رواية لأنك مني الفصل الرابع عشر 14 - بقلم رحمة محمد

مالك: أنا مش عارف إيه كمية البرود ده. البنت أخدتها مننا كده والصفقة باظت وانت قاعد ولا على بالك؟ بجد مش فاهمك. زيد: عشان مش بتفكر وسايب عواطفك تتحكم فيك. مالك: عواطف إيه وبتاع إيه؟ انت عارف خديجة تعرف عن شغلك ده قد إيه؟ اللي تعرفه يخلي الأعداء قليل عليك. زيد: علينا يا مالك حبيبي. قدرك انت وديجا تكونوا هنا جزء من العيلة دي. محدش فيكم هيعرف يغير قدره. مالك: وإيه اللي عمله عمر تسميه إيه؟

زيد: بكسب فرد جديد للعيلة. واهو عمر ذكي وأكيد هستفيد منه. مالك: يعني انت موافق على الوضع اللي هو حطنا فيه وإنه يكون جوزها حتى لو غصب عننا؟ زيد: عنك انت. وبعدين بقولك إيه، البنات كتير قدامك وأحلى من خديجة بتاعتك دي كتير. عيش حياتك مع اللي تعجبك ومتوجعش دماغي. زينة: رنا بقولك روحي شوفي الطربيزة اللي هناك دي. رنا: يا سلام! لا أنا مبحبش الناحية دي. هشوف التانية. انتي هبلة يا زينة.

زينة بخوف: أصل في كام شاب هناك وبيتكلموا بطريقة مش كويسة وأنا خايفة شوية. بس والله. رنا: زينة اجمدي يا ماما مش كدا. عموما هاتي وأنا هروح أشوفهم. رنا بتتكلم برسمية: أوامر يا فندم؟ حضرتكم محتاجين إيه؟ شاب: أوهو! هي صاحبتك خافت وبعتتك ولا إيه؟ بس انتي برضو حلوة مفيهاش حاجة. رنا: حضرتك تشرب إيه يا فندم؟ شاب تاني: ما براحة علينا بعنيكي العسلي دي. رنا: آه أنا عرفت هجيب إيه. بس هو ينفع يعني برا الكافيه؟ شاب أول: أوبااا!

أكيد طبعاً. ومش هوصيكي تجيبي صاحبتك التانية. رنا: عيوني. عشر دقايق بس. الو. انت ياض يا مالك. مالك: في حد بيتكلم كدا يا ام لسانين؟ انتي عايزة إيه؟ رنا: في كام شاب برا عايزين يتحرشوا بيا. المهم يعني تعالى عشان تحميني. مالك: أحمي مين ده! العيال تاخد منك ساتر ياختي. رنا: ياض انت! أنا معايا واحدة ودي خوافة على الآخر وأنا أخاف. انشغل. أخلص خمس دقايق وإلا وربي هخلص هنا وأجيلك.

مالك: طيب ماشي. حسبي الله. وبعدين متصلتيش بالبوهيمة التانية ليه؟ رنا: انت أقرب يا خفة. يلا. زينة: أنا خايفة أخرج عشان خاطري بلاش وخلينا في المطعم للصبح. رنا: وهو سليم باشا هيرضى ولا إيه؟ يلا يا زينة الله يكرمك. شاب: كدا برضو تتأخروا؟ مش عيب. رنا بشك لأنهم بقوا تلاتة مش اتنين: انتوا بتتفقوا سوا ولا إيه؟ فجأة جه واحد من وراها وكتم يديها. لا مهو إحنا سألنا وعرفنا إنك كابتن كاراتيه جامد أوي. زينة بصريخ: انتوا عايزين إيه؟

ابعدوا عنا.