رواية للحب وجوه اخرى الفصل التاسع 9 - بقلم عايدة ابراهيم

تولين (تبكي) ماما أرجوكي ردي عليا، متسبينيش. راكان (يقود السيارة) إن شاء الله خير وهتكون كويسة، قربنا نوصل المستشفى. وصلوا للمستشفى، حمل راكان خالته وركض بها للاستقبال. راكان عايزين نقالة بسرعة. موظف الاستقبال حاضر يا فندم... يا إسماعيل هات نقالة هنا بسرعة. أحضر الرجل النقالة ووضع راكان مهيتاب عليها وركضوا بها للغرفة ليفحصها الطبيب. الطبيب اتفضلوا بره عشان أعرف أشوف شغلي. راكان (يمسك يد تولين ووالدته)

يلا عشان الدكتور يشوف شغله. خرجوا من الغرفة ليراها الطبيب. راكان ماما، تولين، دقيقة هدفع تكاليف المستشفى وأرجع بسرعة، ماشي. ذهب ليدفع التكاليف. فريدة (عانقت تولين) متخافيش يا قلبي، إن شاء الله خير. تولين (تبكي) يارب يا خالتو، مش بقيلى غيرها هي وميرا، وإنتوا مش مستعدة أخسر حد منكم. فريدة متخفيش، إن شاء الله هتقوم بالسلامة وترجع أحسن من الأول. عاد راكان لهما حاملًا عصيرًا وبعض الطعام. راكان

ماما، تولين، انتوا مش فطرتوا حاجة، جبتلكوا حاجة بسيطة عقبال ما نروح، وإن شاء الله خالتو تقوم بالسلامة ونرجع نتغدى سوا. تولين مش عايزة، مش قادرة. راكان (حاول مواساتها بطريقة غير مباشرة) هتأكلي ولا أكلك بطريقتي؟ تولين راكان والله مش قادرة، كلي انتي يا خالتو، تلاقيقي جعانة. فريدة (رغم خوفها وألمها على أختها قالت بحب) أنا جعانة أوي ومش هاكل غير لما تأكلي. راكان (بمرح)

وأنا كمان، أخ ياني حاسس إني دايخ ومش هاكل غير لما تولين حبيبتي تأكل. تولين (بضحك عليه غصب عنها) حاضر، بس بطل تمثيل، ومش عشانك، عشان خاطر فوفا حبيبتي. راكان واطي يا صاحبى طول عمرك ماشى. جلسوا يأكلون وتولين قلقة ومتوترة على أمها، وكل دقيقة تنظر للباب عسى الطبيب يخرج ليطمئنهم. وبالفعل بعد خرج الطبيب، فأسرعت تولين وراكان وفريدة خلفها. راكان طمنا حضرتك. الطبيب ضغطها علي وحصلها غيبوبة سكر، وحاليًا علقنالها محاليل. تولين

(بصدمة) عندها إيه؟ حضرتك بتهزر، ماما كويسة، هي معندهاش السكر ولا حاجة، أكيد حضرتك التحاليل غلط، اتأكد. الطبيب حضرتك السكر مش شرط وراثة أو مرض، ممكن يجي بسبب التقدم بالعمر. الإصابة بارتفاع ضغط الدم، أو ارتفاع الكوليسترول، أو ارتفاع الدهون الثلاثية... والقلق والتوتر والخوف الزيادة. وماما حضرتك ضغط دمها عالي. تولين (تبكي هستيريًا حتى أنها نسيت أنها بكلية علاج طبيعي وماهية مرض والدتها) يعني إيه طيب؟

ماما كويسة، هتفوق إمتى؟ راكان (بقلق عليها وخوف على حالتها) تولين اهدى. راكان يعني حضرتك، المرض في أي مراحله، وإمتى خالتو هتفوق؟ الطبيب المرض في مراحله الأولى، وإن شاء الله خير، شوية وهتفوق، ممكن ساعة أو اتنين بالكتير. الحمدلله الحالة المرة دي جت سليمة والغيبوبة مش خطيرة.... وممنوع عنها: الخبز الأبيض. الأرز الأبيض. المعكرونة البيضاء. البطاطا. البطيخ. الأناناس. الدهون المشبعة مثل الموجودة في اللحوم الحمراء.

الدهون المتحولة مثل الموجودة في الحلويات المصنعة والمرغرين. ثم ذهب الطبيب. (تولين جلست على المقعد تبكي، فعانقها راكان) راكان متقلقيش، الحمدلله هي كويسة وهتقوم بالسلامة بإذن الله، والمرض في المراحل الأولى. *** وفي مكان آخر: تامر العويسي باشا، أهلاً برجوعك البيت، وحشتنا يا راجل، أخيرًا افتكرت إن ليك ابن وبيت تسأل عليهم. العويسي بس يا صايع، ولا فاكرني مش عارف عمايلك، أنا ساكت بمزاجي. تامر

لا، اب بصحيح، كتر خيرك، تعالى ارميلي قلم بدل البوقين الحمضانين بتوع كل مرة دول. العويسي بقولك إيه، مش فاضيلك، عايز أنام، أنا تعبان ورايا شغل كتير بكرة. تامر وإنت مسمي القرف اللي انت شغال فيه ده شغل؟ يا أخي اتقي ربنا، انت معندكش ضمير، إزاي ترضى تأكل وتأكل ابنك لحمك ودمك أكل حرام؟ العويسي

يا سلام يا خويا، الإيمان حل عليك، اتقي انت ربك وانجح في الجامعة واصرف على نفسك، أنا مش عايزك، روح عيش لوحدك واصرف على نفسك، أو انضم لي في الشغلانة، فلوسها حلوة. تامر يا أخي حرام عليك، ده انت إبليس يقعد يسقفلك ويضربلك تعظيم سلام. نفسي تيجي تضربني أو تفهمني غلطي، نفسي تحضني حضن أبوي، تقوم قايل لي انضم لي أنا من هنا ورايح؟

بكرهك فاهم، بكرهك وسايبلك البيت، أنا اتغيرت وبحاول أقرب من ربنا، عساه يسامحني. كنت بحاول أصحى فيك حاجة من الأبوة، بس انت معندكش ضمير ولا دم، إزاي بيجيلك قلب تذبح وتقتل ضميرك وأنت بتقتل وتذبح أطفال أبرياء وتحرق قلب أهاليهم والغاليين عليهم؟

حرام عليك، اتقي ربك، تتحرق الفلوس وتولع الدنيا كلها، فانية إلا ربك سبحانه وتعالى وجل عرشه، هتكسب فلوس حرام في دنيتك وتخسر في آخرتك، حسناتك وأعمالك هي اللي هتبقى لك، بس في حالتك حسناتك صفر، فوق بقى. العويسي خلاص، اسكت، اكتم بقى، صدعتلي دماغي، غور، مش عايز أشوف وشك تاني، طول عمرك فقري زي أمك ونحس، ياريتك مت معاه وريحتني. تامر (بألم وحزن) ياريت فعلاً، سلام يا بابا. قالها باشمئزاز وغادر الفيلا. ***

بعد ساعة ونصف، كانت تولين نائمة على كتف راكان في الغرفة التي بها أمها، بينما غادرت فريدة في سيارة خاصة طلبها راكان لها تحت إصرار راكان حتى لا يقلق ضرغام ويتعب ويمرض هو الآخر، حتى تعود مهيتاب ويخبروه لاحقًا. مهيتاب (بدأت تفيق) أنا فين؟ راكان (رفع رأس تولين ببطء حتى لا تستيقظ وأرخها على الكنبة الموجودة بالغرفة والتي تنام عليها تولين وتوجه نحو السرير الخاص بمهيتاب قائلًا لها بحب)

حمد الله على السلامة يا خالتو، كده تقلقينا عليكي، عاملة إيه دلوقتي؟ استنى هجيب الدكتور يشوفك ونشوف لو ينفع تروحي النهاردة. مهيتاب الله يسلمك يا حبيبي، معلش، معرفش إيه اللي حصلي، أوعى تكون قلت لميرا وتولين، هيقلقوا عليا. راكان ولا يهمك، بس قومي بالسلامة... أنا وتولين وماما بس اللي عارفين، محبناش نقلق الباقي، وخاصة جدو عشان ميتعبش، وأنا أصرت على ماما ترجع عشان ميشكش في حاجة، وتولين نامت من التعب والعياط.....

المهم حمد الله على السلامة يا قلبي. دقيقة وجاي. وذهب وأحضر الطبيب لمهيتاب ليفحصها ويرى إذا سيكتب لها إذن خروج أم لا. الطبيب (بعد 5 دقايق) تمام، الحمد لله هي كويسة دلوقتي، المحلول ده يخلص وممكن تروحوا، بس تلتزموا بجرعة الأدوية والفيتامينات والإنسولين اللي كتبتهالكم... وممنوع الأكل اللي قلتلكم عليه. راكان تمام، شكراً يا دكتور، تعبنا حضرتك معانا. الطبيب ولا تعب ولا حاجة، ده واجبي، وحمد الله على سلامتك يا مدام. مهيتاب

الله يسلمك يا دكتور، شكراً. ثم خرج الطبيب. مهيتاب أكل إيه اللي اتمنع عني يا واد يا راكان؟ كله إلا الفراخ والسمك والجمبري والمكرونة البشاميل والجلاش والمحشي والكريب والشاورما.. مش بحب الحلويات، بس كله إلا اللي أنا قلتهم دول. راكان 😂متخفيش يا توتا، مش اتمنعوا عنك، بس ليهم طرق معينة وكميات معينة، خاصة جزئية المكرونات 😂. مهيتاب مش مهم، المهم إني هاكل 😂. راكان قومي لنا بس بالسلامة وهظبطك. تولين

(استيقظت وركضت تجاه والدتها ببكاء) ماما، انتي كويسة؟ عاملة إيه دلوقتي؟ قلقتينا عليكي. مهيتاب اهدّي يا قلبي، أنا كويسة، متقلقيش عليا، الحمد لله على كل حال. تولين الحمد لله. راكان (ربت على كتف تولين) الدكتور سمحلها تخرج مع الالتزام بمواعيد الدوا والأنسولين وتجنب الأكل اللي قال عليه. تولين (بفرحة) بجد يا راكان؟ طب يلا نمشي. راكان 😂حاضر، المحلول أهو قرب يخلص وهنمشي.

وبعد انتهاء المحلول، عادوا للمنزل، وبالطبع اتصل راكان بوالدته لتمهد الموضوع للجميع، وبالفعل انصدم الجميع وقلقوا عليها، خاصة ضرغام وميرا، ولكن طمأنتهم بحالة مهيتاب الصحية، وبمجرد عودة راكان والجميع... ركضوا تجاههم، وميرا تبكي، وضرغام في غاية القلق على ابنته، فأطمأنوا عليها، وطلب ضرغام من الجميع أن يرتاحوا، وخاصة مهيتاب. *** في اليوم التالي:

استيقظ الجميع، صلوا فروضهم، ثم اطمأنوا على مهيتاب، ومنهم من ذهب للجامعة وآخرون للعمل. وبعد انتهاء محاضرات تولين، وذهبت جود للحمام، بينما كانت تولين في طريقها للكافتيريا، فقابلت تامر، حاولت تجنبه ولكن... تامر (بندم)

مدام تولين، استني أرجوكي، أنا بعتذر بجد لكل ما بدر مني، والله أنا آسف وندمان، وعارف إن مهما اعتذرتلك مش هتسامحيني على الأذى النفسي اللي سببتهولك، أنا سبب أفعالي إني كنت بحاول أوعي بابا وأخليه يهتم بيا، بحاول أعمل حاجات طايشة ترجعه لرشده. ولما في مرة استفزيتك وضربني، وقتها كانت أول مرة، فمن ساعتها بقيت أستفزك على أمل إنه يرجع يعاقبني ويوبخني تاني، بس للأسف إمبارح فقدت الأمل فيه، هو فضل شغله عليا وطردني من بيته، واتمنى لو كنت مت مع أمي......

آسف، صدعتك، بس أتمنى تكوني سامحتيني لو بنسبة 1%، وإنتي إنسانة جميلة ومحترمة، وعائلتك محظوظة بيكي، وأستاذ راكان محظوظ بزوجة زيك وبيحبك جدًا على فكرة، ومتسمعيش لكلام أي حد غبي غيران منك ومتنمر وبيتمنى يبقى مكانك، إنه يضايقك أو يكسر ثقتك بنفسك... وأنا كنت من الأغبياء دول، بس قلتلك سببي وبعتذر مرة ثانية، وأتمنى ربنا يسامحني، بجد ندمان أوي، وبدأت توبتي باعتذاري ليكي وصواتي واستغفاري. تولين (بتأثر)

متعتذرش يا تامر، مسمحاك، وإنت كمان متضايقش نفسك، وعاذراك، واعرف إن لو الدنيا دي كلها سابتك، ربنا معاك، ووالدك ربنا يهديه ويرجعه لرشده قريبًا، وأتمنالك التوفيق والسعادة يارب، وأكيد بإذن الله ربنا هيسامحك، وأنا عن نفسي مسامحاك، وربنا هيعوضك بإذن الله، اسعى واجتهد وهتلاقي على قد تعبك. تامر شكراً لذوقك مدام تولين، إنتي إنسانة جميلة بجد وقلبك أبيض..... الآنسة جود جت، أعتذر أنا، مع السلامة، بالتوفيق يارب ليكي وليه. تولين

وليك كمان، مع السلامة. وذهب تامر. جود كان بيعمل إيه الحيوان ده هنا؟ أوعى يكون ضايقك؟ هو جاب آخره معايا. تولين متشتمهوش، تعالي، طلع كويس. وحكت لها كل شيء. جود (بتأثر) يا عيني، ربنا يعوضه ويهدي أبوه، أبوة ده قذر أصلاً، فعلاً ظلمناه، طلع غير أبوه، ربنا يعوضه يارب. تولين ليه، هو ماله؟ أبوها شغال إيه؟ جود (تصنعت الجهل) هااا.. معرفش، إنتي بتقولي أبوه طرده وشغال شغل وحش، فربنا يهديه. تولين ماشي. راكان (جاء لهم مبتسمًا)

يلا نمشي، عملتلكم مفاجأة تحفة هتعجبكم. جود بجد، إيه هي؟ راكان لو قلت إيه هي مش هتبقى مفاجأة، وهتبسطك، إنتي أكتر حد، يلا. وذهبوا معًا حتى سيارة راكان، فوجدوا مالك هناك بسيارته. مالك السلام عليكم ورحمة الله وبركاته. تولين وجود وعليكم السلام ورحمة الله وبركاته. راكان يلا يا جود اركبي مع مالك، وإنتي يا تولين اركبي العربية، ويلا. جود

ماشي، السنجلة جنتلة، يلا يا مالك، من لقى أحبابه نسى أصحابه، الله يرحم، تعالى هخرجك يا جود. وبعد مدة وصلوا لمكان ما. يتبع.