سليمان قاعد جنب السواق.

وقال: مبروك يا ولاد.

جنى: على إيه ده مجرد توثيق عقد.... اومال هي ماما فين؟

الشيخ سليمان: سبقتنا عشان يحضروا الحفلة.

جنى قاعدة متوترة. بدر مسك إيدها وطبطب عليها.

بعد فترة وصلوا وكانت الزينة متعلقة وصوت زغاريط وناس داخلة وخارجة شايلين صواني.

جنى ماسكة في دراع بدر.

فقال الشيخ سليمان: يلا يا نوسة عشان البنات تجهزك.

جنى برعب: محدش هيقرب مني أنا جاهزة وعلى كامل استعداد محدش له دعوة بيا.

بدر بهدوء: خلاص يا جنى محدش هيقرب اهدي.

جنى مشيت مع بنت.

أما بدر وقف مع الشيخ سليمان اللي قاله: روح عشان تلبس جلبابك وتريح من تعب السفر.

جنى واقفة ناحية الشباك وكان لابسة فستان أبيض رقيق مان جايباه معاها وبتتفرج على ناس لابسة جلاليب وماسكين مزامير وخيول. وبدر كان راكب خيل. وفجأة الشيخ سليمان نادى عليه.

بدر راحله ولقاه بيديله منديل أبيض. استغرب بدر وقال: بس أنا مش عرقان يا شيخنا.

الشيخ سليمان ابتسم وقال: لا يا بني ده شرف.

بدر سكت شوية وتنح واتعصب وقال: أنت مجنون يا عم أنت! أنا سكتلك وعامل ليك اعتبار معملتهوش لأبويا ده جهل وتخلف... أنتم هتبطلوا القر*ف ده وتفهموا إن البنت زي الولد وإنها ليها نفس حقوقه وشرف البنت لنفسها وبس.

الشيخ سليمان قرب منها وقال بهمس: أنا ممكن أمسك ميكروفون وأقول لأهل البلد على موضوعكم وهما بقا يقرروا.

بدر سابه بغضب وطلع عند جنى.

فقالت: طلعت ليه.

بدأ بدر يبصلها باصة مرعبة وبيقرب.

جنى وقعت على السرير وقالت: أنت بتقرب ليه.

بدر بيقرب أكتر لغاية ما كتف إيدها الاتنين بإيد والإيد التانية قطع فستانها و...

بدر يقرب أكتر لغاية ما بقى فوقها وكتف إيدين جنى الاتنين بإيد، والإيد التانية قطع فستانها. صوتت فكتم صوتها ببوسة لغاية ما هديت وقال بهمس: "اهدي".

"ده كمين."

"يعني انتِ مش هتقرب مني؟"

"انتِ مجنونة؟ اهدي بقا، أنا خايف يكونوا مرقبنا."

بدر بعد عنها ولقى طبق فاكهة وقعه على الأرض واتكسر. جنى حاطت إيدها على بوقها بصدمة ورعب. بدر رفع كم الجلابية ومسك حتة إزاز وعوّر نفسه. جنى قامت جري وقالت بدموع: "انتَ بتعمل إيه يا مجنون؟"

بدر بزعيق: "اخرسي، مش عايز نفس."

مسك المنديل الأبيض وحطه على جرحه لغاية ما بقى لونه أحمر ونزل في صدمة جنى.

رمى المنديل في وش الشيخ سليمان وقال بقرف: "أي حاجة تانية؟"

الشيخ سليمان: "لا يا بني، اطلع لمراتك."

بدر طلع وجنى جريت عليه حضنته. بدر دفن وشه في رقبتها وكان بينهج، فقالت جنى بعياط: "انتَ عملت كده ليه؟"

بدر بعد عنها وقال: "ده منديل الشرف."

"يعني إيه؟"

بدر قرب منها وقال حاجة عند ودنها. جنى وشها احمر وسكتت بكسوف وقالت: "وأنتَ معملتش كده ليه بجد؟"

"أنا مش حيوان، وكفاية بقا إنك سبب المشكلة من البداية."

"أنا يا بدر؟"

بدري قاطعها وقال: "أومال أمي.. يا ريتك كنتِ سمعتي كلام أمك."

أخد مخدة وراح نام على الكنبة. جنى ما زالت واقفة مصدومة.

بدر غمض عينه وقال: "نامي عشان هنرجع القاهرة بكرة."

جنى قعدت على السرير لقيت سليم بيرن على تليفونها. طلعت تتكلم في البلكونة بهمس وقالت: "أيوه يا سليم."

سليم بعصبية: "أنا عمال أكلم بدر مش بيرد عليا، أنا جيت المكان اللي قالي عليه."

"هو قالك اللي حصل؟"

"هو إيه بقا اللي حصل؟"

"طب استنى هنزلك، خليك معايا عقبال ما أتنكر."

"تتنكري!!"

سليم كان واقف بيدخن سجاير. واحدة بتيجي ناحيته لابسة عباية وماسكة على وشها، بتشيل الماسك وبتكون جنى وبتحضن سليم وقالت بعياط: "إحنا في مصايب كبيرة يا سليم."

سليم طبطب عليها وقال: "إيه الجديد يعني؟ احكيلي."

"إحنا مش هينفع نتكلم هنا، تعالى."

سحبت جنى إيده واستخبوا ورا شجرة وحكت له كل اللي حصل.

سليم بصدمة: "أنا مش مصدق اللي حصل."

"سليم ارجوك اسمعني."

سليم بعصبية: "اسمع إيه؟ انتِ غلطانة وستين غلطانة، وتاني ساق الهبل على الشيطنة."

"ما أنا بحبه يا سليم."

"حبك برص يا بعيدة، هو أنا مش زمان قولت بدر لأ، ليه مصممة تحبي كل الناس المسمومة اللي في حياتك."

"بدر طيب يا سليم."

"هو مش صاحب عمري، بس مستحيل كنت أجوزه شيرين."

"انتَ مش كنت رافض عشان سنها صغير؟"

"اسكتي والنبي، انتِ مش عارفة حاجة."

قام وقف وعدل هدومه وقال: "اديكي اتجوزتيه بالفعل، اشربي بقا، وأنا تنزلوني من مصر عشان كده وسايبين الشركة تنهار. قوليلللباشا يجهز الشرط الجزائي بتاع الخواجة لأن الشحنة غرقت."

"مستحيل."

"ما هو لو حد فيكم كان بيرد عليا، أنا مليش فيه... اشربوا انتوا الاتنين، أنا واخد إجازة."

سليم مشي. جنى قال بزعيق: "استني بقا يا سليم!"

بدر مكنش نام وكان واقف وسمع كل شيء. اتخبط في شجرة بالغلط. جنى حسيت بحركة رجعت بسرعة، ولكن بدر كان أسرع منها. طلعت ولقيته نايم وهي كمان نامت.

تاني يوم.

صحت جنى بكسل لقيت بدر صاحي وبيجهز، فقال: "قومي اجهزي عشان هنمشي دلوقتي."

"طب وأهلي مش هسلم عليهم؟"

بدر ببرود: "محدش عايز يشوفنا، يلا بقا عشان نعرف نحل مشكلة الشرط الجزائي."

"هو انتَ عرفت؟"

بدر دخل البلكونة ومردش عليها.

بعد فترة جنى وبدر كانوا راكبين، وبدر كان متحنب جنى.

بدر قطع الصمت وقال: "اعملي حسابك هنطلق أول ما نوصل القاهرة."

جنى لسة هترد، عربيات بتقف قدام عربية بدر وكانوا ملثمين وماسكين أسلحة وضربوا نار و...

بدر قطع الصمت و قال :

اعملي حسابك هنطلق أول ما نوصل القاهرة.

جنى لسة هترد، عربيات بتقف قدام عربية بدر وكانوا ملثمين وماسكين أسلحة وضربوا نار لدرجة دمر زجاج العربية بالكامل.

بدر أخفض راس جنى تحت التابلوه، اللي كانت بتصوت وبتقول:

هموت... يا خسارة شبابك يا جنى.

بدر قال بعصبية:

اخرسي بقى.

بدر سحب سلاحه من تابلوه وعمره وبدأ يضرب عليهم نار وأصاب عدد كبير منهم لغاية ما الخزنة فضيت. شغل العربية وبدأ يسوق بأقصى سرعة والعصابة بيضربوا نار.

جنى عمالة تعيط وقالت:

مين دول؟

بدر مركز في السواقة:

اكيد دول رجالة الخواجة.

بيبص في المراية بيلاقي عربية ماشية وراهم.

بدر بعصبية:

دول بيتكثروا ولا إيه.

جنى بصدمة:

الحق تانك البنزين بيخلص.

بدر سرع السرعة لأعلى شيء لغاية ما لقى مفترق وقف العربية وقال لجنى:

بسرعة انزلي مفيش وقت.

نزلت جنى وبدر مسك ايدها وجريوا في الاتجاه التاني.

وصلت العصابة قدام المفترق.

فقال شخص 1:

احنا نتوزع على الاتجاهين... كل شخصين يبقوا مع بعض.

رد الجميع:

تمام يلا بسرعة.

بدر وجنى مازالوا بيجروا، وقفت جنى فجأة وبدأت تنهج ومش عارفة تاخد نفسها وقالت:

انا مش هقدر أكمل... امشي يا بدر امشي... أنا هحقق رغبتك وهمشي للأبد.

بدر مسكها من ايدها:

البخاخة فين؟

جنى بتعب:

نسيتها في العربية.

بدر شالها وجنى حاوطت رقبته بإيدها الاتنين وقالت:

أنا عمري ما هسيبك.. انتِ ما زلتي صاحبتي وعشرة عمري... يا نعيش سوى يا نموت سوى.

بدر مشى بسرعة وشايل جنى فقالت بهلوسة:

عارف إن طول عمري بفكر لو أنا انتحرت هل حد هيزعل عليا؟

بدر مركز في الطرق وقال:

ليه بتقولي كده دلوقتي؟

جنى بدموع:

عشان أنا طول عمري مكروهة.. أنا إنسانة أنانية ومغرورة.

بدر بدأ يتعب فقالت:

ريح شوية أكيد هما تاهوا.

بدر حط جنى على الأرض وقعد جانبها وجنى حطت راسها على كتفه وبدر مسك ايدها وساكت.

وفجأة بدر بيحس بحد وراه بيلف وبيلاقي شخص ملثم موجه السلاح في رأس بدر وقال:

لو عملت أي حركة هتروح على جهنم على طول وانتِ السنيورة هتحصلي.

والشخص التاني موجه السلاح على راس جنى.

بدر بيحس بحد وراه، بيلف وبيلاقي شخص ملثم موجه السلاح في رأسه.

قال: "لو عملت أي حركة هتروح على جهنم على طول، والسنورة تحصلك."

والشخص التاني موجه السلاح على رأس جنى.

بدر قام بهدوء، وجنى قامت وهي ماسكة في دراع بدر.

بدر خبّط مرتين على دراع جنى. جنى فهمت إن دي إشارة بينهم يفهموا بيها بعض. جنى وقفت وراه، وبدر بحركة سريعة مسك دراع واحد من الملثمين وسحب منه السلاح وبدأ يهددهم بيه.

قال: "نزلوا أي سلاح معاكم واقعدوا على ركبكم وارفعوا إيديكم لفوق... يلا!"

الاتنين قعدوا على الأرض، فقال بدر: "مين بقى اللي بعتكم؟"

الشخص الأول: "معندناش تعليمات نقولك حاجة."

بدر قتل الشخص ده بدم بارد. جنى كانت مصدومة وحاطة إيدها على بوقها برعب.

قال بدر: "تحب تحصل زميلك؟"

الشخص التاني قام بسرعة وضرب بدر ووقع السلاح. بدر قام بسرعة وضربه.

جنى استخبت ورا الشجرة وبتعيط. الملثم طلع سكينة من جيبه وبيحاول يصيبه. بدر جاب المسدس ولسة هيضربه بالنار.

أصابه بالسكينة في بطنه، ولكن بدر تلاشى الألم وضربه بالنار.

بدر وقع على الأرض بتعب. جنى جريت عليه وقالت: "ليه قتلتمهم ليه؟"

بدر قام وقف بتعب. جنى لاحظت إصابة بدر وقالت: "قلت قبل كده لو عايزة تموتي أنا لأ... يلا بسرعة عشان مفيش وقت نلحق نرجع للعربية."

جنى مشيت معاه وكانت سرحانة في موقف حصل ما بينهم أيام الجامعة.

فلاش باك

چنی بملل: "مش عاوزة أروح."

بدر بضحك: "أفسحك."

چنی بصتله بصة غريبة فيها فرحة على حزن على قلق، وقالت: "من امتى الحنية دي؟"

مرة واحدة بدر لف بالعربية، فقالت: "براحة يا مجنون، هنموت."

بدر بفرح: "سيبيلي نفسك خالص."

بعد فترة

بدر وقف العربية على الكورنيش وقال: "انزلي."

چنی بإستغراب: "جايبنا في الوقت ده على الكورنيش ليه؟"

بدر بضحك: "تعالي بس، متبقيش قفوشة."

نزل بدر ونزلت چنی، وسندت عليه وقعدت. راح عند عربية صغيرة بتبيع حمص الشام على الكورنيش.

راح ناحيتها وقالها وهو في إيده كوبايتين حمص: "اتفضلي يا ستي. الجو ده مينفعش فيه غير حمص."

بصتله چنی بتعجب وقالت: "حمص! إيه ده؟"

قعد جنبها وقال بإستغراب: "يعني عايشة حياتك كلها في مصر ومتعرفيش الحمص؟ بصي يا ستي دي عبارة عن حمص الشام وليمون وشطة، ده اللي أعرفه... أمك قاطعة عليك الإرسال ولا إيه؟"

چنی بإحراج: "يعني أسمع عنها بس عمري مجربتها."

بدر: "طب خدي يا ستي دوقيها."

جنى أكلت، فقال بدر: "لو حد ضايقك بعد كده وأنا موجود امسكي في دراعي بقوة، ولو خبطت على دراعك مرتين ارجعي ورايا وأنا هتعامل، ماشي... أوعي تخلي حد يتنمر عليكي يا جنى."

انتهى الفلاش باك.

في مكان تاني لأول مرة

يعقوب بيصحى سالم وعمال يخبطه في دراعه: "سالم... أنت يابني اصحى."

سالم: "في إيه؟ حد يصحى حد كده."

يعقوب: "مينفعش تختفي كده!!"

سالم بسخرية: "يابني أنت مصدق إني سليم بجد... أنا بس أخوه التوأم."

يعقوب: "بس أنت عايز حق أخوك؟"

سالم سرح في أخوه سليم اللي انتحر من سنتين وهو منتحل شخصيته.

عند بدر وجنى

بدر ماسك بطنه بتعب، فقالت جنى: "أنت كويس؟"

بدر: "آه متقلقيش، ادينا وصلنا قدام العربية."

ولكن بدر وقف وسند رأسه على العربية بتعب، فقالت جنى: "إيه؟ وقفت ليه؟"

فتح بدر العربية، بس من غير مقدمات وقع على الأرض من كتر النزيف اللي أصابته. جنى صوتت وقعدت على الأرض وسندت رأسه على رجلها وقالت بعياط: "مالك يا بدر؟ فوق."

جنى بتشيل إيد بدر اللي على بطنه وبتلاقي نزيف وإيده متغرقة دم.

بدر بيتنفس بصعوبة، وفجأة شخص من الملثمين بيحط السلاح على رأسها وقال: "قومي معانا بدل ما تحصليه... الخواجة عايزكم أحياء!"

جنى بتفوق وبتلاقي نفسها في أحضان بدر اللي بيلعب في شعرها. قامت بفزع ولكنها حطت إيدها على راسها بتعب وقالت:

"إيه ده؟ هو إحنا عايشين ولا إيه اللي حصل؟"

بدر ضحك بسخرية وقال:

"إنتي شايفة إيه؟"

جنى:

"هو إنت مش كنت بتموت؟"

بدر شدها من وسطها وقال:

"لدرجاتي مش عايزاني؟ وبعدين كل اللي حصل إن الشخص من العصابة ضربك بالمسدس على دماغك، ولكن أنا قاومت وخلصت عليهم. ولولا الراجل اللي قاعدين عنده دلوقتي، كنا فعلاً متنا. وكمان مراته ممرضة على المعاش هي اللي خيطت الجرح."

جنى بصدمة:

"دي معجزة."

بدر:

"عندك حق، ربنا رحيم بينا أوي لدرجة إننا عدينا من الموت."

جنى قامت بتعب:

"بس ده ما يمنعش إننا لازم نروح مستشفى نطمن. كلمت سليم طيب؟"

بدر ببرود:

"لأ. جنى تعالي ندي فرصة لنفسنا."

جنى قامت وقفت وقالت بصدمة:

"إنت بدر الرفاعي ولا بدلّوك زي الأفلام؟"

بدر ضحك وقال:

"بشحمه ولحمه."

جنى حضنته وقالت:

"طب والطّلاق؟"

بدر باسها وقال:

"خليني ندي لنفسنا فرصة.. ماشي."

جنى قالت بحب:

"أنا بحبك أوي يا بدر."

بدر ابتسم وقال:

"طب يلا عشان نفطر."

جنى:

"لأ، هتصل بسليم أقوله ييجي ياخدنا عشان نشوف هنحل المشكلة دي إزاي."

بدر بهدوء:

"على راحتك، أنا مستنيك برة."

جنى اتصلت بسليم ورد.

جنى:

"كده تمشي وتسيبنا يا سليم؟"

سليم:

"عايزة إيه يا جنى؟"

جنى:

"بقولك إيه، في عصابة طلعت علينا وكنا هنموت، بس في ناس كويسين أنقذونا. بص هبعتلك لوكيشن، تعالى خدنا عشان نشوف هنحل مشاكلنا دي إزاي."

سليم ببرود:

"ماشي يا جنى، هاجي مسافة السكة."

جنى قفلت مع سليم وطلعت لبدر كان قاعد بيتكلم مع راجل كبير. فقال بدر:

"تعالي يا جنى، ده الراجل الطيب اللي أنقذنا عم سعد."

جنى قعدت جانب بدر وسلمت على عم سعد وشكرته.

في المساء.

جاه سليم ورن على جنى وطلعت عشان تجيبه.

جريت جنى عليه وقالت:

"كويس إنك متأخرتش... صحيح يا سليم، مش بدر قرر إننا ندي فرصة إننا نجرب هل هنعرف نكمل مع بعض ولا لأ؟"

سليم بصدمة:

"وأنا يا جنى؟"

جنى ضحكت وقالت:

"إنت إيه يا سليم؟ مالك؟"

سليم:

"إنتي ليه عمرك ما حسيتي بمشاعري؟"

جنى باستغراب:

"سليم، إنت كويس؟"

سليم حاوطها من وسطها وقال:

"يا جنى، أنا بحبك."

جنى بزعيق:

"إبعد يا سليم، إنت شكلك مش مظبوط."

سليم بيحاول يبوسها وجنى بتضربه وبتصوت.

وفجأة سليم بيقع على الأرض أثر ضربة من بدر وجنى بصدمة:

"بدر.. استنى."

سليم حاوطها من وسطها وقال: يا جنى أنا بحبك.

جنى بزعيق: ابعد يا سليم أنت شكلك مش مظبوط.

سليم بيحاول يبوسها وجنى بتضربه وبتصوت.

وفجأة سليم بيقع على الأرض أثر ضربة من بدر وجنى بصدمة: بدر استنى!

بدر سحبها وراه ومسك سليم من ياقة قميصه وقال: أنت مش سليم أنت مين ها؟

سليم زق بدر وقال: عظيم يا ابن الرفاعي إنك خدت بالك إني مش سليم أنا سامر الرفاعي أخوه التوأم.

جنى بصدمة: سليم فين؟ ومن إمتى منتحل شخصية سليم؟ أنت مش كنت عايش في أمريكا؟

سامر ابتسم بخبث وقال: من سنتين لما سليم أخويا انتحر بسببك بسبب واحدة أنانية مش بتحب غير نفسها.

سامر طلع مسدسه وقال بجنون: أنت سبب روحي حبيبتي واحد مريض وسيبتي أخويا يتوجع رغم إن البيه جوزك عمره ما حبك وطول عمره كان بيحب أختنا شيرين أنت مينفعش تعيشي يا جنى.

ولسه سامر هيضرب نار عم سعد بييجي من وراه ويزقه وبدر بيجري ناحيته وبيسحب منه السلاح.

سامر زق عم سعد وقال: أنا راجع يا بدر وهنتقابل تاني يا ابن الرفاعي.

سامر مشى وجنى كانت بتعيط.

بدر جرى ناحيتها وحضنها وقال: أنت كويسة يا جنى؟

جنى بشحتفة: أنا عايزة أروح يا بدر لو سمحت.

عم سعد قال بتعب: طب يا بني ما تباتوا معانا النهاردة.

بدر حاضن جنى وقال: لا يا عم سعد كفاية كده تعبناك معانا ممكن بس توقف لنا تاكسي.

عم سعد: حاضر يا بني.

جنى ساندة على بدر وماشية بتعب.

عند الخواجة.

الخواجة قاعد وقال: أنا عايز بدر وجنى وسليم تجيبوهم أحياء.

- حاضر يا باشا بس إحنا حاولنا وبدر خلص على رجالتنا.

الخواجة بعصبية: اتصرفوا مليش فيه معاكم 48 ساعة يلا.

الخواجة كان لابس طاقية ونضارة شمسية على الرغم إنه كان ليل.

سامر راكب عربيته وبيكلم صاحبه يعقوب وقال: أنا مش عارف ليه عملت كده بس دمي كان بيغلي.

يعقوب بعصبية: أنت دايماً كده متسرع.

سامر بيعلي في سرعة العربية وقال: اقفل يا يعقوب أنا هلقيها منك ولا منهم.

بدر وجنى وصلوا قدام العمارة.

جنى كانت نايمة على كتف بدر.

حاسب السواق ونزل وشال جنى وطلع بيها على فوق ونيمها على السرير وهو طلع بره قعد على كنبة بيدخن سيجارة و بيفكر هيعمل إيه في المشاكل دي.

في صباح تاني يوم.

جنى بتصحي بكسل وبتبص حواليها مش بتلاقي بدر.

قامت بتعب وطلعت برة لقيت بدر بيقطع طماطم للسلطة ومحضر فطار.

جنى قعدت قدامه على الكرسي بإستغراب لإن المطبخ أمريكاني.

فقال بدر: مش المفروض نقول صباح الخير؟

جنى رجعت لوعيها وقالت: أنا بس مستغربة مش أكتر صباح الخير.

بدر سكت وحضر الفطار وقال: طب كلي بقا عشان تفوقي كده وتركيّزي عشان ورانا مشاكل نحلها.

بدأت جنى تاكل في هدوء وفجأة قالت: هو أنت فعلاً كنت بتحب شيرين؟

بدر بلع ريقه وقال: أنا منكرش إني مازلت بحب شيرين بس هي دلوقتي متجوزة وأنا كمان متجوز.

جنى قامت وقالت: بدر إحنا عمرنا ما هننفع نكون مع بعض وده باين من أول ساعة في جوازنا أنا مش هظلمك معايا يا بدر بدر أنا عايزة أطلق.

بدر كسر الكوباية بإيده من العصبية وعروقه ظهرت وعينه احمرت و...

جنى قامت وقالت: بدر، أنا عايزة أطلق.

بدر كسر الكوباية بإيده وعروقه ظهرت وعينه احمرت. قرب منها ومسكها من دراعها وقال بعصبية: عايزة إيه؟ تطلق؟

جنى بألم من مسكته وقالت بدموع: وهل طبيعي إنك تقول إنك بتحب واحدة تانية؟ وأنا المفروض أسقفلك؟

بدر حضنها بقوة وقال: أنا مش بعرف أعبر عن اللي جوايا ولا بفهم في الحب. قولتلك اديني فرصة.

جنى طبطبت على كتفه وقالت: ماشي يا ابن الرفاعي.

بدر باس راسها وقال: طب البسي عشان عندنا مشاوير.

جنى دخلت الأوضة ولبست فستان كات أبيض فوق الرقبة وجاكت جينز ولمت شعرها كحكة وحطت روج أحمر وطلعت بره.

بدر كان لابس قميص وبنطلون أسود ولابس ساعة كلفن كلاين وحاطت برفان رجالي شيك.

بدر أول ما شافها تنح. جنى قربت منه وحطت إيدها على كتفه وقالت: مش يلا بقى؟

بدر غمزلها وقال: يلا يا قمر.

بدر وجنى نزلوا وركبوا عربية بدر. فقالت جنى: إحنا رايحين فين؟

بدر لابس نضارة شمس وسايق وقال: مفاجأة.

جنى بصتله وقالت: استرها يا رب منك.

بدر مسك إيد جنى وباسها وقال: مقبولة منك يا جميل.

بدر وقف العربية. بصت جنى من الشباك ولقيتهم واقفين قدام محل ألماظ سوليتير.

جنى بصت لبدر وقالت: إحنا واقفين هنا ليه؟

بدر: مش قولتلك مفاجأة.

بدر نزل وفتح الباب لجنى. فنزلت وقالت: يا سيدي يا سيدي.

بدر مشى جنب جنى ودخلوا المحل. وجنى كانت مصدومة من الجمال وكانت حاضنة بدر وقالت بهمس: بحبك.

بدر جاب لجنى خاتم وعقد.

طلعت جنى من المحل وكانت طايرة من الفرحة. فقال بدر: مبسوطة؟

جنى بفرحة: أوي يا حبيبي.

بدر بفرحة: يا إيه؟

جنى بكسفة: حبيبي.

بدر لسه بيفتح الباب. واحد قفله وبدر بصله وقال: أفندم!

- معاك المقدم يعقوب الشناوي... مطلوب القبض على حضراتكم.

جنى بصدمة: إيه!

بدر ببرود: بتهمة إيه؟

يعقوب: حضرتك اتفضل معانا وهتعرف!

جنى مسكت في دراع بدر وقالت: ما تخافيش، يلا بينا.

جنى وبدر ركبوا في عربية البوليس.

بعد فترة.

بدر بيبص من الشباك فقال بصوت عالي: بس ده مش طريق القسم يا أستاذ.

واحد لف له وكان لابس الكاب، فقلعه وقال: مش قولتلك هنتقابل تاني يا ابن الرفاعي.

جنى وبدر في صدمة: سامر.