رواية لكنها ابنتي الفصل الأول 1 - بقلم هاجر حسين

ملك: ماما هو خلاص كده ريم هتعيش معانا هنا على طول؟ الأم: أيوه يا ملك، وعايزكي تعمليها كويس. من النهاردة انتوا اتنين إخوات، اتفقنا؟ ملك: حاضر. الأم وهي ماشية: يا حبيبتي يا بنتي، اتولدتي يتيمة الأب، ودلوقتي يتيمة الأم. ملك طلعت بره لقت ريم بتلعب بعروستها اللي بتحبها. ملك: انتي بتعملي إيه؟ ريم: حلوة أوي عروستك دي. ملك: أنا عارفة إنها حلوة، بس مش ليكي. ويا ريت متمديش إيدك على حاجة مش بتاعتك. ريم بحزن: مش هتتكرر تاني. الأم: ملك، ملك. ملك: أيوه يا ماما. الأم: مالك يا ريم؟ زعلانة ليه؟ ملك: عاملة أتحايل عليها تلعب بعروستي، بس مش راضية. ريم بتبص لملك باستغراب. ملك: خدي العروسة أهي، ولازم تعرفي إن ألعابي هي ألعابك. الأم: برافو عليكي يا ملك، أيوه كده. ريم آه بنت خالتك، بس دلوقتي بقيتوا إخوات. الأم: هروح أحضرلكم العشاء وأجي. الأم قبل ما تمشي: متنسيش تدي ريم بجامة حلوة من عندك يا ملكوتي. ملك: حاضر يا ماما. ريم ماسكة اللعبة وبتلعب. ملك: هاتيهالي، ومتلمسيش ألعابي تاني. ريم: بس انتي قولتي قدام ماما. ملك: أوعي أسمعك بتقولي ماما تاني. بعدين دي ماما بتاعتي أنا.