رواية للحب وجوه اخرى الفصل السادس عشر 16 - بقلم عايدة ابراهيم

راكان: تولين إنتى بقالك يومين وشك مخطوف ونايمه على طول ومش بتأكلى كويس تعالى هوديكى للدكتور. تولين: يا راكان أنا كويسه تلاقينى داخل عليا دور برد أو عندى أنيميا أو ضغطى مش مظبط. راكان: قومى إلبسى. تولين: حاضر بس متقولش لحد حاجه علشان ميقلقوش وخاصه ميرا حامل فى الأول لسه وماما السكر مش مظبط وجدو وطنط مروة ميقلقوش. راكان: تمام حاضر. ضرغام: إزيكم يا حبايبى صباح الخير. راكان وتولين: صباح النور يا جدو.

راكان: هروح أنا وتولين مشوار صغير ونرجع. آسر: آه يا نمس قال صغير قال أوعى تخطف بنتنا دى وراها رجاله وبعدين قلت كدة من قيمه شهر مشوار صغير واختفيتوا ثلاث أسابيع. راكان: إنت ياض هى مراتك مستحملاك إزاى إذا كنت أخوك ومش طايقك وكمان إنت إيش حشرك يا سلام عليك إنت يا عم الرومانسى بتختفوا كل شهر أسبوعين وبعدين بطل نبر بوزك فقر يا ساتر ربنا يستر. آسر: أولا روفان...

عارف إنت المثل إلى بيقول القرد فى عين أمو غزال أمى نفسها شايفانى قرد أما رورو حبيبتى مقولكش بينا كيمياء رهيبه معرفش هى بتحب فيا إيه وبعدين أسبوعين بفسحها ولو أنا بوزى فقر إنت عينك الله أكبر الله أكبر أربعه أربعه على كل جنيه مربعه وبوزى مش فقر بوزى بيجيب الحظ لعلمك. راكان: آه آخذت بالى وأسكت بقى علشان مزعلكش وأديك علقه من بتوع زمان عيب مراتك قاعدة. آسر: أوووووه...

لا خوفتنى بس لعلمك هعمل إحترام لجدو ومش هزعلك لأنك الكبير أولا ثانيا مراتك واقفه وشكلك هيبقى وحش ولأن إيدك ثقيله وأنا عندى تصوير ووشى بسترزق منه. راكان: ربنا يكون فى عونك يا بنتى عليه يعوض عليكى ربنا. آسر: آمين يارب العالمين ويعوض عليكى يابنتى إنتى كمان. راكان: خير يا دكتور. الطبيب: خير إن شاء الله. ألف مبروك يا أستاذ المدام حامل فى ثالث أسبوع وفى توأم. راكان: بجد. الطبيب: أه بجد.

تولين: ددكتور هو فى نسبه إن الطفل يرث عيب خلقى من إحدى والديه مثلا زى قصر سمع أو حاجه ممكن دة. الطبيب: آه ممكن وممكن لأ بنسبه 50٪ ممكن وبما أنهم توأم فممكن واحد يورث وواحد لأ وممكن محدش يورثها أصل. تولين: هل ممكن نكتشف دة وهو فى بطنى. الطبيب: غير ممكن حضرتك أنا آسف العيب الخلقى الوحيد إلى ممكن نشوفه هو مثلا تقوس القدم أو ثنى القدم أو اليد عيب خلقى جسمانى ظاهر.

راكان: ولا يهمك يا دكتور طب هى مش بتأكل وهفتانه ووشها مصفر. الطبيب: دى لأثار الحمل وباين عليها نسبه الأنيميا عاليه جدا هكتبلها بعض الڤيتامينات والمثبتات تمشى عليهم وكل أسبوعين تيجوا للفحص ونشوف نسبه الأنيميا. راكان: تمام شكرا يا دكتور. راكان: تولين متفكريش كتير لازم نفسيتك تكون حلوة ولا إنتى عايزة عيالى يطلعوا نكدين لأ أنا عايزهم ميكس منى على آسر على مالك على طلال وإنتى عايزهم بنتين حلوين زيك أسميهم تالين وتارا.

تولين: وليه ميكونوش ولدين أو بنت وولد. راكان: يا ستى خلاص لو ولدين هسمى أحمد ويوسف لو ولد وبنت هسمى يوسف وتالين. تولين: أسماء حلوة بجد ماشى. راكان: تولين متفكريش فى حاجه حاليا لحد ميجو بالسلامه ماشى وبعدين كل إلى يجبو ربك حلو ثقى فى دة وأنا أسعد حاجه حصلتلى إنى حبيتك وإتجوزتك وحاليا ربنا هيرزقنى بطفلين منك فالحمد لله أشكر فضله.

تولين: معاك حق ونعم بالله العلي العظيم والحمد لله وأنا أحسن حاجه حصلتلى أنو ربنا رزقنى بيك زوج وحبيب حنين زيك. بحبك أوى. راكان: وأنا بموت فيكي ربنا يخليكي ليا وميحرمنيش منك ابدا ياروح قلبي. لارا: إحم بسم الله الرحمن الرحيم خطين أحمر أما أشوف يعنى إيه. أنا حامل أنا حامل هيه. إمم هقول لتامر إزاى عندى فكرة. تامر: هكون أب. هكون أب. تامر: هكون أب يا لارا أنا طاير من الفرحه.

لارا: وأنا كمان هكون أم. بس لازم نعمل تحاليل ونروح لدكتور نتأكد لأن فى نسبه خطأ فى الإختبار دة. تامر: يالا نروح دلوأتى. لارا: الوقت إتأخر نروح بكرا. مالك: بسم الله الرحمن الرحيم بعت لراكان لو مرنتش عليك كمان نص ساعه تبقى أختك عملت فيا حاجه وجاهز للصواريخ والمفاجأت و. يا ماما بسم الله الرحمن الرحيم إزيك يا جود عامله إيه يا حبيبتى حد يخض حد كدة. جود: مش أنا بعمل كدة يبقى فيه. مالك: إذا كان كدة ماشى.

جود: عملالك الأكل إلى بتحبه. مالك: بجد تسلم ايدك ياقلبي. جود: مالك أنا حامل. مالك: بجد أنا هبقى أب أنا فرحان أوى. جود: يتربى فى عزك يا حبيبى. مالك: آميين يارب العالمين أنا وإنتى يا جود. جود: وروفان كمان حامل أنا وهيا كشفنا النهاردة. مالك: مبروك ليها وليكي ياقلبي. آسر: روفان إنتى كويسه مالك حاجه وجعاكى أوديكى للدكتور. روفان: أنا كويسه بس تعبانه لأنى وأخيرا ألف مبروك ياقلبي. أنا حامل.

آسر: بجد. أممم نفسك فى أيه شوكلاته فاكهه أجبلك إيه أطلبى إلى نفسك فيه. روفان: إممم نفسى فى شوكلاته وكرز وفراوله. آسر: ثوانى وهيكون عندك. روفان: ربنا يخليك ليا وميحرمنيش منك ابدا ياروح قلبي. كنت بهظر معاك. آسر: ويخليكي ليا وميحرمنيش منك ابدا ياروح قلبي. ولو دقايق وهكون عندك.

طلال: ميرا والله مش بخونك إنتى هرمونات الحمل ضاربه الأسبوع إلى فلت حلمتى إنى بخونك ومن أربع أيام حلمتى إن أنا عاكست واحدة من قبل ما أعرفك بسنه والنهاردة هوب فاجأه بخونك ومجوز عليكى ومخلف عيال بتهزرى صح. ميرا: آه بتخونى ومش بقيت تحبنى لأنى تخنت وبإكل كتير وبخليك تجبلى شوكلاتات جلاكسى وديرى ميلك.

طلال: وحياه خالتك يا أختى. بت نامى مش فايقلك والكام كيلوا إلى زتيهم دول مش حاجه الدكتور نفسه شاكك إنك مش حامل والأجهزة بايظه والشوكلاتات إنتى يابت هبله دأنا لو أقدر أجبلك النجوم من السما هعملها يا ميرا انا بعشقك فاهمه والله قبلك معرفتش بنت ولا عمرى بصيت لواحدة غيرك أنا بحبك ووبموت فيكي وبعشقك بجنون من قبلك كنت جسد بدون روح وربنا عوضنى بيكى وبإبننا إلى فى الطريق.

ميرا: وأنا بموت فيك أسفه والله معرفش مالى اليومين دول حقك عليا متزعلش منى. طلال: وحد يزعل من روحه بردو. ميرا: بحبك اوى يا طلال. طلال: وأنا بدمنك يا روح قلبي. ضرغام: أخيرا جيتو يالا الشوى جاهز با حبايبى وحشتونى.