رواية لغز الجريمة بقلم نشوة عادل | كاملة

لو سمحت كنت عاوزة اقابل أي ظابط هنا الله يخليك. عايزة أعمل محضر باختفاء أختي. العسكري: مينفعش، لازم يعدي على اختفائها 24 ساعة. تغريد: ما هي بقالها يومين مختفية وفونها مقفول ومحدش من أهلنا ولا معارفنا يعرفوا عنها حاجة. حرام عليكوا بقى، أروح لمين ولا فين؟ خرج رئيس المباحث على صوتها وقال: في إيه؟ إيه الدوشة دي يا علام؟ علام: ابدا يا أحمد باشا، دي واحدة جاية عايزة تعمل محضر باختفاء أختها بس منهارة شوية. أحمد بهدوء: اتفضلي معايا على المكتب يا آنسة واحنا هنعمل اللازم. ذهبت خلفه إلى المكتب، وبعد أن هدأت سألها: اسمك إيه الأول؟ تغريد: اسمي تغريد. أحمد: طيب يا آنسة تغريد، اسم أختك إيه وسنها كام ومختفية من إمتى؟ تغريد: اسمها شمس محمد عبد الناصر وعندها 40 سنة ومختفية من أول امبارح المغرب. أحمد: 40 سنة! يعني كبيرة وناضجة، أنا فكرتها طفلة ولا حاجة. تغريد بجدية: وهو يعني الجرايم اللي بنسمع عنها الأيام دي بتكون لأطفال...