رواية للحب وجوه اخرى الفصل الرابع عشر 14 - بقلم عايدة ابراهيم

اليوم التالى: ذهبت مروة ولارا للمستشفى وبعد فك الجبس. مروة: السلام عليكم ورحمة الله وبركاته. الممرض: وعليكم السلام ورحمة الله وبركاته يا فندم. أقدر أخدم حضرتك إزاى؟ مروة: كنت عايزة أعرف فين الدكتور المسؤل عن جلسات العلاج الطبيعي لإصابات الرجل (القدم) والذراع. الممرض: هتمشى فى الاتجاه دة. الأوضة رقم (... استنى دورك هناك. مروة: تمام، شكرا لحضرتك. ثم ذهبت هي ولارا. وبعد عشر دقائق: الممرضة: الاستاذه لارا، دورك.

مروة: أيوة حضرتك. يلا يا لارا يا حبيبتي. ودخلوا للغرفة. الدكتور: أهلا. اتفضلي أقعدي يا فندم. مروة: شكرا يا دكتور. تامر: العفو يا فندم. ودلوقتي الجبس فكتيه إمتى يا آنسة لارا؟ مروة: لسه فاكينه حالا. تامر: تمام. هي في ذراعها وقدمها صح؟ مروة: آه. تامر: ممكن تقعدي يا آنسة لارا. جلست لارا وبدأ هو الفحص. بعد دقيقتين: تامر:

العلاج كالتالي: التدليك وتعبئة الأنسجة الرخوة لتقليل التورم وتشجيع تدفق الدم إلى المنطقة. وممكن نحتاج تقنيات تمدد لطيفة للمساعدة في إرخاء العضلات المشدودة وتحسين نطاق الحركة في قدمك. مع تقدم علاجك، قد نقوم بعمل تمارين تقوية للمساعدة في استعادة السيطرة على العضلات والاستقرار حول مفصل الكاحل. ولو إحتاجنا الجبائر أو الأقواس لدعم المفصل أثناء التعافي هنستخدمها. نظراً لنطاق حركة كوعك ورسغك وأصابعك، شايف إنك مش قادرة ترفعي ذراعك أو تثني ذراعك. والحمد لله مفيش التهاب المفاصل أو التهاب الأوتار. وممكن نستخدم الحرارة أو الجليد لتخفيف الآلام، وتقنيات التحفيز الكهربائي لاستخاء العضلات. غير الفيتامينات والمسكنات اللي هكتبها ولازم تنتظمي عليها.

مروة: تمام. وبعد ثلث ساعة من معالجته تامر لها، كتب لهم الفيتامينات والمسكنات وذهبوا للسوق بعدما اشتروا لها جبيرة من النوع اللي يخلع أو يلبس متى أرادوا. -راكان: ألو. إزيك يا تامر؟ عامل إيه؟ تامر: الحمدلله كويس. إنتو عاملين إيه والجماعة اللي عندك عاملة إيه؟ راكان: الحمدلله، بيسلموا عليك. إيه معطلك عن حاجة؟ تامر: لأ أبداً. لسه مخلص شغل وكنت على بالي والله.

راكان: ربنا معاك يارب. بص بقى، إنت النهاردة هتيجي معانا. هنقرأ الفاتحة للواد آسر. ولو الجماعة وافقوا هنروح نجيب الشبكة ليه ولطلال ومالك. ولازم تيجي معانا إنت وعمي رجب، بتبقوا من العيلة. تامر: بجد ألف مبروك ليهم. ده أكيد حاضر. هنيجي. أجي عندكوا وأتحرك معاكم ولا أروح على العنوان وأستناكم هناك؟ راكان: بص، هو العنوان بتاعهم (... . شوف الأقرب ليك وإلى يناسبك.

تامر: العنوان اللي إنت قلته ده نفس المكان والعمارة اللي أنا ساكن فيهم. راكان: صدفة حلوة. خلاص استنانا وأول ما نوصل هديك رنة، ماشي؟ تامر: ماشي. وربنا يتممها لهم على خير يارب. راكان: آمين يارب العالمين. وعقبالك كده. -وفي الساعة 4 وصلوا تحت العمارة اللي تسكن بها روفان. راكان: ألو يا تامر. إحنا تحت أهو. قفلنا قدام شقتك وتطلع معانا وإحنا طالعين. تامر: تمام.

آسر: ياله بقى نطلع يا جدعان. انزلوا إنتو قعدتوا ومش قايمين ولا إيه؟ ضرغام: يا عيني يا خويا، الحب ولع في الذرة. آسر: والله يا جدو أنا مش عارف إنت مش طايقني ليه. هو أنا بفكرك بصاحبك اللي كان بيسرق سندوتشاتك وأنت صغير؟ أو بفكرك بالمرحومة؟ ضرغام: يالا يا خويا نطلع، اتأخرنا على الناس. عيل رغاى. ربنا يكون في عونك يا روفان يا بنتي. يا عيني عليكي. آسر: ربنا على الظالم. ماما بالله عليكي ريحيني. هو إنتي متبنياني عشان كده؟

جدو مش بيحبني صح؟ ريحيني. فريدة: 😂 يا حبيبي جدو بيحبك. هو بيهزر معاك. أحب أقولك هو فرحان وبييهزر عشان يمنع دموع فرحته تنزل. 😂 آسر: 😂 عارف. وأنا والله بحبه أوي. ربنا يخليكوا ليا يارب وميحرمنيش منكم أبدا. ❤ ضرغام (عانقه) : ويخليك لينا يا حبيبي. ثم صعدوا وألتقوا بتامر ووالدته. وكانت الشقة المقصودة هي الشقة اللي أمام شقة تامر، حيث كان كل دور في العمارة عبارة عن شقتين متقابلتين. مروة (فتحت)

: أهلا وسهلا، أهلا وسهلا. نورتوا. اتفضلوا. لتطلق ميرا وفريدة ومهيتاب الزغاريط، ومروة معهم. ليدخلوا وضرغام وهو داخل... ضرغام (بصدمة) : مروة، عاملة إيه؟ كبرتي ما شاء الله. بس ملامحك لسه زي ما هي. مروة (بنفس الصدمة) : إيه ده؟ ضرغام؟ الحمدلله. إنت عامل إيه؟ ضرغام: كويس الحمدلله. إنت والدة روفان؟ ما شاء الله قمورة. ربنا يباركلك فيها ويحفظهالك. مروة: تسلم يارب. وحفيدك عسل والله. ربنا يخليهولك. ادخل اتفضل.

دخل ضرغام وجلس معهم. وكان خال روفان والد سامية، الذي سيكون بديل لولي أمرها، وسامية موجودين. وبعد مدة... ضرغام: كنت عايز أطلب إيد الآنسة روفان لحفيدي آسر. وكل طلباتكم هتتنفذ بإذن الله. آسر أصرت عليه يعيش في الفيلا بتاعته، بس هو أصر زي إخوته يعيشوا معانا في القصر وهيكون ليه جناح خاص بيه. وهو عارض أزياء مشهور والآنسة روفان ووالدتها عارفين. معتز (والد سامية)

: وإحنا بنشتري راجل ومش فارق معانا الفلوس. وما إلا آخرة. وسامية لما كانت شغالة معاه كانت بتحكيلي على أخلاقه العالية وخوفه على الموظفين بتوعه. وده طبعاً كان بيعليه في نظري حتى قبل ما أشوفه. لينادي على روفان لتأتي حاملة أكواب العصير وهي متوترة تكاد تسقط الصينية وتضعها على الطاولة أمام الجميع وتقف متوترة تنظر للأرض. فريدة: تعالي يا حبيبتي أقعدي جمبي أنا وماهي. لتذهب بعدما أومأت لها والدتها وخالها بنعم.

معتز: ها يا حبيبتي موافقة؟ روفان (بخجل) : اللي تشوفه يا خالو. معتز: والله أنا موافق يا حبيبتي، بس القرار قرارك إنتي اللي هتعيشي معاه. ودي حياتك. هاة قرارك إيه؟ لينظر آسر بترقب وقلق لها ينتظر إجابتها ليسمعها تقول: روفان: موافقة. لتنطلق الزغاريط ويقرأ الجميع الفاتحة.

ضرغام: تمام. ربنا يتممها لكوا على خير يا ولاد. بس كنت بعد إذنك يا أستاذ معتز، مالك وطلال هيروحوا يجيبوا الشبكة النهاردة. فكنت حابب هما كمان يجيبوها بحيث نعمل فرح كبير ليهم هما الثلاثة. حلمهم وحلمي يتجوزوا سوا. ده لو مش هضايق حضرتك. معتز: بجد ربنا يتممها لكوا على خير يارب. فكرة حلوة. أنا عن نفسي موافق. إيه رأيك يا مروة؟ مروة: اللي تشوفوه يا حبيبي. معتز: موافقة يا روفان. روفان: أومأت رأسها بنعم.

راكان: تامر معلش هتعبك معايا. تاخد عمي معتز وبنته معاك في العربية. لتنتبه له مروة. مروة: إيه ده؟ إزيك يا دكتور؟ عامل إيه؟ يا محاسن الصدف. تامر (بعدما انتبه للأم و تذكرها) : إزيك حضرتك يا طنط؟ ألف مبروك. مروة: الله يبارك فيك يا حبيبي. عقبالك. تامر: تسلمي حضرتك. وأكيد يا راكان ولا تعب ولا حاجة. دي أقل حاجة أعملها. ليذهب الجميع لشراء الشبكة، حيث أحضر مالك وطلال وآسر لفتاته خاتم ألماس وطقم ألماس لجود وطقم ذهب ودبلة ذهب.

جود وميرا لطلال ومالك: ليه كل ده؟ مكفية دبلة وخاتم. طلال ومالك: شششش. دي أقل حاجة. كنا عايزين نجيب الاتنين ألماس، بس ماما وطنط ماهي قالوا نجيب ذهب لأن في ناس بتفتكر الألماس ذهب أبيض أو فالصو (صيني) ونفس الحوار دار بين آسر وروفان. وبعدما أحضروا الشبكة عادوا وتم تحديد الزفاف على أن يكون بعد أسبوع. -بعدما عادت مروة، أصبحت توزع بعض الحلوى والطعام لسكان المنطقة والعمارة. مروة: وديتي يا لارا لسامية كده؟ باقي مين؟

جارنا اللي في وشنا، خدي اديه ده يا حبيبتي. تعبتك معايا معلش. لارا: ولا يهمك يا حبيبتي. حاضر. لتذهب وتطرق باب شقة تامر ليفتح لها. لارا (ولم تنظر له) : السلام عليكم ورحمة الله وبركاته. حضرتك النهاردة كانت قراية فتحة أختي وشبكتها. اتفضل. تامر (أخذ منها الطبق ببسمة) : شكرا يا آنسة لارا. وألف مبروك. رفعت لارا رأسها له: لارا: دكتور تامر؟ إزاي حضرتك؟ إذن حضرتك دي شقتك. ألف مبروك لأصحابك وعقبال حضرتك.

تامر: الله يبارك فيكي. وعقبالك كمان. لارا (بخجل) : شكرا. مع السلامة. وذهبت وأغلقت الباب. أما عند تامر، ابتسم ثم دخل وأغلق الباب. -في مكان آخر: راكان (في غرفته) : تولين، مالك؟ تولين: عايزة رجلي تخف. مكنتش حتة رصاصة. معرفش مش عايزة تخف ليه قبل الفرح. النهاردة حسيت إني معاقة وإنت شايلني وطالع بيه. أمارة وكذلك وإحنا نازلين. راكان: طب والله إنتي بت فقرية. غيرك يتمنى الطلعة والنزلة. 😂 وبعدين حتة رصاصة؟

إنتي متأكدة إنك مريتي على تعليم وجامعة قبل كده؟ لو حد سألك دكتورك كان مين، إوعي تجيبي سيرة. وبعدين بإذن الله هتتحسن شوية على الفرح. ثم ذهب لغرفة تبديل الثياب لتذكره شيئاً ما. لتنظر له تولين ببلاهة: إلى أين ذهب وتركني؟ 😂... ليعود راكان واضعاً يده خلف ظهره. تولين (بحماس طفولي) : إيه ده؟ مفاجأة صح؟ يارب تكون شوكولاتة. راكان: ليخرج لها علبتين قطيفة وعلبة شوكولاتة. تولين: إيه ده؟

يا راكان كتير أوي. ما ذهبي وشبكتي وطقم الألماس بتاع عيد ميلادي جوا كتير. تعبت نفسك ليه. راكان: حبيبتي، إحنا لما اتجوزنا كان غصب عنك. فبالنسبة لي حبيت أعوضك. ولما لقيت دول عجبوكي وهما بينقوا هناك، حبيت أفاجئك بيهم. واعتبريها دي شبكتك، وإلى جوا دي شبكتك بردو. وبعد كده لما أجيبلك حاجة تأخديها وإنتي ساكتة، ماشي؟ تولين (بسعادة قبلته من خده)

: شكرا يا حبيبي. ربنا يخليك ليا وميحرمنيش منك أبدا يارب. ومش عارفة إيه الحسنة اللي عملتها في حياتي ربنا عوضني بيك. الحمدلله. شكرا ليك يارب. ❤ راكان: وميحرمنيش منك يا تولين ويخليكي ليا يارب. وبعدين حبيبي، لأ ده أنا كده أجيبلك شوكولاتة كل يوم. 😂 تولين (بخجل) : يالا ننام. أنا تعبانة أوي. راكان: 😂 يالا يا طماطم. 😂 ليأخذها بين أحضانه ويناما. -تسريع للأحداث:

وبعد أسبوع، في قاعة أفراح فخمة ومجهزة بأفخم أنواع الزينة، يقام حفل الزفاف.

كانت تولين ترتدي فستان أحمر اللون، ضيق من منطقة البطن ومنفوش حتى نهاية قدمها وبه حزام من نفس اللون على حجاب من نفس اللون. كانت غاية في الجمال. أما لارا، كانت ترتدي ما يشبه فستان تولين لأنها تقابلتا واشترياه معاً، ولكن لونه أسود على حجاب من اللون الكافيه الفاتح. كانتا في غاية الجمال والبساطة. بينما راكان كان مرتدياً بذلة سوداء على بنطال أسود وقميص أسود، وتامر كذلك، ولكن جاكت البدلة لونه كحلي.

وبعد مدة أتى العرسان: مالك يرتدي بدلة سوداء وقميص أبيض وبنطال أسود... وآسر بنطال أسود وقميص أسود وجاكت البدلة رمادي اللون... وطلال قميص أسود وبنطال أسود وجاكت البدلة كحلي... وكل واحد منهم يمسك ذراع حبيبته في وضع (الانكجة) ، وتحمل كل عروس باقة الورد خاصتها وتمشي بجانب حبيبها بفستانها الأبيض الجميل. ليدخل العرسان وتشتعل أجواء القاعة بالأغاني ويرقص الجميع. وبعد مدة شغلت أغنية رومانسية ليرقص العرسان (سلو)

. ويأخذ راكان تولين من يدها وينضم لهم، عازماً على تعويضها يوم زفافهم وإسعادها. لتشعر تولين بذلك وتسعد به واهتمامه بها. تسريع للأحداث: وبعد انتهاء الحفل، ذهب طلال وميرا لفيلتهما بعد توديع الجميع الحار لهم، وكذلك مالك وجود. بينما آسر وروفيان ذهبا لقصر راسل نيروز وصعدا لجناحهما... ويناموا من التعب. في اليوم التالي: في المطار، سيسافر آسر وروفيان، سيذهبان لباريس. ومالك وجود لتركيا. وطلال وميرا لإيطاليا. لقضاء شهر العسل.

-تولين: راكان، إحنا رايحين فين؟ راكان: مفاجأة. ليصل بعد مدة لمكان ما. تولين: الله! ما كنت تقول جاي لصاحبك ولا قريبك. راكان: الصبر يارب. تولين حبيبتي، كان نفسي أشتري الأحسن منها بس ملقتش قدامي. دي كانت أحلاهم. هنقضي أسبوع هنا، وبعدها هنروح أسبوع أو اتنين ألمانيا. حسب ما أشبع منك لوحدنا. 😂 وبعدها نرجع البيت وكل شهر هنيجي هنا أسبوعين أو أكثر نقضيهم سوا لوحدينا. الفيلا 👇 تولين: بجد تحفة. إيه ده؟ هنسافر ألمانيا؟

تولين: بجد تحفة. إيه ده؟ هنسافر ألمانيا... هيه هيه. (لتقفز وتسقف بيدها كالأطفال) راكان: 😂 اهدى بس يا طفلة. 😂

تولين: أنا بحبك أوي بجد من وإحنا صغيرين كمان. متزعليش مني من موقف أول مقابلة لينا في الجامعة. معرفتكيش لأني آخر مرة شفتك كان عندك 10 سنين. لما اتجوزتك كان عشان أحميكي. بجد كان في نيتي أصلاً أشيل سوء التفاهم بينا وبعدها أخطبك من جدو. بس للأسف الظروف خلتني اتجوزك غصب عنك. وبالعكس بدل ما كنتي بتحبيني كنتي بتكرهيني. عارفة فاكرة لما ماما قالت: "فاكر لما بوستك في خدك وقلت إنك ملكي وإحنا صغيرين؟

" أنا فاكر كويس. وساعتها على قد ما كنا أطفال، كبرت بحبي ليكي. ولما بطلت أشوفك بقيت يومياً أتفرج على صورك كلها اللي عندي وكنت بتخيل يومياً شكلك لما تكبري. ولما شفتك اتبهرت إني ولا تخيل طلع صح، لأنك أحلى من كل تخيلاتي. ومش بحب تفضلي تقولي على نفسك طرشة، لأني بحبك زي ما إنتي فاهمة. ❤ تولين: كانت تسمعه بأعين دامعة وعشق: وأنا بحبك أوي يا راكان. وعمري ما كرهتك أبداً. بالعكس، كنت دايماً وأنا صغيرة أسأل ماما ليه بطلت تيجي؟

كانت بتقولي عندهم ظروف منعاهم من ده. كنت برضه بتخيلك لما تكبر. كنت بمشي في الشارع أبص حواليا ظناً وتخيلاً مني إني ممكن أقابلك صدفة. ولما اتجوزنا، مش موضوع كنت بكرهك، كنت مصدومة وخايفة إني إعجابي بيك وحبي ليك يكون من طرف واحد، كنت أنا اللي هاخد. فكنت بقنع نفسي إن فترة وهتعدي وإنك أكيد بتحب غيري وهتسيبني. بس والله كنت بحبك أوي. وزاد حبي ليك تدريجياً بعد جوازنا. ليعانقها راكان: بحب غيرك إيه بس؟ الله يسامحك. 😂

ليقضيا معاً أحلى شهر عسل في فيلتهما الخاصة وألمانيا، وتصبح تولين زوجته قولا وفعلا في تلك المدة، ليعيشا معاً في سعادة وعشق. -آسر: روفان، إيه رأيك نروح الملاهي ونتغدى برا النهاردة؟ روفان: ماشي. آسر (ذهب لعناقها) : مش نفسك في أي حاجة؟ روفان: لأ، يكفي إنك معايا. آسر: بحبك أوي يابت. روفان: بت أما تبتك. آسر (رفع حاجبه) : ده اللي لفت نظرك في الجملة؟ روفان: 😂 وأنا كمان بحبك. ❤ آسر

(لأ كده هنكنسل اليوم. روحي البسي بدل ما تكسلي زي امبارح وننام) . ثم غمز لها. روفان (بخجل) : إنت بقيت قليل الأدب على فكرة ومنحرف. آسر: 😂 أنا جوزك على فكرة مش شاططك في الشارع. روحي البسي يا ختي. 😂 ليذهبا معاً ويمرحا ويقضيا أجمل أيام حياتهم. -طلال: انزلي يابت من على السرير. ميرا: لأ، هتضربني. طلال: مش هضربك. قول لي عملتي ليه كده. ميرا: فيها إيه يعني؟ حبيت أصحيك لأنك متعب الصراحة وأنا عايزة أفسحك.

طلال: تقومى مولعة صواريخ تحت السرير؟ لأ وإيه؟ كنتي بتفكري تولعي ولعة في الأوضة تدخن؟ عايزة تولعي فينا؟ ميرا: بس مولعتش نار، فرقعت صواريخ بس. طلال: طب انزلي البسي وهفسحك. ميرا: بتضحك عليا؟ طلال: بصي، دي آخر و أول مرة هسامحك. ماشي؟ ويلا يا زوجتي. (وغمز لها) ميرا (بخجل قذفته بالوسادة وجريت لغرفة التبديل) : يا منحرف يا قليل الأدب. لم نفسك. طلال: صبرني يارب على آخرة صبري دي.

ليذهبا للتنزه وتناول العشاء خارجاً في جو رومانسى وعشق كل منهما للآخر. -مالك: مكفية بقى يا جود؟ كسرتي الأوضة كلها. بصي باقي تحفة جنبك، اكسريها. (لتقذفه جود بها وتفاديه لها. 😂) جود: بقى تكون بتتسلق الجدار في الجيم وبتستعرض بطولاتك وبتنقذ البت بنت المبقعه السلوحة دي وهي عاملة نفسها بتقع؟ لأ وإيه؟ يا عين أمها حضنتك من الخوف يا حنين.

مالك: والله هي اللي مسكت في البنطلون وأنا اضطريت أمسك إيدها عشان البنطلون ميقعش وكاريزمتي تبوظ. يرضيكي جوزك حبيبك كارزمته تروح وبنطلونه يقع؟ قامت هي حاضناني وأنا والله حاولت أشيل إيدها فضلت متشعبطة وماسكة فيا. ذنبي إيه؟ والله عمري ما بصيت ولا هبص على غيرك. إنتي حبيبتي وبس. ❤ جود: لأ ميرضينيش يا عنيا كارزمتك تبوظ. يرضيني واحدة تحضنك غيري؟

مالك: خلاص يا جود. بعد كده هسيب البنطلون يقع ومش هنقذ بنات، هنقذ رجال بس. حلو كده؟ حقك عليا. (وباس رأسها) جود: مش زعلانة لأ. وميرضنيش بنطلونك يقع. بس متخليش واحدة تحضنك تاني. ودلوقتي راضيني وفسحني وأكلني بالمرة. أنا جعانة. مالك: حاضر يا قلبي. ❤ تعالي ننزل ندفع حق اللي كسرتيه وناخد أوضة تانية الأول. 😂 جود: أنا آسفة. مالك: متعتذريش.

وذهبا لدفع ثمن الأضرار وأخذوا غرفة أخرى وخرجا للتنزه وتناول العشاء في جو لم يخلو من المناكشات والمرح والحب. -وفى مكان آخر: اتصل تامر بمروة: تامر: ألو. السلام عليكم ورحمة الله وبركاته. إزاي حضرتك يا طنط مروة؟ أنا تامر، الدكتور اللي الآنسة لارا بتتعالج عنده. مروة: وعليكم السلام ورحمة الله وبركاته يا حبيبي. عامل إيه؟

تامر: الحمدلله. تسلم إيدك على طبق امبارح. أنا جاركم اللي في وشكم، كنت عايز أقول لحضرتك بدل ما تتعبى نفسك وتروحي المستشفى، ممكن الآنسة لارا أعالجها عندكم في البيت. ولو احتاجنا لأجهزة فهي عندي في البيت، كده كده بعالج والدي برضه. حبيت بس أقول لحضرتك بدل ما تتعبى نفسك وتروحي المستشفى بعيد. مروة: تسلم يا حبيبي. مش عايزة أتعبك معايا.

تامر: ولا يهمك حضرتك. أنا في الشغل حالياً. تقدروا تيجوا في البيت، هكون هناك على 6 المغرب كده. مروة: تمام يا حبيبي. شكرا ليك. وبلاش حضرتك دي بقى، إنت زي ابني. ناديني رورو. تامر (ببسمة) : حاضر يا رورو. -يتبع